اليوم جايبتلكن أكلة شامية ولو أنه يمكن مو كل الشوام بيعرفوها لأنه احتمال يكون أصلها تركي وشبيهة نوعا ما بالشيش برك كمقادير بس الطعمة مختلفة ورهييييييييييييييييبة يعني أنا شخصيا بحبها أكثر من الشيش برك وهي أسهل نوعا ما وانا متأكدة أنه اذا دقتوها ما بتنسوا طعمتها بحياتكن...
مقادير العجينة
طحين
ماء
ملح
مقادير الحشوة
بصلة مفرومة ناعمة
لحمة مفرومة ناعمة
ملح-بهار
سمنة
مقادير أخرى
لبن سائل (روب)
ثوم
صنوبر للزينة
سمنة
الطريقة:
نحضر الحشوة بوضع القليل من السمنة في المقلاة ونقلي البصلة الناعمة ثم نضع اللحمة المفرومة فوقها والملح والبهار ونتركها حتى تبرد
نحضر العجينة من الطحين والملح والماء حتى تتماسك جيدا ثم نتركها نصف ساعة حتى ترتاح (تعبت المسكينة من كتر الدعك :hahaha: ) ونحضر صينية ونرش فيها قليل من الطحين لوضع أقراص العجين المحشوة باللحمة المقلية مع البصلة على الشكل التالي:
بس ملاحظة كل ما كانوا صغار كلما كان أفضل لانها بتكبر بعد السلق متل مارح تشوفوا لاحقا وملاحظة تانية لا تكتروا حشوة بقلبها لأنها بتنفزر عند السلق..
اذا حسيتي انه الكمية طلعت كثيرة شوي بامكانك رفع جزء منهن الى الفريزر للاستعمال لاحقا بكل سهولة:
بعد الانتهاء من تحضيرهم نضع طنجرة ماء وملح ونقطة زيت زيتون على النار لسلق أقراص العجين ونضعها في الطنجرة بعد غليان الماء مثل سلق المعكرونة و نتركها حوالي ربع ساعة وهنا نستطيع تذوقها لنعرف اذا استوت أو تحتاج دقائق أخرى:
عند الاستواء نضعها بالمصفاة حتى نصفيها تماما من الماء:
ثم نضعهم في جاط غميق شوي:
ونسكب اللبن البارد المخلوط بداخله 3 أسنان ثوم وملح حتى ينغمروا ومنكون محضرين ملعقتين سمنة حامية في المقلاة ونسكب السمنة الحامية فوق الجاط ونرش البهارات والصنوبر المقلي لتصبح كالشكل التالي:
وهي عن قريب مممممممممممممم
بذمتكن مو منظر بياخد العقل.....شورأيكن؟
أمانة اذا جربتوها وعجبتكن تدعولي بالذرية الصالحة في القريب العاجل
mmmmmmmmm
insha allah bnjarebha wa ned3elik:)