حبيت احط موضوع شكر خاااص لوحده من الاخوات في المنتدى ربي يسير امورها ويرزقها ويخليلها عيالها يارب
ويعجز لسااااني عن شكر اختي وحبيبة قلبي
UmSawaf
الغاليه وربي لا يحرمني منها
الي تعبتها ولوعة جبدها من كثر الاسئله واتصالاتي ومسجاتي :30:
وان شاء الله ما انغثت مني يارب
وانا ما اتعاملت معها الا يوم شفت ردود البنات وياااه وهذه اول مره لي اشتري منها
انا كنت طالبه منه غرض ومن ضمن الاغراض طرشت لي عينه من العوود وعجبتني وااااايد رهيبه الصراحه فطلبت منها كيلو هديه نصها لريلي :arb: ونصها للوالده الله يطول بعمرها امييين
وحجزت بعد لعرس اخوي منه
ومن ضمن الطلبيه كان المكياج المهم
اتفقنا بالاستلام بس شوووووه استانست يوم ياب المندوب اغراضي قالي هذه لج قلت لا مش طلبي
ودقيت لها وهي مشغوووله وانقفط وجهي منها المهم ردت علي قالت حبيبتي هذه اغراضج استخفييييت
وركض على الصاله وانثر الاغراض وهي طلباتي الي ابيها بس بدون ما اطلب بترتيبها يعني طلب عادي
وفديت روحها ما قصرت مكيسه العوود كلها بروحها ولا حاطتنهم في بوكس انما اييييه :eek:
والمكياج مرتب بكيسه بروحها
والله انج ذووق ولا ما قصرت بعد حطت لي عينات من الدخون الصراحه واااااااااااااااااااو وبو الشباب يشمشم وراااي طول الليل يقول الله يخسج شو هذه الريحه ذبحتينااا :22: جننتيبي وخذت بنصيحتج زي ماقلتيلي سوييت هاهاها
المهم حبيت اهديها هذا الموضوع لاني احس اني مقصره معاها وتعبتها معااي
واتمنى الها السعاده زي ما اسعدت الغير يااارب
واخليكم مع الصور الي نزلت بطلعة الروووح
اغراضي لحد يمد ادييه
العود مكيس لاربع اكياس كنت ناويه اعطي بوالشباب نص كيلو الحين لا بعطيه ربع بس وبخلي الباقي لي والنص الثاني لامي فديت خشمها
مكيااجي
مشكووووره يا ام سيف وربي يطول بعمرج ويخليلج بوعيالج يارب
الصراحة تخبلت على الصندووق هههههههههه ..يجنن ..