السعودية - جميع دول الخليج
كتاب نكهة الاطباق
كتاب طبخ رائع يحتوي 16 قسما منوعا كل ماتتمنينه وأكثر ..جربيه لن تندمي
              

السعودية - جميع دول الخليج
كتاب نكهة الاطباق
كتاب طبخ رائع يحتوي 16 قسما منوعا كل ماتتمنينه وأكثر ..جربيه لن تندمي
إضافة رد
 
أدوات الموضوع انواع عرض الموضوع
قديم 24-07-1427 هـ, 03:52 صباحاً   #1
الدكتورة.Dr

محررة برونزية
 
الصورة الرمزية الدكتورة.Dr
 
تاريخ التسجيل: 15-02-1426 هـ
المشاركات: 2,236


شرح كامل عن طريقة استخدام الاكسترا ديرم ..

يالغاليات هذا الموضوع انا كتبته من زمان ...وصار بالارشيف ..بس في كثار رجعو يسألون عن الاكسترا ديرم ف حبيت ارجع الموضوع عشان الكيل يستفيد ان شاء الله

________________________


السلام عليكم حبيباتي..
انا كنت كاتبه من قبل موضوع عن الاكسترا ديرم ...تلقونه بهذا الرابط

http://archive.hawaaworld.com/showth...7+%CF%ED%D1%E3

لكن في بنات كثيره ما فهمت مني طريقه الاستخدام ..
يمكن مااقدرت اوصل لكم اياها بالطريقه الصح
ف انا رجعت كتبته وان شاء الله هاالمره تفهمون من شرحي

اول شئ لازم تعرفون انه من بشره لثانيه تختلف النتايج ...
والي عندها مشاكل في البشره وتقول اروح لدكتوره او استخدمه؟

فتزورين طبيب ف هذا انا اتوقع انه شي اكيد .. ... لان كلامي نابع عن تجربتي وانتي وصفتي البشره وانا ماشفتها عشان احكم بالضبط شنو فيها او المشاكل الثانيه ..


اما الاكسترا ديرم فهو منتج يباع غالبا بالصيدلياات الكبيره

.. هو عباره عن سائل لونه بني .. يتكون من مادتين ماده تقشر الوجه ( فتعالج البشره لاتها تحفز ع علاج الحبه نفسها )
والماده الثانيه لتفيح لون البشره( لكن غالبا الي يصير انه مايكون تفتيح بقدر مايكون توحيد للون البشره من بقع واثار الحبوب)


والاكسترا ديرم عباره عن 5 تراكيز ..وتختلف من رقم 1 الي 2 الي 3 الي4 الي 5 ..

يعني تركيز الماده المقشره في كل رقم منه يزيد ..يعني رقم 5 اعلا تركيز ثم 4 ثم 3 ثم2 ثم 1 ...
تختلف هذي التراكيز بختلاف المناطق والحاله المستخدم فيها ..

مثلا :
ممكن استخدامه لتخفيف من الاماكن الداكنه مثل الركبه .. و هنا نحتاج تركيز قوي لان كميه الطبقه الخارجيه من الجلد( الادمه ) سميكه( كثيره )..

اما ان كان الاستخدام لبشره الوجهه لعلاجها من اثار الحبوب .. ف استخدمي من رقم 3 و 2 و1 لان بشره الوجهه حساسه

ولازم يكون عندك .. نوع من الرغوه للوجهه تكون كويسه ..


اذا كانت بشره من اساسها ناشفه وتتقشر بسرعه ف استخدمي
رغوه نيفيا فيزاج الخاليه من الصابون .. كويسه كثير وترطب..

اذا بشرتك عاديه .. استخدمي صابون نتروجينا السائل للوجه

اذا كانت فيه رؤس سوداء وكانت دهنيه .. استخدمي رغوه نتروجينا بالحبيبات للرؤس السوداء ...
هذا من ناحيه الصابون ..

ولازم يكون عندك بعد كريم ترطيب مكثف .. وعندك ماركات كثيره لترطيب

.. من كرتسين ديور , كلنك , لانكوم , ايف سان لوران ,,,,, وعندك بعد يولاي و جونسن اند جونسن ...


و اهم شئ انه يكون عندك واقي شمس لايقل عن 60 ...مهم مهم مهم ...
لان التعرض للشمس والوجهه في مرحله علاج رح يضره كثير...

وممكن تاخذين اثنين في واحد مرطب و واقي شمس 60 مثلا من كلارنس او اي ماركه اخري ...
ف الان صار عندك الاكسترا ديرم 1 و2 و3 + رغوه التنظيف+ المرطب+ الواقي ضد الشمس ..


طريقه الاستعمال ...

نبدا الاستخدام من اكسترا ديرم رقم 3
اول شئ نغسل الوجهه بالليل بالرغوه ,, ثمن نجيب قطنه و نضع عليها الاكسترا ديرم رقم 3 ونمسح فيها كامل الوجهه مع الرقبه باستثناء محيط العين و الشفايف ,,
هذا بالليل ...

ثاني يوم الصبح ..

اغسلي الوجهه بالرغوه
,, (( هنا رح يختلف الاستخدام ع حسب الظروف بالصبح يعني اذا كنتي رح تتعرضين للشمس .. ف استخدمي المرطب و الواقي ضد الشمس وخلاص .. لغايه الليل ..
اما اذا ماكنتي رح تتعرضي للشمس ف بالامكان عقب غسل الوجهه استخدام الاكسترا ديرم رقم 3 مره ثانيه الصبح ,,الي غايه العصر تقريبا ,, ثم غسل الوجهه ثم ترطيبه ضروري ضروري ضروري ترطيب البشره ,, هذا ان حبيتي تستخدميه مرتين يوميا .. وممكن مره وحده بالليل فقط ))

و نظل يوميا كذا لغايه ما تخلص رقم 3 من الاكسترا ديرم عقب نستخدم رقم 2 بنفس الطريقه و اذا خلص نستخدم رقم 1

طبعا في ملاحضات رح تشوفينه..


**
بشرتك اكيد رح تبد تتقشر لكنها رح تفرق من بشره لثانيه ..يعني ممكن معك من بعد 4 ايام ومع غيرك لمن يبدا الاستخدام من رقم 2 مثلا ..


**
لاتخافي ابد من تقشر البشره اذا كان كثير خففي من الاستخدام يعني لو استخدميه مرتين باليوم استخدميه مره وحده
واذا كان استخدامك مره وحده استخدميه يوم وترك..


**
وماننسا ابدا الترطيب لازم الاهتمام فيه ...
**


و مافي احد يتعرض لشمس في فتره علاج من غير واقي ويجي يقول بشرتي انعدمت !!ما لبشره في الوضع العادي تنعدم من الشمس كيف اجل وهي بفتره علاج !!!
**



وفي سألوني نظل نستخدم الواقي لمتي؟
الحمايه ضد الشمس شئ اساسي ومهم ...يعني انا متعوده دوم استخدمها . افود لك كثير .. بس اذا ما تحبي ,, بس تخلصي الكورس تبع الاكسترا ديرم استمري مثلا يومين زياده وانتي تستخدمين الواقي ,, بس حبيتي يفضل دوم ماتطلعين الا وانتي حاطه حمايه ضد الشمس وان كانت قليله مثل 15 ضد الشمس او حتي 20 ...
وعندك كثير من كريمات الاساس الان تحتوي بعد ع حمايه ضد الشمس اذا حبيتي استخدميها دوم ...
**

وفي الي سألو عن درجه الحمايه بالضبط وكيف يقيسونها ..(( في الفتره الطبيعيه الي ماتكوني تعالجي بشرتك فيها ))...

اي درجه حمايه ضد الشمس تختلف من شخص لثاني ..
يعني مثلا الي تقعد ع البحر و تبي تعمل برونز ..حتي ذي ما تقعد من غير حمايه تستخدم حمايه من 2 الي 10
والي مثلا بالبيت ماتطلع كثير بس تتعرض لشمس من الحديقه مثلا او لمن تغسل تكون قاعده قدام الشباك و بوجهها الشمس ...تستخدم الواقي من 12 الي 20
اما الي مثلا تطلع وتشتغل برا و تسوق وتروح وتجي ... ذي يبي لها زود من 25 الي 60
وفي طبعا الي تكون عندهم مشاكل بالبشره وتحسس كثير من الشمس توصل الحمايه لغايه 100 وهذا احسن واحسن
يالغاليه ...كل مازادت الحمايه كل ماكان احسن لك و افود لك ...يعني لو قاعده بالبيت كويس لك 20
لو تروحي وتجي و تتعرضين لشمس ... نصيحه خلي الواقي دوووووم استخدامه شئ اساسي

***



وفي سألوني بعد وش نوع الاثار الي شالها الاكسترا ديرم؟
يشيل اثار الحبوب والبقع .. و غمقان بعض المناطق .. و اثار الليزر المحرقه بالوجهه ..

**


من ناحيه المكياج يفضل تجنب المكياج
بس فتره العلاج ممكن توصل ل 3 شهور _ع حسب طريقه الاستخدام كم مره باليوم تستخدمسنه_مب معقوله محد رح يحط ..
عن نفسي كنت لمن استخدم الاكسترا ديرم كنت اهتم بالترطيب وعقب احط روج ومكياج ع العين و خلصنا ...
اما اذا حبيبيتي مكياج كامل ف اهتمي بالترطيب قبل المكياج كثير ...
واستخدمي الاساس الي يكون اساسه ترطب اذا كان بالليل ...
او الاساس الي يكون مرطب ومعه حمايه من الشمس في ب أغلب الماركات انا استخدم من لانكوم ...


***


***طبعا ممنوع استخدامه للمناطق الحساسه***..



***
ممنوع تستخدمه الحامل او المرضع ...مهم جدا ممنوع ..
ممنوع تستخدمه الحامل او المرضع ...مهم جدا ممنوع ..
ممنوع تستخدمه الحامل او المرضع ...مهم جدا ممنوع ..


**


ممكن يستخدم لجميع انواع البشره ...
**


طبعا في ملاحظه عشان محد يتخرع لمن تصير له ...
كثار يجون يقولون بشرتي ماكان فيها الا حبتين ومن استخدمته كثرت الحبوب الي بوجهي...انا هالشي صار معي و يصير مع اغلب الناس ان بشرتنا من الخارج انتي تشوفينها يمكن مافيها الا حبتين او ثلاث ..لكن بالواقع في حبات صغيره جدا داخليه او ماتبان كثير , تحت الجلد ..ف تقريبا اول 3 اسابيع من استخدام اي مستحضر للحبوب او حب الشباب بالذات يقولك فيه انه في امكانيه لزياده الحب , هذا مب معناته انه الدوا مايشتغل بالعكس ذا يدل انه طلع كل الحبوب ع سطح البشره عشان ينشفها و ويعالجها .. ومن عقبها تتقشر ذي الطبقه . ويبدا مفعول توحيد اللون عقبها ..
فالي صار جدا طبيعي وصحيح وانا قد صار معي ..وذا دليل شغل اي دواء لعلاج الحبوب ....

***


في ناس تسأل اذا هذا الاكسترا ديرم اجل ايش البيبي فيس ...هم الاثنين بالضبط نفس التركيب ونفس طريقه الاستخدام ونفس الاحطياطات ..بس هذي شركه وهذي شركه .. انا تكلمت عن الاكسترا ديرم لاني استخدمه ..

***


***

وفي اسأله عن درجه التفتيح الي ممكن تكون مع استخدام الاكسترا ديرم

نسبه الماده الي تفتح فيه ... ماهي كبيره لدرجه تعمل فرق بالبياض ..
ممكن توحد صح لكن تفتيح .. صعبه تشوفين الفرق الكبير عشان مااضحك عليك ...
وفي ادويه ثانيه ممكن تفتح ... اسشيري دكتوره جلديه مختصه احسن عشان تعرف بالضبط وش الي انسب لك

**


وفي سألو كثيييييير عن الاكسترا ديرم وازلته للخطوط البيضاء او الحمرا..يالغاليات ..الخطوط البيضاء ماصارت الا لان الجلد تمدد تمزع تقطع من طبقه الجلد الداخليه .. وهذا نسيج تهتك لايمكن اعاده ارجاعه ابدا ...حتي باليزر الي يعالج الخطوط رح يحسن من مظهره 30 % فقط ان كانت خطوط بيضاء او كانت حمراء ممكن يشيلها ...
والاكترا ديرم ...انا ماجربته لكن علميا بطريقة عمله ممكن يحسن من الخطوط الحمرا ...مع الترطيب ...
في شي قوي الي هو الرتن ايه للخطوط البيضاء ,, الرتن ايه اساسا معالج للأكني (( حب الشباب)) ويشتغل بدايته انه يقشر المنطقه .. ف ممكن لو استخدمتي الرتن ايه استخدام يوووووومي لمده سنين رح يحسن من مظهر الخطوط البيضاء بنسبه 50 بالميه احسن من نتيجه اليزر .. ولكن استخدام يومي وع مدي سنتين اقل شي ...واهم شئ انك تهتمي بالخطوط وترطبيها عشان تتحسن في الشكل


**


وفي سأله اذا الاسكترا ديرم يشيل النمش ...
اول شي في فرق بين النمش و البقع البنيه الي ع الوجهه من اثار الحبوب...عشان كثار يخلطون بين الاثنين
و النمش عباره عن تصبغات من الميلانين تتركز في منطقه معينه .. وغالبا مافي ادويه تشيلها ...في ادويه تحسن يمكن 30% من شكلها
لكن عندك الليزر لازالتها رح ان شاء الله يعطيك نتيجه توصل ل 80% واكثر لانه يعتمد ع البشره و مدي انتشار النمش والقوه الصبغيه الي فيه .. ونوع الليزر و شطارة الدكتور ...

ف انا ارجح انك تدورين ع دكتور شاطر بهالامور احسن لك

**

اما عن استخدامه تحت الابطين ...

استخدامه للابط .. صعبه لان المنطقه ذي عباره عن ثنيه .. وانتي رح تعملين احتكاك زياده لها لمن يتقشر الجلد ..ف ممكن تسود زياده ...
ف ماانصح بالابط ...

***
وعن استخدامه للركب ...

ابدي استخدميه من رقم 4 ثم 3 ثم 2 ثم 1
عشان التركيز رح يكون اقوي...
استخدميه مرتين بالليوم بالصبح وبالليل ..بشرط بالنهار ماتتعرض ركبتك لضوء الشمس مباشره...
لمن تتروشين حاولي تعملين صنفره لكل الجسم ومن ضمنها الركبتين ...استخدمي اي صنفره من بودي شوب ...او اي ماركه ثانيه وممكن تعملين صنفره بالملح .(( ادهني جسمك كله قبل بزيت الزيتون أو بيبي اويل من جونسن ..عقب جيبي ملح وافركي فيه جسمك كله))
عشان التقشير رح يساعد انه يسرع من النتايج...بس لا تعملين اكثر من 3 مرات بالاسبوع الصنفره ...
واهتمي بعد بالترطيب للجسم ...يعني ع العصريه لازم تدهنين ركبتك بمرطب كثيف كويس ايش ما تكون ماركته (( جرجنز , جونسن ,كريم الترطيب من فازلين .....))

***
اما وين تلقينه ...

بالسعوديه:

..في اغلب الصيدليات الكبيره ...بالشرقيه في صيدليات الدواء .. و النهدي وامنيات السلامه


بالكويت:

في الجمعيات الكبيره و محلات الفلبينين


في الامارات :

الي فهمته من العضوات انه بكل البقالات وبذات الكبيره .. ودكاكين الهنود


باقي المناطق:
ممكن بالصيدليات ومره احد قالي ممكن عند العطارين ( بس تأكدو من تاريخه)

**
سعره..
سعره يبدا من 10 ريال لغايه 18 ريال هذا اقصي سعر رح يوصل له ..
طبعا فرق الاسعار ع حسب الصيدليه لانه موب مسعر من وزاره الصحه ..واي سعر فوق كذا ترا موب صحيح ابدا..
وان شاء الله يكون شرحي وافي و فهمتو مني و اسمحو لي اذا كان في قصور ...
وماابي الا دعواتك لي بالذريه الصالحه من حبيبي


الدكتورة.Dr غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




24-07-1427 هـ, 04:02 صباحاً
#2
الله يرزقــج يا رب بالذرية الصالحة ,, آميــــــــــن

كفيتي ووفيتي ,,


رد مع اقتباس
ناني الحلوة غير متواجد حالياً  



24-07-1427 هـ, 04:13 صباحاً
#3
المشاركة الأصلية كتبت بواسطة ناني الحلوة
الله يرزقــج يا رب بالذرية الصالحة ,, آميــــــــــن

كفيتي ووفيتي ,,


رد مع اقتباس
الهوليّــــه غير متواجد حالياً  



24-07-1427 هـ, 04:26 صباحاً
#4
ربي يعطيج ااااااااااااااااااالف

عاااااااااااافيه مااااقصرتي

تحيااااااااتي لج يالغااااااااااليه


رد مع اقتباس
al3ion غير متواجد حالياً  



24-07-1427 هـ, 04:28 صباحاً
#5
بخصوص بناااااات

الامااارااات تلقونه في السوبرمااركت

ودكاااكين الهنود


رد مع اقتباس
al3ion غير متواجد حالياً  



24-07-1427 هـ, 04:43 صباحاً
#6
ناني الحلوة.... ياربي يخليك حبيبتي تسلمين ع هالدعوه الحلوه ...مشكوره ...


الهوليّــــه
....بعد عمري تسلمين والله


al3ion...ربي يعافيك ياعيوني ...مشكوره لحضورك ... وضفت للموضوع دكاكين لهنود بالامارات ...عشان الكل ينتبه الف شكر يالغاليه


رد مع اقتباس
الدكتورة.Dr غير متواجد حالياً  



24-07-1427 هـ, 10:21 صباحاً
#7
مـــــــاقصرتي

مشكــــــــووووورة ......


رد مع اقتباس
ذكــريــــات غير متواجد حالياً  



24-07-1427 هـ, 12:47 مساءً
#8
أنا استعملت اكستراديرم ولمدة ثلاثة أشهر ولكن للأسف البقع البنية مازالت


رد مع اقتباس
بت خديجة غير متواجد حالياً  



24-07-1427 هـ, 02:38 مساءً
#9
ذكــريــــات...العفو يالغاليه


رد مع اقتباس
الدكتورة.Dr غير متواجد حالياً  



24-07-1427 هـ, 02:45 مساءً
#10
بت خديجة...حبيبتي موب كل شي يناسب كل مشاكل البشره
ممكن تكون البقع قديمه كثير و تحتاج وقت اكثر للاستخدام , يعني كورسين بدل كورس واحد مثلا..
او انك ماكنتي منتظمه فيه لان عندم الانتظام مايجيب فايده بأي شي ولا حتي تحسن بنسبه طفيفه ...


رد مع اقتباس
الدكتورة.Dr غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 10:04 .