صبغة لتغيير لون ديكور المطبخ

ممكن بالألوان الزيتية الدهان ..
إما بطريقة الرسم .. أو المسح .. أو الضرب ويكون متماوج وألوان ثلاثة أو اثنين حسب ذوقك ..

الله يجزاك خير الجزاء ويجعلة رب العالمين في موازين حساناتك راح اجرب الزيتية وعلى الله تمسك في الالمنيوم واخاف اذا مسحت الديكور تبدا تروح من كثر المسح

اهلين والله اختي قبل كذا كان وده اتغير لون المطيخ حقها راحت حق الالمنيوم وغيرت بسب خشب حق الباب وخلت الاطراف مثل ماهي بدون تغير كان مطبخها زيتي وفضي الاطراف شالت الخشب لي بنص الباب خلته ليموني طلع مره حلوه جربيها

زهور ماعندي والله شي وماابي اوهقتس وماجربت اصبغ ابد

لكن فكره ندى حلوه لان انا مطبخي فيه بعض الابواب لون اخر اخضر مع بني دمج
الوان الباب وطالعه حلوه والادراج بعد لونها بني والباقي اخضر فمهتي علي او لا

وابي تقولين وش سويتي من تغيرات ببيتس عشان استفيد ودي اغير بيتي بعد انا قبل رمضان

انتظرتس

اشكركن جزيل الشكر لسرعة الرد علي :26: الاخت ندى والاخت وجدان ترى ما فهمت يعنى لازم اودي الديكور ويصبغة لي والايغير اجزاء من الديكور اعيدن ما فهمت :eek: بالنسبة للبيت استفدت من ها المنتدى الكثثثثثثير فمرة قريت عن الفورنيت انة للبلاط يلمعة وانا من سكنت بيتى وانا افرك بها المطبخ ولايصيرفية لمعة جربت كلوركس وصابون وليفة حديد ولكن ما شفت اللنمبة تسطع على الجدار لكن اشوف عتمة شوي لان البيت كانوا ساكنينة ناس قبلي فمع الغبار وبخار الطبخ تشمع على الجار قلت قصة الحياة:) المهم ما جاب نتيجة الا الله ثم فورنيت واللة تقولين توني ساكنة البيت جديد اسطعت اللنمبة وحتى اذا اخذت شى من المطبخ وبغت اطلع اشوف احد يمشى معى واخترع ولما التفت اثاريها صورتي عاكسها البلاط واقعد اضحك على نفسي :hahaha: حتى الحمام الله يكرمك بخيتة وغرفة اعيالي غيرت اماكن الاسرة والدوليب والمكيفات قبل كنت اطلع السفجة واغسلها وارجعها والوجة امسحة هو في محلة وقالتلي وحدة فكي وجة المكيف كلة واغسلية قلت ومن يفكة لي يا حسرة قالت انتي قلتلها وشلون ورتني مسمارين يمين ويسار المكيف فكيتهم وغسلت المكيف طلع يهبل :) اما طريقتى القديمة والله المكيف اشهب علشان السفنجة ما تقدر تدخل زي الاء يتغلغل :26: احنا جلستنا فيها كنب والقعدة الثانيةجلسة ارضية قمت باستبدالهم مع بعض حتى الستاير نقلتهم ابغى الجلسة في رمضان ارضية فكان فية تغيير وجبت بعضالاشجار اللي في البيت وغيرت محلاتهم وشريت لبنتى اللي في ثالث شرشف صلاة مع سجادتة بس ما غلفتها ابغى اهديها اياة ليلة رمضان مع بعض الكتيبات اللي عندي وابو الشباب جبت لة مصحف صغير علشان يقرى فية وهو في العمل واخذ اجرة وماراح ينساها بس لحد الان ما غلفتها وابغى ادور لي كلمة حلوة حتى القيها عليهم ليلة رمضان وادور مسابقات واسئلة عن رمضان حتى اذا حلوها اهديهم هداياهم بشكل حلو لانى اذا عطيتهم الهدايا من دون حل اسئلة ولامسابقات ابغى اموت من الضحك على نفسى امدلهم الهدية في جو صامت بيغمى على:09: وعندي فوانيس قديمة وقمت ومشيت عليها بمحدد الزجاج باللون الذهبي يعني قبل سادة قمت خليته كاروهات طلع تحفة بس ما وريتهم مابغى اطلع بعض شغلاتى للعائلة الاقبل رمضان بيوم وعلى فكرة مفرش الطاولة مشيت علية بمحدد الزجاج رسمت في كل زاوية هلا ل واللي حولة نجوم بس انتبهي لاتغسلينة لانة يروح :26: خلاص خلصت واذا سويت شي جديد اقولك:26: