مقارنة بين الطلق الصناعي والطبيعي

هلا بنات , وش اخباركم ؟؟
وانا اقرا المشاركات احس فيه كثير يفضلون الطلق الطبيعي , ليش ؟؟؟
انا عني احب الصناعي وودي يعطوني طلق صناعي في حملي هذا واقولكم ليه :
1- اسرع من الطبيعي يعني ماتقعدين ثلاث ايام فيك طلق ,لا يكون سريع يعني الولادة مع الطلق عشر ساعات بس .
2- يمديك ترتبين نفسك , تجهزين اغراضك , تصرفين عيالك , تسلمين على اهلك , تجلسين مع ابو الشباب شوي ترتبون اموركم مو مثل الطبيعي يخبصك ويحوسك .
3- وقته حلو يعني تكون دكتورتك موجودة ووقت دوام مو مثل الطبيعي يفاجئك باوقات يمكن ماتلقين احد يوديك المستشفى .
4- ماتشيلين هم انك تولدين في السيارة او انك ماتوصلين بدري .

هذا رأيي واتمنى من كل وحدة تدخل تقول رأيها وليه قالت كذا ...