....بـــــــــــــــــــــاقي فــــــــــــــــــرح..قصة نجدية مميزة

[باقي فرح]

السلام عليكم ورحمة الله وبركاته


حبيت انقل لكم اخواتي في منتدى حواء الحبيب

هذة القصة للكاتبة *اميرة الاحساس*

صراحة قصة رااااااااااااائعة تحمل الكثير من القيم السامية ..والمبادئ القيمة في مجتمعنا السعودي

القصة باللهجة النجدية<<وتحديدا القصيمية <<منشا الكاتبة

اتمنى منكم تقولون ارائكم بكل صراحة لاني استئذنت منها بنقلها ...وقلت بتشوفين التفاعل من بنات حواء فعلا...فرجاء لاتفشلوني..لاني بنقل لها ارائكم

القصة لم تنتهي الى الان

لكن 22 جزء نزل حتى ساعة كتابة هذا الموضوع

دعواتكم للكاتبة..خصوصا انها اول قصة تكتبها فلاتبخلون بارائكم

**من اعجابي بالقصة: سجلت باسمها هههههههههههههههه**

ومشكوووووووووووووووورين والى القصة الرائعة

[باقي فرح]

۩۞۩๑ باقـــــــــي فــــــــــــــــــــرح ๑۩۞۩๑

"...لو نسيت العمر مانسى دمعتك...صرخة ذابت من عيونك ..دمووووع"

ذات مساء ..تراقص جوالي معلناً ان احداً يطلب محادثتي.. انها هيفاء بنت العم الحبيبة ..وبعد السلام والسؤال عن الاحوال ..احسست بصوتها تخنقه عبرات ودمعات.. فسالتها ماخطبكِ يافتاة.. وياليتني لم افعل!!


اغمضت عيناي ..امنع دمعي الذي سرعان ماتجمع في مقلتي...ارتعشت يداي..لااكاد اصدق.. وهمست بضعف..!!
خلود:.... اطلّقـــــــــت !!!
هيفاء: للاسف ياخلود ..عمتي هدى تطلقت ....
قاطعتها: وليــــــــــــــــــــه؟؟
هيفاء: مدري..تووه وصلني الخبر ..بدون اي تفاصيل..
حسيت بالم وقهر..
صدمني الخبر..ياالهي ..الهمني الصبر
حدقت في الفراغ من حولي..وانا اسال نفسي وهي تسألني
وليه وش السبب!!

جلست على سريري ..احبس عبراتي ..التي ضاق بها صدري..
هدى 26 سنة ..عروس .. مامر ثلاثة شهور على زواجها الاسطوري..كانت عنوان السعادة..ماانسى ليلة زواجها وهي تضغط على يدي وتقول:"خلود..اقرصيني..لااصير احلّم..من كثر مااتمنى هاللحظة اللي تجمعني بخالد"...شفت الفرح يغرد حول ازهارها المتفتحة .. حبته وضحت بكل شئ بس عشان تتزوجه..معقول عقب هذا كله…تحمل لقب ..[[مطلقة]]..

ليه ياخااااااااااالد طلقتها..والله لو لفيت الارض كلها ماتحصل زيها…
حطيت يديني على وجهي ودفنت راسي على وسادتي ..واطلقت لعبراتي ودمعاتي العنان..






^
^
^
^
^
^
بعد مرور سته شهور على طلاق هدى

رميت الرواية اللي بيدي..يوه باااااايخة ومملة..هالحين من صدقها هيفاء عاجبتها ..فكرتها مررة مستهلكة.....هيفاء هذي بنفس عمري..افكارنا متقااااااااربة ..طبعا الا بهالرواية ..اهتماماتنا ..اشياء كثيرة تجمعنا... كلنا هالسنة اخر سنة ونتخرج ...الله متى يجي هذا اليوم؟؟
نقزت من سريري..فكيت شعري..انساب على ظهري بسرعة ..تاملته ..والله ودي اصبغه..اقصه؟؟ ..لاحرام.. عاش معي كل عمري..وشهد كل لحظاتي بحلوها ومرها..لفيته ورفعته بشباصة..
فتحت علبة المكياج..وااااااااو ...مهووووسة باي شئ اسمه تجميل..
من زمااان وانا نفسي اضبط الكحل السموكي..فتحت اثمي واناارسم الكحل..لماخلصت ..تأملت نفسي…صدق والله حلوووووووووو…رفعت الماسكرا كاخر لمسة ..الا طارت من يدي..لما رن جوالي ..حطيت يدي على صدري وانا اسمّي ..

اووه هذي عمتي هدى …
هدى: الوووووووووو…
خلود: يا هلا بالغالية..والله سبقتني كنت بدق عليك
هدى: يووه ياخلود ..ماطلع عذر جديد ..كل مرة ادق عليك تستقبليني بهالعبارة ..عالعموم وش الاخبار؟؟
خلود: ياويلك من ربي يالظالمة..دايما انا اللي ادق عليك..بس اني..مشغولة هاليومين
هدى: وش هالشغل ياحافظ…لايكونون عينوك رئيسة تحرير على غفلة…
خلود: صدق بااااااايخة ..وراي الف شغلة..
قاطعتني : ايوووووه هاذي خلودوه…
خلود: خلصيني وش تبين…
هدى: ابدا ..سلامتك ..ابي تنزلين اعلان بجريدتكم ..مطلوب زوج لمطلقة...

سكت..مدري وش ارد ..ياربيه ..سالفة الطلاق على لسانها خمس وعشرين ساعة..
كل ماطق عود..قالت ..مطلقة
خلود: ممنووووووووع هالاعلانات ..بجريدتنا خخخخخخ
هدى: اصلا لو في جريدتكم خير ..كان ماعنستي للحين ههههههههههههه

ضحكنا وسولفنا ..لكن كلامها لازال يرن في اذني ..مو كلامها عن العنوسة لا ادري بها تمزح ..لا طريقة كلامها عن نفسها ..وانها اصبحت غير مرغوبة بمجرد ماتطلقت....

رفعت الماسكارا..بكمل ..اخر لمسات الفن السموكي..
طخ طخ طخ..
يووه من هذا اللي يطق الباب..حشى بينكسر..
خلود: مييييييييييييييييييين؟؟
نواف: حضرة صاحب السمو الامير ..نواف بن سعود..حفظه الله تعالى
فتحت الباب ووانا ابتسم..نواف اخوي له معزة خااااصة
خلود: اشهد انك اميرنا وتاج رووسنا ..نعم؟؟
نواف: اختي خلود ..حبيبة قلبي ..و
خلود: هااات من الاخير وش تبي ؟؟
نواف: ملزمة ماتبين مقدمة... اكيد؟؟ اوفرها حق اليوم الاسود..
خلود: الله لايقوله لااسود ولاغيره... وش تبي خلصني..
وانا قاعدة اهز الماسكرا بيدي...
نواف : يالله بقول وامري لله..هذا سلمك الله عندي بحث ..مطلوب مني بعد بكرى وانا ماسويت شئ ..ممكن مساعدتك يااختي الحبيبة..
خلود: اها ..قصدك ممكن تكتبينه وتطبعينه واذا خلصتي على مكتبي تحطينه!!!
نواف وبابتسامة رجاااااااااء: تكفين خلود...

نواف 18 سنة..ثالث ثانوي ..الولد الوحيد بيننا ..الدراسة شرق وهو غرب ..وكالعادة كل بحوثه ..اصبحت من مهماتي التي لاتقبل النقااااش

*****************

الخميس
الساعة وحدة الظهر
نجـــــود ..20 سنة

*****************

فتحت عيوني ...ورجعت اغمضها...ااااااه ...مديت يديني بكسل و الغثيثة خلود فوق راسي تلج......
نجود: خلودوه اطلعي برااا….خليني انااااااام...
خلود:انتي ماتشبعين نووم ..يالله قومي...تدرين الساعة كم؟؟
نجود: ان شاء الله مليون,,,انقلعي..ياربي الواحد لاويك اند يشبع نوم ولا غيره... حراام عليك امس مانمت الا الفجر…
سمعت خلود تتحلطم وهي تشيل علبة مكياجها اللي اخذتها امس من غرفتها ونسيت ارجعها ...طبعا اي شئ تفقده خلود ..على طول يكون بغرفتي !!

حسبي الله عليك خلودوه طيرتي النووووم عني

مدام النوم طاااار من عيني خلوني انتهز هالفرصة واكلمكم عن خلود 23سنة..
اختي الكبيرة والام الحنونة لهالبيت ..ايه لاتستغربون من شوي اهاوشها والحين امدحها لانها بجد اخت رحووم تضحي بكل شئ عشان خواطرنا ...بس حركاتها تغثني احياناً

ياااربيه..وش هالازعاااج وش هاللجه ,,,اكيد امه محمد صاحيه كلها ومابقى الا انا وهاتي على هالتهزئ من امي وابووووي خليني اقوم احسن لي..يووه ماصليت الظهر استغفر الله ......

دخلت الحمام ..توضيت ..بعدها صليت ونزلت تحت وزي ماتوقعت اختي مشاعل الخبلة .. 14سنة.. فاكه هالحلق وتضحك ...يالله صباح خير
والا العنز الثانية بشورة .. 8 سنوات
بشاير: نجود..صح النوووم..من زمااان خلصنا فاطرين.....
رديت من طرف خشمي: لاااااه …بشري امك.....!!
مشاعل وثمها مليان : كركركركركركراقول بشاير لقطي وجهك ههههههههههههه
بشاير تمد هالبوز: زين زين يالدبا.. تشوفين اذا ماقلت لامي
نجود: يمه خوفتيني تكفين… فارقي...عن وجهي

تلفت بالصالة مالقيت امي ولاخلود ,,هذولا وينهم
نجود: مشاعل وين خلود ...الحمارة قومتني وراحت؟؟
مشاعل: وش دراني ..؟؟ ..((وهي ترمي حبة زيتون بحلقها )) اساليني وين الفطور اعلمك ههههه؟؟
نجود: ..هذا اللي فالحة به ..بلع وبس .. ترى والله بتنفقعين ..
مشاعل: حد طلب رايك ؟؟ شحمي انا اللي شايلته مو انتي!!

ناظرتها ..وقمت رايحة المطبخ بشرب ماء ....قابلتني خلود لابسة وعلى سنقة عشرة والعطر يفووووووح منها......
نجود:الله الله ...عاوين ان شااااااء الله خلود هانم؟؟
خلود وبابتسامة:بطلع …عندي مشوار...عندك مانع؟؟
نجود:لا والله ومشاوير بهالقايلة ؟؟خير وين بتروحين؟؟
خلود وهي طالعة:معزومه على الغداء ؟؟ تحبين ترافقيني؟؟
وبعدين ضحكت وقالت: بنروح الاستراحة ....
استغربت: من بيروح ؟؟
لكن خلود ماردت شكلها ماسمعتني

غريبة استراحة يوم الخميس الظهر ؟؟ بالعادة نروح لها مع عماني وعماتي وجدتي بالليل ليه غيروا هالمرة..وانا ليش مهتمة اصلا ًماني رايحة..........

******************

بدرية ام نواف.. 45 سنة
2.00 ظهراً

******************

نزلت وانا اسكّر ازارير بلوزتي..ماعرف البس وانا معصبة ...يووووه حيل معصبني سعود .. عمره ماراح يعرف ...وشلون يتعامل مع مراهق زي نواف؟؟... كل شئ يقطه عليّ ..انتي اللي خربتي الولد بالدلال الزايد..وهو مايشوف نفسه مع بناته وشلون مدلعهم على الاخر....
شايل الدنيا ومو مقعدها.. ليش ..نواف نااايم بالاستراحة مع ربعه!!
طيب بتحبسه بالبيت..!! هذا مراهق بيروح ويجي حاله حال غيره...

بدرية: خلود يمه يالله خلي خواتج يجهزون ..ابوج بينزل هالحين فكونا من حنته..تراه حيل معصب..
خلود: حنا جاهزين ...بس مدري عن نجود توها مصبحة عمتنا..
ياربييه من هالنجود مو مجنني غيرها وابوها
بدرية: نجودوه ,,يالله عاد خلصينا قومي البسي... بنمشي الحين
نجود بدلع: امشوا وانا قافلة الباب؟؟
بدرية:..انتي ماتستحين على وجهج؟؟…عبالج تكلمين بشاير؟؟
نجود بحرج: يمه ..تراني مالي خلق توني صاحية ؟؟ خلوني اروووق شوي
بدرية: تروووقين؟؟ عشتوا .... قومي روقي بالاستراحة اللي بيرووق يقوم بدري عيوني .. شوفي خلود قايمة من الساعة عشر..و
قبل لااكمل كلامي.... سمعت ابو نواف يقول وهونازل: خمس دقايق اللي مو راكب والله لامشي واخليه…
بدرية: بنتك توها مارووقت .. يالله قومي بسرعة البسي وخلصينا!!
نجود: يمه مااااابي اروووح........
بدرية: ومن بيجلس معاج ..حنا مابنرد الا تالي الليل؟؟
ابونواف بكل هدوء والابتسامة على وجهه: نجود ياعيوني ترانا متاخرين ..قومي البسي بسرعة...
نجود: يبه والله عندي بحوث وواجبااااااات ومالي خلق..
انا عصبت خلالالالالالالالاص ..هذي ماتفهم !!..نقول تيس تقول احلبوه…
بدرية: اقولج قومي الحين البسي بنطلع ترانا متاخرين حيل ..
نجود: يمااااااااه والله مااقدر اروووح بحوووو.......
قاطعتها : لا.. محد بيجلس ويااج ..
نجود بضيق: ياربيييه والله حاله..بياكلني البس يعني؟؟
خلود: خلاص يمه انا اجلس معاها..
التفت لخلود: لاتفتحين علينا باب مسدود كلكن قومن وامشن .. امكن لولوة بتسأل عنكن وبنات عمكن وعماتكن وبعدين عندج بكرى الجمعة يكفيج تسوين كل اشغالج....
ابو نواف: يالله بروح اطلع السيارة ,,, لاتتاخرين علينا يانجودي
بشايروهي تتعلق برقبته: يالله بابا خلينا نروح ونخليهم يولون…
مشاعل وهي تلف شيلتها: ههههههه انتي لوعلى كيفك ماشمينا الهواء

واخيرا راحت نجود تلبس وخلود راحت المطبخ تجيب ترامس القهوة والشاي والحلى اللي هي مسويته والفطاير بس الغداء يسويه الطباخ بالاستراحة…
طلعت خلود وهي شايلة الاغراض بتعطيها سيتي الخادمة توصلها للسيارة ..ابتسمت لي..ااااااااه
خلود ...هذي مو بنتي وبس هذي اختي وصديقتي وكل دنيتي..
خلود هي اول وردة تفتحت بحياتي .... الله يوفقها ويرزقها ابن الحلال اللي يسعدها
لاتستغربون لهجتي ..انا من الشرقية ..
اااوه .. هذا ابو نواف يدق هررن ...ابروح اركب قبل لايحتشرعلي عاااد...

******************

الاسترااااااااااااااااحة
مشاعل
2.00 ظهراً

*****************

ووواااووو.. شئ بيعئد ...الجو غيم وبراااد وناااااااااسه تجنن الاستراحة بالنهار احسن من الليل..
.. شلت شيلتي وجدعت عبايتي على سيتي عشان تحطها بالسيارة.. واتلفت ابشوف من وصل من عماتي وعماني...يوووه هاذها امي لولوة وعصاها طالعة من الخيمة..رحت لها وحبيت راسها..
مشاعل: قوووة يمه ..وشلونك
امي لولوة: غزال يابنيتي ..وشلونكم ..وشلون ابوك وامك وخواتك؟؟
مشاعل: احسن ..نسيتي نواف ..نساك الموت يايمه
امي لولوة: هههههههه لا الموت موب ناسيني يابنيتي..مير يالله حسن الخاتمة..الا نواف هو الاول ..بس عساه جاي معكم ..معاد ينشاف من عطاه ابوك هالسيارة..
مشاعل:بعذره ..انتم سلموني سيارة مانتب شايفيني ولا بالاحلام...خخخخخخ
امي لولوة: الله لايقوله ..قاضين من اعمارنا يوم نخليك تسوقين!! هالحين وانتي تمشين ماسلمنا من حوادثك..يابنيتي
نجود: صدقتي يايمه...
عصبت مرررة..اويلالاه من يشيل هالعصا ويخبطه على راسها ..من زينها عاااد ..فرحااانة بهالجسم ..هالحمارة..ابتسمت بخبث
مشاعل: اه ..ودي بس يوم واحد اسوق..وبس حادث واحد اسويه ..وعقبها نفتح بابنا للعزاء..
خلود: بس خلاص انتن ماتستحن ..


انفتح باب السيارات ودخلت سيارة عيال عمتي شيخة ..الله واخيرا وصلت هنوفوه اابروح استقبلها ..خلوني اكلمكم عن.. امي لولوة وانا بالطريق..

ترملت امي لولوة من روميو<<عفوا جدي محمد(( مني ييرس اقووو)) مدري متى مات جدي لاني ماانولدت هذاك اليوم..
طبعا جابت ثلاث عيال وثلاث بنات<<العدل حلووو حتى بالخلفة
ثنتين متزوجات والاخيرة مطلقة <<طبعا مو كلهم بيدشون اجواء قصتنا..

عمتي الكبيرة شيخة مدري كم عمرها تراني ماولدتها ههههههههههههه
متزوجة من سليمان ال...<<مو لازم تعرفون هههههههههههه
وعندها ثلاث عيال وبنتين ..طارق ..مادري كم عمره يمكن 28 شوفوا بالاعمار لاتسالون عساي اعرف عمري..
وين وصلنا ايه طروووق هذا متزوج وحده اسمها عزيزة وعندهم بنت غلا..عمرها 3سنوات
واللي اصغر منه اسمه ..سلمان <<..اظن عمره 25 سنة
يدرس بجامعة الملك سعود ..هندسة..سمعتهم يقولون هذا اخر كورس له
وبعده منيرة << اتوقع عمرها 20 سنة التوام الروحي لنجود نفس الصفات..تدرس باولى جامعة تاريخ...
بعدها احمد<<عمره 18 سنة بالثانوي قليل نشوفه هالولد دايم مع عيال عمه مو معترف فينا ...
واخر العنقود الهنوف << توامي الروحي ههههههه تدرس بالمتوسط وبعمري

وووي تعالي انتي ....هنوفوه ترى موب احسن لك..اول سلمي يالخبلة
الهنوف: هلا والله وشاخباركم
مشاعل: مو بخير دامنا شفنا هالخشة !! عسى جبتي اللي وصيتك..
الهنوف: ههههههههههههههه بعد عينك هالخشة...هذا اللي هامك ياأكبر مصلحجية بالريااااض..خوذيها كسرت كتفي...

عطتني كيس مليان مجلات موصيتها اذا خلصتها تعطيني اياهم..احب اقرا المجلات حتى لو من العصر البرونزي..بعدها طلعنا للمسبح..

جلسنا نسولف .. ورتني الهنوف مقطع بلوتوث يمووت من الضحك ...غلا.. تنود نايمة وهي جالسة لا وتلحس عسكريم..ياحبيلها تجنننن هالبنت...
دخلت اريج بنت عمتي فاطمة .. 14 سنة والعضو الثالث في عصابتنا ..
اريج: هلو افري بدي..... تعبت ادوركن ليش متخبيات هنا؟ وش عندكن اعترفن؟؟
الهنوف وهي تغبي الجوال ..تمثل ان عندنا مصيبة: وعليكم السلام ورحمة الله وبركاته…اتمنى مرة اسمعك تسلمين زي العالم و الناس...
اريج: الا قولي غيرانة...مو حاصل لك سبيكنق انجلش..
الهنوف..وهي ترفع يدينها: الحمد الله والشكر..
مشاعل وانا اتطنز:الا اقول اريج.. عسى ماشر,, وراكم تاخرتوا بالعادة انتم اول من يفتح باب الاستراحة!!
اريج: تدرين ..الاسهم ..يبغى لها متابعة اول باول..يعني بلمحة بصر يرتفع المؤشر وينزل
الهنوف: هههههههههههههههاي ...والله احلام ابليس بالجنة…

اخذتنا السوالف عن المدرسة والامتحانات ومواقفنا ووو كاي جلسة بنات في المتوسط ..وش تتوقعون نتكلم فيه هههههههههههههههه

***********

هيفاء
الساعة 2:15 ظهرا

**********

يووه اتوقع الضغط وصل 500 اليوم ..من فجر الله جاهزة بس كل اهل البيت مبردين اختي سارة 18سنة ... ماصحت الا يوم اذن الظهر ..وعاد الاخ فارس 25سنة ..ماصحى الا يوم ركبنا بالسيارة ..قام وصلى الظهر ..وركب
فارس ونفسه على راس خشمه: ابفهم ياخت هيفاء بتطير الاستراحة يعني؟؟
هيفاء: لاوالله ..لو الطلعة مع ربعك كان ماشفنا الا غبارك!!
فارس: لا مو صحيح ..حتى ربعي بيجون للاستراحة ..وكمل بنغمة غريبة ..والا نسيتِ..ان سلمان بيجي !!
طنشته وقلت: عااااااااد والله مو مشكلتي ..قطعتونا انت والعنز سارة اللي مارضت تقوم الا…..
قاطعتني سارة وهي مالها خلق:ياربيييييه وش دخلني انا هالحين..ابسوق بكم السيارة ..فكينا تكفين!!
قلت اقلدها: "فكينا تكفين" ..ياليتني قلت لعمي فيصل يمرني..كان ارتحت منكم
امي: خلاص ياهيفاء ...تلاقين الناس توهم ماوصلوااا...
هيفاء: لا ..المرة الجاية ..بتشوفون اذا مالقيتوني استقبلكم...
سارة: تسوين خير وتفكينا ...

اول ما وصلنا الاستراحة ، نقز اخوي زياد 16 سنة من السيارة ..منحاش قبل لااقوله يشيل الاغراض معي ..هين اوريك يالتيس..

الظاهر العالم كلهم واصلين ماشاء الله
سلمت على امي لولوة وعماتي شيخة وفاطمة وهدى
وخالتي بدرية...
هيفاء: خالتي بدرية وين خلود والبنات؟؟
بدرية: والله مدري من شوي كانن هني يمكن راحن المسبح...
هيفاء: ماامدا .. زين بروح اناديهن...
هدى: هيفاء عيوني مدي يديك ..ابقوم رجولي نايمة...
هيفاء:هههههههههه سمي عليهن لايفزن....
مديت يديني لعمتي هدى وهي تعرج شوي وطلعنا
هيفاء: هدى ..فيه احد من الشباب؟؟
هدى: لا مااتوقع وش بيجيبهم عند الحريم
هيفاء : انا ادري!!! اخاف اطلع واكشر باحد
هدى: طيب جيبي معك غطاء ..اقول هيفاء... فهد جاء معكم؟
هيفاء: لا والله نايم امس جاء من الشرقية و سهر مع ربعه وما رجع الا الفجر عاد نام ويقول انه بيجي الاستراحة المغرب
هدى: مدري طارق وعزيزة بيجوون والا لا
هيفاء: بسلامتهم لايجوون بس يرسلون غلا.......امووووت بهالغلا ياناااااااس
هدى: اكيد بتموتين فيها مو سلمان عمها...
اكتفيت بقرصة حااااارة..على ذراعها خلتني اسمع صرختها ..ياربي ملزمين يخربون مزاجي حسبي الله عليهم …اول فارس وهالحين هدى..
هدى: اااااااااي والله لاعلم سلمان .. الله يعين ولد اختي على هالدفاااااااااااشة..
هيفاء: لا والله…وهي بتحصل له هالدفاشة..

وصلنا المسبح والا اخواتنا في الله رافعات تنانيرهن ومطلعات هالعصاقيل ويطافشن بالماء....
هدى: خــــــــــــــــــير؟؟ وش هالخيانة مجتمعينهن هنا وساكتين...
مشاعل: بسم الله علينا الناس تسلم اول.. عمتي هدى بعدين تتشره...
هدى: والله ؟؟ ايه لكن الحق اجي اسلم عليكن ...انتن عماتي وانا الصغيرة...
الهنووف:بل بل …وش صاير خالتي كل هذا مشتاقة لبوستي...طيب تعالي
اريج وعيونها تلمع بخبث: لا والله موب خالتي المشتاقة لبوستك ناس ثانيين..يموتون عليها ...
سارة: ههههههههه انتن الى الحين على سالفتكن.. زياد كبر على خرابيطكن..يامراهقات
الهنوف معصبة: لا والله ميتين على اخوك الحمد لله والشكر
مشاعل بتزيد النار حطب: انتي حصلي نظرة من ولد عمي زياد عشان تتكلمين اصلاً......
الهنوف وبحركة سريعة دفت مشاعل على الموية
بس مشاعل تمسكت بسارة باللحظة الاخيرة : يماااااااااااااااااااااه ياحماااااااااااااااااااااارة اوريك ...
قامت تلحق الهنوف والباقين يصرخون ويصفروون…



ضحكت على هالمراهقات وتذكرت ايام وايااااام كنا باعمارهن…
تذكرت عمتي هدىوخلود وتعلقينا وضحكنا…يازينها من اياااااااااام راحت ومابقى لنا الاذكراهااااااااااااا…

الا على فكرة انا جاية اسال عن خلود وينها ؟؟
هيفاء : مشاعل ستوب بليز؟؟
ومشاعل تركض مو لمي بتمسك الهنوف عشان ترميها بالموية
هيفاء: بنات ماشفتوا خلووووووووود بليز ردووا؟؟
ناظرتني اختي سارة: مهيب مع الحريم؟؟
وكملت ..."كاني لمحتها اول مادخلنا بالمطبخ تشيل وتحط..."
هيفاء : ياقلبي هي والله مدري وشلون بتصير جمعاتنا بدون هالخلود.. اشهد انها نورالعايلة كلهاااااااااااا
هدى بجد: لاوالله وحنا وش صرنا؟؟
انحرجت من عمتي هدى لاني متعودة مابيني وبينها اي حواجز..هذا الاول قبل زواجها لكن الحين كل شئ في هدى تغير.........

قلت ابرر الموقف: لا عمتى انتي الخير والبركة وخلود طالعة عليك اصلا
ادري من نظرتها ان كلامي ماعجبها ..ماعلينا.. سحبت يدها وقلت خلينا نطلع ..طلعت …وصدمتني منيرة بنت عمتي شيخة ….
صرخت منيرة: اااااااااي ..عمى ماتشوفين؟؟
نجود: تصدقين انك بااايخة...عااااااااد
هيفاء : من زماااااااان توك تكتشفين يانجود ...
منيرة بغنج: حد طلب رايك ؟؟
هيفاء: فقط معلومة تقرقع بقلبي ..هذا بدال ماتعتذرين تمشين وتصدمين بخلق الله ..وتدعين عليهم بعد؟؟
منيرة: اوه سوري برنسيسة هيفاء المرة الجاية بنشوف الموكب الخاص بك…
يامصلها واخوها..سبحان اللي خلقهم..شكل نجود بنت خالي سعود..تنفع تصير اختهم..متاكدة انهم يحملون نفس الجينات الوراثية ..
هيفاء: بنات ..شفتوا خلووود؟؟

ضحكت نجود: قصدك القهوجية خلود,,,,.ايه بالمطبخ تصف صواني الحلى والفناجيل والترامس ولا تقولين صبابة ههههههههه..لاتخافين اذا خلصت بتنادينا..
قهرني كلامها .. قلت: ليتكم تجون ربعها ؟؟ ..
وطلعت رايحة للمطبخ ...خلود ..ياعلك بعدهم..والله ماغيرك بهالكوووون يفهمني

**************

المطبخ
خلود
2:45 ظهرا

***************

طرخ..طرخ..فتحت كل ادراج المطبخ..ماحصلت شئ..وين راحن!!
ياربييه مالقيت الفناجيل..::سيتي روحي اسالي امي قولي لها وين الفناجيل
سيتي: ماكو سي ..كله كلاص
خلود بصرااخ : وانتي من راسك تجيبين الكلام ..يالله قومي فارقي اساليها..
دخلت علي هيفاء بهاللحظة وهي تقول : ريلالالالالالالالاكس..وش صااااااااااااير!!
خلود: هلا والله بالطش والرش والبيض اللي ماتفقش ..صدق من قال.. ماالك الا هيفاء...جابك الله
هيفاء: خير وش تبين ؟؟....تبين عوون والا فرعون!!
خلود: فرعون يتزوجك ويطير بك عن هالكون..
هيفاء: يمه يمه وليش عااااااااد؟؟
خلود: بس عشاني احبك واموووت فيك....
هيفاء: والله مدري هذا حب لي والا لشئ ثاني ياخلودوه
بايخة هالهيفاء..لازم تجيب الطاري.. قلت:تصدقين انك ثقيلة دم..قومي دوري الفناجيل تاخرنا بالقهوة وامي لولوة لها ساعة تلج تبي قهوة....

هيفاء:هههههههه عاد امي لولوة لو يحللون لها موب لاقين دم …بيلقون ستاربكس بكبروه بدمها خخخخخخخخ ...تعالي انتي تبين الفناجيل امي موديتهن عند الرجال ذاك االاسبوع يوم عزيمة عمي فيصل........
خلود : عااد ومن يجيبهن من الرجال لاتقولين بشاير..والله لو تموتين ماتحركت تخاف تخف لها كيلو...هالدباااا
هيفاء بمكر: خسارة والله كان اقول لفهد بس ماجاء فهودي معنا..وابتسمت..
حسيت بحرارة تفوووووووح مني .... مسكت الفوطة اللي بيدي وفريتها على وجهها :طيب قولي لفارس والا زياد......
هيفاء: خير ان شاء الله اخواني يشتغلون عندك؟؟ وين اخووك ؟؟
خلود: عسى نواااف هع هع هع..انسي ان لك ولد عم اسمه نواف!!
دخلت علينا عمتي هدى وتقول: وش فيه نظر عيني نوااف؟؟
هيفاء : مافيه شئ بس نبي احد يجيب الفناجيل من الرجال....
هدى: قولوا للشغالات ..وش حاجتهن....
خلود: لو ارسل سيتي للرجال... كان تسفرني امي معها لاندونيسيا ..موتها ولا شغالة تقابل الرجال وشغالات عماني وعماتي مااموون عليهن...
هيفاء:تصدقين فكرة حلوة لو تسفرك تاخذين لك اندونيسي و.......
قاطعتها: انطمي.. انتي اعرسي اوول وبعدين تفرغي لنا.......
ناظرتنا عمتي هدى وقالت:اووف يابنات اخوي..والله لاحقات على الغثا ..وطلعت وهي تقول: ابدق على فيصل تبون شئ ثاني عشان يجيبهن مرة وحدة..
تناظرت اناو هيفاء ونزلت عيوني ..مانيب عارفة وشلون نتعامل معها..كل كلمة تفسرها على كيفها..الله يصبر قلبك ياعمتي

نقزت على عصا امي لولوة <<بس للامانة ضربه خفيفة

امي لولوة: يامن العرس اللي يضفكن قولن امين..لنا ساعة واصلين الاستراحة وروسنا توجعنا ولاوحدة منكن به هبة ريح تقهوينا ..
خلود: يمة والله كل شئ جاهز بس مابوه فناجيل وعمتي هدى..
قاطعتني: اخسي واقطعي... المطبخ مليان الا قولي قاعدة تسولفين انتي وهاليابسة هويف..
انفجرت اضحك هههههههههههههههه
هيفاء: بعد انا وصلني حقي يمة؟
امي لولوة: وليش على راسك ريشة منتيب اغلى من خلودي هذاني لبيتها ((ضربتها)) بهالعصا...
ههههههههههههههههههههه حركت ايديني بمعني موتي حررة...
مدت بوزها هيفاء وطلعت وهي تقول: اجل خلي هالخلود تنفعك..وتقهويك
استحيت يوم حضنتني امي لولوة وهي تقول عسى ربي مايخليني من هالخلود

***************

قسم الرجال
فيصل ..30 سنة
2.55 ظهرا

***************

هذا جوالي يرن اكيد مشاري..ياخزيااااه نسيت ادق عليه..
فيصل: هلا هدى ..مسرع اشتقتي لي
هدى: وااثق ياعمي..اسمع فيصل
فيصل:اااهاه موب لله هالاتصال وش تبين
هدى: جب لنا الفناجيل ..ماعندنا شئ
قاطعتها: لاوالله اصغر عيالكم ..من كل هالخلق مالقيتي غيري
هدى معصبة: ليش بتموت لاجبتها...بعدين عشان ااخر مرة يوم عزيمتك..

ابخلص هالحوار معها بسرعة ...هدى انقلبت 180 درجة عقب طلاقها و محملتني كل المسؤلية.. بس لان خالد كان في يوم من الايام ...صديقي!!

قلت :زين زين ..امري تدللي كم هدى عندي
ماكملت كلامي تدرون ليش؟؟ لانها ببساطة صبخت بالتلفون بوجههي
يالله.. ان الله مع الصابرين ويقولون ((اعرس يافيصل؟؟ مهبوووول انا؟؟))

شلت هالفناجيل وتلفت مالقيت الا فارس قدامي يقرا الجريدة…رفع راسه واشر لي..
فارس: فيصل..تعال لايفوتك .. هالمقال لباقي فرح…انت بس اقراه وانا اضمن لك بكرى بتقول لامي لولوة تخطب لك..
فيصل: فكنا تكفنا ياشيخ ..قال باقي فرح قال..عساها هالمراهقة ..اللي ماوراها غير الخرط الفاضي..مصوره العالم مايحتاااااااج..كله حب ورومانسية..وورد وعطر ..مابعد صرقعتها الدنيا زين ..
فارس: وانت وش حارق رزك..مع احترامي لرايك ....الا صراحة كتاباتها قوووية وتضرب بالصميم..بجد موهوبة..وقلم مبدع..تصدق نفسي ادري من تخاطب بهالقصايد والنثر..ياحظه

قلت له:تراك عااد اذيتنا... ماصارت..اربع وعشرين ساعة..قالت باقي فرح وسوت..
..اقول قم وخل عنك باقي زعل.. وخرابيط المراهقات..قم وصّل هالفناجيل للحريم .. منيرة ..مشتهية قهوة ومالقت فنجال وبعدين حلفت انها ماتشرب الا من فنجال لامس يدين فارس عشان يصير للقهوة كيف ؟؟ قوم وصلهن للحريم ..
قاطعني ..وهو منهمك يقرا: اقول يسلم عليك خالي....
انا صدقت قلت : الله يسلمك.... اي خوالك عمر؟؟
فارس: هههههههههه لا موب عمر يعني اسكت ولايكثر هرجك وجعلها ماتقهوت ابد
فيصل: قم عااد الحريم لاجات ومسويات مظاهرات ماعندهن فناجيل...
جدع فارس جريدة الرياض وقام: الشكوى لله ..بلوى انك تصير عمي
ضحكت وقلت: وتااج راسك؟
شالهن وطلع ..دخل علينا طارق شايل غلا ...
فيصل: هلالالالالالالا والله بغلا حياتي
طارق: وانا احسب الترحيب لي
فيصل: اقول اخذ بروحك مقلب؟؟ ذابحن باستراحة الشباب امس واليوم....والله يستر مايطب الغلا علي بكرى وتجي تسلم على امك لولوة وانت بالاصل عاني عشاني
طارق: هههههههههههههههه خال ببلاش

سلم طارق على الرجال واخذت غلا هالبنت تجنن..قعدت ابووس بهالخدود وهي تفتش جيبي اللي قدام <<<الظاهر عرق التفتيش يجري بالمراه منذ الصغر
احيانا لما اشوف غلا ..واشوف طارق وشلون فرحاان بها وهاقنا قالت غلا وسوت غلا ..افكر يعني طارق اصغر مني ومتزوج قبلي وعنده غلا وووو
لكن اقطع التفكير بسرعة لاتذكرت ان غلا جت عن طريق هالزواج ووجع هالراس
بلالالاش يكفي غلا نشوفها مرة بالاسبوع
وانا مبحر بهالهواجيس الا سلمان ولد اختي شيخة.. هالخبل ناط بحجري
سلمان: خالي فيصل وين رحت..لايكون تحب ؟؟ لولولوولوليش اروح ابشر امي لولوة
وش بلاهم عيال خواني وخواتي…كاني قاعد بكبودهم..انا خابر البنات يقعدن مهوب الشباب..يالله هذا اخر الزماااااااااااان…

فيصل: بشروني بموتك الليلة قل امين..قم عني
الشباب :هههههههههههههههههههههههههه
سليمان: بسم الله على وليدي
فيصل: هذا ولد ياسليمان ..هذا شيطان
سلمان مسوي نفسه زعلان: ....اجل انت وش تصير؟؟
طارق: الا فهد وينه ماجاء من الشرقية؟؟ ونواف؟؟
فيصل: الا جاي بس يشخر لا شبع نووم تفرغ لنا ونواف كالعادة طالع مع شلته اللي اخوك احمد عضو طيب منها .......
طارق: ايه احمد طالع معهم ..الله يستر عليهم هالشباب
قاطعم زياد: الا والله ياسعدهم انتم بس اقنعوا ابووي يشري لي سيارة ..مانتيب شايفين رقعة وجهي
الا على دخلة ابوفهد: عشان كذا يالهيس مانيب شاري لك سيارة الين تركد وتعقل
سلمان: هههههههههههه على نفسها جنت براقش..زياد صادوه
ابوياسر ((زوج اختي فاطمة)): والله انها مشكلة هالسيارة يجيك البزر مافاض من الارض ويبي سيارة ولاقلت شئ قال وش حيت ولد فلان وعلان كلهم كبري ويسوقون
ياسر((10سنوات)): الا انا عااد يبه..
ابوياسر: انت الاول ..مانتب شايف السيارة لما تدق العشرين
فارس: اااح وليش ياعمي ؟ هذا الغلط انك تحرمهم ويجي غيرك ويعطيهم

احتد النقاااش حول السيارات وغلا ابلشتني تبي تروح للحريم ومالقيت الا هالاثول عمها سلمان…
فيصل: سلمانووه ..قم ود غلا للحريم اوجعها راسها من لجتكم
سلمان: عااد من هالهدوء عند الحريم ..اسمع صجتهن وانا هنا ..بالله لايفوتك صرااخ المهابيل الهنوف واريج ومشاعل ..هذولي لو تروح للصين تسمع صراخهن وضحكهن
زياد من جاء طاري الهنوف وانا احس عيونه قامت تشر..فحبيت العب باعصابه
فيصل: اقول زياد..غلا ماتشبه عمتها الهنوف؟؟ احسها نسخة منها…
زياد يزخني بهالنظرات وساكت
كملت: الا وش رايك توديها عن سلمان..مسكين يوجعه راسه من لجه هالبنات؟؟
زياد ينقز: ابشر... تعالي غلا
فيصل: وانا اشهد انها غلا
سلمان بيخرب على زياد: خير خير استريح يالطيب انا اللي بوديها...

*******************

قسم الحريم
بعد صلاة المغرب
هدى

*******************

تتردد بخاطري..مشاعر عجزت ادفنها بالنسيان
حب وغدر..فراق وقهر..وطعون بالوجدان
رفعت عيوني للسماء ..ياليل مااااااااطولك على السهران

سته شهور..وعجزت انساك ياخالد!!
وكيف انساك وانت بقلبي ساااااااااااكن..

طلعنا بالثيل ..وجلسنا نتقهوى وحريم اخواني وخواتي
ضحك وسواليف ..وقال لي فلان وسوا لي ابو فلان…

نسوا اني بينهن اليوم جريحة مشاعر...
نسوا اني ابتسم لهم .. وهمي بقلبي غاير..
نسوا انهم اغتالوا فرحتي...
..قبل لاتنولد..عديمين الضماير..

هذا انا ....هــدى
احس اني صرت الضلال من بعد الهدى

ااااااااااه..كلمتني عزيزة مرت طارق..وهي ماسكة البيالة..
عزيزة: اقول هدى ..تبين شاهي والا زنجبيل؟؟
ابتسمت: شاهي الله يسلمكِ...
عزيزة:عااد شاهي من يديني غير شكل..ليت من يرسل كاس لطارق!!
ااااه كل شئ يذكرني باني كنت في يوم احمل لقب عروس و بغمضة عين صرت مطلقة..
هيفاء: هدى ..ماذقتي فطاير خلود؟؟ تجنن تراني رفعت لكِ ..من هجم عليها جوج وماجوج قلت الحقوا اعماركم واخذت لكِ ولعزيزة ولي
عزيزة: تسلمين ياربي ياهيفاء ..الا ماشفتوا غلا؟؟ياخوفي تصير بالمسبح
منيرة: لا توني شايفتها مع بشاير عند المراجيح....
خلود نطت علي: عندي فكرة.... وش رايكن نرووح نلعب بالمراجيح..نفسي العب
هيفاء: ليش مشتاقة للفلقات؟؟لا ياعمري انا لعبت بمافيه الكفاية..

احس بضيقة ياناااس ولو ضحكت وسولفت
احس الكل مبسووط من قلبه الا انتِ..اااه ياهدى
ليت النسيان ينشرى ..والله لاشريه بدمي وروحي وانسى بيوم اني كنت لك حليله..

"يسعد مساك .. يا حبيبي
حالي طيب
كل شي مثل اللي كان
المدامع .. والمواجع ..
والأمان اللي اختفى لحظة غيابك
والليالي اللي مضت .. مثل الليالي اللي مضت
الهم عازف .. والدمع نازف ..
والعمر في غيبتك حاير وخايف
حتى جراحك وسط قلبي مثل ماهي
وفي شفاهي باقيٍ نفس الكلام اللي بقى .. آخر لقاء
مثل منتَ يا حبيب الروح شايف
كل شي مثل اللي كان "

ماوعيت الا بخلود تجرني من ايدي وتسحبني وراها:هيه خلودوه؟؟...وقفي وين رايحة؟؟
خلود عاقلة ثقيلة ...بس احياناً عليها تقليعات مهيب صاحية...
خلود: ابخطفك .. وين بنروح يعني...؟؟...هيفاء وعزيزة مارضوا يجوون وانا نفسي العب من زماااان ...بالمراجيح .. قلت مالي الا عمتي الحبيبة تجي تلعب معي ..يالله
صرخت بها: والله انك بزرانقلعي ..
وجريت يدي من يدها بقوة وقلت بصوت عالي : لو سمحتي احترميني قدام الناس مو تجريني وراك كاني بقرة.. نسيتي اني عمتك واكبر منك...والا عشاني الحين صرت مطلقة......" و فجاه انفجرت اصيح غصب عني......"

***************

نهاية الحلقة الاولى

بها تعرفنا على ابطال..

" باقي فرح"

..وباقي الاعضاء سيظهرون عبر الاحداث
هانحن..ابتدينا ..اول الخطوات ..نحو دراما تبكينا وتضحكنا في ان معاً...
راجية من كل من مر من هنا..ان يلقي رحاله ..باعثا لي نبض احساسه
وليعلم ان كل حرف منه ..هو محل تقدير واجلال مني

ملاحظة: الاشعار المكتوبة بالرمادي منقولة ومعدلة لتماشي الاحداث..وللامانة انا مااسمع اغاني ولله الحمد ..فلو لقيتوا كلمات اغنية تراني ناقلتها من ديوانها ..

[باقي فرح]

الشخصيات

الجدة لولوة عندها بالترتيب

الولد الاول:علي (ابوفهد)<<<زوجته حصة
اولاده فهد 27 سنة
فارس 25 سنة
هيفاء 23سنة
سارة 18سنة
زياد 16 سنة

****************************

الولد الثاني: سعود (ابو نواف) زوجته بدرية
خلود 23سنة
نجود 20 سنة
نواف 18 سنة
مشاعل 14 سنة
بشاير 8 سنوات

***************************

البنت الثالثة:شيخة ( ام طارق) زوجها سليمان
طارق 27 سنة زوجته عزيزة 24 سنة وبنته غلا 3 سنوات
سلمان 25 سنة
منيرة 20 سنة
احمد 18 سنة
الهنوف 14 سنة

****************************** *

البنت الرابعة : فاطمة ( ام ياسر) زوجها سعد
اريج: 14 سنة
ياسر 10 سنوات

****************************** *

الولد الخامس : فيصل<<<يعني يصير عم هيفاء وخلود والبنات
ههههههههههههههههه يانهيق القمر يعني ماراح يتزوج خلود
عمره 30 سنة لم يتزوج

*****************************
البنت السادسة والاخيرة

هدى 26 سنة مطلقة ...

***************************

[باقي فرح]

๑۩۞۩๑ الحلقـــــــــــة الثـــــانيـــــــــة๑۩۞۩๑



صرخت بخلود: والله انك بزرانقلعي ..وجريت يدي من يدها بقوة وقلت بصوت عالي : لو سمحتي احترميني قدام الناس مو تجريني كاني بقرة وراك.. نسيتي اني عمتك واكبر منك...والا عشاني الحين مطلقة...... و فجاه انفجرت اصيح غصب عني

************

خيمة الشعر
نجووووووود

*************
اااخ يابطني والله بموووووووت من الضحك
نجود: بس بس حراام عليكم ..مووتوني ضحك...
منيرة: عادي ترى المقبرة قريبه..
ضربتها على كتفها
نجود: جعلك قبلي قولي امين
منيرة: نجود تعالي انتي ..ماكلمتي امك عن طلعتنا الاربعاء الجاي..
انا تصنعت البلاهة والبرود
نجود: اي طلعة ..عن وشو تتكلمين؟
منيرة: لا والله
سارة: ايييه يالخاينات.. خطط وتكتيك من ورانا؟؟ زين علمونا والا بنخرب عليكن
منيرة: اسرار... انتي ماحد يزل لسانه قدامك...
مشاعل: لا والله ..يزل لسانك تزل رجولنا وياااك هههههههههههههه وين رايحات؟؟

قهرتني مشاعل وقلت: مشاعل عاد انتي اخر وحدة تسالين؟؟
مشاعل: وليش ؟ مو على كيفك تروحين بروحك؟؟
قهرتني صدق ودي الفها طراااق..

نجود: اصلا طلعتنا ممنوع اصطحاب الاطفال؟؟ فاهمين يامعشر المتوسط؟؟
مشاعل وقفت وبغت تطيح على الهنوف: يمه يمه بغيت اطيح,,,
نجود:هيه ..هنوف لحقي عمرك...مشاعل بتواسيك هالحين بالارض...
منيرة وهي تحضن الهنوف: شعوولي ..عااد حراام عليك ..والله ماقضيت من اختي الوحيدة...
مشاعل: تشوفين يانجيد والله ماتروحين الا رجلي على رجولك..
نجود:ههههههههههههههههاي ... لاوالله من خفك بعد تصيرين على رجولي..بجدعك على شارع الحوامل عشان تمشين وتخفين واذا خلص مشوارنا رجعت عليك بس اخاف تصيرين ولدتي هههههههههههههه

مشاعل احمر وجهها و طالعتني بنظرة تهديد..على بالها مجروحة..ومصدقة روحها انها حساسة وطلعت وقامت الهنوف ولحقتها
.....اما اريج فلاهية تقلب بجوالها ماهي معانا ابدا
سارة: نجود حراااام عليك فشلتيها قدامنا؟؟

نجود: تستاهل هالدوباااا ...خليها تعرف حدودها مرة ثانية ...منيرة قومي خلينا نمشي ..الا متى بنرووح؟؟
منيرة: يعني صدق بتروحين؟؟
نجود: تبين الصراحة مافتحت الموضوع مع امي ..بس ابوي مضمون
منيرة: ماهو البلا من امك ..صراحة خالتي بدرية مرررة شديدة
نجود: اااخ ..لاتشكيلي ابكي لك مو شديدة وبس تصدقين اليوم ماكان لي خلق اجي وبغيت اجلس بالبيت ..الا امي تركب راسها ..تجين يعني تجين
منيرة بفرح: الله يعافيها على هالشدة وانتي ووجهك وش يقعدك يالحمارة؟؟
ناظرتها وحنا نطلع للثيل...وبرد عليها الا طاحت عيوني على
مشاعل والهنوف وهن جالسات على الكراسي اللي عند المسبح .. وشكلها الخبلة مشاعل تصيح والطبيبة الهنوف تهديها..زين خليها تولي عشان المرة الجاية تعرف تتكلم زين وتحترم اللي اكبر منها...

********************

خيمة الرجال
فارس
11.45 ليلاً

*******************
ابوي: فارس ..يالله دق على اهلك خلهم يتجهزون بنمشي ...ماعاد الا خير؟؟
عمي سعود..ويبتسم بمكر: وراك ماتسهر ..لاحق على الخير
طبعا ضحكوا الرجال ..وهم يعلقون على بعض..

اخذت جوالي ودقيت على هيفاء
فارس:الو ..السلام عليكم
هيفاء : هلا فارس
فارس: يالله قولي للقطيع اللي عندك..يكفي هذر..وتجهزوا بنمشي
هيفاء: والله ماتيس غير وجهك ...يا
قاطعتها:بس بس قولي لهم يركبون والا رحنا وخليناكن..
اسمع صوت وصجة ولجه وضحك
يالله هالحريم ..ماتخلص سواليفهن
هيفاء: اقول فارس..فهد ماجاء امي لولوة تسال عنه
فارس: الا توه جاي وبيمر يسلم عليها بس انتن اخلصن وخلي هاللي يلجن عندك يتجهزن
هيفاء: لو تدري من اللي يلج كان جيت تركض؟؟
فهمت انها تقصد منيرة هالماصلة: لا والله اخاف انكسر..يالله مع السلامة

التفت على فهد وقلت..:فهود مطلوب بالاسم؟؟ العجوز طالبتك
فيصل: ترى بلخك طراااق ..اذا سمعتك تقول لامي عجوز
فارس: اووه سوري ..شيخة الصبايا بدها اياك
فهد يبتسم:وانا اشهد انها شيختهن
دخل عمي سليمان بالسالفة: اجل ام طارق((شيخة)) وش تصير؟؟
ابونواف: الله يهديك..اصلا امي الاصل ومرتك المرق هههههههههههه
ضحكوا الشباب والشيبان بعد
امي لولوة القلب الحنون من اللي مايشوفها ومايحبها

******************

الاستراحة ,,,المراجيح
خلود
12 ليلاً

******************
مصدومة باللي قدامي..!! مستحيل تكون عمتي هدى ..
لا ..لا ارجوووووووك ...بس يكفي ...

انا ادري ان عمتي هدى تعبانة نفسيا عقب طلاقها اللي مامر عليه ست شهور لكن
عمري ما شفتها تنهااارقدامي وبهالشكل..كانت دايما تكابر علينا وتخفي دموعها بس هالمرة مدري وش صاار لها...

سحبت يدها من يدي وصرخت بوجهي...بعدين انفجرت تصيح ..طاحت على ركبتها وهي تغطي وجهها وكانها مو مصدقة اللي قاعد يصير..حتى انا مو مصدقة ..صياحها يقطع القلب....
كانت لامة كفوفها وحاطتها على ثمها وكانها تمنع صرخاتها ان تطلع بهالفضاء الوسيع..
خميتها ونزلت دموعي وانا اشوف اغلى عماتي وصديقاتي تتالم وانا عاجزة عن التخفيف عنها ..شفت العجز والضعف بعيونها...
شفت الحزن والغدر مرسوم بمشاعرها
شفت القهر والالم اللي تكابر عليه ..انفضح بوجهها وصياحها
خلود: لالا يابعد قلبي..لالا ياهدى ترى دموعك غالية عليّ
تعوذي بالله من الشيطان


"لو نسيت العمر ماانسى دمعتك...صرخة ذابت من عيونك دمووع
ترتعش مرتاااعة في وجنتك ....وانتفض قلبي لها بين الضلوع
ازعجت صمت الليالي عبرتك...بالخفا ثــورة وبالظاهر خشوووع
تسكب الدمعة وتظمي نظرتك...مشهد النظرة وهي تظمي يروع"


خميتها على صدري.. وتمسكت بي كانها لقت حضن يأويها ..كانها تايهه بدروب الزمن ولقت وجه مالوف لها ..قالت بضعف وهي تشاهق:خلود انا تعبااانة ..بموووت من الضيقة ياخلووود..ارحموني تكفووووون...

ياربيه ..لاحول ولاقوة الا بالله
خلود: تعوذي من الشيطان..ترى ماصار شئ يخليك بهالهّم ياعمتي..كل العالم تتطلق ماوقفت الدنيا ..و
ندمت على هالكلام لان صياحها زااد وجسمها قام يرتعش بشكل غريب..
انا خفت عليها..احترت وش اسوي ..حنا بعيدين عن المجلس والحريم... حنا صوب المراجيح واقرب شئ قسم الرجال..جت على بالي فكرة
ابنادي عمي فيصل ..هواكثرواحد يفهمها....

قمت اركض ناسية اني بدون غطاء وان الشباب كلهم موجودين بس حالة هدى ضيعتني ياناااااااس
مدري وشلون وصلت الباب اللي يفصل بين قسم الرجال والحريم
وانا كل همي اني اشوف عمي فيصل والا ياسر عشان يناديه
طرااخ .. واصدم بذاك البياض وارجع على ورى ..وانا مادري وين انا فيه
رفعت راسي ومن كثرماتمنيت عمي فيصل..تخيلته قدامي

خلود بصراخ: عمي فيصل الحق عليّ ..تكفى تعال بسرررعة..عمتي هدى ص..

بس ماتت الكلمات على شفاهي...

للحظة وقف الزمان ...وتبدل المكاااااااااااااااان

...اللي قدامي مو عمي فيصل..

هذا



هذا




هذا


فهـــــــــــــــــــــد ولد عمي
فهد: وش فيها عمتي هدى..
صدمتني المفاجاة..معقول هذا فهد
يالله ..من ست سنين ماشفته..
هذا فهد اللي قدامي ..يوه ماتغيرمرررة .. بس زادت وسامته وعوارضه معطيته هيبة...ياحظك ياخلوووووود فيه...

معقول هذا فهد..لايمكن من كثر ماتمنى اشوفه صرت اتوهم
هذا فهد؟؟ معقول يانااس والا انا احلم؟؟

هذا اللي طويت الماضي بعبير لحظاته...
هذا اللي رسمت المستقبل باطار ذكراه...
لا مو معقول فهد هو اللي قدامي ويكلمني..
.قلت بقلبي
ليتك ياهدى صايحة من زمااان....

فهد بنفاد صبر: خلود ..تكفين تكلمي وينها عمتي هدى وش بها..
..مدري ياناس ليش كل شئ في جسمي انشل من لساني الى رجولي..صار قلبي ينبض يقول فهد.. فهد.. فهد ياويلي على اللي عمره ماجرب الحب...والحرمااااااااااااااااا ان...

يعني عرف اني خلووود..يعني بعده يتذكر ملامحي...اكيد مانساني... ياحظي ياحظي..معقول فهد الى الان .... يملك كل هالتاثير علي مشاعري
مااكذب عليكم ..حسيت اني اطير اطير فوووق فووووق<<ادري بتقولون موب وقته بس هذا قلبي الغبي..قلبي العاشق المحروم..

"سألني من
أحب أكثر
ومن في صوته
أتأثر؟
ومن هو .. فارس احلامي ؟
ولمين اتعذب واسهر؟
بغيت اجاوب عيونه
واقول بكل صراحة
وحب
اني فيه .. "مفتونة"
وانه ساكن اهدابي
وأول وآخر احبابي
صرخ بي
قال: لي .. قولي
كفاية لعب باعصابي
سرحت
وقلت له.. تصّور
اهو اسمه مثل اسمك
ورسمه يشبه لرسمك
وله نفس ابتساماتك
ونظرة عينه مثلاتك
لأني كلما طالعتك
اهيم
بليل نظراتك
وتقريبا مثل طولك!
وصوته
فيه من صوتك!
يداعب مسمعي
وارحل
في دنيا مالها آخر
ويستعمل نفس عطرك!
والمسباح والساعة!
وسئلته
في خجل ظاهر
عرفت الحين؟
وصار يتلعثم المسكين
وقال لي:
للأسف لحظة
تخيلت اني المقصود
بس اليوم
بالصدفة
غيرت العطر
وحطيت
بداله اليوم
دهن العود؟!!"

بقلم المرحومة: صدى الحرمان الله يرحمها

رجعت لارض الواقع..وين انا فيه ..ايه صح هذا فهد يكلمني ..لحقي عليّ ياروووحي بمووووت من الفرحة ... لامحالة...

فهد: تكفين ياخلوووود ..هدى صار لها شئ
سمعت الرجاوي بصوته .. غرت من عمتي هدى
تمنيته يسال عني..حتى لو اكون تعبانه بس تمنيت انه على باله يطريني...
خلود: عمي فيصل وينه... اخيرا قلت
فهد: هدى بها شئ؟؟ تكلمي يابنت النااس؟؟

خلود تلفت وانتبهت اني اكلمه بدون غطاء<<قولوا الحمد لله على السلامة بدا عقلي يشتغل ههههههههههههههههه
لفيت ورى الباب بسرعة وانا ارتجف من رهبه شوفته: عمتي هدى منهارة تصيح وانا ابي عمي فيصل يشوفها...

فهد:ليش ,,,, وينها ياخلوود؟؟
خلود: عند المراجيح هناك..
ماسمعت رد ..مدري رااح وخلاني والا رااح ينادي عمي فيصل والا راح لعمتي
انا مدري عن شئ
كل اللي ادريه ان النوم ..مو زايرني الليلة من الفرحة
ااااه ..مجنونة؟؟ شوي علي كلمة مجنونة؟؟
فهد ..من طلعت على الدنيا وهو ...........

******************

يوم الجمعة
نـــــواف
الريااض...الثمامة

*****************

الجو صراحة رهيب...غيوم وبرااااد...وهالطلعة رااااااااايقة مررررررة
مدري لو يغيب البر من الوجود وش تصير حياتي ههههههههههههههه

ثامر:نواف وصمخ ..مد لي الحطبة ابواسي النار؟؟
نواف: تراكم اعميتونا بهالدخان
الكل: ههههههههههههههه لا يالبنية عسى ماسال الكحل...
نواف: انقلعوا عااد يعني يانصير بنت ...ياننعمي..عمي يعميكم
سالم: الا اقول ماقلتي لنا نوف وش نوع صبغتك هالشهر؟؟

انا ادري انهم يتطنزون على شقار شعري اللي مدري منين جاني ..ليته صار بمشاعلوه والا بشورة ..ولا صار بي ..ايييه تذكرت ايام مضت ..يوم عيال عمي فهد وفارس وطارق وسلمان ينكتون علي ويقولون ...."نواف ترى الولد مايحط براسه حناء"

نواف: ياشين الغيرة يالشهبااان ؟؟
ثامر: اما غيرة كثر منها ..عسى على هالشهاب قل على طولك على وسامتك اما شهابك لا والله ........تقل احد حايسن شوشتك بتراب.....
احمد ولد عمتي شيخة: على الاقل ..فيه شي يخليك تغار منه المشكلة شيفتك الله يصبرنا على مقابلها.........

انفجروا الشباب بالتعليق والسواليف ..وحنا هاذي حالتنا تطنز وتعليق بس عارفين بعض ولانشيل بقلوبنا على احد..قام سالم وزبط لنا ذاك الحليب بالفلفل الحاااااار واستانسنا و لكن حانت ساعة الفراااااااااق....ياناس الله ياخذ الدراسة غثيثة...هم ونكد مابعده نكد...الله يعين... ورانا خط للرياض وبعدين بقابل ابوي وباخذ لي كلمتين معتبرات..الا قل محاضرتين اما صارت طراقين بعد... كالعادة

اااااااااااااااااه

مدري ابوي متى بيفهم اني ولد ...ماني زي هالبنات اللي ببيته
المشكلة انه يبرره على انه خوووف وانا مااشوفها الا انعدام ثقة..........
بتشوف يايبه بنفسك انك غلطان وبتندم بعدين......

نواف:ااااااااااي ياااثوول...((ثامروه هالحمار ...فرني بقارورة الماء ))
ثامر: هيه يالنشمي ... قم ساعدنا ضف المكان موب تتركه مزبله...
نواف: وش قالو لك بنت ؟؟ انقلع زييين ...قال ضف قال؟؟
سالم: لا ياشيخ موب بنت بس عيب علينا نترك المكان كذا.......خلينا كلنا نتساعد مايبي لها شئ..
نواف: شف انت واياه ...ترى النفس هنا ((واشرت على طرف خشمي))..فانثبروا وعضوا لكم على شحمة احسن لكم.......
مشيت وخليتهم وجدعت السليب باق بسيارة احمد لاني جاي معه ...وركبت وكاني اسمع ثويمر يقول
ثامر : والله ياهو اخذ مقلب بروحه هالنواف ...ويرفع صوته: االكشتة الجاية ممنوع اصطحاب العجازين....

غمضت عيوني وانا افكر بابووووي ........ الله يعيني عليه
بيفتح لي محاضرة عن الدراسة والمستقبل وووو .........

احمد وهو يربط الحزاام: عسى ماشر نواف؟؟تعبان؟؟
نواف: تعباااااااااااااان وبس؟؟ ... قلتها بكل هم والم
احمد باهتمام: وش تشكي؟؟ نمر المستشفى؟؟
نواف: اشكي خالك اللي ماهو مقتنع اني صرت رجال...بيحبسني زي بناته وو
قاطعني: يانواف لاتلوم ابوك؟ انت اول ولد وطبيعي يخاف عليك ...انا لو ماقبلي طارق وسلمان كان صرت اشد منك ...بس الان ابوي طنش وتعود...
نواف: طيب والحل يااحمد؟؟انا تعبت تعبت مع ابووي ماودي ازعله ولا اقدر اني اسوي اللي يطلبه من ....... مستحيل اترك البر والشباب والطلعات
ابتسم احمد بعفوية وقال: وسع صدررررررررررك ياشيخ ... تهون ان شاء الله بس انت شد حيلك هالسنة وجب النسبة اللي تفرح خالي وابشر بالخير

اووووووه يهالدراسة اللي كل شوي تطلع لنا ...المشكلة انها ثالث ثانوي ..رغم اهمالي وتطنيشي واني مااذاكر الا ليلة الاختبار .... الا ولله الحمد اجيب امتياز ..بس ابوي مايرضى ..

تنهدت وانا اذكر هواااش ابوووي وتعصيبه ..احيانا يمد يده علي ..معتبرني بزر ...ونصايح امي انت ولدي الوحيد ..انا اطالع الله ثم اطالعك...غمضت عيوني بالم ..تكفووووووووووون لاتحملوني مالااطيق... انبعث صوت الشيخ احمد العجمي من المسجل...بكل روحانية وطمانينة
نواف: احمد تكفى طلع الشريط؟
احمد : اعوذ بالله ...لاتصير شيطان وتضايق من القران؟
نواف: افا ...ماهقيتها منك ......لابس .. اخاف يجيك النوم وبعدين نروح شوربة.....
احمد : هههههههههههههههههههههههههههههه لا ان شاء الله بتصير كبسة لاتخاف

*****************

الجمعة...
فهد
وعلى طريق الشرقية

*******************

مااصدق اللي شفته البارحة
عمتي هدى ..منهارة تصيح وتتوجع..
طيب و ليش وش صاير؟؟؟
ليه ماترضى بواقعها الان ,,,,هي خلاص تطلقت ..من زمااان وبعدين ماعاشت مع خالد عمر يسوى.. كلها ثلاث شهور ..يعني ليه كل هالالم والتعب والدمووع ..يبه زيين اللي مايبينا مانبيه ..

بس تعال ..معقول هذيك اللي امس شفتها هي خلود بنت عمي سعود؟؟
الله يالدنيــــــــــــــا...كم لي ماشفتها؟؟
اذكرها كانت بالثانووي اخر مرة شفتها ... وعقبها سافرت الشرقية وانقطعت اخبارها...صحيح دايم هيفاء قالت خلود وسوت خلود...بس مدري ماحسها تغيرت كثير..هي هي خلوود بس طالت شوي...واحلووت بعد..


قطع افكاري جوالي اللي يلج..
فهد: خــــــــــير..مامداني ماشي منكم....
هيفاء: بسم الله علي ؟؟الناس تسلم واذا انك مستغني على الاجر قل الوووو موب خير
هههههههههههههههههههههه انا ضحكت من كل قلبي
فهد: اسفين ..السلام عليكم ورحمة الله وبركاته..
هيفاء: ايووه هذا الكلام اللي يجمد على الشارب ..وعليكم السلام ورحمة الله وبركاته..
فهد : ههههههههههههه اي شارب ؟ خير ؟ وش تبين خلصينا؟؟
هيفاء: اسمع انك وشاربك ..امي معصبة عليك..انت بعيد... ماتقدر ترجع؟؟
فهد باستنكار: ارجع ؟؟....خير ان شاء الله ؟؟
هيفاء: اكيد خير...لاتصير ناسي انك ناسي اغراض خالتي ام نواف اللي معطيتك اياهن امي وقالت لك توصلهن لاهلها بالخبر؟؟

يوووووووووه ......والله نسيت اغراض خالتي بدرية
ياااااااااااااااااربيه وش هالنسيان الفضيع ..شكلك شيبت يافهيد وانت مااعرست هههههههه ..طيب والحل الحين قطعت مية كيلوو ومستحيل ارجع...ياخزيااااه من ام نواف...هذا وانا مخطط اناسبهم ههههههههه من اولها نسيان ..طيب يصبرن للمرة الجاية

فهد: والله ماكان على بالي ..اعتذر لي من امي وقولي الاسبوع الجاي ان شاء الله
هيفاء: هكذا وبكل بساطة وتقلد صوتي ((اعتذريلي من امي و..
صرخت بها: حرااام عليك ياهيفاء ..وراي دووام وباقي لي ثلاثمية كيلو..بيطيرن الاغراض ؟؟
هيفاء: طيب..انقلع.. مع السلامة
طبعا مالحقت اقول مع السلامة وتصبحين على خير وبشتاق لكم لانها وبكل بساطة اغلقت الهاتف في وجهي

قعدت اتامل الجوال وقلت : موب لو اصكك وافتك من بلاويك احسن لي...
وقرنت القول بالفعل وفريته على الكرسي اللي جنبي ..

وصلت شقتي حدود الساعة 11 بالليل..دخلتها ..باااااااردة وحوسة وفوضى..ياربيه متى بتزوج .. وادخل والاقي عروستي تستقبلني بابتسامتها ..وبكل دفء..تقبلني..و
انتبهت لواقعي المر ..
اي ابتسامة واي خرابيط ..خلني اروح اجيب لي عشاء وامر ملابسي من المغسلة !!
ماقلت لكم ..ودي اعرس اليوم قبل بكرى...خصوصا ان امر البعثة لبريطانيا صدر..
يعني لازم احط النقط على الحروووف ..يارب تسهل امري ياكريم..ابكلم اهلي الاسبوع الجاااي خلاص صبرت لين مل الصبرمني ..وقال يافهد تراك عنست طقيت 27سنة ماعرست!!


غمضت عيوني ...وانا احلم بها ..بجانبي ..اغوص في اعماق عينيها
وترقبني ..وبابتسامتها الخجلى ..تسحرني

**********************
نهاية الحلقة الثانية

[باقي فرح]

๑۩۞۩๑ الحلقــــــــــة الثالثــــــــــــة ๑۩۞۩๑
*******************

الجمعة
..غرفة هدى
8.30 مساء

******************

بظلام الليل..بهدوء العالم من حولي ..بانين الصمت الباكي على حالي,,
يثور احساس المواجع بداخلي..لاتلوموني ارجوووكم عسى ماتذوقون ماذقت!!

الطـــــــــلاق .....ااه ااااه ثم الف ااه
اااه ياربي والله مااعترض على قضاك
بس الناار اللي بقلبي محد غيرك ..يعلمها....

ياااربيه انا وش سويت البارحة بخلود؟؟
ياعمري صارت الفجعه بهالمسكينة؟؟
بس صدقوني مو بيدي..خلاص مليت الصبر ومل الصبر مني..
كل يوم يمر يباعد بيني وبين خااااااااااااااالد اكثر...كل يوم تتمتد بيننا المسافات..

ااااه...بس كفاية عذاااااااااااااب...

قالوا ..خلاص انسيه..
اااااه..وشلون ينسى القلب نبضه يانااااااااس...
وشلون انسى من حبه سكن حشااااااااااااااااااااي...
قالوا ..باعك بالرخيص..قلت بشريه بالغالي ...بس يرجع لي...
خالد...ليه..ليه ..طلقتني!!!
ماذكر اني في حقك خطيت...
الا ..ان كان حبي لك خطيئة......
سامحني ..مو ذنبي ..

اااااااااااااااااااه
الالم اللي بي صعب اقوااااااااااااااه...
والدموع اللي ذرفتهاعليك..مانفعتني..وش بقى لي بدنيتي...

مليت اخدع الناس بضحكتي...والقلب يحرق جمرتي..
ادري من رحت الاستراحة امس وانا متضايقة مررة ومابي احد يكلمني
بس ..من سحبتني خلووود احس خلالالاص....

انتهيـــــــــــــــــت

وش اللي صار؟
تصدقون مااذكربالضبط ؟؟
يووه صح كان فهد ..جاني وشالني ؟؟؟
طيب منين طلع ؟؟انا ماشفته يوم يجي؟؟
اوووه مو اكبر همي ..اهم شئ عندي خلود..
ماتستاهل خلود..اغلى بنات اخواني وخواتي
بس مالي خلق
سامحيني ياخلوووووووووود
ودي اكلمها اعتذر عن موقفي امس..بس وش اقول..؟؟
اقول اني مشتاقة لخالد؟؟ اقولها ابي ارجع له؟؟


غمضت عيوني ودموعي تبلل اهدابي..والعبرة ترتعش فوق شفاتي...وشريط ذكرى ايام زواجنا يمر بسرعة.. صورته محفورة بقلبي...واثيرصوته يتخلل مسمعي..
حبيته بكل صدق...عديت سنين عمري حتى صار لي...

..تخليت عن هالعالم كله وتزوجته..وعشت بقربه احلى ايام عمري..لاصحو فجأة والاقيني كنت احلم..حلم جميـــــــــــــــل...وان خالد خلاص رحـــــــل من دنيتي
شفت ورقة طلاقي..تزين جدار واقعي..

تذكرت ايام الخطبة والملكة.... يوم كنت شهرزاد زماااني
احكي للعالم اقصوصة حبي ...كان بطلها..دايم على لساني ..حتى هيفاء وخلود من كثر ماازعجتهن ..عاتبني ..((اووه ياعمه والله ماكان غيرك انخطب بهالعالم صجيتينا بهالخالد..قال خالد..سوى خالد..شرالي خالد..سالني خالد))
مالمتهن وربي...لان هالمشاعر مابعد طرقت قلوبهن..مو يقولون ,,توك صغيرة على الحب؟؟

حنيت له وربي..قمت ..فتحت دولابي..
طلعت البوم صور زواجي..شفت ابتسامتي..وماكنت ادري اني على موعد مع دموعي..شفت خالد..واقف جنبي مبتسماً..ليه ..كذبت حتى بمشاعرك!!
مرت لحظاتي معه..لحظات حلوة ..صارت ذكرى تبكيني..

ااااااااه...صرخت..احبك ياخالد..والله اني احبك رغم كل اللي سويته بي
طاح الالبوم من يدي..ولحقته..ماقوت رجليني تتحمل ضعفي وانكساري...
صحت وصحت..وصرخت ..بكل الامي..خل العالم كلها تدري اني اتالم
تعبت من الكتمااااااااااااااااااااااااا ان

ايه اعترف..احبه ...اموووووووت فيه..وحبه زاد ببعده..وغيابه
احبك ياخااااااااالد..ياربي ارحمني ...وش اسوي بعمري...بموووت من الهمّ

تمسكت بسريري وقمت..ابي اهرب من واقع الالم..
تمنيت اكون ذرات ملح ,,تذوبني قطرات دمعي..واختفي من هالعالم بكل صمت ..وكاني ماكنت..ينساني الوجود وانساه!! مايذكرني احد ولااذكر احد..
ينسوووووني ,,,,وانساهم

اااااه مااصعب حتى الامااااااااااني بهالزماااااااااااان..

حطيت يدي على حلقي...اااه...حسيت بالعطش..عطشانة حب واهتمام..كلن لهى بدنياااااااااه ..ونسوا اني طير جريح...وقلب ذبيح..قمت بشرب ماء..
صدمتني مرايتي..شفت وجهي ..لا..مستحيل..وش سوى بي فراقك ياخالد؟؟
حطيت يدي على وجهي ....ورجعت لدوامة دمووووووووعي..كفايه هي ترويني...

تقدمت لتسريحتي..ولمستها..تحسست هدايا الغالي..اللي صفيتها عليها..
عشان تذكرني..اني في يوم..قد مريت على بااااااااااله.. رفعت كرت احمر..مزين بالورد..وفتحته ..

"حبيبتي هدى..
ما قدرت أفسر في خيالي معانيك
لكن تمنيت أوصل حدود بالك
واعرف وش اغلي ماتمناه وأعطيك
ليت السعادة تصير دايم فالك
وجعل الزمان اللي يزعلك يرضيك
وأشيل الهم عنك وازعل بدالك
ارجو ان تقبلي تواضع هديتي...ولك مني كل الود
المخلص....خالد"

اااااااه ياخالد..ليتك دريت انك اغلى مااتمناه..وان زماني زعلني وماراضاني ..والهم بغيابك اثقلني..وماشلته عني..ااااااااه ..طحت على الارض...اصيح

"حسافه يـوم حبيتـك .. وخليتـك أعـز إنســــــــــان
حسافه بقلبي ضميتك .. وتجازي الحب بالنكـــران
قلت مجروح داويتك .. وشربتك وأنـا العطشــــــان
وسط هالروح داريتك .. وضميتك مـع الشريـــــــان
هديتك أغلا أشواقي .. وهديتني غـدر وأحــــزان
طعنتني ألف خنجـر .. وكانـت لدغتـك ثعبـــــــــان
حسافه ضاع تقديري .. معـاك مضيـع العنــــــــوان
أحبك كلمه مابيها .. ولا أبـي شوقـك الولهــــــــان
خسرتني وأنا العاشق .. وكل بالهـوى خســــــران
انا الجاني وأنا المجني وأنا اللي بعشرتك غلطان
حسافه يـوم حبيتـك .. وخليتـك أعـز إنســــان"


حسيت بخطوات امي وعصاها ..تقترب مني...وحضنتني..
امي: حرام عليك اللي تسوينه بعمرك يابنيتي..خلاص انسي هالخسيس الله لايوفقه..
هدى: لا ...يمه تكفين لاتدعين عليه..تراك تعذبيني..
امي وهي تشاركني صياحي:الا الله يحرق قلبه زي ماحرق قلبي عليك ..والله هو الخسران ..انسيه ..بكرى بتاخذين اللي يعوضك عنه..
خميتها بقوووووة...مشكلتي مع امي...ماتفهمني..اقولها احبه ..تقول انسيه..


*************
الاربعاء

فيصل
6.10 مساء
****************

مر اسبوع على هالاحداث واختي هدى صاكة على روحها بغرفتها
طيب وش نسوي بها؟؟
نطر بالشارع لله يامحسنين نريد زوجا لهالمطلقة...والا اروح اشحد خالد..تكفى رجع اختي لك..
ادري بتقولون لاتتشمت ..هذي اختي ولااحد يحب هدى كثري..
بس لازم ترضى بواقعها وتترك عنها الدلع الزايد
وهمن صاحت وش بيصير؟؟ بيرجع خالد؟؟

امي:فيصل قم ياوليدي صل تراه اقام المغرب؟
والله هالعجوز ..توه مذن حتى ماكمل يقول اشهد ان لااله الا الله
فيصل: اقول يمه ..ترى لو يشغلونك بالهيئة مهيب شينة
استغربت امي مررتها بسلام ...اااي الظاهر اني غلطان
لان عصا العجوز استقر بظهري
ااااااااااااي يمه حرااام عليك هذا وانا اللي موسع صدرك بهالبيت
امي:قم الله يغربل شيطانك ..اعوذ بالله لازم تفوته الركعه الاولى
قمت اتوضا امري لله شايب طقيت الثلاثين والا الحين امي قم ولاتقوم
فيصل:يمه تتوقعين لو اعرس بتطقيني قدام المدام اذا تاخرت على الركعه الاولى
امي:ابلخك انت واياها؟؟
انا طلعت عيوني افاا هذا وهو كلام اجل لاتزوجت وش بتسوي هالعجوز
تصدقون توني اصدق ...ماسي الحماه هههههههههه
فيصل: افاا والله .....عاد هي وش ذنبها
امي:بلاها جالسة معك ماقومتك للصلاة ..والراضي كالفاعل..وبعدين يوم انك تهرج هالهرج وتارك الصلاة ..قم صل وتعال بربر على كيفك؟؟
ولفت جلالها وكبرت تصلي عسى ربي يتقبل مني ومنها اميييييييييين

بعد الصلاة دقيت على طارق..بعد السلام
فيصل:اسمعني طروووق..قل لامك تمرنا اليوم
طارق:ليش ..لاتقول خالتي هدى الى الحين مسوية اضراب
فيصل:الله يعين عليها بس
طارق:طيب وامي لولوة ماسوت شئ؟؟
فيصل:مو اللي مهبل بي امي ..مطنشتها ولاتقل انها بنيتها
طارق:غريبة والله
فيصل:لاقلت لها شئ قالت خلك عنها هاذي تدلع؟؟


هدى...الله يعين عليك
والله مو ذنبي اللي سواه خالد..والله لو الود ودي انك مستقرة ببيتك وزوجك بس موب كل ماتشتهي تلاقاه..طبعا انتم عارفين مثل السفينة والعجاج اللي مايجي على كيف السفينة

طلعت وكلمت مشاري ..اتفقنا نتقابل بستاربوكس ..ابي اغير جووووو احس اني مخنوق والسبب كله ..هدى
ياهدى ارجووووووك ارحميني والله دمعتك احسها جمرة تضوي بقلبي
بس هذا النصيب ..وش اسوي

افهميها ياختي الحبيبة .......

خالد انتهى من حياااااااااااتك!! انسيه وبس

مشاري: ماقلت يافيصل..وشلون مديرك الجديد..
فيصل: ماعليه...
مشاري : موريك العين الحمراء..صح؟؟
فيصل: ان بغى العين الموف ..بس يفكنا من تقاريره اللي كل يوم مرسلها لنا...
مشاري: هههههههههههههههههه ياحليلك يافصول..توك تعرف قدر ابو صالح مديرك الاول..
فيصل: ايه الله يذكره بالخير...والله والنعم
مشاري وهو يرفع القهوة ويشرب..: ترى عنده بنت ..لوئطه..((لقطة..يعني رهيبة))
فهمت وش يقصد...مشاري مهوب مرتاح لما يرميني ببير العرس..زي ماهو طااااااااح...


فيصل: الله يخليها له..
مشاري: امين ...بس تراها شئ..لاتفوتك يااخوووك
فيصل: والحين وش دراك عنها...وبعدين ماشاء الله تشتغل خارج دوامك خطابة ..
مشاري شَرق بالقهوة ..وقام يكح : ههههههههههههههههههاي كح كح هههههههه
حسبي الله على عدوك بغيت امووت ...
انا مستغرب صدق وش عرفه ببنت ابو صالح: صدق وش عرفك بالبنت..لاتكون خاطبها ورفضتك؟؟
مشاري: عمري مااتوب ...قال خذ خير قال ماياخذه مخباتي..لا ..ارتاح ماخطبتها ..بس ام البنت تقرب لام سديم ...
فيصل: ااااااااااااها ...قل كذا يابو سديم من الصبح...

****************
الاربعاء
مشاعل
7.15 مساء
***************


لااحد يكلمني اليوووم ...متضاااااااااايقة لاخر حد
تذكرون يوم نجود العنز تفشلني قدام البنات الخميس اللي راح..بالاستراحة
هالحمارة سوت اللي براسها وراحت هي ومنيرة
واللي يزيد الطين بلة ..اني ابعرف وين رايحااات؟؟
طوال الاسبوع اللي راح وانا ماكلمت نجود
واتجنب اي احتكاك بيني وبينها ...بس اللي مهّبل بي ان امي على طول وافقت لها

خلود: مشاعل تكفين غيري هالقناة..شوفي بشاير بتطلع عيونها من المناظر...
بشاير تناظر خلود معصبة: بسم الله عليكن ..يالمغمضات؟؟
خلود: ايه حنا اذا جت مناظر مو زينة صدينا ..لاننا عارفين ان الله يراقبنا...
بشاير نطت وكان المريب ان يقول خذوني: والله ماشفته يوم يبوسها...
خلود: لا والله هههههههههههههههاي ...

انا مالي خلق لاحد...وقفت ورميت الريموت على خلود..احس بي نااااااااار تطبخ من جواا ودي اذبح نجووود..
خلود: مشاعل؟؟ وش بك؟؟

مارديت عليها وطلعت فوق بسرعة ابكلم الهنوف يمكن تعرف وينهن رايحات
صدمت بنواف بالدرج...
نواف: ااااي ,,,حشى لله دبابة بشرية مو بنت..ماتشوفين انتي
رديت بكل برود وانا بداخلي بركان:.. انت اخر من يتكلم فاهم؟؟
نواف لف علي: نعم؟؟؟ ..وليش ان شاء الله

طنشته ...وكملت الدرج ..حسيته يلحقني ..ومسكني من شعري ((مامداني اهج ..اصلا حتى لو سولت لي نفسي بالهروب وزني مايساعدني ))

مشاعل: ااااااااي ياحمار ..فك شعري...
نواف: ماحمار غيرك ..ثاني مرة اكلمك تردين علي ماتنطشين
مشاعل: نوااافوه ..اتركني والله لاصرخ عليك وانادي ابوي

علا صوتنا ..وهو لازال شاد على شعري ..من الالم دمعت عيوني ..
نواف: قولي اسفة اول يالبرميل ..وافكك
حسيت بالالم والاهانة ..اول نجود والحين نواف خلالالاص بس لو يموت ماعتذرت له
وانا اصررخ: يماااااااااااه يبااااااااااه ...تعالوا شوفوا نواف
شد على شعري اكثروهويقول:ايقالك خوفتين...

سمعت صوت خلود
خلود: نواف الله يهديك ..عيب عليك
نواف: والله العيب على هالبرميل اللي ماتربت
صرخت عليه: كان فيه احد ماتربى فهو انت....من غيرك مهبل بابوي وجايب له السكر والضغط ..يالحيوان

بلمحة بصر..ترك شعري بس..حسيت بالم فضيييييع بخدي...
وخلود تمسكني ...هالحمار نواف سواها وعطاني كف
خلود: نواف حرااام عليك ...
نواف: هالبنت تبي تربية من جديد ومحد غيري بيربيها ..وطلع

المتني الاهانة اكثر من الكف نفسه ..حضنت خلود اللي كانت ماسكتني وبصوت واااحد ااااااااهي اهي اهي
مشاعل بصوت عالي عشان يسمعني:الله ياخذك يانوافوه ويريحني منك ياااااااارب
خلود: استغفري يامشاعل..حشى عدوك موب اخوك..
مشاعل: هذا عدوي ...الله لايوفقه...دايم يحط حرته بي..الله يوريني فيه
خلود وهي تمسح على شعري: معليش مشاعل...نواف عصبي ...لاتعاندينه..

دايماً امي وخواتي يوقفون بصف نواف...مافيه الا ابوي اللي يبرد قلبي منه..
والله مااسكت له..خلاص ...بعجز وهو يمد يده علي جعلها الكسر...


*************

الخميس
الاستراحة
الهنوف

*************

طفش ...زهق ...ودي ارجع للبيت باسرع وقت
خلود: هيفاء ..منيرة ..تعالوا بنات ..نلعب كورة ..يالله فريقين
وقفت وانا اناظرهن: والله مدري وشلون لكم خلق تلعبوون ومشاعل مو معنا
نجود: تو ماتحلووووووو اللعبة ...
سارة وتوها تنتبه لغياب مشاعل: صحيح ليه مشاعل ماجت معكم؟؟
تناظرت خلود ونجود..انا حسيت الموضوع فيه ان
خلود بارتباك: عندها كويز يوم السبت وهي مادرست زين
منيرة: هههههههههههههاي عشتوا ومن متى مشاعل تدرس زين والا شين...
انا عصبت على اختي منيرة
الهنوف: لا والله من زين دراستك عاااااد ...ادبي وتاريخ بالاخير...قولي من يدوووج بالاسواق ونجودوه غيرك
نجود تناظرني بدلع: وانت وش خصك؟؟

قمت زهقت منهن ..من امس ادق على جوال مشاعل ويعطيني مغلق

طلعت براا حتى خالتي هدى ماجت اليوم...

ليش لايكونون مسوين اضراااااااااااااب؟؟؟

حسيت باحد يمسك تنورتي...ناظرت لقيتها غلوووووو
غلا: عمة هنوس..((.اخر زمن صار اسمي هنوس))

الهنوف: سمي ياغلى غلا..
غلا: سيليني؟؟ ((شيليني))
الهنوف : بس ..ماطلبتي اول بوسة!!!!

باستني وحضنتني هالقمر تجنن
تعالي والله ماغيرك يفتح النفس بهالاستراحة...صحيح اريج موجودة بس مشاااعل على اسمها مشاااعل

شلت غلا طلبت مني نروح المراجيح ......

وصلت وانا الهث . ..جلست العب مع غلا..
شفت بشاير جاية ومعها شيبس
غلا: بساير..اديني ((بشاير عطيني))
بشاير: لا ..انتي عمرك شفتي شي معي ماطلبتيه؟؟ بعدين اعلم وش سويتي تو ؟؟
ناظرت غلا ..شكلها خايفة... وش مسويه ياغلو

بشاير :ترى ((وتمط صوتها)). غلا تو كبت الشاي علىشنطتك ياالهنوف

غلا عصبت : لا ,,مو انا ,,تدابه..((كذابة ))..هو انتب..((انكب))

بشاير بنجاسة : انا كذابة ؟؟انا كذابة؟؟ المسي بنطلونك ههههههههه
غلا قامت تصيح وتشاهق

الهنوف: خلاص غلا حبيبتي مايخالف تفداك الشنطة وراعيتها..بعدين بشاير ماتقصد
غلا : لالا اها اها اها وتصيح باعلى صوتها ..بابا ..بابا

وراحت تركض لقسم الرجال..وشعرها الناعم يتطاير وراها...
انا تضايقت من حركة بشاير وقلت لها
الهنوف: تدرين ان غلا صغيرة..يعني لاتاكلين شئ قدامها وماتعطينها..
بشايرمعصبة:لا مو صغيرة ..عجوز..عمرها ثلاث سنين ..وانا عمري ثمان ...مابيني وبينها الا اربع سنين ((الله من زين الحساب ..عز الله ماجذبتك خلووود بحب الرياضيات هههههههههه))

حاولت اهدي غيرتها اللي تحس بها تجاه غلا
الهنوف : ايه بس غلا تحبك.. دايم تقول ابلعب مع بساير ((اقلد صوتها))

سمعت صوت ياسرولد خالتي فاطمة جاي من وراي..اهلا اهلا ..السفاح وصل
ياسر: بشوروه يالحمارة ..صدق زعلت غلا؟؟
بشاير بعناد: ايييه صدق ؟؟ انت وش دخلك ؟؟ انت ابوها والا امها؟؟
ياسر يمسح على راس غلا مبتسماً ويقول: افا عليك ياغلا ..اللي يزعلك يقول على نفسه السلام ...

ويرفع ثوبه ويتحزم...الرجال داخل حلبة مصارعة ... وبشاير ادركت ان المووووت جايها جايها ..فركضت بس مامداها ..ياسر مسكها وضربها ضررررررررب وانا احاول..اوخره عنها
بس مافي فايدة ..ياسر يتفنن بضرب بشاير..يشعر بنشوة غريبه هالحمار

الهنوف: ياسر ووجع انت وش دخلك؟؟ اتركها والله لاقول لنواف
ياسر وهو يرفس بشاير بعد ماجدعها على الارض ويلهث: يمممه خوفتيني
هذا اذا صار نواف موجود....
ويلتفت على بشاير ويقول: ياويلك لو جت غلا تشتكي منك يالحولاء مرة ثانية؟؟

بشاير..ياعمري عليها شوشتها منفوشة وخشمها يصب دم ..شغلت صفارات الانذار ..وغلا ارتاعت وركضت لامها
وانا جلست اهدي بشاير ..بس الصدق ينقال ..ياسر مجرم
بشاير ..خلاص ياعمري والله لااعلم نواف عليه ..اخليه يطقه هالكلب
بس بشاير ولا في الاحلام تسمعني من هالصرااااااااااخ



*****************

السبت
خلود
12 ظهرا

************

جلست بكافتريا الجامعة ..يالله هالزحمة والبنات ..كان الدنيا مجاعة ..تشوفين الاكل على الطاولات يارب لك الحمد والشكر

عبير: السلام ياحلووووووين
خلود: هلا عبير ..وشلونك!!
عبير: بخير..اقول خلود ..عندك اخر محاضرة للمعادلات التفاضلية..حقت الاسبوع اللي فات
طالعتها وقلت: كم تدفعين اول؟؟
عبير: ابداً... كف على خدك الايمن وثاني على الايسر
خلود: اجل اقلبي وجهك

ضحكنا وسولفنا ...عبير صديقة رائعة تعرفت عليها اول يوم دخلت الجامعة وماكنت اعرف فيها احد..والى اليوم وحنا ثنائي لانفترق ..بس علاقتنا ماتطورت الى ابعد من حدود الدراسة يعني لازيارات ومكالمات كثيرة ..نظرا لان اخوها مساعد الكبير.. شديد من ناحية التلفون وغيره واهلها مررة محافظين وصراحة هذا يعجبني فيها..على الرغم من غمووض حياتها..الا احسها قريبة لقلبي..

على الساعة وحدة خلصت اخر محاضراتي ..دقيت على شاكر سواقنا ..لقيته عند الباب..ودعت عبير وطلعت..ركبت السيارة وصرخت بي نجود

نجود: حشى ساااااااعة عشان تطلعين؟؟
خلود: بسم الله ..اول سلمّي
نجود بعصبية: انتي اللي مفروض تسلمين انتي اللي جايه
خلود: وانتي عطيتين فرصة!!! سكنهم مساكنهم!!
نجود: خلود ترى والله واصلة معي هنا وتشر على خشمها..اسكتي احسن لك
خلود: الله يرحم حالك ومتى هي ماوصلت!!

انا مرررة معصبة من هالنجود.....تهاوشت مع مشاعل الاربعاء اللي فات ..وقهرتها ومشاعل انطقت من نواف ..وابوي يوم درى بالسالفة عاقب نواف واخذ مفتاح سيارته بهالويك اند ...عاااد امي لازم تخفف على نواف قامت حرمت مشاعل من الاستراحة يوم الخميس عشان ثاني مرررة تتادب وتحترم اخوها..رحمت مشاعل
كل هذا من نجود وطلعتها السووق مع منيرة ..والغريب ان امي بسرعة توافق على طلباتها بدون اي تردد!!

دخلت البيت..لقيت بشاير تلعب بلاي ستيشن ..بتنعمي هالبنت من كثر ماهي مقابلة البلاي ستيشن...امي تكلم بالتلفون..تلفت ابي اشوف مشاعل..تصدقون من يوم الخميس ماطلعت من غرفتها...ولاجلست معنا...!!

خلود: بشاير..وين مشاعل
بشاير هزت كتوفها ..يعني مدري

دخل علينا نواف..شكله زهقان ..وحاط شماغه على كتفه
نواف:السلالالالام عليكم ...وجدع نفسه على الكنب
خلود: وعليكم السلالالالام ..كيف الحال
نواف ويزفر بقووة: زفـــــــــــــت
خلود: استغفر الله ...وليش

خلصت امي مكلمة والتفتت علينا
امي: هلا والله بقرة عيني ..هلا هلا بنواف وشلونك يمه
خلود: لا والله ..حنا لنا ساعة واصلين ..ماسمعنا شئ...ونواف يدخل من هنا امي تصك السماعة من هنا...
امي: خلوووود ...لاتلوموني بحب نوواف جعلني فداه
نواف ويبوس راس امي: الله يسلمك يالغالية...الله يكفينا شر عيون خلقه

فكرت افتح موضوع مشاعل ..بس مبين نواف مو راايق واخاف ..اعميها بدل ماكحلها
شلت شنطتي وعبايتي وصعدت الدرج ...امي نادتني
امي: خلود يمه ماتبين غدااااا؟؟
خلود: لا تغدي انتي وحبيب القلب ..بدور علي اللي يهلي بي
امي: ياويلي منج ..تغارررررررررررين من اخوج الوحيد!!
خلود: لا ابدا الله يخليه لج يايمه
انفرجت اسارير امي بابتسامة ورضا وحبووور وهي تقول
امــــــــــــــــــــــــين.. .....

***************
الاربعاء

فيصل
4.30 عصراً
***************

طخ
طخ
طخ

يووووووووه من هاللي يطق الباب ..يبي له كسر راس
قمت وانا مغمض من النووووم..حول اخم الجدار اللي قدامي

فتحت وانا معصب : نعم..حشى مانتب اوادم وش هالطق ..كسرتوا الباب

لقيت اختي هدى تبتسم بخجل: اووه سامحني يافيصل بس لي ساعة اطق بشويش وشكلك ماصحيت ودقيت على جوالك وماترد..فقلت لازم نستخدم القوة...

بيني وبينكم فرحت انها هدى ..حلو لعل ام العبيد راحت ان شاء الله
فيصل: معليش هدى .. مانمت زين امس..عاد من جيت من الدوام ..طحت
هاه وش عندك مكسرة الباب؟؟

هدى تبلع ريقها ..وعيونها تتلامع ..اعرفها تبي حاجة: اقول فيصل..... ودي توصلني لبيت اخوي سعود!!

قسما بالله لو كانت هدى قبل طلاقها كان لفيتها بكف !! نعنبوا بليسها هالبنت من بد خلق الله متبليتني ..عندها عيال اخوانها وخواتها.. كثر النمل..ولاتلقى غيري!!!

حكيت ذقني اخفف من حر مابداخلي:طيب يصير خير..اذا قمت ان شاء الله ..ومسكت مقبض الباب بصكه الا تمد يدينها...تمنعني
هدى: تعال تعال ..ومتى بتقووم... ابروح الحين
غصب عني قلت: انقلعي وانا ماسكك!! قولي لشاكر والا نواف يجونك..يعني الا تحرميني النوم عشان مشاويرك ..والله انك علة على قلبي....

هدى تراجعت وشكل البركان على وشك الانفجاار...ياربيه يافيصل ..صايم وصايم وتفطر على بصلة

يالله انك تصبرني على مابليتني يااااااااااارب

جدعت روحي على سريري ..وانا اجر البطانية ..الله يازين النوووم حسبي الله عليك ياهدى
وهالعلة الجوال يّرن.....

بغيت اصكه بالجدار الا اني تراجعت ..خفت تصير هدى

رديت : الوو ..هلالاوالله
فهد: هلا بك وشلونك عمي
تنهدت .. ياليتني مارديت عليك...حسبتك عمتك العلة...
فيصل: صك السماعة واصير بالف خير ...نعم وش تبي!!
فهد: لااله الا الله ..خير وش صاير بالدنيا
فيصل: فهد ترى توني طالع من داحس والغبراء مع عمتك لاتكملها انت الله يعافيك
فهد: الا وشلونها ...عقب الاسبوع اللي راح..
فيصل: زفت وانا بلحقها شكلي..
فهد: هههههههههههههههههههههه
فيصل: وش تبي خلصني ..كانك متصل تسال عنها ..دق على جوالها اصرف
فهد: لا يابن الحلال انا دااق عشانك انت
فيصل: طيب من الاخير !!
فهد مرتبك: وسع صدرك يارجل ..انا ..انا...انــــــــــــــــــــ ا
عصبت مرررة وصرخت به: احد قالك قبلي انك اثول وثور وحمار ..يخي خلصني وش تبي
فهد: لاحوووووووول ...خلاص مانبي منك شئ مشكور ياعم
وصك السماعة بوجهي

ناظرت الجوال ..ياربيه ..اول هدى وهالحين فهد..والله ماثور غيرك يافصول

دقيت على فهد
فيصل: هلا فهد سامحني والله اني كنت معصب من هدى وحظك جابك لي
فهد: يعني اتكلم والا بتعصب
فيصل: افا عليك يالغالي..سم ..تفضل
فهد بسرعة: عمي ..انا قررت اتزووووووووووج

وخرت السماعة عن اذني وجلست اناظر الاسم !! انا متاكد اني دااق على فهد ولد اخوي علي ..طيب وشلون ذي تصير!!

****************************

نهاية الحلقة الثالثـــــــــــــــــة

[باقي فرح]

๑۩۞۩๑ الحلــــقة الـــرابــــــــــعــــــــــة ๑۩۞۩๑



ناظرت الجوال ..ياربيه ..اول هدى وهالحين فهد..والله ماثور غيرك يافصول

دقيت على فهد
فيصل: هلا فهد سامحني والله اني كنت معصب من هدى وحظك جابك لي
فهد: يعني اتكلم والا بتعصب علي
فيصل: افا عليك يالغالي..سم ..تفضل
فهد: عمي ..انا قررت اتزووووووووووج

وخرت السماعة عن اذني وجلست اناظر الاسم !! انا متاكد اني دااق على فهد ولد اخوي علي ..طيب وشلون ذي تصير!!

**********************

الاربعاء
نواف
6.00 مســـاء

*********************

انا صدق متحسف على اللي صار الاربعاء اللي فات..بس كبريائي يمنعني من الاعتذار ..خصوصا لهالمشاااااااااااعل...
دائما... ماعمري مديت يدي عليها ..الا احس بالذنب ..خصوصا اني احسها خبلة واللي بقلبها على لسانها..بس هي تستفزني ...الحين.. ابوي زعل علي ..وهاوشني لما قال امين..انت مانتب رجال..ثاني مرة تمد يدك على خواتك اقصها لك..

ومن هالكلالالالام ..واخذ مفتاح سيارتي مني كعقاب..اصلاً ماهمني والله بقد ماهمني ابوي اللي اذا زعل وش يرضيه ..عااد من حينها شعرتي حمراء عنده..حسبي الله عليك يالبرميل !!
المصيبة انها للحين زعلانه وحابسة روحها بغرفتها...ضربني وبكى سبقني واشتكى

سمعت جرس الباب..طلعت ابفتح
نواف: هلا والله ..حيا الله من جانا..اقلطوووووووو
فيصل: وانت على طول تفتح الباب ..ماتقول مين ..ترى الحرامية كاثرين هاليومين ويدورون على الشباب الوسيمين
نواف: ههههههههههههاي..توك طمنتني بس ....انتبه لروحك !!
هدى:يا هلا نواف ..وشلونك ..وينك ماتنشاااف!! ياكافي ماتقول عندي عمة ...لازم الواحد يعنَي عشان يسلم عليك!!
نواف: اوووف اووف ...حشى بالعة رادو ياعمتي...

هدى شالت نقابها..وغزت اصابعها على عيوني: بسم الله علي ..قل ماشاء الله..لاتنحتوني ..مابقالي غير هاللسان ..بعد خلوني طرمااااء..
فيصل: لا...مالك حق يانواف..عاد ..اذا انطرمت هدى ..من يهاوشني..ويقومني من عز نومي ..
قاطعته هدى: منّه عليك.,.وكشت بيدها على فيصل..ودخلت البيت وخلتنااااااا..

ضحكت على حركتها..لف علي فيصل وقال: شفت بعينك..هذي اذا انطرمت ..بتشتغل بيدينها..فخلينا على اللسان ابرك..

نواف: ههههههههههههههههاي اجل السلامة مهنا سلالالالالامة ..
فيصل ..وهو يشر بلا..: ابدا ..معي حتى يوسدووني بقبري هههههههههههه

رحت انا وعمي للمجلس ..شغلت المكيف..

فيصل: ياكافي وش هالحّر..كم لكم ماشغلتوا المكيف...!!
نواف: من يجلس بهالمجلس..خلود والا نجود..متى يتكرم فيصل ويسير علينا...
فيصل: والله كان ماتبيني الا عشان تشغل المكيف عمره ماشتغل ...
نواف: هههههههههههههههه...

سواليف وضحك وتعليق ...توي اكتشف اني من زماااااااااان ماشفت عمومتي واهلي
حسيت اني مقصر والله ..لازم امر امي لولوة ..وعماتي

دخلنا البيت ..عشان خواتي بيسلمن على عمي فيصل..
امي وهي تصلح الجلال على وجهها: هلا والله بفيصل حياك الله..
فيصل : هلا بك ام نواف وشلونك ووشلون الاهل!!
امي: بخير يامن الخير ..يسرك حالهم
بشاير: عمي فيصل ...ليه ماجبتوا امي لولوة
خلود: صدق عمي ليتكم جبتوها ....والله ما نسوى شئ بلاها
فيصل: لاحوووووول يعني حنا ولاشئ ..بعدين قلنا هالطلعة ممنوع اصطحاب العجايز..وراهن علاج ونوم بدري ..امي يالله يالله تقاوم النوم بالاستراحة والا غيره لا مستحيل تتاخر عن موعدها...
نواف: لا ياشيخ ...لاتقول انك ناوي تسهر عندنا اليوم.....الله يعدي هالليلة على خير بس !!

انفجروا البنات بالضحك....
هدى: انا ماعلي ...جاية ومو بسهر وبس وبنام بعد...!!جايبة بجامتي معي..!!
نقزت خلود وتعلقت برقبة عمتي هدى وتبوسها على راسها
خلود: قولي والله .........من جدك هدى...ياسلالالالام وش صاير اليوم...

مر الوقت ..والكل يسولف ويضحك وتعليق وطبعا لابد من مد الايدي المازحة
بشاير: نجود ..صبي لي شاهي!!
نجود: لا..البزران مايشربون شاهي..
بشاير: انا منب بزر..انا عمري تسع..
نجود: اذا صار عمرك تسع طعش ...صبيت لك شاهي..
بشاير: وانا بقعد لك لاصار عمري تسع طعش..
نجود باستغراب: ليش ووين بتطسين بعد..!! بشرينا من هالحين نفرح..
بشاير..ترز روحها وتقول: قدني اعرســــــــــــــــــت ..

دخل ابوي وهو يقول: ياسعدي ذاك اليوم بعرسك يابشاير..لاسوي لك عرس لاصار ولااستوى..
نجود: ياسلام ..وحنا يعني بتسوي لنا عروس صارت واستوت...
ابوي وهو يحضن بشاير اللي نطت بحجره: اكيد...بشاير غير..هاذي القعدة..
بشاير: يبه مايخالف اجي اسكن عندكم انا ورجلي...ماودي افارقكم...
نجود: كل ذا عشان بيالة شاهي..يبه اقوم ازين لك بريق شاهي بس فكينا من دلعك...

ضحكنا على هالبشاير..وعرسها ..مستعجلة على الفكة من البيت..لا وتبي رجلها يجي يسكن معها بالبيت ..ياحليلهم هالبزران...احلامهم على قدهم...

ناظرني ابوي وحسيت وش بيقولي من نظراته..تكفى موب قدام الناس..خلينا نتكلم بعدين..بس ابوي مصر يتكلم ..مايرتاح الا اذا فشلني..يحس بنشوة غريبة...

ابوي: الا مشاعل وينها !!

جاك الموت ياتارك الصلاة ...الله يعينك يانواااااااااف

امي:توني جاية من عندها... مصدعة وجالسة في غرفتها...
ابوي عصب وناظرني : حسبي الله عليك من ولد..يالله قم قدامي واعتذر لها...
نجود: يبه ترى هي غلطت على نواف بعد..
ابوي معصب: حتى ولو ..اخوك يحط راسه براس اخته اللي اصغر منه باربع سنين..حنا كلما قلنا كبر هالولد..نلقاه صغرعشر سنين.. قم يالله وش تحتري ..اختك لها اسبوع حابسة روحها بغرفتها..وانت تطلع و تضحك ولا كانك مسوي شئ !!
نجود: يبه تراها والله تدلع ...تنزل تاخذ لها اكل وتروح غرفتها وتبلع...على بالها زعلانة
خلود عصبت: لا والله ..تبينها تموت جوووع بعد!! بعدين موب بس نواف اللي لازم يعتذر لمشاعل حتى انتِ..
نجود بغرور: هههههههههاي احلمي لما اعتذر لها

استحيت من عمي فيصل وعمتي هدى ..حسيتهم منحرجين من اللي قاعد يصير..قمنا ننشرغسيلنا قدامهم ..صح هم اهل ...بس ماودي يدرون اني مديت ايدي عليها ...قمت وقلت: عن اذنكم..

صعدت فوووق ..دقيت باب غرفة مشاعل ...بس محد يرد
نواف: مشاعل !!!
..................."مافي رد"
نواف: مشاعل !! ممكن تفتحين الباب!!
........................"مافي رد"

فتحت الباب بهدوء..لقيتها ..منسدحة على سريرها ومعطية الباب ظهرها..حسبتها نايمة ..قربت منها ..
قربت وقلت بهمس: مشاااااااااااااعل
مشاعل: اطلع برااااااااا.....
بلعت ريقي ..صار لنا اسبوع ماتكلمنا ..اصلا ماشفتها عقب ذاك الطرااق
ياربيه ياقوي زعلها هالبنت ...اسبوع كامل !!! طالعة على ابوووي

جلست على طرف السرير..وقلت: يالله قومي ..تحت فيه عمي فيصل وعمتي هدى..يسألون عنكِ؟؟
مشاعل: مابي اشوف احد....
نواف: مشاعل يالله عاااد بلا دلع ..مصختيها عااااد

فزيت يوم نقزت مشاعل ..وصرخت علي: اطلع براااااااااا ......
نواف: طيب ..ابوي...قايلي ...قاطعتني..ودموعها تنزل ..: اقلب وجهك ..انت اخر من يتكلم ...مابي اشوف احد ..

ياربيه شكلها..هالتكرونية ..زعلانة بجد..عاااد وش يرضيها ..من يوم هي بزر وهي لازعلت مارضت..صحيح انا غلطت بس بعد هي غلطت ..

نواف : طيب واذا قلت اسف !!
مشاعل تحط يدينها على وجهها ..وتصيــــــــــــــــح
مشاعل: اذا ...اذا ...يعني حتى مافكرت تعتذر يالنذل..وهي تشاهق: اقلب وجهك اطلع اطلع ...وصرخت ....اطلـــــــــــــــــــــــ ـــــــع
مشاعل:الله ياخذك ويريحني منك ...او .,.ياخذني ويريحكم مني......

قلت بالسر..."اميــــــــــــــــــ ـــــــــــــــــــن يامشاعل"

قمت بطلع..خلاص شكل مافي فايدة معها..للحين شايلة بخاطرها علي ..شفت جوالها على الطاولة يرن..شلته ..قريت ..الخبلة اريج ..يتصل بك..
ضحكت..خبلة وتصادق خبلات زيها...
مديت لها الجوال..نزيت يوم سحبته من يدي..وصكته بالجدار..وانفك قسمين..
وتصرخ: اطلع براااااااا..اطلع برااااااااااااا...

فتحت الباب وطلعت..قبل لااصكه التفت عليها..شفتها تجدع روحها على السرير...
تنهدت..الله يعني عليك وعلى ابوووووووووي...

***********************

الاربعاء
فهـــــــــد
9.00 مساء

***********************

من كلمت عمي فيصل..وانا مكتم ومتضاااااايق حدي..ليش يقولي كذا..!!
انا ماسويت شئ غلط ياناس..حرام اني افكر اعرس واستقر زي خلق الله..يقول اصبر!! وليه اصبر ولمتى... انا ابيها ..ابيها ياناااااس ..بالعربي احبها وبس ..من يوم هي صغيرة وهي ببالي ..وهي بنت عمي وانا اقرب الناس لها ..الله يهديك يافيصل ..زين انها مهيب بنتك على هالرد!!

طيب ..وشلون بفتح الموضوع مع ابوي وعمي سعود
تنهدت ...الله يسهل امري يارب

وقفت سيارتي قدام بيت اهلي..نزلت وانا شايل همّ ...مدري وشلون افاتحهم بهالموضوع.. بس لازم اواجههم ...
دخلت الصالة لقيت زياد جالس ويشرب بيبسي ..وهو يتفرج على مباراة بالتلفزيون ..وهيفاء وسارة يتفرجن على مجلة ..شكلهن يتناقشن على مكياج والا مدري عن خرابيطهن

فهد: السلام عليكم يااهل الدار
الكل: وعليكم السلالالالالالالالالالام
زياد: عسى ماشر ..متاخر هالمرة !!!

جدعت روحي جنبه ..حسيت اني تعبااان وهم هالخطبة بقلبي ودي اجدعه...حطيت راسي على فخذه ..قلت: تعبااااااااان ..!! شف علي حرارة؟؟
زياد مستغرب..حط يده الباردة من البيبسي على جبهتي..
صرخت: اااااااااح..يدك ثلج...
رفع زياد راسي وهو يقول: قم مابك الا العافية ..انشط من الحمااااااااااار...
فهد: هههههههههههههه حرام عليك ..لاتنضلني ترى وراي عرس...

انا حسيت ان اربع عيون بدت تحدق بي ...لا الحين صارن ست عيون...
ابتسمت: وش فيكم ...اول مرة تشوفون واحد بيعرس!!
هيفاء تناظر زيااد: ..انت متاكد انه ماعليه حرارة...
سارة بفرح: والله يافهد ....من جدك تتكلم ..قامت تصرخ ..يمه تعالي لحقي ولدك
فهد: هيه هيه ..وش فيكم انتي واياها

زياااد..تعدل بجلسته ..وقعد يحك شوشته اللي طالت وماحلقها ..بس بجد معطيته لووك رهيب : هالحين فهد ..بديت اشك يمكن فيك حرارة داخلية...
زهقت ...ياربيه هذا وانتم بس دريتوا بنيتي بالعرس ...اجل لو قلت لكم عن العروس ..وش بيكون موقفكم ...زي عمي فيصل!!! الله يستر...

امي وهي تنزل الدرج : هلا والله ..فهد متى وصلت ياوليدي..الحمد لله على السلامة
نقزت سارة وخمتها: يمـــــــــــــه لحقي على ولدك ...بيعرس
امي والضحكة حول تشق حلقها : والله..!! بالمباااااااااارك ياوليدي الله يتمم لك بخير
هيفاء: اي مبااارك واي جاسم يمه ...اول افهموا السالفة منه
ناظرتهم وقلت: خلصتوا !!!!!!!!!

التفت على امي وقلت : وشلونك يالغالية ...سامحين نسيت الاغراض الاسبوع اللي فات
امي: لاماعليه ياوليدي مسموح ..اتصلت ببدرية واعتذرت منها ..وهي ماقصرت بنت الحلال ..قالت اهم شئ سلامتك متى ماوصلن

ااااااااخ جاء طاري بدرية وابي عمي سعود وابوي عشان افاتحهم بالموضوع



******************

الخميس
اريج
1.30 ظهراً

******************

اليوم مستانسة مررررة حنا اول ناس وصلنا الاستراحة ..
نزلت من السيارة بسرعة وشلت عبايتي..وقعدت اركض واناقز..تخيلت الاستراحة فضااااااااااء وااااااسع..تخيلت نفسي هايدي..بين عنزاتها وكلبها بس وين بيتر..
اااااااااااه قعدت ادور حول نفسي..الجو..والثيل البارد تحت رجليني العارية ..
حسسني بانتعاااش..يوووه يانا محروومة..من الانطلاق..والتحليق..
فوووووووووق..فوووووووق...السما اااااااااااء

سمعت صوت سيارة جاي من وراي ...التفت ..شفتها سيارة خالي سعود...
..ركضت صوب السيارة وشوي بتصدمني..مانتبهت لنظرات السواق.. شاكرووه خلي يولي..شبع من كثر مايشوفني....ابشوف مشاعل جت والا لا,,,لاتكون ماجت والله لاوريها...

واول ماوقفت السيارة ..على طول فتحت الباب...
اريج: هلو افري بدي.....
الناس ساكتيييييييييييين ....
اريج وانا الهث: شوفوا عاااد...... ياويلكم تقولون مشاعل ماجت ..ترى والله لادف هالسيارة واطلعها برى الاستراحة ..والتفت على المرتبة اللي ورى لانها المكان المفضل لمشاعل ..وينك...مشاعل قلبي..!!

ماعرفتها لانهم كلهم متغطيات ..ماعدى بشاير..اللي تناظرني بذهوووول وبالاخير قالت: اريج ..ترى هذا مو شاكر ..هذا اخوي نوااف اللي يسوق ..ليش ماتغطيتي!!

قلت بدون شعور:
وووجع ....

وصبخت الباب بكل قوتي ..قمت اركض واصارخ ..وشعري طاير وراي
دخلت الخيمة ..قمت اناقز واضرب وجهي كفوف...
ياويلي ..ياويلي ياناس...قمت اناقز من الفشيلة ..ياربيه ليش انا خبلة ومطفوقة

دخلت علي خلود ... وجهها احمرمن الضحك ..
خلود: هههههههههه رهيبة انتي يااريج..ههههههههههههاي
اريج: ياحمارة ليش ساكتة ..ليش ماتكلمتوا من الاول ..بعدين من متى ونواف اللي يجيبكم ..وين طس شاكرووه
خلود: وانتي عطيتنا فرصة ..شفناك تدورين حول روحك وتناقزين من مكان لمكااااااان بلاغطاء ولاشئ..وكملتيها بدفة السيارة بتطلعينها برى....هههههههههههههههاي تعالي شوفي نواااااااف مات من الضحك..وانتي تدورين على روحك تقل مهبولة..بالله وش قاعدة تتخيلين نفسك ...

قبصتها بكل قوتي ..وصرخت : اااااااااااااااااي

دخلت مشاعل وهي تقول: يعلني فدى اللي بيطلعون السيارة عشاني...يافراشة زمانك..بالله وش هالفن السيريالي..كانك ترقصين باليه ههههههههههههه
خميتها ولاشعوريا صحت..والله مدري ليه صحت..مدري فشيلة والا شوووق لمشاعل
وخرتتني مشاعل: هو اريج وش فيييييييييكِ....علميني وشلون ارقص زيك ههههههههههههههه ..ابداع..لاوتنزل شوي على الارض ..بعدين تنقز...

ياويلي ..كل هذا صار ونواف يتفرج..هالحماار ليش ماضرب بوري ينبهني..

مسكت يدها وطلعت ..تمشينا ..بعدين وصلت الهنوف ..ومعها غلا
مشاعل: فاتك ياهنوس..رقص البالية!! والله فاتك..
الهنوف: اي بالية..ووين شفتوه..
مشاعل: على الهواء مباشرة..ياسلام ولاتقولين فراشة وتطير من زهرة لزهرة..لا قولي زينة ونحووول ..ههههههههههه وهم يجمعون الرحيق..
اريج: مشاعل..ترى والله هالقوطي بيدخل باثمك هالحين اما انطميتي...
انفجرت مشاعل تضحك هههههههههههههههه..والهنوف تسال..وش فيكم ..وش السالفة..
حبيت اضيع السالفة ..وناديت غلا..
اريج: تعالي سلمي ياغلا
غلا تطلع لسانها وتقول: لالالالالالالالالالالالا...
اريج: اشهد ان عمتك منيرة جاذبتك..انقلعي ..بكرى اعرس واجيب بنت احلى منك
غلا بدلع: لالالا انا احلى...

اليوم الاستراحة غير ..صحيح موقف خطير اللي صار لي..بس اذا تذكرت شكلي انفجرت اضحك لو انا بلحالي..قال هايدي قال..ومشاعل تقول زينة ونحول ههههههه
مابقى الا سالي وليدي ههههههههههههه
مشاعل اذا جت كل شئ يطلع حلوووو ووناسة ..حسيتها مسوية جو..ضحك وتعليق..كل العالم تضحك ومبسووووطة الا شخص واحد!!!!

لا موهدى ...هالمرة هيفاء بنت خالي ..
مدري حسيتها متضايقة وكان هموم الدنيا فووق راسها...
حتى اني سمعت خلود تسالها: هيفاء .. عسى ماشر
هيفاء ناظرت خلود ..تنهدت وسكتت
خلود: هيفاء ....ترى اشغلتيني عليك ..وش بك!!
تنهدت هيفاء بضيق..: لا ابدا بس تدرين قربت امتحانات الترم وانا زملة لهن...
خلود: علينا ياهيفاااااااااااااااء..امتحانا ت!!

قامت هيفاء ..وطلعت ..شكلها بتصيح ..جت خلود بتلحقها الا ان عمتي هدى منعتها

وش صاير!! مدري
ياخبر اليوم بقروووووش بكرى ببلالالالاش

******************

خيمة الرجـــــــال
فارس
7.30 مساء

*****************

والله اخوي فهد قلب علينا المجلس فووق تحت...هو وسالفة العرس

الله يهديه بس .. صدر امر ابتعاثه لبريطانيا ..وخلاص يعني بيصير هناك بعد اربع شهور تقريبا ..والرجال اختب بيعرس!!

فجأة فتح الموضوع مع عمي سعود

فهد: والله ياعمي انك بحسبه ابوي ..وانا جاي اطلب القرب منك ويشرفني اني اناسبك..وكمل خطبته العصماء ..ويوم خلص
ناظره ابوي معصب:خلصت !!... وانت ماعندك ابو!! يوم تروح تخطب بنفسك..
عمي سعود: الله يهديك ياعلي ..فهد ولدي زي ماهو ولدك..والبنت بنتك زي ماهي بنتي...
ابوي: لا ..مهيب المسالة كذا ..
فهد: اجل وش بك معصب يبه ...مفرووض انت اكثر واحد تفرح لي..موب انت اللي دايم صاجني تبيني اعرس!!

فهد..حطنا امام الامر الواقع....
قال ..عمي سعود بحسبة ابوي!! طيب مااختلفنا بس بعد تراه ابو البنت!!

عمي فيصل ..من انفتح الموضوع ..شال شماغه وطلع..

فارس: على وين ياعم!! لاتصير غيرااان وتبي تعرس!!
فيصل يناظر فهد ...ذيك النظرة اللي تذبح: لا يافارس ..انا لاجيت اعرس ..ابعرف الاصول زين.........
فارس: طيب ومتى بتعرفها هالاصول وتخطب

فيصل طنشني وطلع ..والمجلس اصبح هادي فجأة..
اخيرا تكلم عمي سعود: لاشك انك يافهد رجال والنعم فيك وشهادتي فيك مجرووحة ..بس ..تدري هالامور تاخذ وقت ..عطني وقت اشاور البنت واهلها...وحنا ماحنا بلاقين ازين منك...ولدنا ..وحنا اللي مربينك..
فهد: خير البر عاجله..وراي سفره ودراسة وانا ودي نتمم هالامر باسرع وقت ياعمي..
نواف شكله عصّب من فهد: خير..ان شاء الله ..الدنيا مهيب طايرة!!
بتسافر الله يحفظك ..اما ..
قاطعه عمي سعود: نواف..انطم ولاكلمة ..وشلون تتكلم وانا موجود..البنت بنتي..انا

...بس نواف شال عمره ومشى وقبل لايطلع التفت على ابوه وقال: زين دام البنت بنتك ..مبرووك مقدماً...

سليمان : صلوا على النبي ياجمااااااااااااااعة ..

الله يصلحك يافهد ..هذا اولها ..فيصل واخوها نواف ..زعلوووا وطلعوووا ...
وعمي وابوي معصبين !! طيب ..وانا وش دخلني !! ليش حارق رزي

ناظرت سلمان اللي شبة منسدح على المركى ويتفرج على هالمسرحية التراجيدية مستمتعاً ..شكله كان ينتظر اكشن ..يعني ..كف ..بوكس.. هذا سلمانوه

فارس: سلمان ....
سلمان:................."مافي رد"
صرخت : سلمان وصمخ ..ماتسمعني ..وين رااايح!!
انتبه لي ...سلمان وحك راسه: والله طرالي اعررررررررررس يافارس

ضحكنا على هالسلماااااااان الناس وين وهو وين...ياحظها اللي بتاخذك..بتفك كشرتها اربع وعشرين ساااعة ..من خف دمك وفرفشتك...

*********************

هـــــــدى
الاستراحة

**********************

حسيت ان نفسيتي احسن من الاول...خلاص ..تعودت على البكاء والدموع..بس شفتها ماغيرت حالي..مارجعّت لي خالد..
مدري ليه ..عندي احساس ان خالد بيرجع لي..لا مو احساس وبس ...انا متاكدة من هالشئ..متاكدة ان خالد يحبني..مستحيل الانسان يكذب بمشاعره..شفت الحب والمودة بعيوونه..وعمرها العيون ماكذبت ..ولو كذب اللسان ...

ثلاث شهور عشتها كاسعد عاشقة بعشيقها..مدري وش اللي تغير بدنيتي..وصحيت من هالحلم...الجميل...

ااااااااااااااه رحلت بي الذكرى لخالد ..حبيب القلب..اللي علمني لغة الحب..
كان افضل معلم بهالكوون..دروسه بقلبي مانسيتها ومانيب ناسيتها..غمضت عيوني يوم وصلني صوت ذكراه....

"هدى: اقول خالد...
خالد: ياعيونه وقلبه وروحه..سمي..امري تدللي..!!
هدى والفرح يتراقص بعيونها:حبيبي.... نفسي اروح لماليزيا...
خالد: ماكفاك شهر العسل بفرنسا..
هدى بدلع: لا ابي شهر عسل ثاني بماليزيا....نفسي اروح كوالالمبور وببيينق ..دايما اسمع انها ديرة العرسان..
خالد وعيونه تبعث الحب :عرسان.. !! بالمستقبل اذا الله اراد..
هدى: ومتى يجي هالمستقبل ياخلودي....بعدين اذا جانا عيال ماراح نصير عرسان..
ناظرني خالد نظرة مبهمة..وشال عيونه عني..حسيت به شئ..سألته: خالد ..وش بك؟؟
من غير مايناظرني: مابي شئ ياعيوني..
هدى: اجل متى نرووووح...ياروح روحي..ابي استمتع بكل لحظة معك..
خالد بابتسامة ماوصلت خدوده: باقرب فرصة...باقرب فرصة...ياحبيبتي"

وعرفت زين وش كان يقصد خالد باقرب فرصة....ااااااااااااه....
عرفت ان هالفرصة عمرها ماجت ولاراح تجي..خالد..وش كان يقصد بها!!!
فكرت..متى قرر يطلقني..قبل لايتزوجني..والا عقب..بفرنسا والا بالرياض..!!
والسبب..كان ولازال مجهول..!! الكل يسألني : ليه وش صاير!!
ومالقى غير كلمة خالد يوم قالها لي:" مالنا نصيب ببعض"
وانا نفسي ..مدري ليه هالنصيب عقب ماجمعنا رجع وفرقنااااااااااااااا...وصرت مطلقة..تنهدت ..شكلك ياهدى بتعجزين وانتي ماتعودتي على وضعك...كمطلقة...
وش فيها لما تكونين مطلقة..!!
صحيح..مؤلم..قاسي ..شعور الرفض..خصوصا لما يكون من عزيز على قلبك..
صحيح ..المجتمع مايرحم..يعطيك شهادة سوء سيرة وسلوك..ولو كنتي الضحية..
صحيح..نظرات النااس..وكلامهم كالاسياط على قلبك..
لكن..هو قضاء ربي وقدره ..ولازم ترضين فيه..
فمن رضى فله الرضى ومن سخط فعليه السخط...

رجعت لعالم الواقع ...بصوت امي ..

امي: هدى وصمخ لي ساعة اهرجك وماتردين ..قومي سلمي على اخوانك ..ينشدون عنك !!
هدى: زين يمه .. ...هذاني راااااااايحة..
طلعت وشفت هيفاء..جالسة على الكرسي عند المسبح ..ويديها تلعب بخصلات شعرها وشكلها مساااااااااااااااافرة بعيد..

ياحليلها اكيد فهد قال لهم عن موضوع الخطبة...
خلوه ياخذها دام له خاطرن فيهاااا..لاتجبرونه على غيرها ..بكرى تتكرر تكثر حالات الطلاق..تكفون بس كفاية ..

سلمت على اخواني وعيالهم ..فهد وطارق وفارس وسلمان وزياد..لكن نواف واحمد ..من المستحيلات انهم ينشافون هالايام لازم الواحد يعني عشان يسلم عليهم...
الله عليك يازمن كل شئ فيك انقلب...

****************

الجمعة
خلــــــــــــــــــــــود
4.30 عصراً

********************

عجزت انام زين البارحة ..بالي مشغووول بهيفاء..انامتاكدة ان فيها شئ
هيفاء ..وجهها شفاف ..احس بها بدون ماتتكلم ..افهم نظرات عيونها ..افهمها من غير ماتعبر..وهيفاء امس متضاااااااااااايقة ..ومتضاااااااايقة حيل
بس رفضت تفتح فمها بحرف
اكيد وراك مصيبة ياهويف..بس اعترفي ازين لك؟؟

..زهقت من كثر مادق عليها ولاترد.. قعدت ادور بجوالي مسج برسله لعلها ترد عليه ...مدري ليه ..يوم قريت هالمسج...حسيت برغبة قوووية اني ارسله لها
صحيح هو عاجبني بس مدري ليه الان بالذات ارسلته لها....

أقضي ايامي غريق بوحدتي..
مركبي ذكرى وأحلامي شراع..
وفي بحر شوقي بواصل رحلتي..
لين اواجه من ترك قلبي ولاع..
وان كتب ربي في بحره موتتي..
لي رجا لا تدفنوني وسط قاع..
لكن ارموا عند بابه جثتي..
واكتبوا مشتاااق حاول ما استطاع..

اذن المغرب والبنت لااتصلت ولاردت ...لا ..انا متاكدة هيفاء وراها بلى
عمرها ماسوتها فيني ّ!!..من كثر مانا مشغولة بهيفاء..نسيت ادق على عبير عشان اعلمها اني برسل شاكر لهم ..يودي لها ملازم المعادلات التفاضلية..دقيت على جوال عبير..رن لما شبع والبنت ماردت..انا مدري ليه مطلعة جوال..دايم ماترد..صحيح هي ماتكلم كثير ..بس تخليه جنبها..حولها..دقيت على البيت ..رن مرتين ..بعدين ارتعت ..من الصوت الرجولي اللي رد..
مساعد: الوووووووووو
خلود: ......................
مساعد بعصبية: الووووووووووو
ماسلمت ولاشئ..لاني خفت منه..قلت بسرعة: عبير موجودة!!
مساعد: من نقول لهاااااااا...؟؟
ياربيه ترى والله مانيب ناقصتك..قلت: خلود السعود..
كلمتني عبير..وهزئتها..ليش ماترد على جوالها..فقالت: ومن بيكلمني اصلا..!! مغير مساعد لاصرت بالجامعة يقولي اطلعي...وشوله انقله معي وانا بالبيت..!!
المهم ..قلت لها اني برسل الملزمة مع شاكر..وطلبت تعطيني محاضرة الحضارة الاسلامية..وسلمت على امها وسكرتها...
ناظرت جوالي..لعل هيفاء دقت والا ارسلت مسج ...بس لاحياة لمن تنادي...دقيت عليها ولاردت..ارسلت لها مسج ثاني...

نزلت نجود ..وهي تناقز على الدرج..راحت المطبخ ورجعت بالقهوة والفناجيل...وش عندها شكلها مبسووووطة على الاخر..الله يديمها من بسطة يارب

نجود: خلوود ..تعالي تقهوي معي ..تبين جالكسي والا كتكات!!
ابتسمت لها: من صدقك ...جالكسي طبعاً...

نجود: هههههههههاي تدرين اني اموووت بالكتكات..تصدقين ذاك اليوم بالجامعة تهاوشت انا ومي على كتكات ..وتسحبه مني وانا اسحبه لماذاب بين يدينا ..عاد انفعص ..وساح بيدينا وقمنا ننلحس اصابعنا ,,تقل بزران

خلود: خخخخخخخخخخ ..اتخيل اشكالكن..الا مي مااختارت لغة عربية معك كمادة اختيارية..
نجود: لاالله يهديها ...تقول حنا ندرس ادب انجليزي يعني مفروض ننسى حاقة اسمها عربي..
خلود: ياحليلها مي مصدقة عمرها ....يالله يوفقكن يارب..
نجود: الا خلود..ماقلتي لي ..وش سويتي انتي ودكتورة فدوى..ماعادت لك الامتحان
خلود: لا حسبي الله عليها...عييت ..
نجود: طيب ماخذتي العذر الطبي اللي جابوه لك ابوي..
خلود: الا ..بس..براسها حب مانطحن..تقول لوتجبين لي شهادة الوفاة ماعدت الامتحان
نجود: ماشاء الله عليها ...عسى شهادتها قبل شهادتك يارب
خلود: يالله ....ان شاء الله اعوض في النهائي..
نجود: طيب وعبيركم جابت؟؟
خلود: ماشاء الله عليها ...جابتها كاملة..
نجود: لاه ..اثرها دافوووورة...
خلود: قولي ماشاء الله ...ذاكرت وتعبت ومن حصل شئ يستاهله...
نجود : مدري ليه ارحمها...احس اخوها مساعد ظالمها و حابسها بسجن..الله يعينها عليه...مافي اي تطور ...مابدت تطلع وتجي وتروح...
خلود: ماشاء الله عليها عاقلة ومرتاحة...واخوها يبي مصلحتها ..
نجود: وش يبي مصلحتها...الا قولي مافي ثقة باخته..ماشاء الله عليها اللي ساكته له للحين..
نزل ابوي ..وامي وراه..وجلسوا قبالنا...حسيت من نظراتهم وتوترهم...كان ماء حار انكب علي..توترت من نظراتهم ..وقلبي يدق..عسى امي لولوة مابها شئ...والا احد....

نجود: اصب لك فنجال يبه!! قهوة من يد نجود ...طعمها غير؟؟
ابوي: لا يابنيتي مابي ..تسهرني القهوة...دام مافيه مشاعل وبشاير ..ودي اكلمكن بموضوع..وانا عارف انكن عاقلات وفاهمات ..يابنياتي
امي ناظرتني نظراااات غريبة ..كانها نظرات شفقة..حيرة ..شئ غريب احسه يصير
مدري ليه ..احس قلبي انعصر بقوووووووووة من جواااا

هدوووووووووووووء

نجود: خير يبه وش فيكم ..وش صاير...

ابوي يناظر امي ويبتسم :كل خير يانجوووووود كل خير.....

امي شالت عيونها عني ..وحطت يديها على خدها ..اعرفها..امي ماتسوي كذا الا اذا صارت متضايقة والا مترددة ومرتبكة ..وش السالفة..صراحة انحرقت اعصابي...

ابوي..وكانه وده يجدع هم الكلام:
انتن كبرتن وصرتن حريم والواحد اغلى مايتمناه بهالدنيا هو انه يشوف بناته متزوجات ومتوفقات ومستقرات بحياتهن..وصدقنن هذي سنة الله والا مافي اغلى منكن على قلبي....

تنهدت بارتيااااااااح...اها الدعوة فيها عرس ...

ابوي: اليوم جاااني خطيب لك يا...وسكت ..مرتبك ..
امي كملت عن ابوي: نجود ...فهد ولد عمج خطبج من ابوووج ..هاه وش قلتي!!!!!!!!!!

********************

نهاية الحلقة الرابعة

[باقي فرح]

.

[Renad:81]

بنات لا تفوتكم القصة خطيرة من جد


وأحداثها غير متوقعه كل شوي تطلع لك مفاجآآآآآآآآآآآآت وأحداث جديدة


أنا قاريتها في منتداها الأصلي


بصراحة كلمة رووووووووووووووعة قليلة في حقها



مشكوووووووووووووووورة باقي فرح على النقل


وصدقت القصة مميزة



بنات لا تفشلون باقي فرح وأقروا القصة وردوا عليها

[Mo0o0o0o0oN]

بانتظارك عزيزتي
قصة روعة
لاتبطين علينا

[باقي فرح]

المشاركة الأصلية كتبت بواسطة Renad:81

بنات لا تفوتكم القصة خطيرة من جد


وأحداثها غير متوقعه كل شوي تطلع لك مفاجآآآآآآآآآآآآت وأحداث جديدة


أنا قاريتها في منتداها الأصلي


بصراحة كلمة رووووووووووووووعة قليلة في حقها



مشكوووووووووووووووورة باقي فرح على النقل


وصدقت القصة مميزة



بنات لا تفشلون باقي فرح وأقروا القصة وردوا عليها

هلا والله رنودة

تسلمين ياختي الحبيبية

ورايك بنقله لاميرة الاحساس على طول هههههههههههههه

مشكورة