10-09-1427 هـ, 03:42 مساءً
كيفية العناية بالسمك ؟؟ وإطعامهم ...

السلام عليكم ورحمة الله وبركاته ..


امس اشتريت حوض سمك كبير وجاء فيه عشر سمك بس ... وعندي نية ان شاء الله اني ازودهم لان الحوض كبير !!

لكن ... كيف اعتني بهم ؟ لاني اذا حطيت كم حبة جت سمكة وحدة واكلتهم كلهم لانه خبلة واخاف تموت بعدين من كثر الاكل !
وبنفس الوقت ابي كل وحدة تآكل , يعني وش السواة ؟؟

الله يقلع الغباء بس !
خخخخخخخ معصبة
10-09-1427 هـ, 04:08 مساءً
هلا اختي.. انتي ضيفي الأكل بشكل طولي مع حجم الحوض يعني وزعي الأكل لا اتحطينه كله فنفس المكان.. وبالنسبه للنظافه لازم تنقلين السمك قبل تنظيف الحوض الى حوض ثاني وبعدين تبدين اتنظفين الحوض.. والله يعينج لأن السمك صج حلوين بس الحوض الكبير متعب
10-09-1427 هـ, 09:13 مساءً
مشكورة يا قلبي
لكن الحوض اللي عندي فيه فتحة وحدة , يعني تتوقعين احطهم على دفعات يكون احسن !!
وبالنسبة للتنظيف فيه فلاتر , وراح اغير الموية كل 3 أشهر ان شاء الله
او على حسب الموية !

مشكورة !!



ان حكـوا فينـي بـ وجهـي .. أو حكـوا بـي مـن وراي ..
مـالقـوا غيـر البيـاض اللي قهـر سـود الظنـون ..!
10-09-1427 هـ, 09:21 مساءً
العناية بحوض السمك


* حوض الأسماك:
- قد تكون تهوى تربية الحيوانات أو الطيور، لكن ماذا عن تربية الأسماك ...


أظن أنها أفضل الهوايات علي الإطلاق لأن الأسماك أكثر وداعة من أي كائنات أخرى تقوم بتربيتها.

- وخطوات الاعتناء بالسمك لا تتطلب سوى حوض وماء وبعض التجهيزات البسيطة التي تشبه البيئة الأصلية له في البحر من ماء ورمال وأعشاب:

1- يوضع فلتر تحت التربة الموجودة في الحوض من الحصى والرمال التي تستقر في أسفل الحوض.

2- يوصل خرطوم للهواء بواسطة أنبوب ليصل إلي مضخة الهواء. ووظيفة هذا الفلتر هو إدخال الهواء للحوض ثم طرد المخلفات تحت التربة حيث تتحلل الفضلات إلي مواد غير سامة.

3- تغسل التربة من آن لآخر ثم توضع في الحوض مرة أخرى مع تجديد الماء.

4- يزين الحوض بنباتات بلاستيك أو حقيقية وبعض التماثيل الصغيرة أو الخشبية (بعد التأكد من صلاحية استخدامها في الحوض).

5- عند وضع الأسماك لأول مرة في الحوض، يكون ذلك في كيس بلاستيك مملوء بالماء لمدة ساعتين وتترك لتطفو علي سطح الماء في الحوض، وإذا لم تقم بهذه الخطوة فسوف يتعرض السمك للصدمة والموت عندما تضعه في الحوض مباشرة.

6- الاستعانة بترمومتر الحوض لاختبار درجة حرارة الماء وعما إذا كانت ستلائم السمك أم لا، وإذا وصلت إلي العلامة الخضراء فهذا دليل علي الأمان للسمك.

7- تستخدم الإضاءة النيون مع حوض الأسماك.

8- ويوجد نوعان من الأسماك، نوع يستقر في القاع والآخر يطفو علي السطح. الأول يقدم غذائه علي شكل كريات صغيرة من الطعام يتناولها وفي نفس الوقت يعمل علي تنظيف القاع من أية رواسب توجد به، أما النوع الثاني فقوام غذائه الأطعمة التي تطفو علي السطح.

9- الحرص علي راحة السمك، فالبعض ينام أثناء أوقات النهار والبعض الآخر أثناء الليل.


موفقة

متى ما غابت عنكم مزايا إنسانة فحللوها وسامحوها
11-09-1427 هـ, 07:36 صباحاً
هلا اختي بس ثلاث شهور كثيره مره
ماراح تتحملين الريحه
ولا لون الماء
عندنا تقريبا كل ثلاث ايام ضروري يتغير الماء
ومع ان فيه فلتر بس
الماء يتغير لونه بشكل ويصير لهم ريحه

وفيه ممكن تجيبين السمك اللي ينظف الحوض
جيبي وحده تكفي او ثنتين
اسمها الله يكرمك السمكه الزباله

والله يعينك على التنظيف

دعواتكم لي ... بظهر الغيب هو مااحتاجه




11-09-1427 هـ, 04:24 مساءً
مشكوووووووورين , والله دعيتلكم من قلبي !!!!!!!!

منى /
واااو يعني لازم انظفهم كل ثلاث ايام والحوض كبير شوي وعليه ديكور , الله يعين بس !!

حنا قبل امس شارينهم وقال لنا صاحب المحل كل ثلاث شهور ,, الله يعين ...

لكن ايش شكل السمكة الزبالة , هل هي سوداء وطويلة خخخخ
كأنه شكل القرش بس صغير مرهـ وحركته سرريع
حنا عندنا ثنتين منهم واشوفهم ما يآكلون معهم ما ادري ليش ؟؟

اتمنى تردين علي بأسرع وقت والله يوفقتس



ان حكـوا فينـي بـ وجهـي .. أو حكـوا بـي مـن وراي ..
مـالقـوا غيـر البيـاض اللي قهـر سـود الظنـون ..!
11-09-1427 هـ, 06:58 مساءً
ايه يا اختي السمك الزباله ( وانت بكرامه)
يكون طويل ويلتصق بالحوض وحركته سريعه
هذا ينظف لك الحوض ومسالة التنظيف ا
انا كنت انظفه كل ثلاث ايام
اجيب وعاء ملئ بالماء وانقل السمك فيه
واخليه لمدة ساعتين فيه وانظف الحوض ومحتوياته بالكلور
وبعدين ارجع السمك بعد الساعتين طبعالكن
لقيت السمك كل اسبوع تموت وحده ولما سالت قالولي
انت تنظفينه كل فتره
قلت ايه قال لا على الاقل كل شهرين مره
انا كنت اعطيه الاكل مرتين باليوم
وهذا غلط اعطيه مره باليوم وعندي 24 سمكه
وتقريبا ملعقه صغيره وسلامتك
واي استفسار انا موجوده
11-09-1427 هـ, 07:46 مساءً
ههههههههههه ياحبي لتس , انا واخواني بس نطقطق بالحوض نبيه تتحرك بس تلزق , هههههههه
وله شوارب صح , خخخخخ عرفته , اخوي يقول هذا قرش بس مابلغ هههههههه

مشكورة يا قلبي , وحنا كل من دخل البيت حط لهن أكل , اغدين اصير انا بس اللي اعطيهم !!
الله يعين ,,!

لكن ابسئلتس عيوني , اذا حطيت الاكل تآكل الوحدة كثير وبعضهن مايآكلن شي , ما ادري وراه خبلة بس تآكل ؟
واخاف عليه تموت بعد . اكرهـ الغباااء

لكن بالنسبة للسمك , وش افضل نوع و لون ؟؟



ان حكـوا فينـي بـ وجهـي .. أو حكـوا بـي مـن وراي ..
مـالقـوا غيـر البيـاض اللي قهـر سـود الظنـون ..!
12-09-1427 هـ, 02:40 صباحاً
صحيح السمكه الزباله لونها اسود

اعذريني على التاخير

دعواتكم لي ... بظهر الغيب هو مااحتاجه




09-01-1428 هـ, 06:21 مساءً
اممم بنات سؤال محيرنا :
انا كاتبة هالموضوع من فترة اول ماشرينا الحوض , وكنا نحسبه كل ثلاث اشهر ..
لكن تبين لنا انه كل اسبوعين على الكثير اووووف الله يعين بس

اللحين المشكلة ايش :
يصير في الاحجار اللي تحت زي القطن بس لونه بني ويصير الماء مو صافي مره ..
والفلتر يكون فيه قطن او شاش صح , حنا اول ماننظفه يتغير لون القطن ..!!

ما ادري وش البلاء ؟ وحنا ننظفه بماء عادي يعني لازم شيء معيّن , طيب الكلور ايش ..

ساعدوووني وقولي كيف تنظيفكم فديتكم والله ..
تسوون خير فينااااا وان شاء الله امي بتدعي لكم اذا شفتوا وش المشكلة اللي حنا فيها



ان حكـوا فينـي بـ وجهـي .. أو حكـوا بـي مـن وراي ..
مـالقـوا غيـر البيـاض اللي قهـر سـود الظنـون ..!


الساعة الآن 06:57 .

جميع الحقوق محفوظة - عالم حواء - 2015