أخبار حواء:
«    »
                            

                 

قديم 23-10-1427 هـ, 08:57 صباحاً   #1
pampered child

محررة فضية
 
الصورة الرمزية pampered child
 
تاريخ التسجيل: 20-12-1426 هـ
المشاركات: 3,430


كل ام عندها طفل بعمر السنه الى سنه ونص تجي ابيها

اهلين
اخباركم
حبيت اكتب الموضوع هذا عشان نفيد بعض بالاكلات اللي نعطيها لعيالنا
كل وحده ياليت تقول عمر بنتها او ولدها وتعلمنا وش تعطيها من الاكلات ووشي الاكلات اللي تحس انها تفيد وتمتن
ووشي الاكلات اللي مايحبها طفلها
عموما ببدا بنفسي


عمر بنتي سنه وشهرين تقريبا

عدد الرضعات : اعطيها باليوم 3 رضعات تقريبا
استخدم حليب نيدو بالعسل
مااحاول اكقر عدد الرضعات عشان يكون لها شهيه بالاكل

اذا قامت الصباح افطرها
احيانا اعطيها زبادي
او توست بجبن صب عليه شاهي<<<على حسب المزاج احيانا ماتبيه
واحيانا بيض مسلوق
والظهر اعطيها رضعه



واذا جاء وقت الغداء اغديها
احيانا شوربه كويكر
او شوربه جريش
او رز مو شوربه
او جريش
او سليق
او شوربه مع مكرونه مع شوي رز اخلطهم مع بعض


واذا جاء العصر اعطيها عصير او رضعه


واذا جاء العشاء اعشيها اي نوع من نفس الاصناف حقت الغداء اللي ذكرتها فوق


وقبل وقت النوم اعطيها رضعه وفي الليل اذا نامت مااعطيها رضعه ابد الى لين تقوم من بكره
اذا صحت من النوم وبكت تبي رضعه اعطيها رضعه فيها مويه وبس مااعطيها حليب


بالنسبه للاشياء اللي اشتريها لها من السوبر ماركت
اشتري لها دانينوا بالفراوله زي الزبادي بس صغير
امس انا في السوبر ماركت شفت حليب بالفراوله من نادك شريته لها بس لسى ماجربته افكر اعطيه اياها في العصر بس عساها تتقبله لان مزاجها صعب مو اي شي تحبه

السيريلاك ماتفكر تذوقه ماتحبه ماادري ليش
المهلبيه كانت تحبها بس مدري وش جاها ماعاد تحب تاكلها
وكريم الكراميل نفس الشي ماتحبه
بسكوت الاطفال الخاص اللي مع الشاي او الحليب ماتحبه<<<مغلبتني مو كل شي يعجبها

تموووووووووووووت بالبفك عرفتوه هذا البطاطس اللي اسمه فش فاش او بفك بس انا مااحب اخليها تاكله احسه مضر مره

ماتحب الشوكولاته
احيانا تحب الموز واحيانا لا <<<مزاجها يجيب الهم
تحب عصير البرتقال



وهذا اللي جاء ببالي
يالله عاد دوركم علمونا وش نظم عيالكم مثل مافصلت لكم
وياليت تعلموني الاشياء اللي تمتن وتقوي مو شرط تكون دبه بس ابيها قويه


pampered child غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 23-10-1427 هـ, 09:08 صباحاً   #2
درة البحرين_947

محررة ذهبية
 
الصورة الرمزية درة البحرين_947
 
تاريخ التسجيل: 06-06-1425 هـ
المشاركات: 4,723


بنتي عمرها سنه و 14 يوم
احاول كثر ما اقدر إني ما اكثر الحليب عندها وخاصه بالليل
اعطيها بس رضعه وحده وساعات ما اعطيها الحمد الله


والاكلات إلي اعطيها

الفطور :

افوح لها كوسه وبطاطس واهرسها لها واعطيها إياه
او
جزر وكوسه ونفس الطريقة
او
بيض


الغذاء :

اهرس لها بطاطس ورز ودجاج او لحم وكوسه واهرسه لها واعطيها
او افوح لها خضره بس واعطيها


العشه

اهرس لها خضره مع إي نوع من البروتينات



وبين الوجبات اعطيها فواكه
اعطيها قطعه تفاح او جزر واعطيها بإيدها واخليها تتعلم تاكل بنفسها بس طبعاً انه جالسه معاها علشان ما تغص فيه
او اعطيها دانينو إلي مثل الزبادي
و اعطيها كل يوم وجبه من السيريلاك على الساعه 3 العصر يعني بين وجبه الغذاء و وجبه العشاء


درة البحرين_947 غير متواجد حالياً رد مع اقتباس

قديم 23-10-1427 هـ, 02:31 مساءً   #3
ام قودي

محررة
 
تاريخ التسجيل: 12-01-1427 هـ
المشاركات: 1,917


انا بنتي عمرها سنه ونص
تجيها حالات ترفض الاكل ..حسب المزاج يعني المزاج حاله مشتركة بين الاطفال
بس انا حبيت اقولك اشياء ان شاء الله تفيدك
1- مثل ماقالت درة عوديها تاكل بنفسها مثل انك تعطيها شي بيدها او اجيب لها صحون ملونه واقطع اللقمة واغرسها بالشوكة(شوكة اطفال) واناولها لها بتتشجع تاكل

2- حلو لو تشرب بالكوب بنفسها ابو مزاز عشان ما تتوسخ ملابسها لو كان كوب عادي

3-حاولي انها تاكل من اكلكم اليومي عشان تتعود الطعم لانه بعد السنه مافيه ضرر من اي اكل حتى الاكلات مثل البيض

4- عوديها تمضغ!! لانه فيه اطفال يتعودوا على البلع زي الاكل المهروس ولا عاد يعرفوا المضغ حتى لو كبروا!!!


ام قودي غير متواجد حالياً رد مع اقتباس

قديم 23-10-1427 هـ, 04:35 مساءً   #4
أم طلال و لين

كبيرة محررات
 
الصورة الرمزية أم طلال و لين
 
تاريخ التسجيل: 24-01-1423 هـ
المشاركات: 7,924


مرحبا

انا بنتي عمرها تقريبا سنه وخمس شهور
وعادي اكلها من اكلنا وهي عمرها 9 شهور

يعني الصباح
ساندويش جبنه كاسات او كيري او مثلثات
كورن فيلكس
او اي نوع من انواعه
احيانا بيض بس مو كل مره تتقبله

الغدا
من الغدا اللي احنا ناكله
يعني مكرونه بالباشميل
رز وملوخيه او اي نوع من انواع المرق
شوربه
فطاير سبانخ او جبنه

العصر
اما موز
او اللبن الزبادي اللي بالفواكه
جلي او كاسترد او مهلبيه
العشاء
تحب الاندومي احيانا اعمله لها
واحيانا اعمل لها ساندويش
مع حليب الصافي
لاني فطمتها من الرضاعه


سلاااااااااااااام


أم طلال و لين غير متواجد حالياً رد مع اقتباس

قديم 23-10-1427 هـ, 08:03 مساءً   #5
um hana2

كبيرة محررات
 
الصورة الرمزية um hana2
 
تاريخ التسجيل: 03-10-1427 هـ
المشاركات: 6,517

مميزه 8-1428هـ
مميزه  8-1428هـ


بنتي عمرها سنه و3 شهور
اذا صحت عطيتها حليبها ((ماتروق الين تشربه هههههه))
وبعدين بعدها بشوي
اعطيها يا كورن فلكس
او بيض (مسلوق او مقلي عادي او توست مغمس ببيض- او بيض بطماطم وخضار)
او ساندوتش جبن وسلطة فواكه
او اذا صحينا كلنا سوى تفطر معانا
ومع اي وجبه من هذول زبادي فواكه ...كل يوم نكهه تحبه مره

والغداء
تاكل معنا (رز-خضار-مكرونه-سلطات-شوربات----الخ)
واحيانا ازيد لها شي يناسبها اذا صار الاكل دسم بزياده ولا فاست فود مافيه فايده

والعشا
تاكل معانا بعد
ولا اسويلها اكله خفيفه
او عصير فواكه طازج ثقيل

وبين الوجبات اذا صار ما ناكل الا وجبتين في اليوم
اعطيها مووز -كيك خفيف او
اعطيها بسكوت خاص للاطفال
زي هذا (تعرفونه كلكم)

او

او


وماشاءالله عليها بنتي اخاف عليها احيانا
شهيتها مفتوحه هههههه
ما اعطيها شي وترفضه ((اللهم لك الحمدل والشكر صحتها زينه))

اللهم اني احمد واشكرك -- اللهم احفظ لي بنتي واحفظ لك ام عيالها --
آآآآآآآآآآآآآآآآآآآآآآمين


um hana2 غير متواجد حالياً رد مع اقتباس

قديم 24-10-1427 هـ, 01:28 صباحاً   #6
PINEAPPLE

محررة
 
الصورة الرمزية PINEAPPLE
 
تاريخ التسجيل: 23-02-1424 هـ
المشاركات: 1,719


أنا عند ي بنت قد بنتك وولد عمره سنة...


يحبون الدانينو وتري التوت أطعم شئ...والزبادي السادة...يشربون حليب روناجرو... والأكل من أكل البيت يعني ياكلون مع الناس مالهم شئ مخصص...أحياناً أخلي الشغالة تسلق لهم ماش وتأكلهم... يشربون حليب بالفانيليا وعصير منجا.. طبعاً العبوات الصغار أحسن شئ...عندي البنت تحب الزيتون عشان كذا أشتري لها دايماً الزيتون الأسود بدون بذر... والولد الله يهديه يموت علي الليمون...
أحاول قدر الإمكان ما أعطيه علي إن الليمون يكافح الأمراض...دايماً يقولون إن الليمون ما يخلي الطفل يتكلم بسرعة.. ما أدري عاد صدق و إلا أي كلام..
طايحة هالأيام أعطيهم سمن بري وعسل... قلت لعل وعسي...


PINEAPPLE غير متواجد حالياً رد مع اقتباس

قديم 24-10-1427 هـ, 02:38 صباحاً   #7
pampered child

محررة فضية
 
الصورة الرمزية pampered child
 
تاريخ التسجيل: 20-12-1426 هـ
المشاركات: 3,430


دره البحرين
مشكوره على مرورك
حتى انا احيانا اخليها تاكل بسكويت من نفسها او تفاحه اقطعها واخليها تمسكها او خيار
بس لااااااااازم ارجع البسها من جديد لانها تحوس نفسها حوس
ياملحها بس

ام قودي
نصايحك حلوه ومفيده مره
مشكوره على مرورك


ام طلال ولين
من جد فاطمتها عن الرضاعه حرام صغيره على الاقل لو بس مره او مرتين باليوم
انا صرت استخدم نيدوا لها من صار عمرها سنه بس ماافكر افطمها حاليا عنه احسها صغيره على الفطام
طبعا انا مارضعها طبيعي بس صناعي


ام هنا
من جدك تعطينها سلطات احس توها صغيره على السلطه
كيف تمضغها
بالنسبه لي بنتي ماطلع لها الا سنين تحت بس
خخخخخخ

باينبل<<<عجزانه احول الكيبورد انجليزي خخخخ
شكلك مخبطه كيف عندك بنت زي بنتي وولد عمره سنه
يعني بالله كم بينهم
حملتي وولدتي بشهرين
خخخخخخ
انا بنتي عمرها سنه وشهرين تقريبا
اكيد انتي مضيعه بالعمر تاكدي ياقلبي

ياعمري ولدك يحب الليمون احس انه قوي شوي على معدته

ومشكوره على مرورك


pampered child غير متواجد حالياً رد مع اقتباس

قديم 24-10-1427 هـ, 02:48 صباحاً   #8
بطني يوجعن

محررة ماسية
 
الصورة الرمزية بطني يوجعن
 
تاريخ التسجيل: 07-10-1427 هـ
المشاركات: 5,278


هلا يوخيتي انا عندي بنتين عمرهن سنه ينفعون والا لازم وحده ههههههههه
نظامي نفس نظامك بالظبط الصبح الساعه 7 رضعه << شيل وحط مع هالحليب اول شي نيدو وجاب لهن امساك همن بروجرس ابو ريحه شينه
المهم الصبح 7 رضعه والساعه 11 فطور مثلا سيريلاك كبده بيض او خبز وجبن مغطوط بشاهي او زبادي اللي يحصل
همن رضعه الظهر همن الغدا رز او مكرونه اوخضار واحيانا شوربه بس مايحبونه ابد
وبعدي نالعصر رضعه او عصير داناو او زبادي بالفراوله او المنقى او كريمه دانيت اي شي من هالخرابيط
بعد\ين بالمغرب رضعه وعلى الساعه 9 او 10 العشا يارز او فاكهه او مكرونه يعني اللي يطري على بالي وبعدين الساعه 1 رضعه وخلاص ههههههههههه
واللي اشريه من السوبر ماركت البسكويت اصابع للي فيه سكر عشان لا صاحن اسكتهن او كيك امريكانا او فش فش او حلاو مصاص << شفتي بناتي مب سهلات يمصن مصاص
ويعني كل يوم انوع لهم من هالخرابيط

واذا على الاشياء اللي تسمن ياليت تفيدونا وحده من بناتي وزنها 7 تخيلي مافي امل تسمن عكس اختها يعني اختها وزنها ماشاء الله احسن شوي بس هذي مجننتني مدري وش اعطيها عشان تسمن لا وفوق كل هذا مالها اسنااااااااان ابد<< افكر بالكيماوي الزراعي مافي الى هو ينفخها خخخخ


بطني يوجعن غير متواجد حالياً رد مع اقتباس

قديم 24-10-1427 هـ, 02:58 صباحاً   #9
pampered child

محررة فضية
 
الصورة الرمزية pampered child
 
تاريخ التسجيل: 20-12-1426 هـ
المشاركات: 3,430


بطني يوجعن

اعجبني اسمك
الله يخلي لك بناتك يارب
ويهون عليك حملك
انا بنتي بعد تحب المصاص بس مااحب اعطيها اياه هو والفش فاش احسه بسد الشهيه ماعاد تبي اكل بس تبيه

وبعدين احس بنتك وزنها كنه قليل سبعه كيلو والا يتهيا لي

ياعمري مشكوره على مرورك ونورتي موضوعي


pampered child غير متواجد حالياً رد مع اقتباس

قديم 24-10-1427 هـ, 03:38 صباحاً   #10
okok

عضوة
 
الصورة الرمزية okok
 
تاريخ التسجيل: 09-08-1424 هـ
المشاركات: 156


لكم تحياتي كلكم
انا ولدي عمره سنه وثلاث شهور
بالاول كنت اعطيه اكل مهروس وياكل بشراهه ولكن الحين قمت اعوده على اكلنا ولكن قلت شهيته للاسف ... والحمدلله على كل حال
الجدول :
اعطيه ثلاث ارضعات باليوم الى اربع .. اغلبيتهم بالليل ووحدة بس العصر
الفطور .. قيمر ومربى .. او فواكه مشكله .. او بيض
الغدا : مثلنا رز ومرق .. او جريش يحبه تبارك الرحمن ..
العشا : ايضا مثلنا بطاط اجبن ..فاصوليا ... جريش .. مثل عشانا عادي..
بين الوجبات اعطيه روب دانينووو .. او عصير .. او خبزه فاضية يحبها .. بفك ..
من فتره بسيطه عطيته فتح شهيه ومغذي بنفس الوقت واحس ان مفعوله طيب .

هذا المجمل اليومي بس للاسف ما يكمل شي كل شي ياكله شوي ويقوم .. واللي يذبحني ان كل شي بالمساحل يعني ما ياكل بروحه الا بقصه وروايه

تحياتي للكل وربي يحفظ أطفالكم كلكم


okok غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 03:03 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook