بسم الله الرحمن الرحيم
حبيباتي .. في هالقسم العزيز .. اللي ياما وياما .. مريت عليه <<< إلا سنترت فيه :22:
موضوعي هذا هو ..
خلاصة مواضيع إستفدت منها هنا .. "جزى الله أصحابها كل خير" :)
وخلاصة قراءات .. " لا يغركم , أغبلها من المجلات " :30:
وخلاصة خبرة في عالم الحميات .. " بعضها ناجح وبعضها يفتح الله" :hahaha:
أنا مثل كثير منكم .. جربت دايتات كثير لين مادخت .. بالبداية كان عندي زيادة 6 كيلو تقريباً ..
وكراش دايت .. ورا .. كراش دايت .. صارت الزيادة أكثر من 15 كيلو خلال سنتين !
بس .........
قبل فترة قررت أتبع نظام أكل صحي .. بس إختياري للأكل يكون على المسموح لي حسب فصيلتي ..
وهي>>> O <<< .. وبنفس الوقت قررت إني ما أفكر بسرعة نزول الوزن بقدر تفكيري بالهدف..
والنتيجة .............
أول عشرة أيام .. نقصت 5 كيلو " ماشاءالله " ..
و العشرين اليوم الباقيين .. نقصت 5 كيلو ثانيين ..
يعني عشرة كيلو خلال شهر " ماشاء الله" ..
وإن شاء الله بكمل لين أوصل للوزن المثالي <<< إدعولي :)
هذا مع إني آكل شوكولا .. وأطبخ بزيت وزبدة !!!
آه بس الله يرحم أيام الكراش دايت .. ننحف فوراً ..
وبعدين نرجع اللي نحفناه مع زيادة مجانية !
وهنا مجموعة من الأسرار بتساعدك إنك توصلين لهدفك بإذن الله ..
1- قسمي هدفك وحددي مدة لكل جزء وإكتبيه في ورقة :
يعني كم مرة قلتي أبي أنقص 15 كيلو أو 30 أو أو أو ..
طيب هي الكيلوات هذي بتنزل كذا مرة وحدة ؟! طبعاً لأ ..
إذاً قولي .. هدفي أنزل 5 كيلو خلال 14 يوم مثلاً .. والخطة : كذا وكذا ..
وإكتبي كل هذا في ورقة مع اليوم والتاريخ ..
2- يوم البداية هو اليوم .. هو الآن :
بالله كم مرة قلتوا ببدأ الأسبوع الجاي .. وتمر الأيام وإنتي مكانك سر .. من ألحين خلاااااااص ..
من هاللحظة إبدأي .. الدايت هذا مافيه حرمان يعني مالك حجة !
3- وفري بيئة صحية لاتسمح بالتراجع :
أحلين هالدقيقة .. قومي وسوي هجووووم على دواليب مطبخك وثلاجتك وتخلصي من أي شي غير صحي أو غير مناسب للفصيلة ..
مثلاً .. أنا أكثر سمنتي كانت من البسكويت, وطبعاً مايحتاج أقولكم عن السعرات اللي فيه , ولا عن الزيوت المهدرجة الغير صالحة للإستهلاك الآدمي والبشري , هذا غير إنه يصنع من دقيق القمح وهو غير مناسب لفصيلتي ..
بس خلاص ماااااعاد أشتريه .. وإذا جاء على بالي بين فترة والثانية ..
جبت حبة وحدة بس وأكلتها مع شاي أخضر ..
4- إنك تعرفين اللي يناسبك وتاكلين أكل صحي ..
تقدرين تاكلين أكلك العادي .. بس إستبدلي الأنواع بأخرى مناسبة للفصيلة ..
يعني كم وحدة فينا إذا بغت تسوي دايت طاحت في السلطة .. طيب تخيلو إن الخيار مايناسب فصيلتي خخخخ
ولا إذا تحمست مرة ... هاااتك يابرتقال وكيوي .. وهذول بعد مايناسبوني خخخخخ
وكله كوووم .. وإذا بغيت أكنسل العشاء كوووم ثاني .. تخيلو وش آكل ؟؟! زبادي مع توست أسمر ..
والحليب ومشتقاته مااتناسب فصيل " O " .. ولا القمح ومنتجاته بعد ..
يعني خبز مافيه .. وأنا أموت بالخبز والكروسان والباستا !
يلا كله يهون في سبيل تحقيق الرشاقة :)
بس ألحين طبعاً بعد ماعرفت نظام الفصائل ..
السلطة بدون خيار " بقدونس , خس , طماطم , بصل أخضر , جبنة فيتا , بذر كتان " ..
وبدال البرتقال والكيوي .. صار " أناناس , مانجو , تفاح , موز " ..
وبدال باستا القمح صار "صار" باستا الرز والدخن" <<< من محلات الغذاء الطبيعي ..
وبدال الحليب البقري .. صار "حليب صويا" ..
والخبز 4 مرات في الأسبوع بس <<< ماقصرتي خخخخ :42:
لا وأبشركم أحياناً أبدل الخبز بكروسانه <<< تحبه طيب :hahaha:
بس الحق ينقال هي كروسونه وحده .. أو شريحة خبز توست وحده <<< ونعم والله :22:
5- حافظي على أي نشاط رياضي مهما كان بسيط ..
برنامجي .. نصف ساعة فقط على السير ..
5 دقائق بمقاومة عالية على الأوربت تراك ..
6- كل ماجعتي إشربي كاس ماء دافي .. وراح تحسين بالشبع .. وضروي 8 كاسات خلال اليوم ..
7- توقفي عن الأكل بعد الساعة 7 .. ممكن شاي أخضر أو زنجبيل أو ماء ويفضل دافي ..
8- يومياً على الريق كاس ماء دافي .. أو منقوع الكمون + عصير نص ليمونة أبو زهير .. وبعدها بساعة يكون الفطور ..
9 - سجلي إنجازاتك ولو كانت صغيرة :
يعني خلي عندك نوته خاصة .. كل يوم تكتبين فيها .. كم دقيقة مشيتي , وشربتي شاي أخضر ولا لأ , وهل نجحتي في جعل أكلك صحي اليوم , هل تخلصتي من وجبة العشاء وإسبتدلتيها بكوب شاي أخضر لذيذ أو بابونج مثلاً ..
10 - إستخدمي سدر وترمس مر مطحون كسكراب .. مرتين في الأسبوع ..
لأنهم يشدون الجسم وينعمون البشرة بشكل رائع .. والفرك يكون بشكل دائري من تحت لفوق ..
لتحريك الدورة الدموية .. وتحفيزالجسم للتخلص من السموم ..
أخيراً .. إذا تبون نماذج للفطور والغدا .. وبالمرة برنامجي اليومي بعد ماعندي مانع ..
بنات.. ماكتبت الموضوع إلا رغبة في الدعاء منكم والفايدة لكم ..
اللهم إنفع به .. ودعواتكم .. لي بأن :
" يفرج الله برحمته همي , ويوفقني بفضله وكرمه لكل خير , ويكفيني بقدرته كل شر .. اللهم آمين " ..
حلا الكون @hla_alkon_1
عضوة فعالة
يلزم عليك تسجيل الدخول أولًا لكتابة تعليق.
دنيا الحسايف
•
الله يوفقك
الف الف مبروك نزول وزنك وعقبال الباقي
ما شاء الله على ارادتك
انا فصيلتي نفس فصيلتك
ياليت تكتبين لنا برنامجك اليومي
ولك الف شكر غاليتي
ما شاء الله على ارادتك
انا فصيلتي نفس فصيلتك
ياليت تكتبين لنا برنامجك اليومي
ولك الف شكر غاليتي
ّ~ حور ~
•
حبيبتي حلا الكون
الله يحلي أيامك يارب
جا موضوعك في وقته انا بعد فصيلة دمي مثلك وان شاء الله ناوية ابتدي رجيم
ياليت تتحفينا ببرنامجك الغذائي اليومي مع نوع الرياضة اللي تمارسيها
"اللهم فرج برحمتك همها ووفقها بفضلك وكرمك لكل خير واكفها بقدرتك من كل شر اللهم امين "
ولاتنسينا من صالح دعواتك
الله يحلي أيامك يارب
جا موضوعك في وقته انا بعد فصيلة دمي مثلك وان شاء الله ناوية ابتدي رجيم
ياليت تتحفينا ببرنامجك الغذائي اليومي مع نوع الرياضة اللي تمارسيها
"اللهم فرج برحمتك همها ووفقها بفضلك وكرمك لكل خير واكفها بقدرتك من كل شر اللهم امين "
ولاتنسينا من صالح دعواتك
الصفحة الأخيرة