اولا .. حابه اشارك بالحلى هذا بالمسابقه
ثانيا .. اتمنى يعجبكم
بسم الله
الطريقه هذي من عقلي يعنى المقادير حطيتها بالبركه من غير قياس الكميات او بإضافة المواد ..حاولت اكتبها لكم مثل ما سويت التشيز كيك بالضبط
المقادير والطريقه
الطبقه الاولى
3 علب بسكوت شاي اولكر ( او اي نوع ) مطحون ويعجن مع 2 اصبع زبده ذايبه و2 علبه قشطه
(اذا لاحظتى ان عجينة البسكوت لينه جدا ضفى زياده بسكوت)
رصيها بصينيه حجم وسط واضغطى عليها حتى تستوى طبقه متساويه وحطيها بالفريزر
الطبقه الثانيه
في خلاط الكيك:
4 باكيت دريم ويب
2 قشطه طازجه المراعي
1 قشطه التاج
نص علبه نستله كبيره
2 علبه بسكوت اولكر (مطحون ناعم مسبقا)
3 ملاعق كبيره جبنه بيضاء اي نوع انا استخدمت المراعي
1 باكيت جلي توت
ملاحظه :
اذا كانت الخلطه خفيفه يعنى سايحه جدا اضيفي بسكوت مطحون ودريم ويب حتى يثخن القوام)
توضع ثلاث ارباع كمية الطبقه الثانيه على عجينة البسكوت
الربع الباقي تضيفين له نقط من عصير الفيمتو + نص باكيت جلى توت بحيث يصبح لونه اغمق من الطبقه الثانيه
ثم تضاف اخر طبقه وتضغطينه حاجه بسيطه على الطبقه الثانيه بالملعقه بحيث يمتزج اللونين بشكل خفيف يعنى مايبين انه طبقتين منفصلتين
وتغطينه بقصدير كوووويس وبالثلاجه لليوم الثانى او بالفريزر لمدة 4 -5 ساعات
نجي الحين لتقطيعه
خذى قطاعه على شكل قلب او تقدرين تستخدمين علبة الكرافت اصغر حجم وتقطعين اول حبه طبعا بتنشال معك بالقطاعه
اول شي قبل ماتطلع لك القطعه من خارج القطاعه امسحى الزوايد من الكريمه بحافة سكينه
بحيث يكون سطحها مستوي وبتلاحظين ان اللونين واضحين معك الوردى الفاتح والغامق مدموجين بشكل خفيف
لتزين
زينها زي ماتحبين بقطع فراوله او شوكلاته بيضاء او سودا مثل ماهو ضاهر بالصوره
اختى الصغيره هي اللى زينته ان شاءالله يعجبكم تزيينها :wink2:
وهذي بقية الصور
شكلها روووووووووووووووووووووووووعه
ربي يسلم ايدينك