02-08-1427 هـ, 12:25 صباحاً
السلام عليكم
كيف حالكم
بغيت أسأل بنات الرياض والسويدي بالتحديد عن افضل طبيبة نساء وولاده
وياليت تردون علي بأسرع وقت وجزاكم الله عني كل خير
02-08-1427 هـ, 12:59 صباحاً
هلا أختي
يعني لازم السويدي ؟؟
فيه طبيبة ممتازة بس مو بالسويدي .. ومو بعيدة مرة عن السويدي
الدكتورة قريب من الشميسي .. ما أعرف اسم الحي بالضبط بس أذكر انه قريب من
مستشفى الشميسي
اسم المستوصف ( مستوصف الخزان ) والطبيبة اسمها عزة
بس هالأسبوع ما بعد خلصت إجازتها
خذي رقم المستوصف من السنترال ,, واسأليهم متى بتخلص أجازتها بالضبط
وادعي لي..

ملاحظة : لا يغرك الحي إللي فيه المستوصف ولا شكل المستوصف أنت روحي
واسألي الحريم إللي ينتظرون دورهم عشان يدخلون عليها وشوفي كيف بيمدحونها
وترا ناس يجون لها من أقصى شمال الرياض ( أعرفهم شخصيا)
02-08-1427 هـ, 01:28 صباحاً
فيه مستوصف اسره المجد الدكتوره سودانيه اسمها احلام
مررره ممتازه بس عليها زحمه تعور راسك الا اذا رحتى الصبااح ودقى عليهم بعد يمكن عندها حاله ولاده
02-08-1427 هـ, 08:04 صباحاً
مشكوره مابغيت أسجل
فعلاً الطبيبه عزه سمعت عنها كثير بس ماكانت على بالي
الله يجزاك خير
02-08-1427 هـ, 08:07 صباحاً
مشكوره أختي soosa2005
الحمدلله أسرة المجد قريب من بيتي ولادريت عنه
03-08-1427 هـ, 02:03 صباحاً
اختي الدكتوره عزه اللي في الخزان تعالج لتأخر الحمل كويس لاني قبل كذا جربت الدكتوره سميره في مستوصف الخزان بس احس انها ماتدري وين الله حاطها عندي تكيس شديد وتقول عادي مايمنع الحمل وجلست تعالج هرمون الحليب وتركت التكيس يعني تعرفون احد عالج عندها للحمل وحمل والا بس متابعتها للحمل كويسه
03-08-1427 هـ, 02:49 صباحاً
بنات أنا اراجع عند الدكتوره أحلام من معي
خلونا نتعرف أقل شيء إذا رحت أنتظر أقعد اسولف مع أحد أعرفه
03-08-1427 هـ, 03:07 صباحاً
أختي محبوبة الكل انا ودي اراجع عندها بس قالولي زحمه فظيعه وش رايك؟
03-08-1427 هـ, 04:04 صباحاً
يمدحون الدكتوره ميرفت في المستوصف الخليجي في السويدي شبرا وانا مراجعاتي عندها وما شفت منها الا كل خير
03-08-1427 هـ, 05:47 صباحاً
تعالي بدري وخذي رقم مبكره ولا يصير زحمه .. أو روحي لها الصباح فااااضي مرره أكثر شيء أروح الصبح .. أنا أراجع عندها حمل بس مدري وين بولد فيه .. ودي بدله وودي بالدكتوره لأني لقيت وحده من المراجعات تجي من الشمال تقول تحسفت يوم ماولدت عندها والله والحين تراجع عندها بعد الولاده .. وأنتي أختي بنت الكليه وش عندك حااامل ..


الساعة الآن 08:11 .

جميع الحقوق محفوظة - عالم حواء - 2015