كوبونات الراقية تسجيل الدخول

دمعة منصبة

نقصت 40 كيلو في ثلاثه اشهر الي تبي الطريقة تدخل

علاج السمنة والنحافة •



بسم الله الرحمن الرحيم
اول شي احب اقول لكم ان هاذي اول مشاركه لي
وشفت ان المنتدى دايما حماس فحبيت افيدكم بتجربتي
فسمعوا قصتي وكيف قررت انحف نفسي بعزيمه حديديه

في يوم من الايام وللحين ما نسيته امي كانت في السوق وشافت بنطلون جينز مو حلو بس عجبها و و شرته لي طبعا بتستغربوا وش الي عجبها فيه لهدرجه وصحيح انه ما كان فيه شي اصلا حلو ويخلي الواحد يشتريه بس كان مقاسه مرره كبير وامي فرحت انها شافت بنطلون ممكن انه يكون مقاسي ولما جت البيت كانت واثقه انه اوكي علي بس انا لما شفته كان مقاسه مررره كبير قلت لها مو لهدرجه بس جربته وطلع ما يدخل نصه :( وكتأبت كيف ان هذا المقاس ما يدخل علي اصلا :22:
وبعدها وانا الي عمري ما سويت رجيم صرت مستحيل ارجع اكل مثل الاول

واتبعت الرجيم التالي

الصبح : تفاحه او كوب حليب قليل الدسم من دون سكر او كوب عصير برتقال طبيعي طبعا والافضل تاكلي البرتقاله بدون ما تعصريها "تحذير " ( عدم شرب العصير الجاهز حتى لو كان بدون سكر )



الظهر : خضار مسلوقه او في الفرن( جميع الخضروات ما عدا البطاطس والجزر ) مع صحن سلطه
او ربع صدر دجاجه مشوي او مسلوق وطبعا منزوع الجلد قبل الشوي او السلق
او قطعة لحم مشويه بحجم نصف الكف مع صحن سلطة



العشاء : زبادي مع خيار او بيضه مسلوقه مع خيار وطماطم او شوربة خضار بدون شوفان
او حبيتين فاكهه ( جميع انواع الفاكهه ما عدا الموز والمنجا والفراوله والمشمش )


ملاحظه : مشي في اليوم على الاقل نصف ساعه وكل ما زاد الوقت كان افضل المشي اجباري "

وبقيت على هالحال ثلاثة اشهر لين ماصرت غصن البان:26:


وجربوا وصدقوني ما راح تندموا
وانا جاهزه لأي استفسار


:)
289
100K

يلزم عليك تسجيل الدخول أولًا لكتابة تعليق.

تسجيل دخول

شو عبالي
شو عبالي •
ماشاء الله عليكي
الف مبروك على النزول


ويعطيكي العافيه على الرجيم
الوفاء الخالد
الوفاء الخالد •
الف مبروك النزول وعقبالنا يارب
بس نصيحه من تجربة الحفاظ على الوزن اصعب بكثثثثثير من نزوله
رسيل
رسيل •
ما شاء الله عليك مبروك التخلص من الأربعين كيلو..
لكن كم كان وزنك وكم صار بالضبط.. علشان نتشجع..
fatooma
fatooma •
هاى : هذى اول مشاركه لى
وحبيت اسال هالرجيم بدون رياضه
ونفس الاكل كل يوم
:42:
دمعة منصبة
دمعة منصبة •
السلام عليكم

للاخت رسيل وزني كان 98 وصار بين ال 56 و 55 ومع العلم ان طولي 165
fatooma
الرياضه مو لازم بس اهم شي المشي لأن الرياضه صحيح تنسق الجسم بس اذا تركتيها راح تتعبين وانا مجربه هالشي وبالنسبه للأكل ففي عدة خيارات على كيفك انتي اختاري الي تبي
بس ضروري ما تزيدين على الكميه شي