يوميات فطور بيتنا بهالشهر الفضيل وبالصور :) ..

رفيعةالشان • 17 سنة

ludi :

ما شاء الله ...... الله يعطيك الف عافيه على المجهود الراااااائع و لا يحرمنا منك ......:) :26:

ما شاء الله ...... الله يعطيك الف عافيه على المجهود الراااااائع و لا يحرمنا منك ......:) :26:

ماشالله عليييييييييييييييك غرومه

ربي يسلم ايدياتك ويخليك لاهلك:)

فـواغي • 17 سنة

رفيعةالشان :

ماشالله عليييييييييييييييك غرومه ربي يسلم ايدياتك ويخليك لاهلك:)

ماشالله عليييييييييييييييك غرومه ربي يسلم ايدياتك ويخليك لاهلك:)

حبيبتي بغيت أعرف كيف طريقة لف السمبوسه ؟

عشان أنا يوم ألفها تطلع كبيره .. شوفي كيف سمبوستي كبيره :(

و أنا أبغيها تكون صغيره أو وسط زي سمبوستكم :)

:26:

يارب تسامحني • 17 سنة

اختي دورت على بوبي سيد الي حطيتيها على خلية النحل ما لقيتها انا رحت قسم البهار ...؟
ومشكوره

غرومة.. • 17 سنة

مــــــاشــــــــاء الله تـبــــارك الرحـــــمـــــن

اليوم الثالث عشر من رمضان المبارك ولله الحمد والشكر..
اليوم كان عندنا جدتي وخالتي أم يوسف وعيالها فديت قلبهم واخواتي حبايبي عساني ماأفقد أحد منهم يارب العالمين ، وخليناها تسويلنا مسقعة مثل مالت أمس من لذتها وصورتها بالخطوات :42: ..

وهذي صورة سفرتنا اليوم :) ..

شوربة العدس بالقرع من أمس بس زدناها ماء وخليناها تغلي..

سلطة خضراء لذيذة وخفيفة ..

المقادير:
خس مفروم
خيار مفطع ناعم
طماطم مفرومة
نعناع مفروم ناعم
زيت وليمون وملح
دارسين وفلفل اسود ونعناع مجفف

الطريقة:
تخلط المقادير وتقدم..

سمبوسك خضار

غرومة.. • 17 سنة

للأسف يابنات :( أنا المرفقات اللي احملهم على عالم حواء اكتفت ووصلت للحد الأقصى "19.9 ميقابايت" فراح أحمل من Google والفضل بعد الله للغالية صافي الود يعل وجهها ماتمسه النار ساعدتني واااااااااايد وماقصرت وياي بأي شي ..

سلطة الجرجير بالجبن لذيذة ..

المقادير:
جرجير قطعيه خشن جدا "مجرد تقطعين الروقة اثنين او ثلاث"
طماطم شرائح رفيعة "وشيلي اللب اللين اللي فيه حبيبات"
رمان
جبن أبيض مفطعة مكعبات صغيرة
2م ك نعناع طازج مفروم
رشة صنوبر مقلي ومبرد "اختياري"

التتبيلة:
3 م ك زيت زيتون + م ك خل أبيض + م ك ليمون + م ص فلفل أسود + ملح + م ص بابريكا + م ك نعناع ناشف مطحون ناعم

الطريقة:
اخلطي المقادير وصبي التتبيلة وقلبي ثم رشي الصنوبر على الوجه ..

خضار سوتيه على البخار ..
أنا استخدم في عمل الخضار جهاز الطبخ على البخار وهذي صورته..

المقادير:
حضار "جزر ، بروكلي ، زهرة ، طماطم ، فليفلة باردة وكوسا " مقطعة ومغولة
زبدة
ملح وفلفل أسود

الطريقة:
ضعي الخضار في مصفاة فوق ماء يغلي وحطي الزبدة والملح وغطيه وخليه لحد مايستوي وبس تحطينه بطبق التقديم رشي عليهم فلفل أسود و شوبة ملح..
وهذي صور عمله..

مرق اللحم بالخضار المشكلة والبطاطس..

المقادير:
لحم بعظم
خضار مشكلة مجمدة
بطاطس مقطعة مكعبات
طماطم مفرومة
بصل
صلصة طماطم
ملح وماجي وبهار لحم
ماء ساخن
2 فلفل حار بدون تقطيع للنكهة الطيبة

الطريقة:
قلي البصل ثم اللحم والفلفل ويقلب لحد ما يتغير لونه ثم الطماطم وشوية ماي وقلبيه ثم الخضار والبطاطس وباقي الماء والصلصة والبهارات وخليه لحد ما يستوي على كيفه..
وهذي صوره..

+3