بنات كنت دايما مترددة اعمل فطاير او معجنات فاخيرا قلت لازم اجربها فجربت عجينة العشر دقائق بس ما لحقت اصورها هجمو علي اهل زوجي وما خلو شي منها خخخخخ بالهنا عقلبهم بس والله عجبتهم كتير وما صدقو ان انا عاجنتها عالعموم شوفو حوستي يا بنات بعد ما خلصنا الغدا انا طبعا حطيت شوي لابو الشباب على جنب بس المشكلة انو دقللي عالتلفون وقال عازم صحابه غالغدا وشوفو حوستي ايش بدي اعمل ولحسن الحظ كان لسة باقي عندي لحمة خخخخ فبعتت عمي وجبلي عجينة جاهزة بس هالمرة صورتلكم الطريقة وقفت اخت زوجي جنبي وصورتلي كل خطوة بس يا بنات بصراحة عجينة العشر دقايق رهيبة بتجنن الله يسعد ام عزيزان و يهنيها ويجزيها الجنة يارب بعرف اني طولت عليكم اخليكم مع الصور بس امانة ردو علي لا تخيبوني وقولولي رايكم بصراحة
انا عملت الحشوة عالطريقة اللبنانية واللي هي
لحمة مفرومة
بصل مفروم ناعم تقريبا 7 بصلات
بقدونس مفروم ناعم واذا كان البقدونس كتير معليش طعمتها ما بتبين كتير
طحينة فنجان -دبس رمان على حسب ما بتحبي الطعمة حامضة كتير او شوي على كيفك ورشة ملح
اولا اقلي اللحمي على النار
وبعد ما تستوي اضيفي البصل وحركيهم وغطيهم واتركيهم كام دقيقة على نار خفيفة
بعد ما تذبل البصلة اضيفي البقدونس رشة الملح وحركي
ثم اضيفي الطحينة ثم دبس الرمان
وحركيهم منيح منيح اتركيهم دقيقتين عالنار ثم ارفعيهم
يتبع
اولا هاتي صينية الفرن وادهنيها شوية زبدة
كوري العجينة وافرديها على حسب ما بتحبي كبرها
صفي العجينة بالصينية وحطي الحشوة فوقها وبتقدري تزينيها بالصنوبر بس ما كان متوفر
دخلييها لفرن لحد ما تستوي وتحمر شوي من تحت
خرجيها من الفرن وصفيها بالصينية
وانا عملت فطاير تانية بس محشية جبنة وهيك طلعت
ها شو رايكم بنفع ولا لا خخخخخخ