مادري شسمي الموضووع بس معلومه هامه للي شعرها كان كثااافه وصار صلعه

صباح الخير بناااااااات اشلونكم ؟؟

موضووعي من العنوان لأن شفت بنات وااااااااايد يقولون شعري لما كنت صغيره كان كثافه والحين مافي غير جم شعره !!

ويمكن وايد منكم غافلين عن هالشي .. فحبيت افيدكم..

خواتي ،، الي شعرها قبل البلوغ كان رووووعه من ناحيه الكثافه .. وبعد البلووغ اعتفس شعرها ..

ابي اسالها عن الدورة عندها .. منتظمه او لأ ؟؟

بنات ترى الدورة المو منتظمه والله والله والله تعفس الشعر .. وانا ما اقول جذي من حجي سمعته ، لا هذا الشي صاير حق اكثر من وحده من اهلي ..

وبقولكم عنهم وحده وحده ..

1- اختي : لو يصير جان احط لكم صورة شعرها اول وصورته الحين ..
اول كانت فلبينيه الشعر اسود كثافه ونعوومه ، والحين باااااااااهت فراغات من جدام وخفيف مثل ذيل الفار ..
بلغت وعمرها 14 وبعدها بأشهر بدا الشعر يتساقط واخترب ..
تغذيتها مافي احسن منها ، صج ماتاكل العيش والمجابيس وايد ، بس السمك والسلطه ماتتركهم ..
دورتها معفوسه، مرات تييها 7 ايام وبعدها تقعد جم شهر العاده متقطعه، يعني 3 ايام تنزل ويومين توقف ..

امي تعبت معاها قومي اوديج المستشفى مو راضيه .. اخيرا قبل اسبوعين اقتنعت وراحت .. الدكتورة بعد ما سألت وسوت لها فحوصات طلع عندها تكيسات على المبيض اهيا الي عافسع الدورة .. وهالشي يسبب تساقط الشعر خاصه من مقدمه الراس وبكثثثثثثره .. وشعر الجسم يزيييد ويطلع بسرعه ..

السبب : لأن يكون عندها خربطه في الهرمونات ويفرز هرمون الذكورة اكثر، وعشان جذي الشعر يبتدي يطيييييح خاصة من جدام << مو الرياييل جذي وهرمونات الذكووره قاعده تنفرز اكثر !!
والسبب في هذا اهو خربطه الهرمونات والتكيس الي على المبايض ..


2- رفيجتي : هم نفس الشي شعرها اول روعه والحين مسكينه خفيييييييييف .. ونفس الي يصير حق اختي ، عندها خربطه في الهرمونات ، الدوره معفووسه والشعر يطيح بغزااااارة ومن جدام كله فراغات.. راحت المستشفى ونفس الكلام الي قالوه لأختي قالوه لها .


3- عماتي (ثنتين) : عندهم السكر والدوره مو منتظمه كلش .. ونفس الشي لما صغار شعرهم مافي عليه ، والحين والله ان وحده منهم احسها شوي وتصلع لأنها هامله موضووع الدوره والشعر، والثانيه راحت تتعالج عن الدورة والشعر والحين الحمدلله رجع شعرها احسن بوااااااااااااااايد من اول ماشالله ..


ف حبيت بس انبهكم يا بنات الي دورتها مو منتظمه وشعرها وااايد يطيييح خاصتن المقدمه تروح تستشير دكتورة امراض نسائيه مو جلديه .. عشان تتأكد من الهرمونات وهذا اهم شي ..

ورفيجتي الي قلت لكم عنها الدورة منتظمه لي ما صارت 17، لما صار عمرها 17 اعتفست وبدت معاها سالفة الشعر وحتى جسمها مع انها ما تاكل شي بس مسكيييييينه وااااااايد صايره متينه وهم من هرموناتها الي انعفست ..


وسامحووني طولت عليكم ، بس اهم شي انكم استفدتوا ،، حتى لو ماتردون على الموووضووع بس على الاقل وصلت المعلومه لكم :)