السعودية - الدمام91
مدرسه رياضيات ومواد
علميه وقدرات ومتابعه الابتدائي الفصل الواحد لي ماده 150فقط
السعودية - الرياض
ام محمد خبيرة دلكه
حلاوة حمام بخار برامج عروس نفاس مخفض دلكات للبيع خلطات تنظيف بشره خبره
           
           
إضافة رد
 
أدوات الموضوع انواع عرض الموضوع
قديم 15-08-1427 هـ, 03:09 صباحاً   #1
نبض الوفا

محررة فضية
 
تاريخ التسجيل: 26-10-1425 هـ
المشاركات: 3,925


سويت تسريحة كنت اتمناها .. وغصب عن خشم شوشتي ..

مساء النور عزيزاتي ...


اول شي احب اقول لكم كل عام وانتو بالف خير وصحة وسلامة يا رب
بمناسبة رمضان دري بدري بس ابي اكون اول من يبارك ...
يا رب تبلغنا عظيم الاجر فيه وتبلغنا ليلة القدر يار ب

بنات انا من زمان كان ودي بتسريحة كيرلي ناعمة وحلوة ( مو الاندومي لا انعم منها ) يعني تشبه الويفي .. بس للاسف مستحيل اسويها بنفسي ورحت مرة مشغل ما ضبطوها لي .. ياست ... لمن تحقق حلمي وسويتها قبل امس وطلعت شي خيااااااااااال .. وربي ما تخيلت هالنتيجة ..

اول شي بقول لكم طبيعة شعري كيف .. شعري جاف خشن والشعرة نفسها ضعييييييييفة وخفيفة وتتطاير بسرررعة وطبعا حريصة اني مااهلكه بالسشوار وغيره .. رغم كذا .. سويت تسريحة زي هذي

7
7


انا اقول لكم كيف سويتها
ماستخدمت لا موس ولا جل ولا غيره .. بس مكواة .. توي شاريتها جديدة هذي صورتها :


اول شي بتكلم عن مزايا هالمكواة الي خلتني ماندم اني شريتها ..

المزايا :

1- تقدرين تتحكمين بدرجة حرارتها ( من 80 سي -210 سي )

2- تنعم الشعرة وتعطيها لمعة مررة حلوووة وبدون نفشة ولما تخلصين تحسين شعرك ثقيل وهاجد

3- تروح كل تجعيدة او طعجة بشعرك .. بنات مدري اذا بعضكم يسير معه زيي مرات والله استشور الغرة .. ولما ارفعها على ورى اشوف كسرات صغيرة من عند منابت الشعر هذي مررة اتعب معها .. اجلس اسشور واستشور تنحرق جبهتي وهي ما راحت ... لكن والله يوم استعملت هالمكواة انها وربي مافي ولا ربع كسرة ولمعة تجنن سرت اقدر ارفع غرتي وانا واثقة ...

الحين اعلمكم كيف سويت التسريحة ..

باختصار ...

غسلت شعري بشامبو جففته لين صار مندي .. يعني رطب بس ما ينقط موية ..

( تحطين الفوطة على راسك تخلينها 10 دقايق ) مسحته بالسيروم .. بعدين

استشورته على السريع باي سشوار تسكوم او الاسود اي شي .. على السريع بس
عشان تفردين الطعجات .. بعدين جبت هالمكواة .. مسكت خصلة خصلة وقمت

افردها فيها وطبعا امسك من الجذور ( ما راح توصل الفروة ابدا مستحيييييييل لانها

تمسك الشعر بس ) ... لمن خلصت شوفو اهم خطوة سويتها وطلعت لي

خصل روعة زي الي بالصورة فوق ...

بعد ما تنفرد الخصلة ..امسك الخصلة بالمكواة من بدايتها .. واقوم ابرم المكواة

نفسها والشعر بين طبقات السيراميك وانتبه ما يطلع الشعر

من بين الطبقات .. ابرمها وانا مسكرة المكواة واشد شوية عشان انزل ....


يعني تحطين الخصلة من بدايتها بين طبقات السيراميك

.. تسكرين ..

تبرمين وانتي مسكرة المكواة

وبنفس الوقت لازم تشدين عشان يمشي البرم على الخصلة كلها ..

وانتبهي لا تطلع الخصلة عن السيراميك ..


عموما هي اول مررة ممكن تكون صعبة .. بس بعدين راح تتعلمين لها ..

وهكذا مع باقي الخصلات .. لين تخلصين من شعرك كله ..


وروحي شوفي شكلك بالمرايا كيف .. وسلامتكم هذي هي الطريقة ..

طبعا ممكن تخلينه كذا .. او ترفعينه او تحطين شباصات او اي

اكسوووار ويطلع شكلك احلا واحلا ...

لكن طبعا بذكر لكم مساوئ هالطريقة .. مع ملاحظاتي واقتراحاتي ...

مساوئها :

1- راح تطولين خصوصا لو شعرك طويل لو كان يتعدى الكتف راح تاخذين اقل شي ساعة بس الله مو احسن من الساعة الي تجلسين فيها تستشورين الشعر وبالاخر يكششششش .. ! على الاقل بهالطريقة تطلعين بنتيجة حلوة ..

2- ممكن تعورك يدك خصوصا الاماكن الخلفية من شعرك راح تتعبين اكثر معها خصوصا جذوها فانصحك تركزين السشوار عليها ..

3- الكيكة الي انتي حاطتها بالفرن تبي تحترق من كثر منتي مبسوطة وتطالعين الخصل بالمرايا ههههههههههههههههههههههه امزح بنات هذولي العيبين الوحيدين بهالطريقة

ملاحظات :

1- لازم يكون شعرك ناشف لما تجين تفردينه بالمكواة .

2- تصحيح معلومة الي تقول ان المكواة تقطع الشعر كلامها صحيح الى حد ما ... هذا بالنسبة لمكواة المعدن يا بنات هي الي تقطع الشعر ولا هي حلوة بس السيراميك هي الي ما تعدم الشعر ولا تضره ..
يعني استخدميها وانتي مرتاحة

3- مو شرط تشترين نفس المكواة الي انا حطيت صورتها .. اذا عندك اي مكواة يتوفر فيها شرطين تقدرين ترى تسوين نفس التسريحة فيها والشرطين هم :
1- لازم المكواة تكون سيراميك ..
2- لازم تكون صفيحة السيراميك مو عريضة ضيقة شوي كل ما سارت ضيقة كل ما كان احسن ..

انا اشترطت تكون سيراميك لانه احسن للشعر من المعدن ولا يحرقه وغير كذا الشعر ينزلق على السيراميك اسرع من المعدن .. ولا كان سوينا نفس التسريحة الي فوق بالفير وانتهينا !
( ياااااااااااااااااا رب يخترعون فير سيراميك كان نغدي وش زيننا ههههههههه قولو امين )
وغير كذا انا اشترطت تكون مو عريضة عشان يكون اسهل للبرم .. اصلا المكواة العريضة ما تقدرين تبرمينها

اقتراحات :

1- بالنسبة للبنات الي شعورهم منابتها ناعمة بس الطعجات تبدا بعد 3 سم من الجذور اذا ما ودكم تستعملون السشوار تقدرون تلفون الشعر طاقية وتشدونه وتخلونه نص ساعة او ساعة بس لا تطولون عشان ما ينشف الشعر ( النتيجة تسير احلا لو سار بالشعر رطوبة بسيطة ) بعدين تفردون بالمكواة بس عيب هالطريقة راح تطول الوقت عليك ..

2- عشان تضمنين اللفات تبقى وقت اطول بالشعر بخيه سبراي تثبيت من بعيد لا تقربين عشان ما يسير يابس ... او اذا تبين لمعة اقوى ... بخيه من بعيد ببخاخ من شركة una
اسمه : spray shine
وبالعربي مكتوب لمعان فوري لون العلبة اصفر ... البخاخ هذا ريحته حلوة يعطي شعرك لمعة كنه مزيت بس لا تبخين من قريب يا بنات لانه يهجد الشعر بخي من بعيد بس ....كان ودي احط لكم صورة بس ما لقيت والله

على فكرة بنات نقدر نسوي نفس التسريحة بالفير العادي بس خصوصا ان شكله لولبي ويساعد اكثر ان الخصل تطلع مبرومة بس مثل ما قلت لكم ما يصلح لانه معدن والشعر ما يتزحلق عليه بسهولة راح يتقطع عشان كذا قولو اااااااااااامين يا رب يخترعون فير سيراميك ) وغير كذا انتبهوووووووووووووووو حتى لو انها سيراميك وما تضر الشعر انتبهو لا تطولون وانتم حاطينها على الشعر خصوصا لو ضبطتوها على اعلا حرارة هنا بينعدم الشعر ..

بالاخير بنات يا رب تكونون استفدتو واتمنى صادق دعواتكم لي بتيسير اموري ..


نبض الوفا غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




15-08-1427 هـ, 03:46 صباحاً
#2
هلا اختي ياريت تقولين من وين شريتيهاا وبكم سعرها والله يعطيك العافيه


رد مع اقتباس
((فجرالعيد)) غير متواجد حالياً  



15-08-1427 هـ, 03:49 صباحاً
#3
المشاركة الأصلية كتبت بواسطة ((فجرالعيد))
هلا اختي ياريت تقولين من وين شريتيهاا وبكم سعرها والله يعطيك العافيه
حبيبتي هذي شفتها بقناة الاعلانات ... سعرها 295 ريال ... تتصلين على رقمهم
ويوصلونها لك هي واي جهاز ينعرض .. رقمهم 4769191


رد مع اقتباس
نبض الوفا غير متواجد حالياً  



15-08-1427 هـ, 03:58 صباحاً
#4
تسلمين حبيبتي وانا نفسي اسوي نفس التسريحه بس شعري ناااعم بس ****لله اشتريه وتضبط معاي يعطيك العافيه


رد مع اقتباس
((فجرالعيد)) غير متواجد حالياً  



15-08-1427 هـ, 01:09 مساءً
#6
تسلمين يالغالية الله يعطيك العافية درت الرياض كله مالقيت حقة السيراميك
لقيت المعدن واشتريتها وياريتها بالنهاية تنعم الا خرطي احترك شعري وهي
ماتسوي شيء ..





مشكورة على طريقتك وشرحك الحلو وكلامك الأحلى


رد مع اقتباس
رهوفة غير متواجد حالياً  



15-08-1427 هـ, 02:36 مساءً
#7
حلو..انا اسوي كم خصلة وتنكسر يدي واكل بالتسكوم>>>>>>>>>>>>كسلااااااا اااااااااانة..
على فكرة..في فير دائري عادي انا اشتريته من اكسترا وسيراميك كمان..وروووووووووووووعة..ضيعوا اخويه الله يهديه بسب اشتري غيره ان شاء الله..واذا تبغيها تطلع بحجم اكبر بخي بخاخ تكثيف من لوريال بروفيشنال..واذا تبغيها للسهرات حطي جل مائي>>يعني مظهرمائي..ودايما اجرب لحالي في البيت خصل..واذا جيت اخرج اسشور والسلام..ههههههههههههههههههههه ههههههههههههههههههههه


رد مع اقتباس
كن قويا!!! غير متواجد حالياً  



15-08-1427 هـ, 02:50 مساءً
#8
مشاء الله روعه..
هي موجوده باليومارك؟؟


رد مع اقتباس
دلوعة زوجها غير متواجد حالياً  



15-08-1427 هـ, 03:03 مساءً
#9
ماشاء الله على الشرح الوافى الكافى الكامل المتكامل هههههه
بجد موضوعك روووووعة جدا و احب الناس اللى يشرحوا و يخلوا كل شئ واضح من البداية
الله يوفقك و يرزقك احلى و انعم و اطول و اكثف شعر


توقيع

إن قلـــــــت مُت !!!!

و إن سكت مُت !!!!!

........



قُل و مُـــــت !!!!!!!!


برتولت بريخت


رد مع اقتباس
zohra غير متواجد حالياً  



16-08-1427 هـ, 06:11 مساءً
#10
((فجرالعيد))

الله يسلمك ويخليك يا عسل وباذن الله راح تضبط ... نورتي موضوعي ..

ناااعمه بس خوااافه

الله يسلمك ويخليك يا عسل

رهوفة

حبيبتي اذكر في بنات قالو انهم لقو حقة السيراميك ( غير حقتي ) بساكو واكسترا بس افضل تتصلين عليهم قبل وتسالين .. والمعدن صدقتي ترى عندي وحدة والله ما جربتها الا مرة بس ...

سلمتي على طيب مشاعرك حبوبتي

كن قويا!!!

ما شاء الله اضافة حلوة منك يا عيوني انتي .. بجرب الجل المائي وادعي لك يا عنوني انت .. والفير السيراميك باذن الله بروح اشتريه لاني احسه يطلع الخصل احلا من المكواة ... اشكرك من قلبي اثريتي الموضوع بهالمعلومة الحلوة وبمرورك

دلوعة زوجها

والله مادري سراحة ممكن لو مريتي عليهم تسالينهم ..

zohra

العفو حبوبتي انتي انا الي اشكرك على المرور الي عطر موضوعي وعلى المشاعر الحلوة كله من طيبك يا عسل


رد مع اقتباس
نبض الوفا غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 05:28 .