أخبار حواء:
«    »

                 

قديم 06-05-1427 هـ, 06:28 صباحاً   #1
سروبة

عضوة جديدة
 
الصورة الرمزية سروبة
 
تاريخ التسجيل: 01-02-1426 هـ
المشاركات: 92


لكل من طلبت نظام فيافي +اسئلة واجوبة

السلام عليكم ورحمة الله وبركاته .. اما بعد

منقوووووووول كما وجدته لعيون بنات عالم حواء


اخواتي ان الذي جعلني اليوم اتطرق لهذا الموضوع لحزني على كثير من النساء
الواتي لا يعلمن عن ادق خصوصياتهن وقد يكون الموضوع حساس ولكنه مهم جداًَوهو كان مميز لنساء العرب الطب النسائي
لقد قرأت في احد المنتديات عن فتاة تسئل طبيب عن خروج هواء وصوت من منطقة المهبل وماهو وما علاجله فلم يعطها اجابه شافية.. ولذلك حزنت لأن عندي الأجابه للأسف انها خربانه..نعم ارحامها خربانه لأسباب صحيه سيئه لم تلتزم بها اثناء فترة الحيض..والحمد لله ان جدتي (الله يرحمها) كانت تعرف بهذه الأمور وقد اخذت عنها الشيء القليل واريد المنفعه للجميع ان شاء الله
ان السيده الخربانه لاتعيش حياة طبيعيه سواء تزوجت او لم تتزوج لأسباب وهي:
علامات الخراب التي تسبب لها الكثير من الإحراج وخاصة في المراحل المتقدمة
ايضا تكون سبب في عدم السعاده الزوجية للمتزوجين وخاصة الأزواج لذلك تجد الزوجه تشعر بنفور الزوج ولا تدري ما السبب
وسوف اضرب لكن امثله : ورد الجوري رائع المنظر والرئحه كريه الطعم ولو اجبرتي على اكله لكرهتيه, الكيوي كريه المنظرلارائحة له ولكن لذيذ الطعم لذلك تحبيه وتنسي شكله ,اما اليوسف افندي حلو المنظر حلو الرائحه حلو المذاق , فالمثال الأول للمرأه النظيفة الجميله ولكن خربانه, الثاني للمرأه القبيحه التي لاتهتم بنفسها لكن (جنان) يعني حلوه من جوا غير خربانه, اما لأخيره فهي الجميلة المظهر والرائحة وممتازه جدا من الداخل
وأن شاء الله الي سوف تتابعني سوف تكون من هذا الصنف

علامات الخراب ماهي:

خروج سوائل بكثرة طوال اليوم تقريبا
بعض الحالات معها رائحة كريهه
بعض الحالات يخرج منها هواء من منطقة المهبل مع صوت محرج
مسببات الخراب كثيرة:
وكلها اثناء فترة الحيض او النفاس او العوار

وان شاء الله تدعون لي ويكون ازواجكن لايفكرون بالزواج ابدا

الآن سوف اصف لكن الرحم السليم والرحم الخربان :
الرحم السليم يكون ناشف متعافي ليس فيه تسلخات او لزوجات ويكونبطانته الداخلية (اي اللحم) متينه وقوية, ومثال عليه خذي قطعة لحم طازجة(غنم او بقر) وانظري اليها وملمسها طبعا قبل غسلها تكون ناشفة وليس فيها لزوجة .
اما الرحم الخربان يكون رخو وبطانته الداخلية مهترئةومثال عليه خذي نفس قطعة اللحم ثم دقيهالترقيقها قليلا ثم ادعكيها بصابون ودعيها لمدة يوم في الثلاجة وانظري ماذا يحل بها؟تكون لزجة ورخوة ومرعبة.
ولذلك نجد ان البنات بعد الزواج يعانين المشاكل ولايدرين ما السبب لان الزوج يكون متضايق من هذا الموضوع ويعتقد انه طبيعي اما اذا كان رجلا عارف فإنها لا تقنعه فيذهب للبديل اما بالزواج او غيره ولذلك نجد ان كثير من النساء العارفات(بالطب النسائي)حتى وإن كانت لاتملك المظهرالحسن والنظافة محبوبه من زوجهالماذا؟؟؟؟؟؟
لأنها تمتعه في الفراش فلا يجد لها بديل حتى انه لايرى عيوبها ولكن ماأجمل ان تهتم المرأةبكل جوانبها وان تسبق كل ذلك الإخلاص لله لأنها تريدان تصون وتعف زوجها وتحافض على صحتها
ولأن نعود للموضوع وسامحوني لأني احب السرد حتى تعم المنفعة

هناك امراض اخرى يصاب بها الرحم اذا لم تهتمي في فترة الحيض والنفاس وهي:

اولا:الفَقرة بكسر الفاء وهي بقاء الدم وتجمده وسده للمبايض ويسبب العقم للأسف وهذا لاتكشفه الأشعة بأنواعها مع تطور العلم ويسبب الآلآم شديدة وقت الحيض, وكثيرا ما سمعنا عن حالات لم تحمل لمدة طويلة وبعد ذلك تكتشف ومن خلال المنظار ان هناك عوار لم يسقط كاملا ثم تيبس في ارحمها, واعرف امرأة لم تحمل لمدة 13 عاموبعد ان اعيها التعب مع رحلات العلاج ذهبت الى امرأة متخصصة بالطب العرب والحمد لله اعطتها دواء فأنزل دم فاسد متجمد بحجم كرة التنس وهذا لايعني ان نهمل المستشفيات بل على العكس نعالج الألتهابات وغيرها ثم نكمل بالعلاج العربي

ثانيا: انقلاب الارحام ويسب العقم والم شديد فترة الحيض وممكن كشفه في بعض الحالات في المستشفى اما المتزوجات فهو يسبب الم شديد عند الجماع

ثالثا: ميلان الارحام اما للخلف اولليسار اولليمين ايضا يسبب عقم اذا ترك ولم يعالج في الوقت المناسب لأن الميلان يلتصق على تلك الوضعية ويسبب الم
عند الجماع مع منطقة الميلان.

ولان لابد انعرف المسببات للخراب والأمراض الأخرى لتجنبها وهي:

اثناء الحيض او النفاس او العوارعليك تجنب الأتي:

الجوع الشديد(يعني رجيم يوقف) او التخمة الزائدة
الأكلات اللزجة مثل المولخية, الباميا,البصل الاخضر,الشمام ,البطيخ
الحوامض خاصه اليمون, لاباس بأكل برتقاله في اليوم ولاكن بعد الشبع
الأيسكريم,الحوامد بشكل عام
تعريض القدمين للماء او المشي حافية على البلاط البارد او الأستحمام بكثرة
او اخذ دش مهبلي و***** الله سوف اعطيكن الوسائل البديلة مع المحافظة على النظافة اليومية
المشروبات الغازية
حمل الأشياء الثقيلة او سحبها وهذا لايمنع الحركه والعمل بل على العكس اعملى الأشياء السهله وتحركي لاكن لاتجهدي نفسك فوق طاقتها

الآن العلاج وخطواته بالتفصيل

فترة الحيض

اذا فترة حيضك 6اياماتبعي التالي:الثلاثة الاتام الاولى
اما النفاس فتستخدمها 20 اليوم الاوله
في الصباح سفي مقدار 2ملعقة كبيرة من هذه الخلطة التالية على الريق مع كوب شاهي او حليب وتكون هذهالخلطة مطحونه ( كوب حلب+نص كوب حبة سوداء+فنجان قهوةحبة حلوة+ملعقة كبيره قرنفل)

وان شاء الله سوف اكمل بقية الموضوع مع نظام غذائي كامل يصلح كرجيم ومفيد مع باقي الأدوية الأخري حتي اخر اليوم يعني ماذاتفعلين من الصباح حتي المساء كل فترة الحيض والنفاس
بعد ذلك تتناولين التالي: تمر معبوط(وياليت تكون عجوه) + م.ك. سمن غنم او زبدة يطبخ على النار هادئه لمدة 10 دقائق ثم يضاف إليه حب الرشاد او تستعيضين عنها بعصيدة التمر المحلاة وهي عباره عن( كوب تمر بدون النوى + 4كوب ماء) ثم توضع في الخلاط
وتصفى ويضاف اليها كوب دقيق اسمر ثم توضع على نار هادئة مع التحريك حتى تثخن
مثل الباشميل يستغرق طهيها ساعة تقريباَ ثم تضيفين إليها فلفل اسود ,ممكن تعبينها في علب يلاستيك على كميات وتوضع في الثلاجه وكل ما بغيتي تأكلين تطلعين علبه وتحميها
بعد ذلك بنصف ساعه تقريبا الافطار وهو على رغبتك لكن ابتعدي عن المعلبات
ممكن بعد ساعه اذا جعتي تتقهوين او تشربي شاهي اعشاب وهو مكون من ( ميرميه
+ اعواد شيح+ شوي كمون +شوي حبه سوداء+ شوي حزاة+ سوي قيصوم+ شوي
قشرقهوه+شوي نونخه+شوي دارسين+شوي ينسون)

الغــــــــــداء:
ممكن مطازيز مع لحم +لوبياء
ممكن مقلقل لحم فقط مع خبز بر
ممكن مشاوي مع ايدام لحم بدون خضار او الخضار التالية( حبة كوسة+حبة بطاطس
لوبياء حمراء) خففي من الطماطم لانها حامضه
ولا بأس في الفاكهه بعد الاكل مثل تفاحه او برتقاله
تجنبي الموز لانه لزج
بعد الغداء بربع ساعه عليك بمنقوع التالي: في كوب ماء
( م.ك.عنزروت+م.ص.مره+ شوي محلب) لانها تعمل كمهضم وملين وتنضف الأمعاء ولابأس من اضافة الماء اليها كلما انتهت الكميه واستخدامها لاكثر من يوم طبعا توضع في الثلاجه
وقبل ما تشربيها بنصف ساعه طلعيها من الثلاجة.
فترة العصر وبعد الغداء ب3ساعات اشربي شاهي الاعشاب السابق مع 2.م.ك من السفوف السابق.
اذا جعتي كلي ماتشتهي نفسك إلا الممنوع ممكن شابوره بر

العشــــــــاء:
المجال امامك مفتوح الا الممنوعات اهم شي لاتجوعين
ممكن بعد العشاء تأكلين سلطه + برتقاله
هذا النضام الغذائي يستمر كل فترة الحيض او النفاس اما الأدويه بس لثلاثه الأيام الاولى
من الحيض والعشرين من النفاس
بالنسبه لنظافه ممكن الاستحمام كل اسبوع
اما يوميا فتغسلي من الرقبه الي السرة بماء وصابون عادي وتجنبي وصوله الى المناطق
الأخريلأن اعطيك الغسول التالي لمنطقة المهبل وهو:
( ارطا يكسر+ يطبخ مع ماء + ملح) تلاحضين لونه يتحول الى الاحمر لاتخافي عادي
ثم صفيه وضعيه في جركل وتوضئي منه يومياَ

بالنسبه لتحميلات المهبل: ملاحظه للمتزوجات فقط

اطحني مقدار .م.ك.مره +شوي محلب+ ملح خشن واعجنيه بعسل طبيعي ان وجد
كل ليله ضعي تحميله واحده صغيره كبر نوى التمر ( اصنعي كميه تكفي نفاسك)او
حيضك
وبعدين نكمل الموضوع مع الأيام الأخيرة من النفاس والحيض مع ادويه لعلاج
النساء الي خربوا وقضوا يعني علاج للمريضات الي ماهم بفترة حيض او نفاس

ادوية العشرين يوم الاخيرة من النفاس او الحيض:

طبعا نفس التسلسل الغذائي ولكن الادوية تختلف
خذي الدواء التالي على الريق2 ملعقة كبيرة مع شاهي الاعشاب السابق
اطحني(كوب حبة سمراء+م.ك.قرنفل+ م.ك.دارسين+م.ك.فلفل اسود+ م.ص.محلب فنجان قهوة كمون+ م.ك. نونخة + فنجان قهوة صغير حبة حلوة)
التمر مع الرشاد استمري عليه لانه ينظف الارحام اما البخور وهو مايسمى عندنا( بالكبو) افضل شي تسوينه عند النوم وتتبخرين فيه وتجدينه عند العطار لان الكبو نوعان كبو هواء وكبو شمم . استخدمي كبو الهواء.
بالنسبة لمنقوعة اعنزروت+المرة +شوي المحلب ) زيديها شوي مباركة او ماتسمى بالصبرة واستمري على شربها
وان شاء الله الي تتبع الكلام السابق سوف تدعيلي وقد تكون بعض النساء خربانة وتلاحض خروج الكثير من السوائل من المهبل لاتخاف وتستمر على ذلك كل حيض وسوف تلاحض الفرق بعد الشفاء ان شاء الله
ولاكن ارجع وانبه ان الجوع او الرجيم في تلك الفترة ممنوع .
لابأس با لسمك والروبيان.

بالنسبة لنزيف الارحام وهو يصيب في حالات الحيض فقط نتيجة لحمل شيء ثقيل فيحدث تمزق للارحام عليك بالتالي: مقدار فنجان قهوه حلب+ كبر حبة الحمص شبة سوداء تطحن مع بعض ثم تأخذين مقدار ملعقة صغيرة مع كوب حليب على الريق كل صباح وسوف تلاحظين وقوف النزف.

بالنسبة للتي تعاني من ضعف في المبايض

خذي مطحون الحلب كل صباح قبل الافطار بقليل مع كوب حليب واستمري عليه وان شاء الله يكون الحمل مع شاي الحلب لابأس ان يشاركك الزوج في شرب الشاى اذا كان يعاني من ضعف.
او خذي بار النخيل+ عسل طبيعي اخلطيهم مع بعض مقدار .م.ك كل يوم على الريق ولابأس ان يشاركك الزوج.

نكمل موضوعنا بالنسبة لعلاج النساء الخربانات عليها أن تتبع التالي :
النظام الغذائي السابق عليها أن تتبعه في فترة الحيض أو النفاس أو العوار أما إذا كانت الحالة شديدة يعني تعاني من خروج هواء من المهبل أو خروج سوائل فعليها اتباع النظام السابق لمدة أربعين يوم وكأنها نفاس حتى وإن لم تكن باستثناء أنها تستطيع الاستحمام والوضوء عادي وقد يكون علاجها يحتاج مدة طويلة وتستمر على العلاج كل حيضة ولن تصدقن إذا أخبرتكن أن سيدة اعرفها شخصياَ لم تعتني في نفسها فترة النفاس فأصيبت بالهواء والسوائل معاََ وهو شيء خطير جدا لذلك اتبعت النظام السابق بصرامة + استخدمت عشبة تسمى (جنبة) وشربت مغليها يوميا, وهذه العشبة نوعان النوع الأول
تسمي ( جنبة النفود) ولا انصح بها لانها حارة على الأرحام اما النوع الثاني تسمى( جنبة البر) وهي ممتازة وانصح بها وانا استخدمها في بعض الاحيان , ولكن اتمنى لو اريكن شكلها حتى تعرفنها, واهم شيء للخربانة ان تأكل التمرة مع الرشاد التي سبق واعطيتكن وصفتها , والعلاج يحتاج الى صبر لأنه
قد يستغرق مدة 4 اشهر وإن كانت متزوجة لاتقول شيء لزوجها وتشاهد فقط انطباعته لأنه ماأن يتعدل وضعها الصحي فأنه سوف يصارحها بأنها مختلفة , وأنها افضل ويزول السبب الذي كان يجعله كتوما معها خاصة بالامور الجنـ......
اما انقلاب الارحام والميلان فلا يعالج بالادوية لانه لابد من الذهاب الى امرأة متخصصة ويكون على جلسات ( مخبنة وتمريخ) ولابد أن تسارع المرأة المريضة بالذهاب الى مرأة متخصصة حتى لايكون عقم لاسمح الله .

اختم موضوعي يابنات بعلاج السقط(العوار)

اذا تعرضت السيدة الي السقط او مات الجنين داخل الرحم فعشان ينزل عليها بالتالي :
سبحان الله اذا كان الجنين حي لا يصيبه اي شي مع هذه الادوية
مغلي شجرة العوار وتلقيها عند العطار والافضل سفةكمون مطحون+ مغلي الكمون محلى بعسل لحد ماتنظفين او فقع مسلوق +مويته السلق+ سمن بري



اسئلة الأخوات واجابات الأخت فيافي جزاها الله كل الخير


سؤال: مارائيك بالتبخر بالعفص خلال ايام الحيض وايضا الوضوء من منقوع العفص؟

التبخر بالعفص سمعت عنه لاكن لم اجربه ولكن نصيحهاياك ثم اياك وان تأكلي العفص مع سفوف لأنه يزين اول مرة بعد اكله ثم يدمر المرأة تدمير
ويخربها, اما الغسول فيه مانصح لأن مفعوله مثل الشبه وهي للاسف تخرب
والبخور

سؤال: ياليت تعطيني وصفة كيف اقدر انزل الدم الفاسد من الرحم كمان وصفة عن تاخر الدورة وكيف اجعلها تنزل في الاعشاب بعدين حبيت اسئلك في وحد تستخدم السكر النباتي في منع الحمل بحيث تاخذة مثل التحميلة صراحة انا مرة مستغربة منها لاني احس انها تخرب الوحدة بس حبيت اسئل

الدم الفاسد اذا قصدتي الحيض فعليك بمنقوعة المرة والعنزروت او اطحني التالي(فنجان حبة سمراء+ 2.م.ك مرة) ثم خذي م.ك. الصباح على الريق مع قهوه اليومين الأولات , اما اذا كانت عوار فلها اكثر من دواء حسب الحاله
اختي
اول مره اسمع ان السكر يمنع الحمل عليك بوسائل منع الحمل المضمونه اما تحميلات السكر اثناء الدورة او النفاس لاتساعد على التأم الجروح واحس انها تخرب

سؤال: من بين الوصفات اللي ذكرتيه الحلبة،واسمع البعض يقول انها تخرب وتخرب مرة بعد،وبعضهم يقول السبب في توقيت استخدامها يعني ما تستخدم في الايام الاولى،صدقيني احترت من كثر ما سمعت،،،

هذا السر في التعامل مع الطب العربي
الحلب (الحلب هو حمع الحلبة بالغة العربية يعني الحلب هو نفسه الحلبه) يستخدم العشرين اليوم الاولات من النفاس او الثلاث الايام الاولى من الحيض واذا زدتي عن المده المعطاة سوف ترتخي عضلات الارحام لذلك تتحدد الحلبه بمدة الايام وفي اول الامر وياليت تقرين الموضوع بدقة شوي لاني الى الحين ما خلصته باقي ايام الحيض الاخيرة+ الايام الاخيرة من النفاس لان لها ادوية اخرى ومعلومة الحلب يختلف عن المحلب وكلها نباتات

سؤال: بالنسبة لشاهي الاعشاب انتي ماحدتتي المقادير كلة شوى شوى هل قصدك قبضة اليد ام بالكوب الاني نفسي اعرف المقادير بالضبط
بالنسبة للغسيل ماتعتقدين ان الملح حار لمثل هاذي الاماكن كذالك العسل مرة حار بعدين الارطا يكسر هل كذا اسمة ام لة اسم اخر لازم اقول ارطا ام فقط يكسر ام الجميع ++

( الارطا) نبات صحراوي وهو عبارة عن اغصان تكسريها ثم تطحنيها
اضافة الملح ضرورية واكيد بيكون حار لكن الملح مطهر في حلات الجروح ويمنع تعفنها ايضا يسحب السوائل الضارة من الرحم
العسل الطبيعي مذكور في القرآن وهو شفاء ومعروف انه يساعد في التأم الجروح فما بالك بالارحام بعد الولادة تكون متجرحه بشدة
اما شاهي الاعشاب اخلطي المقادير مع بعض ثم خذي مقدار 3 .م.ك واعملي الشاهي المقادير مرة اخرى( نصف كيلو ميرميه+ نصف كوب كمون + نصف كوب شيح + نصف كوب حبة سوداء+نصف كوب حزاة+ نصف كوب قيصوم +نصف كوب قشر قهوة+ نصف كوب نونخة+نصف كوب من اعواد الدارسين(قرفة) ) وهذة كلها نباتات


سؤال: اختي بغيت اسئل عن العسل اذا له فائدة معينة عند اكله اثناء فتر ة الدورة واذا له او معاه خلطة معينة ياليت تفيديني

العسل ممتاز خاصة الطبيعي ممكن تحلين فيه اكلك وممكن الشاهي وافضل شيء كما قال الرسول صلى الله عليه وسلم في مامعناه كل صباح ملعقة عسل + 7حبات من الحبة السوداء والعسل ممتاز في كل الاوقات ولو قلتلك عنه اشياء لاصابك التعجب من شفائه للامراض.

سؤال: اكليل الجبل ،،هل استخدامه يترتب عليه شي؟؟بالعربي هل له مضار؟

مفيد ومنحف ولكن يمنع من بات في فترة الحيض والنفاس اما النفاس بالعملية فهو قد يكون قاتل لها لانه يسبب الشمم وهو معروف عند الاطباء بالالتهاب العام يصاحبه ارتفاع في درجة الحرارة مع غثيان ,لذلك تجنبيه فترة الحيض وهي فترة بسيطة ثم بعد الانتهاء من الحيض عاودي استخدامه.

سؤال: أنا في الحقيقه أول مرة في حياتي أسمع عن الموضوع ده و في الحقيقه أنا خوفت و قلقت جدا على نفسي أولا في بعض الأعراض من هذا المرض موجوده عند كل النساء مثل وجود السوائل فعلى علمي هذه السوائل يفرزها الرحم لتخليص نفسه من الميكروبات و يكون لونها أبيض و بدون رائحه و قد سمعت طبيب في الأذاعه يقول أنه أمر طبيعي وكذلك آلام الدورة الشهريه و لكن طبعا بعد الزواج أصبحت محتمله أكثر من الأول و في بعض الأحيان يكون هناك آلم أثناء الجماع كذلك هناك بعض النساء
يسافر أزواجهم لشهور وعند عودتهم يكون الجماع مؤلم مثل أول مرة أقصد مثل ليلة الزفاف فأرجوك منك أختي فيافي أن تقولي لي هل هذه الأعراض تعني أني مريضه و في حاجه للعلاج
و قد قرأت في كتاب للعلاج بالأعشاب أنه عمل حمامات مهبليه من مغلي زهرة البابونج يفيدفي القضاء على الألتهابات في الرحم و كذلك حمامات الماء الدافىء بالخل تفيد في التخلص من الفطريات فهل هذه المعلومات صحيحه أرجو أن تطمنيني

حتى تعرفي نفسك اجعلي ملابسك الداخلية من القطن الابيض ولاحظي نفسك اذا كان الافراز اكثر من ثلاث مرات في اليوم فأكثر فأنتي بحاجة للعلاج, اما الالم بعد فترة طويلة فهو طبيعي ولكن للحظات اما اذا استمر فهناك حتما مشكلة.
اما الحمامات التي قلتي عنها فانا لاعرف ماذا تقصدين بها اذا كانت دش مهبلي داخلي فتجنبيها اما اذا كانت للحظات وخارجية وليست في ايام الحيض اوالنفاس فلاباس بها.
سؤال: اختي انا قبل ماتجيني الدورة احس ان جسمي تصيبة مثل النفخة يعني امتن شوى وبعدين ارجع على طول مادري هل هذا شي طبيعي ام لا

اذا كان يكبر حجم بطنك فتذكري يمكن مرة من المرات تبخرتي ووقفت على المدخنة وفيها معمول وانتي حائض اذا كان كذلك فانتي ممكن داخلك هواء وبحاجة لعلاج اما اذا كانت الدورة يصاحبها الم شديد فتعانين من انسداد يعني ممكن دم متحجر ,
اما اذا كان الانتفاخ في كامل جسمك فهذا يعني انحباس الماء وممكن ناتج من شمم يعني شامة رائحة ريحان او مسك لذلك عليك بشاهي الاعشاب السابق
مع كبوا الشمم وهو مخلط من( محلب+مرة+حلتيته رطبة+ خواجوا)

سؤال: عندي مشكلة الألم المصاحبة للدورة، ترى ما اهدأ الأ بالابر والمغذيات و يا ريت لو تشورين علي بشي تذهب بهذا الكابوس اللي ما اصدق يروح حتى استعد لجيته

ابتعدي عن الابر لانك لو لاحظتي في كل مرة يزيد الالم بعد الابر يعني تتعودين عليها وعشان تسكن الالم اولا انتي اذا كانت دورتك ماتنزل جيدا وبعدين يابسة يزي التراب وسوداء فانتي عندك سدد( فقرة) لازم تشربين مغلي الحلب في اليومين الاولات+ كوب حبة سمراءمطحونة+مرة فنجال وتتقهوينها على الريق وان شاء الله ماتشوفين شر
( الحبة السوداء+المرة) خذي منها ملعقة كبيرة مع عسل طبيعي على الريق يومين وفرجها ربي


سؤال: قبل يومين سالت امي عن الافرازات المهبلية عندي صارت كثيرة جداو مزعجة ولكن بدون رائحة لدرجة انها تسيل وقالت شي عادي انا غير متزوجه

اذا عندك سوائل وبهذا الشكل فاكيد عندك مشكلة لأني انا متزوجة ولا اعاني من ذلك ولله الحمد بسبب عنايتي بنفسي خاصة واني قبل الزواج كنت مهملة ولكن عانيت شوي ثم انتظمت على الادوية والنظام السابق واصبحت تمام ولذلك اتبعي النظام السابق واقرائي الردود ولكن بما انك بنت لم يسبق لك الزواج تجنبي التحميلات المهبلية

سؤال: انا مشكلتي الدوره تتاخر عندي شهرين وانا ماعندي اطفال بس سبق وصار عندي عوار وحاسه هذا السبب انه يكون في بقايا للدم مع الدكتوره تقول في عندي ضعف مبايض رغم اني سبق لي الحمل وسوال اخر هل في علاجات لتضيق المرأه؟

اذا عندك ضعف في المبايض ياليت تتبعين الادوية الي قلت عن الضعف وشي طبيعي تتأخر عليك بسبب الضعف ويا اختي ممكن انتي تكتشفي مقدار الضعف الي عندك استلقي على ظهرك وضعي اصبع السبابة والوسطى فوق السرة وتحسسي النبض اذا لم تحسي به جيدا فهناك ضعف اما اذا تحسستيه فالحمدلله وياليت تقرين الردود لان فيها المنفعة ان شاء الله بالنسبة لتضويق اتبعي النظام اثناء الحيض مع التحميلات وراح تشوفين الفرق

بنسبة لضعف الى عندك وعند الزوج اتبعو التالي انتي واياه وان شاءالله يكتبلك الحمل وثباته عليك بالحلب اشربي مغليه + م.ك حلب مطحون يوميا ولمدة شهرين اقل شي واذا صار حمل وقفي الحلب الطحون والمغلي او عسل طبيعي+ بار نخل+سبع حبات من الحبة السوداء لمدة شهر اقل شيء

سؤال: الاعراض هذي تصير بس للمتزوجات ولا حتى البنات اذا تعرضو لها يكونو بعد مصابين؟

الخراب يصيب البنات والمتزوجات ولكن البنات مايعرفون إلا بالافرازات

سؤال: عندي مشكلة تأرقني وهي اني عند الجماع اكون ناشفة بمعنى ان الماء الطبيعي الذي يجب ان ينزل قليل جدا خاصة ذلك الوقت بلرغم ماقد يسبق من المداعبة الى اخررره وبعض الأحيان يلجأ زوجي لإستخدام سا ئل طبي مرطب لمنطقة المهبل علما اني متزوجة حديثا منذ سبعة اشهر فما السبب وما العلاج وهل اعتبر مريضة ام لا

من وصفك لحالتك انتي مافيك شي وكوني على ثقة تامة *****الله اما الجفاف الي تعانينه طبيعي مع العرايس الجديدات ليش؟؟
لانك اكيد بتكوني خجلانة بعض الشي وماتتفاعين مع الزوج وهذا طبيعي لانه كل شي عليك اصبح جديد فلا تهتمي ولاتقلقي وريحي نفسك وهيئيها لهذه الامور وحتى زوجك اكيد يتفهم ان هذا طبيعي مع الخجل ولا يستعجل الامور ويتضايق ولكن هذا لا يعني انك تهملي نفسك حافظي عليها بالعناية بنفسك وقت الحيض يعني انتي لا تعانين من خراب ولله الحمد

سؤال: ذكرتى للحمل (عسل طبيعي +بار نخل+سبع حبات من الحبه السودا) كم مقدار العسل ومقدار بار النخل؟

العسل مقدار كيلو وبار النخيل خذي جرم كامل وفتيه فيه ثم تؤخذ ملعقة كبيرة بعد ان تضيفي اليها 7 حبات حبة سوداء كل يوم انتي والزوج

سؤال: فيما ذكرتى في المنقوع محلب او حلب ؟

اقصد منقوع الحلب اما المحلب فهو نوع ثاني

سوال: هذه التحميله الي كتبتي طريقتها الي فيها حلبه او محلب؟

التحميله عبارة عن( م.ك.مرة+م.ك محلب+فنجان ملح خشناو مايسمى بالملح الفارسي)يعجنن بعسل ويجففن ثم تجعلين حجم الوحدة كبر حبة نوىالتمر وتتلبسين واحده كل ليلة.

سؤال: بغيت رايك انا هالحين في اخر النفاس يعني لي 38يوم باقي يومين واخلص ان شاء الله والحمد لله طهرت لكن معي بعض الافرازات البنيه وانتي بكرامه يعني كدره المهم صديقتي عطتني تحاميل وحده عباره عن ملح والثانيه عن معمول وتقول استخدميهم تمدحهم مره تقول تنشف وتضيق لكن انا الى هالحين مااستخدمتهم وتحسفت سؤالي اقدر استخدمهم هالحين وانا في نهاية الاربعين والا لا؟؟؟؟؟؟؟
وسؤالي الثاني كيف اعرف انب ماني خربانه وخاصه ان زوجي مايحب يجرحني ولا يقول لي شي يمدح وبس
سؤال اخير اذا ممكن ليه اهلنا وجداتنا يحذرونا من انه نروح لازواجنا بعد الاربعين على طول يعني مانسوي شي يقولون اصبري 5 او 10 ايام احسن لك هل هو مضر والا لا؟ وكيف اقنع زوجي ؟؟؟؟؟؟

ماقلتيلي ولادتك طبيعي ام قيصري على كل حال بعض النساء لاتنشف نهائي
الا بعد خروجه من الاربعين بالنسبة لتحميلات صديقتك ضعيهن الفترة هذه واذا نشفتي احفضي الباقيات للحيضةالاخرى واستخدميهم كما وصفت لك صديقتك
اما الخراب واضح اما صدور هواء مع صوت من منطقة المهبل وفي بدايته يكون عند الجماع واذا تطوريصبح في كل وقت هذا نوع منه وان شاء الله مايصيبك ولايصيب من يقراء اما النوع الثاني السوائل الكثيرة شوفي ملابسك الداخلية اذا كمية السوائل الي نازله عليها كثيرة يعني مافيه نشوفة الله يستر اهتمي بنفسك بعدين الدورة الاولى بعد النفاس اهتمي فيهاجدا جدا جدا لانها ممكن تدمرك وممكن تعدلك واتبعي النظام الغذائي والعلاجي الي انا واضعته بالدوره القادمة
وبعدين لاتقلقين نفسك انتي والله بتعرفين نفسك اذا خربانه بعد ماقريتي المقال ولا تنبهين زوجك لهذه الامور خليه غافل وخليه يحس انك احلا وحدة بالدنيا
اما نصح النساء الكبيرات لنا فلخوفهن من الشمم وهو يقتل المرأة الله يكفينا شره وسببه ان المرأه ماتكون طهرت وتذهب مع زوجها وتتعطر ببعض الاطياب التي تسبب الشمم لذلك يجب تجنب المسك والريحان

سؤال: ممكن احط التحاميل في النهار والا لازم في الليل علشان مااتحرك؟؟؟؟؟؟؟؟ والمويه هل شربها مضر في الدوره والاربعين والا لا؟؟ لان امي تنصحني بعدم شربها او على الاقل تقول قللي منها والعصيرات احسن

التحميلات يوضعن باليل افضل واحسن عشان يسحبن كل الاوساخ ويطلعنهن برا
اما شرب الماء مايضر بس لاتكثرين منه على جوع او بارد وهذا الاعتراض ليش؟ لان الماء يكبر البطن ولان كثرته تسبب خراب للارحام اشربي بالمعقول لاتكثرين ولا تقللين

سؤال: أنا متزوجة ولدي أبنان وأعاني من نفس الأعراض المذكوره من نزول السوائل وخروج الهواء من المهبل والرطوبه بالأضافه الى نفخه في البطن كما وأني أحس بأن فتحة المهبل قد توسعت وتغير شكلهاوقد عرضت نفسي على طبيبة وقد قالت لي بأن كل شيء على ما يرام ولكني غير مرتاحةوللعلم فأن الدورة الشهرية منقطعة عني منذ ولادة أصغر أبنائي البالغ من العمر سنة وثلاثة شهور ربما بسبب الرضاعة ماذا ترين في حالتي وهل هناك دواء لشد المهبل وتضييقه واعادته كما كان.

انتي معك خراب مهو هين الله يعينك المهم راح اعطيك خطوات العلاج
شوفي الوصفات السابقة واعتبري نفسك نفاس وسويها لمدة اربعين يوم بحذافيرة واستمري لحد ماتحسين ان الوضع تعدل واذا ماتعدل بعد اربعين يوم ياليت تخبرينن عشان ابدا معك بالنوع الثاني من العلاج واي شيء يوقف او ماتفهمينه بلغيني واي استفسار
بالنسبة لأنقطاع الدورة اذا انتي ترضعين عادي اما اذا لا فيمكن عندك ضعف بالمبايض وتقدرين تعرفينه بالطريقة التالية انسدحي على ظهرك وضعي اصبعك السبابة والوسطى عند السرة اذا سمعتي النبض قوي الحمدلله واذا كان ضعيف فالله يستر واذا ماسمعتيه فعندك ضعف

سؤال: ما أدري اشلون بالنسبة للجماع مع زوجي خلال فترة العلاج لأني مثل ما خبرتك ان العاده الشهرية منقطعة عني وهو يعرف هالشي يعني ما أدري اشلون بقنعة يصبر عني أربعين يوم؟؟؟؟

الجماع عادي بس خففو شوي والتحميلات استخدميهن كل ليله واذا صار جماع بعده تلبسيهن
وياليت تستخدمين كبو الهواء بعد العشرين اليوم الاولات
الكبو حبيبتي هو عبارة عن اعشاب تجدينها عند العطار وتوضع على الفحم ثم تقفين فوقها ويدخل الدخان الى كامل جسمك بس قولي للعطار ابغا كبو الهواء

سؤال: أنا متزوجة منذ خمس سنوات ولدي طفل واحد والحمد الله لم أستعمل أي وسيلة لمنع الحمل ولكنني أعاني من نفس الأعراض ونزل السوائل بكثرة مصاحبة لها الألم في أسفل الظهر مع خروج الصوت من منطقة المهبل مع العلم بان الدورة ليست منتظمة وذهبت إلى إخصائيات نساء وولادة وكلهن قالن لي عندك إلتهاب شديد في منطقة الرحم فاذا كان لديك أي نصيحة أرجو ان تفيدني

الم الظهر اللي معاك من زمان يعني بعد الولادة الى الحين او انه الم يجيك بس اثناء الجماع
اذا كان بعد الولادة فيمكن تعرضتي لدفع شديد من قبل الممرضات ولابد من الذهاب الى طبيب عظام
اما اذا كان مع الجماع فالخوف انه يكون ميلان بالارحام للخلف وهذا يحتاج الي علاج على يد طبيبة عرب عارفهلانه يتكون من المخبنة والتمريخ (التدليك)
بالنسبة للاعراض الاخرى فأنتي معك خراب مهوب هين(شديد) ولذلك انصحك كما نصحت نسريييين بأتباع النظام السابق وكانك نفاس بس قبل كل شي اذهبي لطبيبة نساء وعالجي الالتهابات اذا فيه واذا ماعندك التهابات ابدأي العلاج على طريقتي وتوكلي على الله وخبريني بكل شيء يصير معاك وانا ان شاء الله راح اكون معاك وتحت امرك وبالنسبة لتقطع الدورة هل كانت على هذا الوضع من قبل الزواج او الولادة ام بس هذي الفترة ؟ وبعدين اذا نزلت تتفتفت زي التراب وسوداء في بدايتها تم تنزل بس بشكل خفيف؟ ياليت تخبريني

سؤال: أختي كانت تآخذ طب عرب في نفاسها ....وفي الدورة اللي بعد النفاس نزل عليها الدورة سوداء كانها صنبور ماء.....وكأنها معها تراب.....إيش معنى هذا ......وإيش علاجها.....خاصة إنها من يومها تركت العلاج وهذا من سنين طويلة .
أختي الثانية : في اول ولادة لها .....تحمست وتبخرت بخور ( الخوا جوا ) لأنهم مدحوه لها وقالوا ينشف...... لكن المشكلة .....إنها تبخرت وهي توها طرية ....مع أول ايام الولادة....وعقب ما جابت إلا مرة ......لكن دائما ما تطهر.....وما هي هذه المشكلة.....المشكلة إنه مرة ( طبيبة عرب ) فحصت عليها وقالت لها إن رحمك ( رايح فيها ) متففت كأنه عيش ( على قولتها ) وهذا بعد من سنين .....هل لها علاج.....دليني الله يجزاك خير على حل لهم الثنتين ؟؟

بالنسبة لأختك الأولى من اعرضها كان المفروض إنها مكمله طب العرب اللي آخذته لان عندها ( فقرة) وأنا تكلمت عنها من قبل ويا ليت توضحين اكثر كم لها من يوم استخدمت العلاج إلى الحين وهل
هي الآن عجوز أم شابه مازالت قادرة على الإنجاب
أما أختك الثانية ما فهمت أي شيء من كلامك أبى توضيح شامل وكم لها سنه بعد الولادة
أما قول المرأة لها أن ارحامك عيشه فهذا مصطلح عند نساء طب العرب يعني أن ارحمها خربانه جدا جدا جدا ويبيلها مشوار طويل مع العلاج

سؤال: أن ألآلم الظهر ظهرت في هذاالوقت أي قبل شهرين وآلام مصاحبة قبل الدورة وبعدها واثناء الجماع كما أنني قد عالجت من مشكلة الألتهابات التي عندي ولكنها تنقطع يوم او يومين وبعدها تعاود من جديد وعدم إنتظام الدورة بعد الولادة مباشرة وعندما تاتي تاتي بشكل خفيف جدا فما هو الحل في نظرك أفيديني جزاك الله خير.

على مايبدولي انه عندك ميلان للخلف ممكن اصبح عندك هذا الميلان من تو يعني تذكري الدورة الي قبل ماتحسين بهذي الاعراض يمكن انك شلتي شيء ثقيل فوق طاقتك او سحبتي حاجه ثقيله اثناء الدورة على كل حال ياختي هذا الميلان على مايبدولي للخلف لذلك استعجلي وابحثي عن مرأة تعالج واهم شيء تكون ثقه وتطمني منها افضل وياليت ترجعين شوي لموضوعي عن الميلان وتقرينه عشان تعرفين اخطاره وكذلك عندي ( فقرة) لاتتركين نفسك

سؤال: عن بخور(كبو)اسويه بنفسي يتكون من (خواجوا,مرة،قشربصل،كمون،فلفلة الهوا) ياليت لوتعطيني رايك فيه,,,مع العلم اني بعد ما اتبخر به احس بالم في بطني وظهري ما ادري استمر عليه,,,وبرايك ايش سالفة هالالم؟؟؟

لابأس بالكبو اللي ذكرتي وممكن تضيفين له ( محلب+حلتيته )
هل تتكبين وقت الدوره؟ اذا وقتها فهذا الالم طبيعي لان الارحام تدفى وتنزل الدم الفاسد

سؤال: بعض الأشياء ما سمع عنها العطار وهي قشرقهوه ونونخة وأرطا وكبو الهواء ما أدري اذا تعرفين لهم مسميات ثانية
وذكرتي بعد من أدوية العشرين يوم الأخيره الحبة السمراء فهل هاذي هي نفسها الحبة السودة وبعد بالنسبة للسفوف اشلون ناكله مع شاي الأعشاب نخلطه معاه والا ناكله في البدايه بروحه ونشرب وراه الشاي؟؟؟؟
ويصير نحط مع الشاي شوية سكر أو عسل لتحسين الطعم؟؟؟؟

المشكلة ان قشر القهوه موجود ابحثي عنه في محلات العطارة والتي يعمل بها من الاخوة الحضارم (من اليمن)واكيد بيعرفونه على طول
الحبة السوداء نفس الحبة السمراء
الارطاء نبات صحراوي معمر معروف وهو ممتاز للجروح اتمنى انك تحصلينه ودوري عنه في محلات العطارة اللي يعمل فيها كبار السن من السعوديين .
النونخه تشبه الى حد كبير حبة الحلوة ولاكن لها لذعه شوي وطعمها حالي
اما كبو الهواء مخلط من مجموعه من الاعشاب مثل( خوا جوا + مرة+ كمون +حلتيته+محلب+ [حاجه والله مدري وس اسمه لكن مثل الانابيب المفرغه لونها اسود وحجمها متوسط]+قشر بصل +هدب الاثل) وفيه حبوب ضغيره حمرا يابسه زي الخرز هذي شيليها مهيب زينه.

سؤال: اسمع عن نزول الارحام نسال الله العافيه لنا ولجميع المسلمين لكن مااعرف وشي اعراض

أما نزول الأرحام ما عرف عنه كثير ولكن إلى اعرفه أن الأرحام يتغير موقعها نزول وتكون رخوة وغير قادرة على تحمل الضغط(الحمل) ولذلك اكثر ألي يعنون منه الحوامل واسبابه ما عرفها

سؤال: قشر القهوة فما لقيناه فهل ممكن الأستغناء عنه أو انه ضروري ومهم.

ممكن تستغنين عن قشر القهوة وتضعين مع قهوتك اللي تتقهوينها قرنفل

سؤال: بالنسبة لي فأعاني من الهواء ولكن في فترات متباعدة وشئ بسيط والسوائل كذلك احيانا تزيد خاصة بعد اليوم التالي للجماع مع رائحة واحيانا لا توجد افرازات واود ان اعمل تضييق كما اني اشعر احينا بألم عند الجماع كوخز في نهاية المهبل مع العلم اني ركبت لولب بعدما انجبت طفلي الثاني بثلاث اشهر والأن افكر في ازالته اي بعد عشرة اشهرمن تركيبه ولكن الدورة تأخرت علي خمس ايام مع انها كانت منتظمه وخايفه بصراحة اني اكون حامل فوق اللولب واحيانا اقول يمكن اللولب طاح بدون ما احس وبصراحة اكثر خايفة اروح اكشف

انتي لابد ان تتبعي النظام السابق وقت الحيض كما كتبته
اما الوخز الذب تحسين فيه سوف اشرحه لك هل( عندما يأتيك وانتي واقفه لاتستطيعين الجلوس وكأنه عصا تخترقك)اذا كان مثل الوصف السابق
فانتي داخلك هواء اثناء الحيض او النفاس لذلك بادري بالعلاج بالنسبه للحمل لابد انك تروحين وتشوفين وبعدين اذا انتي حامل لا تتضايقين الحمدلله هذي هدية الرحمن ويالها من هديه من اجمل الهداياقال تعالى(المال والبنون زينة الحياة الدنيا...) سورة الكهف ايه 46.
واذا حامل بشريني لان عندي لك كلام خاص واذا مو حامل ابدأي العلاج

سؤال: بالنسبه للوخز اللي تقصيده هذا كان من زمان يجيني قبل الزواج وبعدين خلاص يعني نادرا ما احس فيه
اما الوخز الذي اشعر به هو وقت الجماع اي بالداخل لا ادري يمكن عند بداية الرحم واحتمال يكون من اللولب ويمكن يكون سبب ثاني ما ادري بصراحة وحتى هذا الالم حسب طريقة الجماع ( اسفه على دقة الشرح )
واذا اتكدت انه ما فيه حمل شو اسوي بالضبط هل اتبع خلطة الحيض اللي ذكرتيها ولازم اتبع النظام الغذائي اللي ذكرتيه او يكفي اني ابتعد عن الممنوعات في تلك الفتره
وبالنسبه للكبسولات استخدمها بعد فترة الحيض وهل هناك مدة محددة يعني شهر مثلا او اسبوع او الامر مفتوح
وشو رايك بالرياضة بصراحة لما اسوي رياضة اشعر بالسوائل تزداد
واخيرا شو هو الرشاد

اتبعي النظام السابق وقت الحيض, والكبسولات استخدميها كل ايام الحيض ولابأس في بعض الايام العاديه يعني مرة واحده في الشهر بالنسبة للرياضة في ايام الدورة تجنبي الرياضة العنيفه ممكن تمشين وتعملين في المنزل الاعمال العاديه.اما بالايام العادية سوي جميع الرياضات الي تحبين
حب الرشاد هو البذور وهي ضغيره ولونها بني ولطعمها لذعه واذا وضعتيها في ماء تصبح لزجة.

سؤال: أبي أسألك عن الحبه السوداء تلهم ( تسف سفوف ) حب بدون طحن ( بودره ) وإلا مطحون؟؟؟ وإذا طحناه تستخدم مباشره بعد الطحن ؟؟ لأن فيه ناس يقولون إذا طحناه وجلست فتره تروح فايدته

فيه عرق الظهر يوضع مع الحلبه ويمنع الريحه ولكن ايضا يقلل من فائدة الحلب وانا انصحك ماتستخدمين عرق الظهر لانه يذهب فائدة الحلب وممكن تقرين جميع الردود وانا كتبت عن الرائحه وايضا ممكن تطحنين(شبه بيضاء +البودرة اللي تحبين)وتستخدميها للابطين
اما الحبه السوداء اذا قصدك مع السفوف نعم تطحن اما مع العسل لا ماتطحن.

سؤال: التمر مع الرشاد ينفع من دون سمن لاني مستحيل آكل السمن,هل ينفع؟

ممكن تستغنين عن السمن بزبده ولكن السمن البلدي افضل بكثير

سؤال: بالنسبة للتحاميل..تصلح للي مركبة لولب،،يعني مافيه خوف ان الملح والعسل يذوب اللولب،،او ان الملح حار على الرحم ممكن يحرقه ؟؟؟؟

ممنوع استخدام التحميلات مع الولب يخربن اللولب

سؤال: بغيت أعرف طريقة التمر مع الرشاد بالضبط أشلون انحط الرشلد على التمر ننقعة أول في ماي وبعدين نحطه عليه وهو ناشف...بينخلط يعني؟؟؟

عمل التمره مع الرشاد كالتالي:
خذي تمر بدون نوى +سمن (المقادير على راحتك) ضعيهم في قدر وعلى نار هادئة لمدة 10 دقائق حتي يذوب التمر قليلا مع شوي تحريك بعدين اضيفي الرشاد وهو حب ناشف وكثري شوي مثل السمسم لا تحطينه بماء.

سؤال: انا ماآكل السمن ولا الزبده ينفع التمر مع الرشاد بدونهم؟سؤالي الثاني اللي تحس نفسها مره خربانه كم المفروض تستمر على البرنامج يعني اربعين يوم تكفي؟

حاولي تغصبي نفسك عليها لان الحريم الاولات يسمونها ربيبة الارحام ومعناه انها ترب الارحام مثل مترب الدلال وتصير تلمع من النظافه واذا ماقدرتي جربي معه زيت الزيتون واذا متحبينه بس اطبخي التمرة واضيفي الرشاد(بس ماضنيت بتنفع كثير) ومثل ماقلت الخراب عشان الوحده يطيب منه ميه بالميه لازم يكون بعد نفاس بس اذا الوحده سوت النظام لمدة اربعين يوم عادي تكون بأذن الله نسبة الشفاء ثمانين بالميه وهذا تقدم ومع الدورات ترجع مثل اول واحلا واهم شي صحتها قبل كل شيء

سؤال: بغيت أسألك عن شي إسمه ( مردود ) موجود عند العطار هل هو زين للنفاس والحيض ؟؟ وياليت أخت فيافي تعطينا إذا فيه برنامج تتبعه الحامل في فترة الحمل وبغيت بعد الأشياء اللي تساعد على الولاده. شاهي الأعشاب اللي ذكرتيه للنفاس والحيض هل هو يطحن أو يترك حب ؟؟ وهل يغلى أو ينقع حتى لا تذهب فائدته والنقع يكون بماء مغلي أو ماء فاتر؟؟ ماهو مقدار الشب والبودره اللي ذكرتيه لي يروح ريحة الحلب ؟؟

انا ماأنصحك تشرين دواء ماتعرفينه لان العطرين يبيعون بعض النباتات اللي تسبب الخراب مثال:
الصك والك معروف يخرب وشكله زي الكلوه لونه بني واملس هذا ياساتر منه يسبب الخراب بشكل مرعب. وصدقيني الادوية اللي كتبت عبارة عن مردود وهي ممتازة .
اما شاي الاعشاب مايطحن تغلينه على شكله لمدة عشر دقايق وتحلينه اما بسكر نبات او عسل طبيعي .
الشبة خذي الحجم (كبر حبة المشمش) واطحنيها واضيفي عليها تقريباَ 12 م.ك من البودره المفضله عندك وهذي للاستخدام اليومي ماراح تضر اذا كل يوم الصباح غسلتي منطقة الابط ووضعتيها وهكذا

سؤال: حبيت أسألك عن المكروشه وكيف طريقة استخدامها؟

المكروشة ممتازة جدا بس تبي الحذر والتعامل الجيد مع البخار عشان متسبب حروق:
خذي كرش ذبيحة غنم لاتكون مقطعه يعني على شكله غسليهاونظفيها وبعدين احشيها بأدويه مثل:
كمون +فلفل اسود+حبة حلوه+دارسين(قرفه)+حلبه +محلب+نونخه ماش+قيصوم+شيح+يانسون+ميرميه+حز اة+الحبة السوداء+قرنفل) وبعدين تخيطينها وتحطينها في قدر كاتم لمدة ساعه بعدين تسكرين النار ولاتفتحين القدر خلي لهواء ينسم مع الفتحه المخصصه بعدين بربع ساعه خذي القدر معك داخل بطانيه وافتحيه شوي شوي واستنشقي البخار واذا تقدرين تاكلين منها يكون احسن وبعدين اجلسي لك شوي انتي ومتلحفه بالبطانيه وخلي احد يروح ويوزنلك الدش على ماء دافي وقومي وانت والبطانيه وادخلي تحت الدش وتروشي ,والهدف انك ماتطلعين من تحت البطانيه عشان ماتتعرضين لتيارات الهواء المختلفه ويكون الماء اللي تتروشين تحته دافي .وكذا تمت العمليه كامله .
سؤال: عن كبو الهوى فانا اشتريتة بشكل يشبة المزمار اي مجوف ولونة اسود واختي اشترتة يشبة هيك الفلفل الاسود ولاعرف ايهم هو كبو الهوا فارجو منك التوضيح ان امكن
كبو اللهواء مكون من كل الاعشاب اللي ذكرت سابقا واللي زي المزمار يسمى عود الهواء(اسمه توي اعرفه من امي) والي اختك حصلت عليه هذا اسمه فلفل الهواء وها العنصرين اخلطيهم مع بعض راح اعطيك بعض من مكونات كبو الهواء(محلب+ورق حناء+فلفل هواء+ عود هواء+ مرة + حلتيته+خوا جوا+قشر بصل+كمون+هدب اثل).

سؤال: انا الان في خامس يوم الدوره واستخدمت التحاميل والبخور عادي اتبخر ثم احط التحميله والتحميله ما نشفت عندي دخلتها وهي رطبه اشوي عادي
ابي منك لو سمحتي وش احط اخر يوم دوره علشان المنطقه تضوق
الالم الي معي وقت الجماع شديد جدا كان ارحامي بتنفجر حتي نفسي يضيق منها
ورحت لدكتوره من ثلاث اشهر واكشفت من تحت وقالت الارحام سليمه وارجعت لوضعها الطبيعي علشاني انا مرضع فانا علشان حاسه في الهواء توقعت هو الي يضغط علي ارحامي ما توقعت ميلان ابد لكن هل تتوقعين انهم ما عندهم سالفه وارحامي علي قولك ما يله اذا كذا لزم اجي السعوديه واعالج لان الالم حار وهل عندك طريقه لهذا الشي وش اسوي

حبيبتي خروج الهواء هذا خراب وما يسبب الم ابد ابد لكن الميلان والالتهابت هي اللي تسبب الالم وانتي تقولين انك كشفتي ويقولون لك مافيه شيء وانا اسألك لو كان كل شيء تمام ماكنتي حسيتي بالألم ولاطلع من هواء صح؟ عشان كذا اقولك شكلك معك ميلان ويمكن للخلف واذا تقدرين تجين هند اهلك بالاجازة لاتخلين نفسك روحي لمرأة متخصصه بعلاج طب العرب وياليت تكون هذه المرأه من نجد لانهم جدا شاطرات.
اما علاج الميلان فلايعالجه اعشاب الذي يعالجه (المخبنة والتدليك)وهذا يسونه الحريم وياسبحان اللي عطاهم المعرفه .
تخيلي بنت عمتي عندها ميلان ومحد اكتشف هذا الميلان وكانت دايم تشكي من الالم وقلنا لها اكيد ميلان وراحت لمرأة وعالجتها والحمدلله الحين تعدل الرحم والحين هي حامل ويكون بعلمك أي واحده عندها ميلان يأما متحمل ااو اذا حملت مايثبت لازم تأخذ مثبت والعلاج مرة في الشهر حتى يتعدل بعض الحريم من اول شهر وتطيب وبعضهن يبيلها 3 شهور.

سؤال: هل الفلفل مع العسل في اخر ايام الدورة زين للمرة حيث سمعت من الصديقات انه يحرحر!! وهل المحلب ينزل المويات؟

الفلفل الاسود ممتاز مع الشوربات والايدامات والمرقوق والمطازيز والعسل ايضاممتاز لكن معمري انا خلطتهم مع بعض
والمحلب ينشف وينزل المويات بس مايستخدم إلا في اخر ايام الدورة او 20 يوم الاخيرة من النفاس

سؤال: في الدوره الي فاتت قريت لوحده تقول السكر النبات بعد الدوره زين والله جربته علي طول والله لا يوريك احس انه خربني ازياده والالم هل تتوقعين انه من اللتهبات ولا التهبات تجي مع الميلان

حنا في حالات الكسور والجروح الصعبه نمنع المصاب من اكل السكر لانه مايساعد على التأم الجرح او الكسر
وننصح بالعسل الطبيعي لانه يساعد على تكون الانسجة التالفة. عشان كذا قليل مانستخدم السكر في النفاس او الحيض ونلجأ الى العسل الطبيعي .

سؤال: هل شرب منقوعة العنزروت في ايام الدورة ضارة لاني سمعت من بعض الاخوات انها ترخي..!!
للفائدة لقد استعملت الشبة وياليتني ما استعملتها الله اعلم وش صار لكني ادركت نفسي وانقذتها
من هلاك كاد ان يبطش بها (مويات ما توصف ) المرة بعد عناية الله هي الحل الوحيد .. انصح الجميع بها" لاتذكريها لعدوك " غاليتي وش رأيك بالغسول المذكور"جرجبيت ريسيب" انة يطهر ويضيق

لا منقوع العنزروت ان شاء الله مايضر لانه منظف للمعده والامعاء ولا يضر ابدا لكن يكون مكون من(عنزروت+مرة+شوي محلب) ويشرب يومياَ
اما الشبه فهي مخربة جدا جدا بعض النساء تستخدمه لجهلها كتحميلات او كغسول لمنطقة المهبل وهي لاتعلم ان اثره شديد وتسبب التهابات وتخرب اما اغسول اللي ذكرتيه ما أعرفه .

سؤال: إذا ( لاقدر الله ) وكانت الولاده قيصريه هل أستعمل كل هذه الأشياء الكبو ، شاي الأعشاب ، التحاميل ، الغسول ... وإلا خلاص أريح عمري مالها فايده ؟؟؟؟

انا جبت بعملية ومشيت على النظام لان الارحام هي الاساس والخراب يكون بالارحام مو بالمهبل.
بالنسبه لشاي الهواء زي ما قلتلك مافيه شاي هواء لكن ممكن المقصود المطبوخة وفيها مجموعة من الاعساب فيه حاجه يابسه زي ورق البازلا وخشب زي الاغصان وحب صغير احمر هذي تنظف من الدم ولكن فيها اعشاب لابد تتخلصين منها لانها اذا انقطعت عنك تخربين ولذلك اعطيتك شاي اعشاب حتى لو ماتوفر ماتخربين اذا تركتيه وانا استخدمه وخواتي وخالاتي وكلنا ولله الحمد تمام

سؤال: الدش المهبلي 00زين ولا يخرب المرأه لان صديقتي قالتلي حطي فيه مويه وملح وتغسلي فيه اومويه مع مره في الدور او النفاس او الايام العاديه 00000000والحامل هل الماي والمره او الملح يضرها لو تشطفت فيه من جوا 00000000وش احسن حاجه للمره في النفاس التنقع في الماي والملح لمده عشر دقايق او التشطف فقط 00وش احسن يوم تبدا فيه بعد الولاده بالماي والملح لاني سمعت لازم بعد اسبوع من الولاده 0000000وهل استمر فيه لاخر يوم من الاربعين
0000بغيت اسأل عن البخور متى تبدأ فيه الوحده بنفاسها في اي يوم ولمتى لحد ماتخلص الاربعين ولا لا 000000

الدش المهبلي مايضر بس استخدميه من برى اما التنقع بالماء تجنبيه لان الحين اللحم اذا تعرض لماء يفسد والارحام بعد الولادة تكون عباره عن لحم متجرح فوش يصير لو تعرض لماء (تخرب الارحام) والتشطف للحامل عادي بس مو داخلي وتتجنب التحميلات عشان ماتسحب موية الطفل اما الكبو يستخدم في الايام الاخيرة من الدورة او20 يوم الاخيرة من النفاس
وافضل شي بالليل عند النوم

سؤال: قلت مع اللولب اتجنب التحاميل,,,طيب بقية الادوية اللي ذكرتيها تكفي يعني ،،،اذا كنت تعبانة ممكن بعد الله تساعد على الشفاء؟
مافيه اي شيء اذا تركتي التحميلات واهم شيء الادويه الداخليه السفوف والشاي والاهم انك تتقيدين بترك الممنوعات والجوع اثناء الدورة والحيض وان شاء الله بتشوفين بنفسك الفرق لما تخف المويات والرطوبة ولكن استمري ولاتملين

سؤال: فيه وحده قريبتي عندها ضعف في المبايض وكل ماحملت وصار لها شهر سقطت ومافيه مستشفى إلا وراحت له بس ما استفادت شي وش تنصحينها تستخدم من الأدويه؟

اذا تكرر التسقيط عند زميلتك فما ادري وشو السبب لان لابد ان تكشف عليها مرأة متخصصة بطب العرب في بعض الحالات لايكون معروف عند النساء ولذلك تنصح بالرقية الشرعية فقد يكون عين او نفس هي المانع اما اذا كان التسقيط معروف سببه عند الاطباء مثل (قصر المهبل) فهذا اكيد يحتاج ربط ويسويه المستشفى واللي مثل حالتها لاتستخدم اي دواء شعبي حتي لا يطيح الطفل وحتي الحلب توقف استخدامه
قلتي صديقتك عندها ضعف عليها بالحلب حتي يتم الحمل بعدين توقف استخدامه
وممكن تستخدم عسل طبيعي +بار النخيل(كافر واحد) وتأخذ ملعقة كل صباح وان شاء الله يكون حمل وانا اخاف ان صديقتك معاها ميلان معه عشان كذا مايثبت الحمل وبالغالب اللي معاها ضعف بالمبايض قليل مايثبت الطفل لكن انا انصحه تعالج عند مرأةطب عرب.

سؤال: _بغيت أسئلك عن الرز ناكله عادي بفترة النفاس والدوره؟؟ لأن فيه ناس يقولون يكبر البطن ليه هو يضر أكله بهالفترتين؟؟
_ بالنسبه لشاهي الأعشاب ذكرتي أنه ناخذ 3ملاعق كبيره من الأعشاب وش كثر الماء اللي نغلي فيه؟
_ منقوع العنزروت والمره والمحلب قد إيش أشرب منه والماء اللي أزيده قد ايش هو كثر اللي آخذ منه ؟؟
_ البنت بفترة الدوره تسوي ( كبو الهواء ) ؟؟ ومتى أصلحه؟؟ وهل ضروري أسويه وإلا أكتفي باللي قلتي بفترة الدوره؟؟
عزيزتي فيافي أنا طلبت منك تعطينا إذا فيه برنامج تتبعه الحامل فترة الحمل وكذلك الأشياء اللي تسهل الولاده لأن أختي حامل وتمنينا تفيدينا بخبرتك ..

اكل الرز عادي بس المشكلة فيه انه يكبر البطن ويسمن وثقيل على المعدة عشان كذا نستغني عنه بالبر وخاصه البر ونخالته مثل المطازيز او المرقوق او ايدام لحم مع خبز بر.
اما شاي الاعشاب 3.م.ك مع 3اكواب ماء حجم وسط منقوع العنزروت كوب ماء صغير او وسط واذا شربتي زيدي
نفس كمية الماء واذا ذابت العنزروت والمرة والمحلب اضيفي ثاني .
البنت عادي تتكبا؟ والكبو ضروري وافضل طريقه له هي كالتالي:
حطي الفحم في المبخرة تحت كرسي مفرغ اجلسي على الكرسي والمبخرة تحته وضعي على الجمر قبضه من الكبو وتكونيين شايلة بس الملابس الداخلية وهذى يكون كل ليله عند النوم وفي الايام الاخيرة من الحيض او النفاس.
بالنسبه للحامل افضل شيء لها المشي وبعدين اذا بدت الالام (الوضع) تشرب حلب وتأكل رطب (والرطب ذكرة الله لافضل نساء اهل الجنه مريم عليها السلام) وانا اعرف نساء كثير ولدتهن سهله من الله ثم للرطب وانا للاسف ما جربته لاني استفرغ اثناء الالام الله يكرمكم ولكن امي واختي جربنه كذلك اذا ماتوفر الرطب خذي تمر واعبطيه بماء وزعفران واقرائي
سورة الزلزلة واول آل عمران واشربيه

سؤال: حبيبت أسأل التجشؤ الكثير بصوت عال - يعني الهواء اللي يطلع من المعدة - ومو بعد أكل، يعني على طول .... هل هو دليل على شيء مو زين ؟؟؟

والله مااعرف عن التجشؤ شيء. بس اذا كان طول الوقت مع راحه كل محصل التجشؤ ورغبه للاستفراغ مع عدم شهية للطعام او كره للاكل (زي الوحم)والوجه لونه اصفر والرموش متفتلة(كأنها محروقه) فهذي اسمها خشة برد وتكون
مصيبه الشخص بعد اكلة دسمة ومتعرض للبرد شديد وهذي لها علاج اخر.
العلاج:
اخلطي المقادير التالية :
3.م.ك عنزروت+ 3.م.ك مرة+ مكعب من الحلتيته المطبوخه (مو الرطبه) وتلقينها عند العطار +3.م.ك علك مر+ م.ص كاثه +م.ص من الصبرة(المباركه) + اقل من ربع ملعقه صغيرة كبريته . بعدين تأخذين ملعقه صغيرة من الخلطه مع كوب ماء حار وخليها لحد متبرد وحركي ثم اشربيها.
يمكن يصير معك شوي اسهال (الله يكرمكم) بس لاتخافين اهم شيء تقيدي بالمقادير لان مثلا عندك الكبريته لونها رصاصي بودرة خطرة شوي ماتكثر.. اتمنى انك فهمتي واستمري على العلاج لحد متطيبين وهي ممتازة حتى للاطفال من عمر 3سنوات وما فوق.
على فكرة ترا ريحتمه مرعبه بس عادي واذا جمعتيهم اطحنيهم بس في مكان برا المطبخ في الحوش مثلا لان اذا انكبو في المكان ماترو ريحتهم ابدا

سؤال: العطار ما عرف الكاثه ... وخيرني بين الكبيريت الأصفر والبيض .
وعندي سؤال إذا سمحت لي :
ما الفرق بين الحلتيته الطريه واليابسه .... على الصحة ؟

والله لااعرف للكاثه غير هذا الاسم وممكن انك تحذفيها اذا لم تجديها واذا انتي من اهل الرياض انصحك انك تروحين للصمعاني في حي المروج والرجل معروف بصدقه وخوفه من الله ولا ازكي على الله احد
ممكن انك تجدين ماصعب عليك من الادويه عنده

سؤال: الشراب يكون على الريق ....... وإلا عادي خلال النهار وهل المعدة لازم يكون فيها أكل ؟؟ وكم مرة في اليوم ؟؟
طريقة تنظيف العنزروت ؟؟؟؟ فيه شيء معين ينشال منه ؟؟؟ علك اللبان..... يكون لين وإلا يابس ؟؟

تشربين الدواء مرتين في اليوم على الريق وعند المغرب من نفس الكوب يعني الصبح نص الكوب وعند المغرب باقي الكوب.
العنزروت زي التراب وهولونين حليبي واحمر واذا اضفتي له ماء يلزق مع بعضه وما يحتاج تشيلين منه شيء العلك المر طعمه مر وشين وهو دوائر صغيرة مو زي العلك المستكه

سؤال: لو سمحت متى تستخدم التحميله يعني من اول يوم من النفاس حتى لو كان فيه جراحه؟

نعم التحميله من اول يوم لانها تعمل كمطهر للجروح وكمنظف وطارد للدم الفاسد

سؤال: النفاس ماتتنقع ابد ولا بعد تتشطف؟ فهمييييييييني عيوني

نعم النفاس ماتتنقع في بانيو ابد ابد ابد ليش؟؟؟؟؟ لان الماء يدخل الارحام ويفسدها(يخربها) والتروش (الاستحمام)ضروري مرة في الاسبوع بس علي السريع وانتي واقفه تحت الدش اما التشطف للمناطق الدخليه
يكون يوميا بس(بالارطى+ الملح + الماء ) غير كذا ممكن تغسل الرقبه والصدر الى السرة فقط واهم شيء
القدمين لايتعرضون لماء لفترة طويله او تمشين على الرخام حافيه لازم تلبسين شبشب لان البرد مو زين للقدمين.

سؤال: هل الرشاد في ثاني يوم من الدوره له فائدة؟

الرشاد ينشف الدورة بدون تنظيف عشان كذا نستخدمه مع التمر بس اول ايام الدورة وفي الايام الاخيرة نستخدمه مع التمر والسفوف

سؤال: ذكرتي عن خشة البرد وان ابنتي عمرها اربع سنوات وفيها الاعراض اللي ذكرتيها فهي اذا اكلت الاكل احس انها ودها تطلعة لكن انا توقعت انة حلقة صغير لهذا السبب فارجو منك التوضيح

اعطي بنتك منه وان شاء الله اذا ما نفعه ماراح يضرة وراح تلاحظين اذا خذته راح تتعدل شهيته وتنفتح وتزين حاله
واذا تبينها تسمن شوي عطيها 100 غرام من المحلب + سكر نبات اطحنيهم وكل يوم .م.ص

سؤال: الدش المهبلي من جوه ما اسويه ابد لو مره بعد الدوره؟ ويكون عباره عن عسل وماء دافي علشان انا بعدة عن الى في الصيدليه با المره والعسل وش رايك؟

ابدا لاتسوين دش مهبلي اثناء الدورة حطي تحميلات او تشطفي

سؤال: اود ان اسالك عن الماش ،،،انا اذا استخدمته يبين مفعوله بسرعة ينشف ويوقف الافرازات،،ياليت لو تقولين رايك فيه اخاف انه مثل الصك واللك اللي يخرب؟؟؟

الماش ممتاز جدا جدا وقت الدورة ولا يهمك استخدميه وهو مو مثل الصك واللك فرق السماء عن الارض
والماش حب زي حبة الوبياء لونه اخضر وهو ممتاز ويضاف ممكن مع المرقوق او المطازيز او يطحن ويضاف الى السفوف

سؤال: ممكن تساعديني في معرفة العفص ايش هو وهل يصلح لتنظيف الرحم من الالتهابات

تجنبي العفص لانه يخرب سواء حمستيه او طحنتيه

سؤال: بغيت اسالك هل (خشة البرد ) هى اللى نسميها غبطة؟؟ واعراضها معدة منتفخة وريحة البطن خايسة ( الله يكرمك)ونلاحظها بالصغار اكثر شى لما يكثرون من البفك والبطاط , لان فى حرمة تعالج قالت ان البفك اخطر شى للطفل يخيس بمعدته وبعدها كل ما خرج بطنه تشمين ريحة خايسة ونصحتنا ان ما نعطى عيالنا منه.فهل هى اللى قلتيها؟؟ وعندى سؤال ثانى اعرف طفل فيه بو صفار من يوم ما انولد! لما اهله راجعوا فيه لقو كل شى فيه سليم واللون الاصفر اللى فى وجهه خلقة ما يروح وكبده سليمة مافيها شى الحمدلله. بس قال الطبيب انها حالة نادرة جدا . عندك علاج له؟ تصدقين فى عجوز تداوى شافته وقالت لامه جيبيه اكويه على رؤوس الاظافر وهو يطيب باذن الله ويروح البو صفار منه!! شرايك؟؟

خشة البرد تختلف عن الخبطة الخبطة هي عبارة عن تلبك معوى وممكن يزول مع زوال المسبب لتلبك لكن الخشة لا تصيب بسبب الدسم عند التعرض لبرد وتسري مع الدم والمصاب بالخشة يكرة الاكل يصيبه الخمول ويصفر بشرته ورموش العين تتفتل(زي المحترقة) ولا يصيبه اسهال ولامغص اما الطفل اللي قلتي ممكن تعطيه (عنزروت بس تخففه مو ثقيلة ) وعسل طبيعي واذا مانفع تكويه عند المرأة

سؤال: انا لي 15يوم مخلصه الاربعين واحيانا يعورني ظهري مررررررررررررره وتنزل مني افرازات الله يكرمك بنيه او ورديه او دم خفيف ...مع ان الدوره جتني بعد الاربعين على طول ماادري وش الحل وجع ظهري متعبني مره خاصه مع شغل البيت والاطفال

اولا دورة النفاس تسمي(ردة النفاس) وهي مهمة وممكن انتي مانظفتي زين يعني باقي دم فاسد وابعطيك وصفه استخدميها مع الدورة القادمة ( فنجال مرة+فنجال حبه سوداء) اطحنيهم واخلطيهم مع عسل طبيعي على الريق وان شاء الله بيتحسن وتنظفين اما اذا استمر وجع الظهر فيمكن متعرضه لظغط اثناء الوضع من الممرضات وصاير شيء لفقرات الظهر
والافضل تأخذين اشعه للاطمئنان . واذا ماصار تحسن بلغيني

سؤال: بغيت أسألك حبيبتي ياليت تعلميني الأشياء اللي نعطيه المولود مثلا للمغص وغيره..وياليت تذكرين المقادير والوقت علشان ما أعيد السؤال نفسه.
بغيت أسألك أختي بناته يوم ولدتهم كل الليل يصيحون ولاندري وش السبب لدرجة إن بنته الأولى حصله بعج وسووله عميله. والثانيه مثل إخته كل الليل إلى الفجر تصيح بصوت واحد ولما سألنا وحده من الحريم الكبار قالت لنا نقطوا بحلقه نقطتين مره وصلحناه وكأنه أحسن إذا تعرفين السبب قوليلنا وعلمينا وش نسوي ؟؟ صديقيني محتارين وش نسوي والخوف للي بيجي يصير مثلهم .

للمولود اذا فيه مغص اطبخي شوي كمون مع ماء وسكر نبات ورضعيه يهدي المغص
اما اطفال اختك فامراض الاطفال تختلف فمثلا ولدي الصغير بعد ماجبته بأسبوعين صار بس يصيح ويرجع راسه وراء ومايرضع بغى يموت وماخليت مستشفى ماوديته المهم وديته لمرأة متخصصه بالاطفال
وشافته وقالت لي مشتم بريحان ولازم كوي المهم كويته وتوكلت على الله ماتصدقين نام على طول ورضع ولله الحمد عشان كذا صعب اقولك وش فيه لكن اكيد انتم بعد الولادة مارضعتوه جليكوز لانه ينظف المعدة وهوحلو للمواليد

سؤال: هل خشة البرد علاجها اللي ذكرتيه.. هو نفس اللي يبيعونة الحريم (سعوط) ام لازم انا اخلطهم رغم ان الحريم موثوق فيهم ..لونه بين الكحلي والبني

ممتاز السعوط مع الدواء اللي كتبتلك يعني اضيفي سعوط مع نفس الكوب اللي فيه الدواء ويشرب
وانا للاسف ما أعرف مكونات السعوط وإلاكان كتبته لاني اخذه من عجوز تقرب لامي وحنى متكلين عليها ولا عمري فكرت اخذ مقاديرة

سؤال: ممكن اعرف شلون تعرضت للضغط من الممرضات ؟؟؟؟؟؟
ونسيت اعلمك انه ظهري بدا يالمني قبل الولاده بخمس ايام يعني الالم موجود قبل الولاده
وسؤال اخير الله يعطيك العافيه وش الحل اذا كنت متعرضه للضغط من الممرضات يعني مافيه شي اسويه او اكله قبل الدوره الثانيه واخاف مع الرضاعه تطول ماتنزل والالم صعب خاصه مع شغل البيت

الضغط من الممرضات يكون بتفريق القدمين ودفعهن للخلف بشده ومع الالم ما تحسين لكن بعدين تكتشفين ان اخر عضمه بالظهر متحركه عن موقعها على كل حال الم الظهر طبيعي بعد الولاده وتجلسين تقريبا ست شهور وانتي تعانين منه وخاصه اذا كنتي غير معتاده على المجهود العضلي لكن انصحك تأخذين اشعه على الظهر واذا طلع كل شيء تمام لاتضغطين على نفسك بالشغل وكلي (الماش) وهو ممتاز للعضام والجروح وتقدرين تأكلينه في اي وقت
اما الرضاعه الطبيعيه ماتضر ابد بل على العكس مفيده للام ولطفل.

سؤال: كم مقدار الجيليكوز في الرضاعه وكم مره في اليوم؟؟ أضيف للجليكوز سكر نبات أو عسل لأنه طعمه مالح؟؟
فيه شاهي المولود يصلح بالبيت وهو مكون من : (حلب + كمون + يانسون + كراويه +نعناع +|حبه سوداء) نخلطهم مع بعض من طحن وناخذ ملعقه صغيره ونحط عليه مويه مغليه ونخليه ألين يصير دافئ ونشربه.. وش رايك فيه زين وإلا مو زين للمولود
بالنسبه لحالة بنت أختي صياح من الليل للفجر والعصر تلوى من بطنه وإذا رضعت الله يكرمكم تستفرغ والله يكرم الجميع البراز قليل ولما عطيناها مثل ما قلتلك نقطتين من منقوع المره الله يكرمكم برزت وإرتاحت.. أتمنى عندك الحل والعلاج بإذن الله ..

لا يأختي شراب الجيليكوز حلو مو مالح والطفل ابدا ماتعطينه ملح في السنه الاولى من عمرة عشان ما يصاب بالتسمم.
انا ابوصفلك الجليكوز: في علبه زجاج صغيره علتها طبعه ورديه وهوثقيل حالي والغطي معدني وهو مصنوعه عشان تشيلين الغطى وتحطين بداله الحلمه حقت الرضاعه. الشاي اللي قلتي حلو بس شيلي منه اليانسون والحبه السوداء لانهم حارين على معده الطفل الصغير ممكن تعطينه هذولي اذا كان عمره اربعة اشهر
بالنسبه لبنت اختك ابغى اسألك؟؟؟ هل تخريجه(ولكم الكرامه) زي الخيوط الصمغيه اللي فيها لون اسود او اخضر غامق او زي القطن الابيض وله ريحه كأنه طالع من ثلاجه ومعاه زي الزلال يليت يردين علي.

سؤال: تخريجه زي القطن الأبيض وله ريحه وزلال.. بالنسبه لشاهي المولود اللي قلتلك عليه كم مره نعطيه المولود.؟؟

هذا برد يمكن اختك نايمه عند المكيف بدون لتغطي البنت زين المهم اعطوها من الشاي اللي ذكرتي تقريبا رضعتين الى ثلاث رضعات باليوم بس بدون لا تطحنون الاعشاب اغليها 10 دقايق وصفيها بالرضاعه
ونقعيله شوي عنزروت في فنجال قهوه وخليها خفيفه واعطيه مرتين مرة الصبح ومرة عند المغرب واذا تعرفين السعوط عطيه سوي مع العنزروت منه وطمنيني على بنت اختك اذا فيه تحسن لازم

سؤال: بنت أختي اللي أقولك عليها كبيره لها سنتين وشوي والحمد الله ما تشتكي من شي بس أختي من كثر ما تعبت من بناته لأنهن نفس الطريقه وخافت ليكون كل عياله نفس الشي لأنها تعبت تخيلي ماتنام ولاترتاح وقلق وخوف على البنت يعني حالتها النفسيه مرررررررررره تعبانه وخافت ليصير كل عياله نفس الشي وتعيد المأساة من جديد حبت تسألك وتعرف السبب علشان إذا جاها مولود جديدتكون عارفه السبب وتداويه لأنهم نفس المشكله وحده

الله يخلي لاختك بناته بس الحين خليها تعطي بنته لو مرة بالاسبوع (عنزروت)
اما بنسبة للمواليد ابعطيك بعض النصائح للمستقبل
اولا: بعد الولاده مباشرة تعطيها جلوكوز رضعه كامله ليش؟؟؟؟ لان الطفل يكون في بطنه بعض من سوائل الام فلازم تطلع والجليكوز يساعد على تنظيف باطنيته
ثانيا: تشربه مغلي الكمون مع سكرنبات
ثالثا: تحرص على الدفى وتعطيه عنزروت لو مرة في الاسبوع بس تخففه
رابعا: تحاول ترضعه طبيعي لو فترة الاربعين لان هذا مفيد لطفل ولها

سؤال: ممكن نعطي المولود شاهي الأعشاب اللي قلتلك عليه وندهنه بزيت الزيتون يومياطبعا مع النصايح اللي قلتيلي عليها .. وكم مره نعطيه من الشاهي ؟؟وكم المقدار؟؟؟
كم مره نعطيه من الجلوكوز طبعا غير الرضعه الكامله اللي قلتيلي عليه؟؟ كم المقدار؟؟؟
متى نوقف الجلوكوز مانعطيه المولود؟؟؟
كم مقدار العنزروت اللي نعطيه المولود؟؟؟ومتى نوقفه عن المولود؟؟

اعطي الطفل من شاي الاعشاب اللي عندك عادي في اليوم مرة واحده واذا فيه مغص مرتين اما الجليكوز اعطيه مرة واحده كل صبح فترة الاربعين بس وبعدين اقطعيه العنزروت مقدار ملعقه صغيرة مرة في اليوم الزيت الزيتون يدهن الصدر والبطن بزيت دافي مرة الصبح ومرة عند النوم

سؤال: كم مقدار الجلوكوز في الرضاعه ؟؟

بالنسبه للعنزروت مو واضح كلامك لي معليش آسفه لكن مره قلتي لي نعطي المولود مره في الإسبوع وألحين تقولين مره في اليوم فيه تعارض كلامك أنا عاذرتك والله من كثر الأسئله.. سؤالي هل نعطيه مره في الإسبوع أو مره في اليوم؟؟ وش كثر نعطي المولود منه؟؟ ياليت تبينين لي مقدار العنزروت والماء ؟؟
لا مافيه تعارض ولا شيء انا اقولك تعطينه عنزروت لو مرة في الاسبوع اذا هو طيب مافيه شيء لكن اذا كان تعبان تعطينه ممكن مرة في اليوم ملعقه صغيره او ملعقتين صغار مايضرة ان شاء الله يعني اذا هو تعبان مرة تعطينه مرتين في اليوم عنزروت مرة الصبح ملعقه ضغيرة ومرة المغرب ملعقه صغيره
بس اهم شيء ماتثقلينه تتركينه خفيفه اتمنى انك فهمتيني

سؤال: سالتك عن الفواكه مثل المشمش والكرز يعني فاكهة الصيف

بالنسبه لفاكهت الصيف زي المشمش والعنب والكرز بعد الاكل يعني على شبعه بس لاتكثرين
اما اذاكان العنب حامض تجنبيه كذلك الرمان ممنوع الخوخ ممكن بس على شبع

سؤال: بغيت اخبرك اني ماشيه تمام على النظام وبديت احس ان خروج الهواء قل بنسبه كبيره عن قبل قبل خمسة أيام كنت مسافره ووديت معاي الأدويه وكل شي بس تعرفين زحمة السفر ويا العيال يعني شوي صار في خربطة في العلاج بس في هالأيام.. ما أدري الحين اواصل عادي والا اعوض الأيام اللي طافتني يعني ازيد العشرين يوم الأولات خمسة ايام بعد على نفس الأدويه وبعدين انتقل للعشرين يوم الأخيره؟

الحمدلله على التحسن واذا ان شاء الله استمريتي في كل دوراتك بتشوفين العجب وياليت انك مالخبطتي لان الفايدة في الالتزام بالنظام بس معليش الحين بعد مارجعتي كملي النظام عادي واذا جتك الدورة اقلبيه على الايام الاولى من الدورة ثم الايام الاخيرة من الدورة ثم كمليه عادي وصدقيني وحدة مشت على النظام 3 دورات هي وزوجها حسو بالفرق.

سؤال: يقولون الغسيل بالصابون والشامبو للمنطقه يخرب ايش رايك 00وهل في صابون طبي تعرفينه زين؟ وفي حريم ينشفون المنطقه التناسليه من داخل بشاش او قماش ناعم هل هو كويس ولا لا؟

التغسيل بالماء او الصابون وقت الحيض او النفاس من مسببات الخراب ولكن في الاوقات العادية غسلي بماء وصابون عادي ولكن تجنبي الشامبو او الصابون المعطر انا شخصيا استخدم (صابون ديتول) بس مو دايما واحرصي انك تنشفي المناطق هذي بعد التشطف بمناديل أي نوع لان الفطريات والبكتريا تحب تتجمع في المناطق الرطبه الحارة وهذا من المساعدات على حصول الالتهابات.

سؤال: إذا كانت المرأة ولله الحمد سليمة ولا تعاني شيئا مما سبق من بعض أمراض النساء فهل هناك أعشاب معينة تتناولها المرأة أثناء الدورة مثلا لتحافظ على صحتها مع زوجها؟
والسؤال الثاني:
إذا كانت المرأة قبل النفاس لا تعاني من أي مرض مما سبق ذكره فما هي نصيحتك لكل امرأة نفساء ويمكن أن نطلق عيها(النصيحة الذهبية) حتى ترجع مثل ماكانت من قبل وتنال رضا زوجها؟

السيدة التي تريد المحافضه على صحتها انصحها بأن:
1ـ ان تستمر على نظامها الذي اعتادت عليه ولاتغيره
2ـ ان لاتشتري ادويه مطحونه من العطار او أي امرأة دون ان تعرف
مكوناته فقد يكون بعض الادويه مخلطه من نباتات ضارة لها
3ـ تتجنب الجوع فترة الحيض او النفاس
4ـ ان لاتستخدم تحميلات لاتعرف مكوناته وافضل التحميلات اللي ذكرت لانه لو تركته لم تؤثر عليها .
واتمنى اني وضحت مع ان الذاكرة بعض الاحيان لاتسعفن

سؤال: _ في فترة النفاس فيه شي نستخدمه علشان البطن يرجع لوضعه الطبيعي أي مثل ماكان قبل الحمل ؟؟ فيه حريم ماشاء الله عليهم إذا طلعوا من النفاس ما كأنه حملت وولدت.

اجابة الأخت أم الحسن: بائع في محل (عطّار) وهو رجل كبير في السن وعنده خبره وصف لإحدى قريباته عن قشر الرمان وبأنه يزيل البطن بشكل فعّال .
والوصفة هي:
نضع قطعة من قشر الرمان الجاف في ماء مغلي ونتركه يغلي خمس دقائق ثم يشرب فنجان صغير على الريق يوميا (والله يعينكن على مرارة الطعم).
والوصفة يحتاج لها قوة إرادة حتى نصل إلى المطلوب

اجابة الأخت فيافي: قشر الرمان معروف كعلاج لقرحة المعده
البطن لم يكن مشكلة كبيرة قبل 30 عام فجداتنا وامهاتنا كن ينجبن 15 من الابناء او 12 ولانرى لهن بطون وكان الدواء هو نفسه الذي نستخدمه الان وانا لاانكر ان العمليات تؤثر ولكن العمل الشاق له دور
فمثلا عندك المشي على الرمال (الثمامه,الدهناء,النفود)كله تمسح البطن مسح فقد كانت جدتي حامل في شهرها التاسع ولانرى لها بطن كله من المشي لذلك اللي يكبر البطن شرب الماء اثناء الحيض والنفاس عدم الحركه فمهما اكلتي من الادويه حتي تذهبي البطن لن يروح مادمتي لن تبذلي
مجهود عضلي وانا اعرف افضل رياضه وهي المشي على الرمال وصعودها فهذه تشد عضلات البطن شد خيالي, ايضا تمارين البطن اما ادويه شعبيه تنزل البطن ما اعرفها .


سؤال: أنا إستخدمت قشر رمان مع شاي صيني ونعناع وزنجبيل وطبعا أغليه بمويه لكن ماينحف البطن إلا شي بسيط..
هذه الطريقة قريتها من احد المنتديات وياريت اختي فيافي تعطينا رايك فيهاوهل تنفع نسويها مع النظام اللي قاعده اسويه
وهذه هي الطريقه...
للي تعاني من بروز الكرش:
خذى كميه من قشرالرمان اليابس اطحنيه ثم انخليه ثم ضعي عليه كميه من العسل الطبيعي كوني منهاعجينه متماسكه شكلي منها على هيئه اقراص بحجم نصف حبه الباندول ضعيها في علبه ثم ضعيها في الفريزر استعمليها في العشرين الاخيره من النفاس (او) في الثلاثه الايام الاخيرة من الحيض خمس حبات في الصباح على الريق وهى مفيده ايضا للمعده وتقوم بتنضيف الرحم .

والوصفه اللي ذكرتي ممتازه للمعده

سؤال: أنتي ذكرتي ( أرطأ+ ماء + ملح ) لكن ماذكرتي المقادير ياليت توضحين حبيبتي..وإذا طبخته أحطه بالثلاجه وإلا برى وكم مره باليوم؟؟
كذلك التحميلات:
م ك مره + شوي محلب + ملح خشن.<<< ياليت توضحين الشوي وش كثره والملح وش كثره ..

والله يا اختي انا اقدرها تقدير ولكن خذي مقدار 3كوب ارطا 1ملح +لتر ونصف ماء واغليهم وهذا يمكن استخدام يومين ومافيه داعي تحطيهم في ثلاجه ولكن اذا كثرتي الكميه احفضيها في الثلاجه
اما التحميلات م.ك مرة + فنجال ملح خشن+ م.ك محلب اعجنيهم بعسل طبيعي لحد مايتماسكون وكوريهم كبر حبة نوى التمر ويبسيهم يومين وبعدين استخدميهم.

سؤال: ابي اسال الله يعطيك العافيه بالنسبه للسفوف هل يمكن ان يخلط مع الحليب ويشرب؟

لاتخلطين السفوف بالحليب السفوف يكون مطحون وتأخذين بملعقه وتبلعينه وعشان يروح ميلزق بالحلق تشربين

سؤال: بالنسبه للغسول الأرطأ كم مره أستخدمه في اليوم هل كل ماأدخل الله يكرمك الحمام أتغسل منه ؟؟
سؤال ثاني :الحين إذا بغيت أغسل المنطقه أغسلها بماء ثم بالأرطأ؟؟

الغسول مرة في اليوم ايام الحيض والنفاس واكتفي بالتنشف بالمناديل اطبخي الارطا بالماء والملح مع بعض وهذولي استخدميهم لتشطيف تلك المناطق
اغلي الارطى مع الماء والملح لمدة ربع ساعه وبعدين صفيه واحفظيه للاستخدام

سؤال: ولدي الحين عمره شهرين واحس ان معه بلغم الله يعزك اسمع صوت خشخشه بصدره لكن من دون كحه
سؤالي هل اقدر اعطيه مره الحين يعني مهيب قويه عليه ؟؟؟؟؟؟؟ واذا عندك وصفه للكحه والبلغم الله يعافيك عطيني لان شتانا على الابواب ومن هالحين لازم نستعد

انا ملي خبر كبيرة بالاطفال بس من علاجي لعيالي يعني معرفه محدودهبس بالعاده اذا فيه كحه مع حشرجه اعطيه منقوع العلك المر وطريقته اخذ كوب علك مر في لتر ماء واخليه ينقع في الثلاجه وكل يوم اعطيه ملعقتين كبار مع اني ما استغني عن الطبيب حق الاطفال

سؤال: تعرفين شى عن ( السقاط) احنا نسميه شذى واذا تاخرتى فى علاجه يسمونه( عظيم) وتكون اللوز نازلة وتخلى الطفل ما يرضع العلاج اللى نعرفه من امهاتنا انه نرش راس الطفل بماء بارد عشان يشهق ويروح السقاط . عندك حل ثانى؟؟واباسالك عن الكوى اللى نسميه ( الترقيش ) شرايك فيه ؟؟ حريمنا يقولون انه زين للطفل اللى فيه (اخيته)مادرى شنو يقصدون بس والله بنتى بعد الله وبعد ما رقشتها حرمة بطلت من الصياح وزان حالها.

(العظيم)معروف عندنا ويكون علاجه بالترفيع مع السعوط مع انه النصيحه العامه عدم الترفيع
اما(اخته)نسميها الخشه اللي سبق وذكرتها والافضل علاجها بالدواء السابق واذا مانفع يكوى الطفل

انتو مثلنا بالترفيع. يعنى احنا نرفع بالطريقة التالية: نجيب نوى التمر ونصفه جمب بعض على شيلة ونبرمها على شكل اسطوانى وبعدين نرفع الطفل فيها بان نضعها تحت اللوز بالضبط ونرفعها شوى شوى. مع ان امى تقول مو زين يتعود الطفل عليها.

نعم فيه تشابه بالترفيع ولكن بدون نوى التمر

سؤال: بغيت أسألك : إذا فيه غسول يومي في وقت الطهاره ؟؟
وش نحط على سر المولود علشان يطيح ؟؟
الحين إذا طهرنا المولود الذكر وش نسوي بالطهار وش نحط عليه ؟؟
لأن حنا ماجانا مولود ذكر ولا نعرف وش نسوي لو يجينا

افضل غسول يومي الماء ولابأس بصابونة(ديتول) مرة واحدة في اليوم
اما سر المولود احرصي على نظافته وذلك بتنظيفه بمسحة طبيه كل يوم وبطريقه لطيفه وعاده يطيح سر المولود من 15 الى 20 يوم وبعد مايطيع ذري عليه شوي (صبرة) المباركه وممكن تجيبين قرش اونص ريال وتلزقينه على السر عشان اذا بكى الطفل مايطلع او ينفتح سرة طبعا بعد ماتنظفين السر بمسحه تذرين شوي صبرة ثم تلزقين القرش العمليه يوميه اما الطهار اهم شيء لاتشيلين اللي يركبون المستشفى واكتفي انك تصبين زيت زيتون عليه مع مطهر جروح وبعد مايشيلون المستشفى اللزقه صبي عليه زيت زيتون ولاتنظفين اللون الابيض اللي يطلع تراه جلد ينمو وهو طبيعي بيلتأم من نفسه

سؤال: تذكرين .... سؤالي عن خشة البرد أنت الله يجزاك خير.....قلت عن المقادير للدواء لكن هل هي لمرة واحدة ..... يعني أكرر المقادير في كل مرة؟

بالنسبة لمقادير الخشه بعد ماتطحنينه وتحطينه بعلبه تأخذين كل يوم مقدار .م.ص بكوب ماء وهكذا.. واذا خلص المقدار بعد اسبوع اطحني ثاني واعيدي العمليه لحد ماتعافين

سؤال: بغيت اسالك وش رايك بقشر الرمان كغسول هل يخرب ومتى ممكن استخدامه يعني ممكن كل يوم من غير ايام الدوره.وش فوايده؟
وبعد ممكن استخدام الماء والملح كغسول كل يوم من غير ايام الدوره ؟وش فايدتهم ولو استخدمناهم بانتظام وبكثره؟
وعندي سؤال ثالث بس مادري لو بتزعلون لو قلته سامحوني عشاني غشيمه بهالامور ومحتاجه منكم نصايح لاني استحي من الكلام بالموضوع حتى مع امي
سامحيني على سؤالي, بعد مايحطون الكبسولات بالليل كيف تنشال ,يعني هي بتذوب وبتخرج مع الدوره ولا كيف

بالنسبه لقشر الرمان انا ماعمري استخدمته ولكن هو قابض وكانو اول يستخدمونه في الدباغ لانه يقسي واعتقد انه ان شاءالله مايضر بس افضل شيء كغسول يومي بدون ايام الدورة
الماء العادي لان فيه مثل يقول(كثرالشد يرخي) وما انصحك بالماء والملح يوميا لانه يجفف خاصه كغسول يومي مع انه ضروري ايام الدورة
اما التحميلات بنفسها بتذوب داخل الجسم وتنظف كل اللى داخليعنى ماله داعى تشيلين همها.

سؤال: ودي اسالك عن الرياضة بالنسبة للمراة هل منها ضرر ؟؟؟ كثير يقولون انها تسبب نزول الارحام ما ادري وش رايك؟؟؟؟؟؟

الشغل والرياضه الغير عنيفه ماتضر بالعكس تقوي العضلات ولكن اذا ماعمرك سويتي رياضه ابدي بالتدريج حتى تتعودي عليها بس الاعمال العنيفه وحمل الاشياء الثقيلة هي اللي تسبب نزول الارحام وانا اشجعك على الرياضه بس لا تكون عنيفه

سؤال: تابعت موضوعك من البدايه وقلتي ان الي خربانه مره تمشي على نظام مده اربعين يوم وقلتي ان الحلب للدوره ثلاث ايام وللنفاس 20 يوم ياريت تقولي الحلب كم مده اذا ني ما ولدتولا في دوره انا بصراحه احس برطوبه معليش علي الصراحه لاكن وش مالي غيرك زوجي كثير الشكوي مني وبصراحه قررت امشي علي طريقتك 40 يوم بس قوليلي الممنوع من الاكل اتركه با الرغم من عدم وجود دوره والحلب الله يخليك كم مره ومنقوع الارطي والملح كل يوم والتحا ميل كل يوم مده اربعين يوم ولا لا

ياليت توضحين بالنسبه للنظام اتبعيه لمدة اربعين يوم حتى لو كنتي مو نفاس بس انك بالنسبه للنظافه عادي غسلي وتنظفي بالماء ولكن اذا جتك الدورة وسط هذي الايام اقلبي النظام من جديد واتركي الممنوع من الاكلات بالنسبه للحلب عادي مع السفوف يكون مطحون في الايام الاولي والايام الاخيرة تحذفينه وياليت تقرين اسئلة البنات والردود عليهن واذا فيه شيء مو واضح اسئليني

سؤال: ابن اخوي عمرة سنتين ونص تقريبا وبطنة منتفخة دائما ومعاه كتمه ايش احسن شي له؟

بالنسبه لولد اخوك سوو له الدواء اللي ذكرته دواء الخشه بنفس الطريقه يمكن ينفعه والظاهر ان الولد ما نظف بطنه زين بعد الولده وهذا لو كنا نتبع سنة المصطفى محمد صلىالله عليه وسلم بتحنيك الطفل بعد الولاده لكانت صحتهم تمام وغير كذا لابد اي مولود قبل لايرضع حليب الام يرضع سكر نبات مع كمون او جيلكوز حتى ينظف بطنه.

سؤال: هل المراه فى النفاس لازم تلبس شيله ودلاغات عن الهوا مع ان فى حريم يقولن مو لازم اهم شى الدويات وباالنسبه للبنت كذاللك
فى وحده اعرفها بنت ماتزوجت بس يطلع معها افرازات زرقاء تميل الى الاخضرار وعرسها بعد شهر ورجانا فيج
اختى لها كرش وهى جايبه 4 اطفال مع انه اللى معها نفس الاطفال بس بدون كروش شنو حلها وهى المسكينه متعقده حيل وحده تقول انه هوا
والمراه اللى نفاس وحيض هل اول شى تشربه القوه مع العنزروت فى حريم يقولن الريوق الفطور بعدين منقوع القهوه لانه يسد النفس

بالنسبه لسؤالك الاول المرأة سواء بنت او متزوجه مافيه داعي للبس الشيله والقفازات اهم شيء اذا كنتي في موسم الشتاء تلبسين بنطلون عشان الهواء مايدخل ويسبب الخراب وكبر البطن
اما البنت اللي تطلع منها افرازات زرقاء اولا عليها تسوي تحاليل في المستشفى عند طبيبة نساء واذا ما عندها اكياس اواي شيء اخر وقالت لها الطبيبه انه مجرد التهابات فاهذا دليل قوي على انها عدمانه من شدة الخراب لانه وبصراحه قليل من البنات يكون معاهم الخراب بهذا الشكل لو كانت متزوجه ممكن لكن اعراضه تخوف عشان كذا انصح انه تسوي تحاليل بالمستشفى واذا النتيجه سليمه ومجرد التهابات (ان شاء الله سليمه) تهتم بنفسها اثناء الدورة وتتجنب البارد والمشروبات الغازيه والممنوع من الفواكه والخضار من الردود الماضيه وتستخدم السفوف وشاي الاعشاب والتمرة مع الرشاد مهمه وان شاء الله ماتشوف شر
بالنسبه لاختك اذا ولادتها طبيعيه وحجم البطن كبير ياليت تحاول تتذكر هل في واحد من اولادها جابته وقت الشتاء وكانت تمشيء حافيه ومتهتم بتدفية نفسها بالملابس الداخليه يمكن داخلها هواء عشان كذا لازم تستخدم كبو الهواء مع انه اذا داخلها هواء ممكن تنحل مشكلة الارحام ولكن كبر البطن صعب يرجع زي اول الله يكون بعونها ولكن انصحيها وشجعيها على تمارين البطن وشوي شوي مو تعذب نفسها
اما المرأة بالنفاس اهم شيء تبدأ يومها على ماتعودت عليه خاصة السليمه ولكن طريقة النظام اللي انا كاتبته هو افضل شيء لان كل حاجة محسوبه يعني توقيت هضم المعده وتوقيت امتصاصها للادويه وتوقيت الفائدة من هذه الادويه.

سؤال: حسيت انه لازم استمر على العلاج اربعين يوم وسوف ابدأ من بداية الدورة فهل اخذ علاج الايام الآولى وعلاج الآيام ألاخيرة وبعدين ابدأ بالعلاج من جديد ولا اخذ علاج الآيام الاولى عشرين يوم حتى بعد ما اطهر وهل التحميل اثناء الدورة والغسول يكون مجرد شطف من الخارج او لابد من الداخل
انا جبت جميع المطلوب بس العنزروت مثل اللبان الذكر بس لون احمر والارطا مثل الحجر ولونه ابيض انا شاكه فيه لانه وصفك له غير والقيصوم كيف شكله وكبوا الهوا ما احد عرفه

مع بداية الدورة ابدئي بنظام الثلاث الايام الاولات ثم الثلاث الايام الاخيرات وبعد ماتخلصين وتطهرين اعيدي النظام من جديد 20 يوم الاولات ثم 20 يوم الاخيرات واثناء هذه الفترة اذا جتك الدورة اقلبيه من جديد واذا خلصتي كملي على الايام الاخيرة لحد ماتخلصين كل 40 يوم وان شاءالله ماتشوفين الا العافيه وبالنسبه للتحاميل تستخدم اثناء الدورة او بدون عادي اما الغسول فمن الخارج فقط
اما العنزروت لونها مختلط بين الحليبي والاحمر وزي الحصى الصغير وطعمها مر واذا غسلتيها تلزق مع بعض واذا نقعتيها يكون لونها مائل للعكر وتذوب جزئيا اذا طولتي ناقعته(لمدة يومين)
اما الارطا فهي جذوع نبات صحراوي معمر وهو مجود في الرمال الصحراويه ويكون على شكل اخشاب تكسر وتطحن وتستخدم وهو ليس ماذكرتي يمكن اللي عرض لك العطار شبه
اما القيصوم نبات صحراوي وله مواسم ينبت فيها وريحته عطريه حلوه
اما كبو الهواء معروف ولكن انا راح اعطيك بعض من مكوناته (محلب,ورق حناء,فلفل هواء, عودهواء, مرة , حلتيته (رطبه او يابسه) خواجوا , قشربصله , كمون, هدب اثل)

سؤال: بغيت اسألك ايش رايك بالبخور في الجاوي العشرين الايام الاخيره من النفاس لمدة ساعه او سعف النخل؟

اذا قصدك البخور الجاوي الغير مفصود ولونه ابيض وريحته يعني فانا اعرف انه يستخدم لتبخير المنزل لكن انا ماعمري تبخرت فيه ولذلك لااستطيع اني انصحك بشيء لااعلم عنه اما سعف النخل لا ماأنصحك فيه لان مافيه نفع

سؤال: مشكلتي اني دايم احس بنغز في جنبي اليمين مره واليسار مره قبل موعد الدورة باسبوعين تقريبا واثناء ايام التبويض المفروض بالاضافة لآلام في احدى الجنبين اثناء الجماع قبل موعد الدورة
باسبوع تقريبا ..قلت يمكن المشكلة تكون ميلان في الارحام ولا وش رايك

المشكله اختي الالم اللي تقولين ماتحسين فيه الا عند قرب موعد الدورة يعني مو مستمر لانه لو كان مستمر وخاصه وقت الحماع كان قلت ميلان ولكن انتي حددتيه بوقت معين يعني هذا شيء مرتبط بوقت الدورة ويمكن انك تعانين من فرط في نشاط التبويض وانا انصحك بالذهاب الي الصمعاني عندك بالرياض اذا انتي من اهل الرياض وممكن هو يدلك على نساء ثقه

سؤال: حبيت استشيرك بشى وهو فى شى يسونه الحريم اثناء النفاس وهذى اخذناها منجداتنا انها تكبا بكرش الخروف او راسه تاخذ الكرش وتعبيها دويات من ( رشاد وحلبه وكلهم) وتخيطهم بعد ذالك تكبى فيه تحت البطانيه وتبخر بلبخار مال الكرش وتاكل منه الى الصباح لين تعرق اذا عرقت معناه انه فى نتيجه وهذا يتبعنها خواتى فى النفاس مارايك فيها ارجوا الافاده
وماعلاج غازات اللى تصيب المراه المتزوجه؟

سبق واني ذكرت المكروشه وهي ممتازة للنفاس بس تبي احد يعرفله اما حشو الرأس (راس الغنم ) فهي ممتازة ولكن صعبه طريقتها وهي ممتازة للي داخلها هواء بالراس ومن اعراضه صداع مزمن وشديد
يمكن يستمر لاكثر من يوم مع دوخه ورغبه بالاستفراغ وخاصه اذا تروشت وتعرضت الوحده لهواء

سؤال: كبو الهواء اللي انتي ذكرتيه فيه ورق حناء هل الحنا كويس ومايسبب شمم ورق السدر هل هو يحط مع البخور ولا لا
انتي ذكرتي منقوع مكون من كوب ماء -ملعقه صغيره مره - ملعقه صغيره محلب-ملعقه كبيره عنزروت ، هل ستخدمه لاخر يوم في الاربعين يعني من البدايه الى النهايه كل الاربعين وانتي ذكرتي ان المحلب مايستخدم العشرين الايام الاولى .. فهميني ارجوك من اليوم وانا في موضوعك اكتب لاني في الشهر السادس وابغى اجمع معلومات منك بدري والله يعطيك العافيه اختي فيافي الادويه هذي ماتخرب اذا جمعتها وطحنتها من الحين ولا بدري مرررررررررره ابي افتك

المحلب وبالكميه اللي ذكرت وهي ملعقه صغيره ماتضر على العكس تبعد الشمم ولكن الهدف من عدم تكثير المحلب في الايام الاولى هو انك ماتنشفين على خراب لان المحلب ينشف واذا تقيدتي بالمقادير ان شاء الله بتشوفين الفرق والمنقوعه ممتازة كل ايام النفاس عشان تنظف المعده والله يقومك بالسلامه ولكن اهتمي بنفاسك القادم زين لانه باهتمامك ممكن ترجعين بنت
والكبو معاه حناء بس ماعمري حطيت معه ورق سدر الادويه مافيه مشكله انك تجمعينها الحين ولكن خلي طحنها اذا جاء الشهر الثامن على خير

سؤال: انا عندي مشكله ما ادري سببها من شهر وانا اعاني من نزيف وذهبت لاكثر من طبيبه والادويه مع اختلافها الا ان تاثيرها لوقت محدد ثم يرجع النزيف المهم وقررت ازالة اللولب مع ان الفحص لم يبين اي مشكله في اللولب
المشكله اني خلال فترة النزيف جاتني الدورة وتعرضت لبردشديد لاني كنت مسافرة في مكان بارد ولم انتبه لنفسي وشربت اشياء باردة ويمكن هو السبب في خروج الكثير من الهواء مع النزيف والان احس بضيق شديد لا اعرف ماذا افعل خاصة اني امتنعت عن زوجي فترة طويله تقارب الشهر

بالعادة اللي تركب لولب يصير معاها لخبطه يعني نزيف اصبري عليه واذا تبين توقفين النزيف
(شبه سوداء ويكون حجمه كبر حبة الحمص+ فنجان حلب) اطحنيهم وخذي ملعقه مع كوب حليب على الريق وان شاء الله يوقف النزيف المهم انك حاولتي تهتمين بدورتك وخاصه البرد
وبالنسبه للنظام اذا انتي سويته ماكان فيه داعي تمتنعين عن زوجك اذا لم تكوني نفاس او حائض

سؤال: اذا كانت الوحده مسقطه0ومسويه عملية تنظيف تسوي نفس النظام للنفاس ونفس البخور والى متى يعني كم يوم؟

المسقطه اذا كان مدة العوار 15 يوم تقسم الايام 7ايام على الايام الاولى و8 ايام على الاخيرة وبالعادة العوار مايتعدي 15 الى 20 يوم وتستخدم نفس الادويه بس انها تكثر من الكمون في الايام الاخيرة

سؤال: الحامل في الشهور الأولى من حمله يعني بالثاني أو الثالث ينزل معه الله يكرمك شوي دم مو كثير وهذا يعني إنذار للإجهاض وش تنصحينه تسوي وإذا فيه شي تستخدمه قوليلنا ..

والله اذا فيه انذار اجهاض فأفضل شيء لها المستشفى يعطونها مثبتات وتحاول تبعد عن الاجهاد العضلي والنفسي

سؤال: عمرك سمعتي عن لحاء الطلح يقولون انه يستعمل كبو وفيه ناس جربوه يمدحونه وش رايك؟
بالنسبه للعنزروت اللي مع المنقوع انا طحنته ينفع؟

سمعت ان فيه نساء يستخدمونه لكن انا ماعمري جربته والشيء اللي ما جربته ما اقدر انصح فيه لاني ما ادري هو زين ولاشين وبالنسبه للعنزروت المفروض انك ماطحنتيها بس مافيه شيء استخدمي اللي عندك واذا خلص لاتطحنين الجديد.

سؤال: فيه ناس إنصحونا بالحلب لانه يرفع الجنين وناس قالوا تشرب منقوع المره إذا نزل معه الله يكرمكم دم ولا ندري من نسمع كلامه علشان كذا أنا قلت مافيه غير أخت فيافي تدلنا على الصواب ..

بالنسبه للعوار ما انصح بالحلب لانه يرخي الارحام ولكن عليها بالكمون اذا الجنين حي بيرتفع واذا هو ميت او ضعيف او مشوه بيطيح اما المرة لا ولا ولا لانها تساعد على تسقيط الجنين حتى لو كان سليم
اختي لاتسيئي الظن في الي وصفت لك الحلب مع العوار فبعض الناس يستخدموه وينجح معاهم والناس مو زي بعض لاني اليوم سألت امي عنه وقالت لي انه ان شاء الله مايضر اما الكمون تستخدمه مرتين في اليوم لمدة يومين وبعدين توقف وتشوف لعله ينفعها ولكن المره اكيد مو زينه

سؤال: اريد علاجاللعقم فأنا لي فترة متزوجة والسبب انه عند زوجي لزوجة في الحيوان المنوي وقلة عدد والمشكلة الاخرى هي اردافي فهي كبيرة ولكن وجهي صغير بالنسبة لها ولا استطيع ان اعمل ريجيم بسبب الفرق

اولا ياأختي عليك انتي وزوجك بالدعاء وان تراعي شروطه وان تتحري اوقات استجابة الدعاء
ودائما افضل شيء اتباع هدى المصطفي محمد عليه افضل الصلاة والتسليم بالتداوي مثل اخذ 7 حبات من الحبه السوداء مع ملعقة عسل كل صباح
وانصحك ان تدعي زوجك يجرب الحلب لمدة شهرين كسفوف وشاي مرتين في اليوم بعد الشهرين اضيفي العسل الطبيعي(سدر)مع بار النخيل واتركيه يستمر عليه انتي مولاازم تاكلين معاه اذا مافيك شيء وان شاء الله يكون حمل ولكن اهم شيء الدعاء والثقه بالله
اما كبر الارداف وصغر الوجه ماعندي له علاج ولكن اختي تعاني نفس المشكله وهي تلعب الهيلاهوب عشان يتناسق الجسم

سؤال: أنا زواجي بعد شهرين .. وحابه أتطمن على نفسي .. أنا دورتي مدتها 3 أيام بس .. وتنزل الدورة بدون ألم ..يعني ماادري إلا وهي نازله علي فجأه .. أحياناً يكون هناك ألأم خفيفه .. هل هذا دليل على شي .. أو هو شي عادي .. ولو حبيت آخذ الخلطات اللي قلتيها وشلون آخذها في الثلاث أيام الأولى وأنا دورتي كلها 3 أيام؟؟ .. وهل للبنت إنها تاخذ مثل هالخلطات حتى لو كانت ماتعاني من شي .. ؟؟؟
بعد الدورة بعشرة أيام يمكن أو أ:ثر أحس آلام مثل نغز السكاكين في أسفل بطني مع إفرزات شفافه شوي .. فهل هذا شي عادي ..
مرة كنت أطوف حول الكعبه .. ومشيت كثير بصراحة لأني كنت أطوف فوق والشوط الواحد كان طويل .. المهم .. جلست أ{تاح شوي وأشرب مويه ..وبعدين قمت فجأه وأثناء قومتي حسيت وكأنه سكين نغزتني بقوة داخل رحمي .. وشوي خف الألم ..ولما رحت لدورة المياه لقيت على ملابسي الداخلية مثل الدم خفيف لونه بني .مارأيك يا أختي ؟؟

فيه بعض النساء دورتهن بس 3ايام عادي لذلك يومين اولات ويومين اخيرات(اضيفي يوم زياده)
يعني بعد ماتطهرين وتصلين اضيفي يوم عادي اما النغز اللي تحسين فيه فأكثري من الفلفل الاسود مع اكلك فترة الدورة وجميع النظام السابق يصلح للبنت الا (التحميلات) اما الدم اللي طلع منك اثناء الطواف فهذا دليل على انك ماتعملين اي مجهود اذا جتك الدورة وهذا دم فاسد وطلع لما سويتي هالمجهود لذلك انصحك بالعمل والحركه الطبيعيه اثناء الحيض

سؤال: تعانى اختى من حكه مهبليه شديده ومبرحه وهى متزوجه ولها 4اطفال ومع هذه الحكه المهبليه جروح وروائح كريهه تخرج منها مع العلم انها ذهبت للاطباء وعملت جميع الفوحوصات ولكن مايقولون شى مجرد حساسيه وماصارت حساسيه ذبحتها وكانت مركبه لولب لمده 3سنين ولكن شالته قالت يمكن السبب منه بس نفس الشى اتمنى اختى انك تجدى الحل ولا تبخلى علينا لحل مثل التحاميل او شى تكفييييين هى متعذبه

بالنسبه لاختك اذا تحاليلها طبيعيه ومعاها هذه الاعراض فهي تعاني من نوع من الخراب ولذلك انصحها بتطبيق النظام وقت الدورة

سؤال: أنا إستخدمت النظام اللي للدوره بدورتي السابقه أنا وأختي والحمدلله كل شي تمام .
الدوره هذي المره إستخدمت بعد نفس النظام أنا وأختي بس الصراحه لا حظنا فرق كبير عن الدوره السابقه وهو:
أول يوم من الدوره نزل الله يكرمك دم أسود قليل
ثاني يوم نزل الله يكرمك دم بني مائل للأحمر
ثالث يوم نزل اللهيكرمك أحمر عادي
والمشكله الثانيه إن كمية الدم الله يكرمك مو كثيره مثل أول
وأحس بصداع شديد برأسي لدرجة إني ما أتحمل أسمع أي صوت بس أبي هدؤ هذي مشكلتي أنا وأختي .
بغيت أقولك المره السابقه ماإستخدمنا الأرطأ لأنه ماكان عندنا والمره هذي جبنا الأرطأ وإستخدمناه ..
ياليت تردين علي بسرعه وتطمنيني ..

بالنسبه للصداع هل كل الدورتين يجيك وهل اختك يجيها بعد نفس الصداع اما الدورة الثانيه اللي تقولين انه تدرج فهذا دليل على انك نظفتي وان شاء الله يمكن تطهرين قبل العادة وهذا زين .

سؤال: بالنسبه للصداع أنا وأختي بس بهذي الدوره يعني أول مره .
وبقولك إن الأرطأوالكبوأنا وأختي المره السابقه ماستخدمناه والمره هذي فقط إستخدمنا الأرطأ وقفناالأرطأاليوم فقط لأن خفنا يكون هو السبب بمنع نزول الدم الله يكرمك أما الكبو هذي المره مااستخدمناه أيضاً..
الأن بالنسبه للأرطأ عادي نستخدمه من أول يوم للدوره ؟؟
ياليت تقولين لي وش أضرار الجوع بفترة الدوره والنفاس لأن الصراحه الأدويه تسد النفس عن الأكل ؟؟

والله غريبه اول وحدة تشكي بعد استخدام الدواء من صداع ولكن هل انتي واختك ممن يستخدمون الريحان او المسك هل وجع الرأس بالمقدمه(الناصيه)او بالخلف (الهامه) اذا كان بالمقدمه فهذا شمم في الجيوب الانفيه (لذلك شمي شوي صبرة (المباركه)) اما اذا كانت في هامة الراس فهي هواء داخل الرأس نتيجة انك متروشه وطالعه لتيارات هواء وشعرك وراسك رطب ويكون معاها دوخه ويمكن العلاجات اللي اخذتيها في الدورة اثرت عليها وتبي تطلع . ياليت توصفين لي وجع الرأس استخدمي كبو الشمم انتي واختك (خوا جوا,قشر بصل, حلتيته رطبه, مرة, صبرة (مباركه), ورق شاي, محلب ) وعادي استخدمي الارطا ولاتخافين بالنسبه للادويه لاتخافون استخدموها لاني والله كتبت لكم ادويه ان تركتوها ماتضر ونفعها اكثر وانا وخواتي وخالاتي نستخدمها من عقود ولاضرتنا ولله الحمد
اما الجوع فهو العدو الاول للمرأة وقت الحيض او النفاس وممكن انك تسوين رجيم وقت الحيض او النفاس وذلك بالاعتماد على البر وبنفس الوقت تشبعين وماتجوعين ابد وفيه كثير من النساء تخسر كثير من الوزن في النفاس ومن غير ماتجوع وذلك باعتماده على البرمثل(المرقوق والمطازيز) والجوع هو من مسببات الخراب الاساسيه.

سؤال: بالنسبه للريحان والمسك ما نستخدمه. وحنا نتروش ونتعرض لتيارالهواء البارد وش نسوي صيف لازم بس إذا فيه طريقه للتروش ياليت تذكرينه..
وجع الرأس ماعرفت كلامك الناصيه والهامه بس أوضحلك الوجع من أعلى الرأس مكان الجافوخ .
أنا عندي إرتفاع بضغط الدم وأختي عندها إنخفاض بضغط الدم لكن ما ناخذ أدويه ضغط إلا وقت الحاجه لأنه غير ثابت .
أنا وأختي مانسوي ريجيم بس تنسد أنفسنا وقت الدوره وأختي بالدوره والنفاس .أنتي ذكرتي في أحد الردود إن الرشادمع التمريؤخذ من أول يوم للدوره أو النفاس وألأيام الأخيره يؤخذ الرشاد سفوف .... ماهو مقدار الرشاد مع السفوف في الأيام الأخيره ؟؟
بالنسبه لكبو الشمم ياليت تقولين متى نستخدمه ؟ وياليت تحددي المقادير؟ وكيف طريقة إستخدامه؟
ماهي مكونات كبو الهواء ؟
وماهي مقاديره؟

الناصيه:مقدمة الرأس اللي هي نهاية الجبهه ومنابت الشعر والهامه هي اعلى منطقه في الرأس
وشكلك بالهامه لانك لو قلتي بالجبهه كان قلنا التهاب بالجيوب الانفيه اللي هو شمم
ولكن يبدو انك تتروشين بدون ماتنشفين راسك زين وتجلسين عند المكيف وهذا خطأ غير انه معك ضغط ويمكن بعظ الادويه العربيه ماتناسبك والله اعلم
لكن اذا لاحظتي انك كل دورة من استخدامك للادويه يوجعك توقفي عن هذه الادويه اما معبوطه التمر مع الرشاد استمري عليهاالى اخر يوم والرشاد اضيفي كاسة شاي منه مع المقادير السابقه كبو الشمم زينته مافيه مقادير خلطي الادويه وخذي مقدار قبظة اليد اليد وحطيه على الجمر وتكبي فيه
وكذلك كبو الهواء وانا ذكرت مكونات كبو الهواء في الردود السابقه.

سؤال: كبو الهواء اللي هو: (محلب,ورق حنا,فلفل هواء,عود هواء ,مره ,حلتيته,خواجوا,قشر بصل,كمون,هدب اثل )؟
بالنسبه للمقادير أحطها بالتساوي وإلا في شي أكثر من شي ؟
كبو الشمم:
ماوضحتي المقادير معليش حبيبتي أحطها بالتساوي وإلا شي أقل من شي ؟؟
وشلون طريقة كبو الشمم أحطها على فحم وأشمها وإلا وشلون ياليت توضحين وبالتفصيل الله يوفقك؟
شو هو المقلقل والمطازيز
مابي الطريقة بس اقصد ليش هالاكلات بالذات يعني مثلا الصالونه والدجاج والمجبوس والبيض والحليب والخبز الابيض كلها عادي ممكن اكلها
وذكرتي البر اكثر من مرة اعرف انه له فائدة غذائية كبيرة لكن في وقت الدورة هل له ميزه خاصة
وحدة صاحبتي الدورة مو منتظمه ومتأخر الحمل عندها ممكن يكون هو السبب لانها فحصت وكل شي عادي وفي شي ينظم الدورة
والالم وقت الجماع كوخز متوسط الام في الداخل (احيانا ) ماسببه؟

كبو الهواء لا مافيه مقادير معينه لكن خذي من كل نوع مقدار قبضة اليد واخلطيهم مع بعض واذا جيتي تتكبين خذي من المخلوط مقدار ملعقتين كبار وحطيهم على الفحم ووقفي تحت المدخنه او ممكن تحطين المدخنه تحت كرسي مفرغ وتجلسين على الكرسي وبكذا يدخل الكبو وبنفس الطريقه سوي كبو الشمم الا انك تشمينه وتحطينه قريب من وجهك وبعدين تجلسين او توقفين زي الطريقه السابقه
المقلقل: اللحم ومرقته لما تكون ثقيله
المطازيز: مثل المرقوق بس العجينه تكون اصغر
وانا افضل البر لانه مايسمن ولا يساعد على تكون الشحوم في الجسم وهوافضل بكثير من الابيض وممكن انك تأكلين اللي تبين واللي تحبه نفسك ولكن تتجنبين الممنوعات وممكن تاكلين اسماك وروبيان ولحوم وطيور عادي ولكن الممنوعات من الخظار والفواكه اما الرز مايفيد ابد بس يكبر البطن(المجبوس).
اما لتنظيم الدورة ما اعرف .
اما كبو الهواء ممكن انك تلغينه وتتبعين النظام عادي واي
فرصه تحصلك جيبيه واستخدميه ولكن كثري الفلفل الاسود في اكلك.

سؤال: انا والده مرتين وعمري 23 سنه متزوجه من 9 سنوات في كل ولاده سويت رجيم (خبله)
انا مافيني التهابات الحمدلله الهواء احييانا فيني واحيانا لا بس بدون صوت اما بطني احس ان فيه هواء مافيني مويات الحمدلله بس فيني افرازات بيضاء مالها ريحه قليله احيانا في الجماع احس اني ضيقه واحيانا لا مادري ليش؟؟؟؟
جاني امساك في النفاس واحس ان الخياطه انفتحت مع المحاولات احس ان فتحه المهبل الخارجيه ماهي ملتئمه!!!بس من داخل عادي انا الحين لي سنه من اخر ولاده وزني 90 كيلو وفيني فقر دم من كثر الرجيم
هذي حالتي باختصار ارجو انك تجاوبيني
لازم الوحده تكون ضيقه مره كانها ماحملت وولدت ولا عادي وهل هذا يدل على خراب؟؟

بالنسبه لفقر الدم اشربي منقوع الزبيب اليمني بعد طحنه وسوف تنبهرين بارتفاع نسبة الهموجلوبين خلال اسبوع من الاستخدام واضبطي نفسك في الدورات القادمه بالنظام


سؤال: ذكرتي الزبيب اليماني وين أحصل عليه ؟ أشرب المنقوع فقط وإلا آكل بعد الزبيب المنقع (أي أشرب الماء وآكل الزبيب بعد النقع)؟ كم مره باليوم ؟ متى أوقف الزبيب وإلا طول العمر ؟

الزبيب اليماني تلقينه عند العطار, اشربيه كله المنقوع والزبيب واذا تبين تاكلينه كانه مكسرات عادي وعدد المرات على قدرتك مرتين او ثلاث او اربع وبالنسبه لتوقيفه لحد مايرتفع نسبة الدم عندك للنسبه المطلوبه.

سؤال: والله انج خوفتيني لأني مره تعبت بالدوره وقالت لي وحده ان فيني فجره اللي قلتي عنها وانا حشاج الدوره ماتنزل معاي عدل ينزل معاي دم اسود اول يومين الله يخليج دبريني والله خاااايفه
وسؤالي الثاني صج لما الهم الرشاد ينظف الرحم؟؟؟؟

اعراض الفقرة جفاف في الدورة ويكون الدم في الايام الاولى زي التراب
وبعدين خفيفه ومؤلمه, ياليت تروحين لمرأة وتكشفين عندها اذا عندكم بالكويت واحدة ثقه
الرشاد ممتاز وينظف ولكن يستخدم في الايام الاخيرة احسن وياليت تشوفين
تدرج وضعي للدواء فانا اضع الرشاد مع التمر من اول الايام ولكن ما اخلطه مع السفوف الا بالايام الاخيرة.

سؤال: أنا ولدت مره واحده وكانت قبل ست سنوات .. وكان أسوء نفاس .. لا أكل ولا اهتمام ولااااااااااااااشي
معلوماتي تحت الصفر في هذي الأشياء ..
المهم حبيبتي ماطوّل عليك .. باقول لك على الأعراض وانتي تدليني أي نظام اختار اللي أثناء الدوره ولا الأربعين يوم .. عندي إفرازات مستمره مع إني سليمه طبياً والدوره كان الله في العون صعبه ومتعسره يبدا بطني ينتفخ قبل موعدها باسبوعين ثلاثه وآلام أسفل الظهر واسفل البطن والرجلين .. وأحياناً تتأخر أسبوع زياده عن موعدها .. تجلس ست ايام .. والثلاث الايام الأخيره تكون قليييييييله..وأحياناً يطلع هوا خلال الــ ...
وبعد عندي كم سؤال بخصوص الأعشاب ..
1- الحبه السمرا ممكن استغني عنها أو أبدلها لأني إلى الآن مالقيتها ..
2- جنبة البر .. كيف شكلها وكم أغلي منها ؟
3- ممكن أستغني عن مغلي الميرميه والقشر والقيصوم و ... ولا ضروري
4- البخور بكبو الهوا يكون وقت الدوره بس ولا أي وقت .. عادي
5- بقي آخر سؤال .. قريت في أحد المنتديات النسائيه .. وصفه شعبيه على شان الوحده تتأكد انها نظفت اليومين الأخيره من الدوره تجيب قدر أو أي إناء ماتحتاجه وتحط فيه مويه مغليه وتوقف عليه وتلف عليها شرشف على شان البخار مايطلع .. ما أدري الطريقه هذي سليمه ولا لا ..

الحبه السمراء(حبة البركه او الحبه السوداء) لازم
الجنبه والله مادري كيف اوصفها بس تنبت اخر الربيع علي شكل منبسط وردها لونه وردي مايل للموف وشوكيه ولكن الشوك يكون قوي بعد ماتيبس يعني في فصل الصيف اما الميرميه والقيصوم ضروريات ولكن ممكن تستغنين عن قشر القهوه
الكبو افضل شيء وقت الدورة اما الوصفه اللي ذكرتي ما اعرفها

سؤال: اريد علاجا للالتهابات فأنا وقت الاخصاب يسير عندي حكة داخلية ثم حرقة بول ما هو السبب برأيك ؟

بالنسبة للالتهابات والحكه افضل شيء انك تروحين لطبيبة نساء وولادة لان الالتهابات لازم تعالج بمضاد

سؤال: ابي اعرف شو تعني كلمة سفوف صاحبتي متزوجه من ثلاث سنوات وما حملت يقولن لها البويضات صغيرة واحيانا الهرمونات ماادري شوفيها وهي ضعيفةوااايد وحملت مرتيين وتسقط لان البويضة صغيرة كانوا يعطونها منشطات بس الحين وقفت شو رايك

كلمة سفوف تعني أي شيء مخلط ومطحون ويسف (يأخذ ناشف ويبلع) وانا بعباراتي هذي برجعكم للتراث اما صديقتك فأنصحها بالحلب تطحنه وتسفه على الريق وبعد المغرب وعند النوم غير انها تشرب مغلي الحلب كل مابغت ماتصدقين مفعوله على المبايض يقويها اذا كانت ضعيفه وتستمر عليه وفيه وحدة قريبه لي كان عندها ضعف في المبايض واستخدمت علاج الطبيب ومانفع لوحدة وبعدين رجعت استخدمت علاج الطبيب مع الحلب وحملت ولله الحمد والحين عندها طفلين .

سؤال: انا اشتكي من اشياء كثيره .انا ولدت مرتين قيصريه وما تنفست زين للاسف وما كنت ادري ان اللي اشتكي منه له علاقه بالنفاس الا من موضوعك الله يجزاك خير ..... انا دورتي غير منتظمه وعندي الام في اسفل البطن وعلى الجوانب ودائما معي افرازات طوول الوقت واحيانا يصير فيه رائحه كريهه واحس بالام عند الجماع ومرات يطلع هواء مع الجماع بطريقه معينه انا كنت حاطه لولب لاكثر من اربع سنوات وشلته من حوالي ستة شهور وماحصل حمل للحين !!! ياريت تساعديني يا اخت فيافي وتدليني على الحريم اللي قلتي في الرياض

اولا اذا انتي عمليه ليش مركبه لولب لان اللي عمليه ماتركب لولب بعدين فتره طويله اربع سنوات وخاصه انك عمليه بتقولين لان الاطباء نصحوك تطولين عشان الخياطه تتقوي وانا اقولك فيه طبيب بريطاني مسلم ممتاز جدا بعد ولادتي الاخيرة وقالي اني اجلس سنتين بس وهذي كفيله بأنها تقوي الخياطه وبعدين اترك المانع واحاول احمل لانهم يخافون من الاتصاق عشان كذا اقولك اصبري على نفسك ست شهور واذا ماحملتي روحي لمستشفى ممتاز وسوي منظاربس عشان تتطمنين والحين اصبري وحاولي بس بالدورة تمشين على النظام واذا حملتي ان شاء الله بعد الولاده طبقي النظام كامل

سؤال: شرايك باللي تشرب منقوع المحلب والمرة يعني تنقع لها محلب مع مرة في بطل ماء .... وطوال الدورة تشربهم وهل المحلب ينشف ..... وما رايك في جند البوال ( وحده من البنات مدحته على الريق للنفاس )

منقوعه المحلب والمرة ممتازة بس في الايام الاولى قللي من المحلب وبعدين في الايام الخيرة كثري منه اما جندالبوال ما اعرفه .

سؤال: احب اسألك ايش رأيك في المسك مسح مجرى الدم به بعد الدورة لمدة ثلاث ايام ويقولون انه الرسول عليه السلام وصى به

اما المسك اذا كان الرسول صلى الله عليه وسلم ذكرة في حديث عاثشه رضي الله عنها. فأنا ما اقدر اقول أي شيءلان الله سبحانه وتعالى قال (وما ينطق عن الهوى) سورة النجم
سؤال: بغيت اسالك عن الرشاد مع السفوف في الايام الاخيره من النفاس لازم اطحنه ولا احطه كذا حب
انا احترت انتي تقولين الحلبه الايام الاولى من النفاس بس وناس كثيره تقول لا الايام الاولى ماتصلح لازم نستخدمها بعد عشره ايام من بدايه النفاس
امي حذرتني من المحلب تقول لاتستخدمينه لانه يجيب الشمم ايش رايك عزيزتي فيافي انا محتاره ابي الزين واحترت
السفوف لازم طحن ناعم اومجروش يصلح

الرشاد في السفوف في الايام الاخيرة حطيه بدون طحن.
لا الحلب في الايام الاولي وكوني على ثقه ويعلم الله الذي لا اله الاهو اني اقول ما عرفته منذو عقود وهو يخرب في الايام الاخيرة لانه يرخي الارحام ما يشده والمطلوب شد الارحام بعد الترهل اللي تعرضت له بسبب الولادة او الدورة.
اما السفوف تطحنينه ناعم قدر المستطاع.

سؤال: بعض الادوية اللى يسوونها جماعتنا تكون صفرة . اقصد حاطين كركم عليها. اشرايك هل الكركم له فايدة وكم المقدار المناسب؟؟ انت مدحتى الماش. بس شنو معلوماتك عنه؟؟ شنو فائدته.ينظف؟ ينزل البلاوى ( عزك الله)؟؟وبعدين انا سمعت ان فى حريم يجطون مع الادوية ترمس مطحون او حب بس امى تقول لا هذيلا يغشون لانهم يبون ادويتهم تنباع بالغالى لان الترمس يثقل الادوية.يعنى لما توزن تطلع ثقيلة العلبة فتستفيد او لما تحطها بكيس تترس الكيس.انت تستخدمينه؟؟

الكركم له فوائد يقولون عجزنا انه ينظف الكبد والمرارة بس مااعرف وماعمري استخدمته بعلاجاتي.
اما الماش ممتاز يجبر الكسور ويكثر الدم ويقوي العضلات ويشدها.
اما الترمس مو زين ينفخ الامعاء وكثرته تجيب القولون.

سؤال: ماهو مقدار الملح الفارسي في التحميلة التي ذكرتيها؟
هل من الأفضل إستخدام الأرطأ مطحون أم لا ؟
ماذا عن بخور النفاس عندما أردت أن أوصي أحد الأقارب لشراء هذا الأغراض أعطاه العطار بخور نفاس هل هذا مضر ؟
وماذا عن قشر القهوةهل هو ضروري ؟
وبعدين أنا متخوفة من كبو الهوالأنه يستخدم كبخور وأنا خايفة منه لأنها مناطق حساسة طمنيني الله يعافيك ويبارك لك في عيالك
كذلك أنا لي الآن بعد الولادة خمسة شهورهل ينفع أستخدم النظام الغذائي وماقلتي كله لأنه الدورة ماجائتني إلى الآن كذلك وحدة من قريباتي عندها ورم غلى يسار جدار المهبل هل لديك علاج طبيعي لهذا الشيء وماذا تعتقدين السبب هل من كثرة الولادات لأن هي ماشاء الله عليها عندها سبع عيال وعمرها 33 سنة ولا سوء عناية بنفسها كذلك يوجد عندها إلتهابات حول عنق الرحم عبارة عن كتلة جامدة إفرازات صفراء

والله انا ما اتقيد انا بمقادير اقدر تقدير ولكن ممكن انك تقلقين المرة او تزيدين الملح او العكس (م.ك مرة+م.ك محلب+ فنجان قهوه ملح) وتعجنيها بعسل وتكورينها وتخلينها بمكان فيه تيارات هواء لمدة يومين وبعد ماتنشف تستخدمينها.
عادي ممكن تطحنينه او تخلينه على شكله لانك راح تطبخينه مع الماء.
اما بخور النفاس(الكبو) انا اعطيت المكونات وممكن انتي تكونينها اما اللي جبتيه اخاف يكون معاه اشياء تخرب واهم شيء اذا كان معاه شيء لونه احمر زي الخرز سيليه مو زين.
ممكن تستغنين عن قشر القهوة.
اما ولادتك مايضر انتي سوي النظام اذا حاسه انك محتاجته لمدة اربعين يوم وخلال هذي الفترة عيشي حياتك طبيعي بس انك تمنعين نفسك عن الممنوعات وتاكلين الادويه.
اما قريبتك ما اقدر اقولك شيء الاعلى نوع الورم والافضل تروح للمستشفى اما اذا كان اكياس مويه فعليها بمغلي عشبة (الجنبه).

سؤال: من خلال خبرتك بالأعشاب ومعرفتك لهاأنا مشكلتى شعري قليل ويتساقط وخصوصا مكان الغره اللي فوق الجبهه خفيف مرررررره لدرجة إنها تعكس نور اللمبه والشمس

بالنسبه لشعرك:
سوي طريقة الاخت مايا الحلبه والثوم روعه لكن استبدلي زيت عافيه بزيت السدر او اللوز وممكن انك تأخذين جرجير عادي وتحطينه بزيت اللوز لمدة اسبوعين بعدين تفتحين العلبه وتستخدمينه مرتين بالاسبوع ومرتين حناء القصيم الاصلي

سؤال: اريد علاج لبداية الدوالي وانتفاخ تحت العين والالتهابات النسائية ان امكن

بالنسبه للدوالي ما اعرفله شيء وانتفاخ العين سمعت عن الخيار ان زين وانا ما ادري والله اما الالتهابات النسائيه افضل شيء لها العلاج عند طبيبة نساء واخذ مضاد مع مغلي جنبة البر وكمون

سؤال: أنا فروة رأسي دائما تعرق بس لو أمر على مكان مو بارد وأرجع تقولين هاذي توها متسبحه والله إن العرق يصب لدرجة إني أستحي من الناس ياليت ألقى العلاج وإذا ماتعرفين الله يخليك إسألي ..

انا كنت اعاني من نفس المشكله بس الحمدلله تغلبت عليها بالحناء كنت احطه يوميا على شعري والحمدلله راحت القشرة والتعرق والطريقه اني اعجن الحناء بالماء والزبادي واتركه خفيف واحطه على شعري وهو مفكوك لمده ساعتين باليوم في الفترة اللي تناسبني ولا اعطلع فيها بعدين اغسله بمويه بس وبعد ماينشف ازيته واخليه نص ساعه ثم اغسله بالشمبو المناسب وخلاص.

سؤال: قلتي( مفكوك)وش تقصدين فيه؟ أنا فروة رأسي دهني مايضره الزبادي؟ ماتعرفين أشياء نحطه مع الحناء تغذي وتكثر الشعر؟ وش الزيوت اللي تنصحينا نستخدمه للفروه الدهنيه ؟ إذا تعرفين شامبو يناسب الفروه الدهنيه؟

انا اعطيك تجاربي الشخصيه انا عندي اكزيما من شدة انه شعري دهني لدرجة اني كنت ماصبغ ابد شعري الا بالون البني الغامق المهم اني بعد ما استمريت على الحناء والزبادي الحمدلله صار تمام وانا اخلط الحناء بالزبادي عشان يتعادل جفاف الحناء مع ليونة الزبادي وقصدي (مفكوك) يعني تتركين شعرك بدون ربط على شكله مع انك راح تتضايقين من الحناء اذا نزلت على رقبتك بس طنشي.
اما الزيت انا استخدم كل الانواع بس ماأخليها تطول نص ساعه وبالكثير ساعه اما شامبو اللي استخدمه انوع ما اثبت على شيء عشان شعري مايتعود على نوع بس اكثر شيء استخدم سنسلك بالليمون.

سؤال: اختي فيافي صديقتي لها شهرين والده وجتها الدوره في نهاية الاربعين وبعد ماطهرت صار ينزل عليهابعد المعاشره دم خفيف وانتي بكرامه وشوية نجاسه والم ومغص في ارحامها وهي في غربه وضايق صدرها ولا تدري وش تسوي وامها تقول لها انك ماتنفستي زين وتبيها تنزل للسعوديه علشان تنفسها عدل. وانا صراحه ماقد سمعنا بهاالشي ابد ولله الحمد فياليت القى عندك الحل لانها مره تعبانه نفسيا ومبين عليها

اذا الوحدة ما طهرت بعد الاربعين يكون بالغالب انها ما اعتنت بنفسها انصحيها ولا تكون نفسيتها عدم ولا شيء مجرد نظام وتمشي عليه والحمدلله هذي امراض نقدر نعالجها بس تبي منا العزم, واذا كانت والده بعمليه فطبيعي ماتطهر بسرعه.

سؤال: حبيت اسئلك عن شرب الماء اثناء الدوره وهل يمكن ان نلهمه مع اللهوم فى ناس يقولون لازم تلهمون باالكمون او شى اعشاب ولازم مانشرب الماء نهائى باالدوره وانا مااستغنى عنه سؤاء بارد او دافئ

الضرر في شرب الماء هو احتباس السوائل وغير كذا اذا كان بارد لذلك مافيه مشكله من شرب الماء بس لاتكثرين يعني مو كل دقيقه اما اللهوم الافضل تلهمينه بمغلي اعشاب او كمون.

سؤال: ((سؤالي الاول ...الاشياء اللي قلتي عليها ما تسبب امساك (اعزك الله)
واذا كانت تسبب ممكن افطر على برتقاله على فكة الريق؟
سؤالي الثاني...اختي فيافي كاتبه في مقادير شاهي الاعشاب نص كيلو ميرميه ..وباقي المقادير كلها على نص كوب نص كوب ...هي فعلا تقصد نص كيلو ميرميه ولا كتبت كيلو بالغلط..يعني انا اخاف قصدها نص كوب ميرميه نفس الشي؟
سؤال آخر خلطه اول ثلاث ايام قلتي سفي مقدار 2 ملعقه من كل نوع مع كوب ماء ولا حليب
يعني شنو سفي ,سامحيني مافهمت الخلطه مطحونه احطها في كوب الحليب واشربها ولا اغليها مع كوب حليب وبعدين اشخله واشربه؟

بالنسبه للامساك عشان كذا قلت منقوعة العنزروت كل يوم نعم كيلو ميرميه لانها تساعد على طرد السوائل المحبوسه اما السفوف هو نفسه اللهوم تخلطين المقادير وتطحنيها وتاخذين ملعقه او ملعقتين وتبلعينهم ناشفات وعشان يروحون تشربين عليهم كوب الحليب ان شاء الله وضحت.

سؤال: استخدمت نظام الاعشاب من أول ايام الدوره ولكن حبيت اسألك عن عشبه وهي ( حبه حلوه) سألت عطار خبرته أكثر من 20 سنه وقال هي نفسها الينسون فأرجو منك ان تصفي لي شكل الحبه الحلوه حتى اعرف شكلها عند العطار؟؟؟
وبالنسبه للغسول هل هو من أول ايام الدوره وحتى في الايام العاديه يستخدم ؟؟؟؟ ويااختي فيافي كبو الهوا يستخدم في آخر ايام الدوره ؟؟

الحبه الحلو تأكدت انها الشمر مو اليانسون والغسول من اول يوم لاخر يوم وكبو الهواء بس في الايام الاخيرة.

سؤال: انا قمت بجمع كل الخلطات بس عندي مشكلة وهي اني حطيت الحبة حلوة قهوة عربية زي ماقلتي في بداية موضوعك وبالاخير قلتي انه شمر و الله توهقت عشان انا خلطتهم و قضيت هل لازم اعيد الخلطة ولا خلاص ايش رايك انقذيني

انا قلت القياس (فنجان قهوه حبة حلوه) مو معناه انك تضيفين قهوة عربيه وانا عرفت من البنات وبعدين تاكدت انه حبة الحلوة هي الشمر ياليت تكونين فهمتيني وياليت تحاولين تقرين الموضوع مع الردود يمكن يوضحلك اكثر.
اذا القهوه مو محموسه (خضراء ) كبي كل الادويه اللي خلطتيها معاها اما اذا كانت محموسه ماراح يضر بس لاتعيدينه مرة ثانية.

سؤال: جاراتي يقولون انهم وقت الاربعين يتنقعون في الدباغ.. هل سمعتي عنه وهل هو كويس اولا
وبعد يقولون انه يستخدمون خلطه يحطونها مع المرقوق والمعكرونه يسمونها الحوايج انا مررررررررررره ذقتها معهم طعمها حلو ولونها اخضر هل اتعرفين مكونات خلطه زي كذا نحطها مع الاكل ولا يكفي السفوف وشاهي الاعشاب؟

الدباغ حلو وهويغني عن الارطاء بس انا ماذكرته لاني افضل الارطاء والدباغ يسمى (العرن)وهونبات ينبت في الجبال.
اما الحوايج اللي تقولين فيه لون اخضر هذا (ماش) النبات اللي سبق وتكلمت عنه وفيه بعض النساء تخلطه مع الاكل وهذي مقاديره(ماش ,حلبه,حبة سمراء حبة حلوة,كمون,لوبياء حمراء صغيرة).

سؤال: بغيت اسالك هل العشبة هى نفسها المسيكة؟؟؟ لان عندى بخلطة امى حقة النفاس عشبة ولما سالت العطار قال ما عندى وما اعرفهاواللى اعرفه ان المسيكة تنشرب مع الحليب. شرايك اخلط المسيكة مع الادوية بدل العشبة. ناطرة اجابتك وعندى سؤال بعد وين احصل الارطا بالكويت او بالسعودية خصوصا الرياض والمنطقة الشرقية

والله مدري وش تقصدين بـ(المسيكه) المهم النبته اللي تحطها لكم امكم اذا متعودين عليها لاتغيرونها
اما الارطاء اكيد بتحصلينه بحفر الباطن اذا تقدرون تمرونها لانها هي اقرب شيء للشرقيه والكويت واهلها بدو وبيعرفونه على طول وهو ينبت بالنفود عندهم وانصحك تروحين لسوقهم الشعبي وتسألين عنه عن اكثر من عطار لحد ماتتأكدين من انه نفس النوع المعروض لك يعني مايختلفون اذا عرضوه لك


سؤال: ممكن اذكرلش اشكال الاعشاب اللي عندي عشان اتأكد منهم
شيح :اوراق صغيرة جدالونها باهت وفيها اعواد صغيرة وزنه خفيف
نونخة : حبوب تشبه الينسون على اصغر شوي
ارطا :اعواد ناشفة بدون اوراق لونها يميل للبني المحمر
قيصوم : اوراق صغيرة وحبوب متوسطة واعواد واللون بني فاتح ولما تنطحن تسير مثل لون الرمل
حزاة: اعواد فاتحة اللون (ابيض مخضر قليلا )وفي شوية اوراق صغيرة
حب الرشاد : حبوب صغيرةاكبر من السمسم شوي ولكن حمراء واثقل من السمسم
وابي اعرف كيف شكل الحلتيته هل هي كتله متماسكه لونها بني غامق محمر
والصبره ايضا هل هي قطع صغيرة لونها بين الاصفر والبرتقالي
والحبه الحلوة كيف شكلها هل هي نفسها الينسون
والمره سألت عنه وقال لي العطار ان هناك انواعواسمها مر سوقطري (من اليمن ) ومر عادي ولكن السوقطري اغلى بكثير عن الثاني وهو شكله كقطع الحجارة المتكسرة الصغيرة كاللتي تستخدم في البناء والنوعين متشابهين جدا
اتمنى ان لا تنسي اي واحد يا عزيزتي فقد بقي المره والصبرة لم اشتريهما والدورة بعد يومين تقريبا موعدهاواود التجهيز بسرعة

كل اللي ذكرتي وصفهم صحيح ماعدا القيصوم اما الحلتيته هي الكتلة البني لونها والصبره هي اللي تجي قطع كبيرة وبعضها مسحوق لونها بني وطعمها مر لها ريحة غريبه. اما المرة تكون زي الحجر الضغير ولونها بني فيه لمعه شفافه

سؤال: المسيكة عشبة لونها اخضر اسمع انها تنشرب مع الحليب والحريم يلقطونها من البر بس اللى امى تستخدمها عشبة.اسمها شذى بس متى ما رحت لها اباسالها عنها لانى ابسوى روحى ظفرة وبجيب ادويتى بنفسى هالمرة بس توهقت بالعشبة.مالى غناة عن الوالدة مع انى ما ابى اتعبها واعنيها واخليها تجيب ادويتى وتلقطها ووووو انت عارفة الباقى. بس صج فيافى انت تغسلين الاعشاب بعد ما تنظفينها والا بس تلقطينها؟؟؟

بالنسبه للاعشاب استخدمي اللي تعودتي عليه مع الوالدة الله يخليها لكم وانصحك اذا رحتي تجنين معاها الاعشاب تصورينه وتحتفضين بالصورة للحاجه وان شاء الله انا بسوي كذا هذي السنه اذا جاء موسم الربيع.اما انا اذا جنيت النباتات اغسلهم وايبسهم في الهواء على صحن بس اغطيه بقماش (شيلة العجايز) لانها اقرب شي للشاش وتسمح بدخول الهواء وبعدين عند الاستخدام اغسلهم مرة ثانيه.

سؤال: لي صديقتي تزوجت وتتطلقت بعد اسبوعين والان هي مخطوبة لرجل اخر عزابي وهي حابة انها ترجع بنت هل يوجد امكانية اخت فيافي من خبرتك الطويلة

قولي لصديقتك مافيه شيء يرجع الوحده (عذراء) اذا هذا قصدها ولكن اذا هي استخدمت العلاج قبل زواجها بفترة كافيه راح تشوف بنفسها الفرق بعد الزواج وخاصة اذا لم تنجب

سؤال: أنا سيده متزوجةلمدة خمس سنوات ولم ارزق بأطفال وبعد الفحوصات لم يتبين اي مانع للحمل ولكن مشكلتي هي عدم انتظام الدوره وان انتظمت لمدة معينه فتكون خفيفه جداجدا وتطول مدتهاومتقطعه واحيانا تكون على شكل كتل او تغيب عني لمدة شهر اواثنين ، وايضا اعاني من انتفاخ المعدة اثناء الدوره واحيانااشعر بألم شديدعلى المبيض الايمن وكانها طعنة سكين ولا اخفيك ان احدى قريباتي اوصتني بان اكل تمرة على الريق واضع وسطها حب رشادلمدة ايام الدوره ففعلت ذلك ولكن عندما جاءتني الدوره التي تليها اتعبتني جداجدا وكانت الدوره غزيره جدا كما لو انني تناولت حبوب تنزيل الدوره وتنظيمها التي لم تفدني في شئ فأرجو افادتي

شكلك عندك فقرة من يومك بنت يمكن كنتي تاكلين او تشربين بوارد وقت الدورة واللي خلاني اقول كذا شدة الالم اللي تحسين فيه مع نزولها لما اخذتي رشاد العلاج استخدمي النظام السابق وركزي على التمرة مع الرشاد والسمن واول يوم من الدورة خذي فنجال حبة سمراء+فنجال مرة واطحنيهم وحطيهم على نص كيلو عسل طبيعي وخذي ملعقه على الريق راح تلاحظين الالم بيزود بس لاتخافين بعدين يمكن ينزل منك دم كثير لاتخافين ويمكن اول شيء بينزل زي التراب ولونه اسود اذا تبين الحمل بعد ماتسوين النظام كل دورة ركزي على الحلب وبار النخيل مع العسل وانا ذكرت طريقته بأكثر من رد اتمنى اني افدتك وياليت تعلميني بأخبارك مع العلاج وهل حصلك نفس اللي قلت لما استخدمتي الخلطه السابقه.

سؤال: انا مره اصير ضيقه وزوجي يستانس ومره اصير مو مزبوطه خير شر ؟؟؟ انا بامشي على النظام ****لله اذا جاتني الدوره ؟؟؟؟ بس الحين وش اسوي انا متضايقه مرررره ابي الدوره تجي وعلى فكره انا احس ان عنق الرحم عندي مرتخي وش الحل انا اسوي تمارين كيجل(شد المهبل)بس احس انه مايفيد
وعندي سوال ثاني انا بين فتحه المهبل وفتحه الشرج 0(الله يعزك)خياطه الولاده احس انها ماهي مزبوطه مدري ليش مع اني اول ماطلعت من انفاس(قبل سنه) كان مزبوط ياليت تساعديني
هل اقدر التحاميل اسويها من ملح وعسل بس؟؟؟؟ وترى الملح ناعم مايوجد خشن والله يوفقك ****لله

اللي تمرين فيه طبيعي جدا لان المرأة تمر بكثير من العوامل لاتخافين وبالنسبه لتمارين الكيجل كانت معروفه عند نساء العرب منذو قديم الزمان وكانو يسوونها النساء بعد الخروج من النفاس او الدورة واللي تضبطها هذي مهناتها ممتازة جدا وانصحك تستمرين عليها اما اكليل الجبل (العبيثران) لاتستخدمينه وانتي نفاس اوحائض لانه يجيب الشمم اما البابونج(القريص) لاتستخدمينه لانه يسبب ضعف في المبايض

سؤال: بغيت اسأل التحاميل لازم اسويها بعسل طبيعي ولا عادي من البقاله ولازم احطها بالثلاجه وهل تخرب اذا طولت والملح لازم خشن يعني مااطحنه 000000000000ملح عادي ولا فارسي
صديقتي تسوي تحاميل مكونه من: خوا جوا، ملح فارسي، مره ، قشر رمان، ايش رايك فيها
والمردود تعرفين مكوناته شنهي ودي اعرفها

لا التحميلات تكون حارة على الارحام اذا كانت بس ملح والعسل طبيعي احسن واذا سويتيها ماتوضع في الثلاجه خاصه اذا نشفتيها والافضل ملح خشن وممكن ملح طبيعي او الملح الفارسي. اما وصفة صديقتك مافيها شيء اذا تبين تسوينها

سؤال: أنا ابي اقولك مشكلتي أنا متزوجة من ثلاث شهور ومشكلتي أني ما عندي أي أحساس بزوجي في وقت الجماع هل هذا يعني أني مريضة
الشيء الثاني هل من الضروري أن المرأة في وقت الجماع تخرج منها إفرازات مهبلية كثير ؟ والي إفرازها قليل جدا هل تعتبر مريضة

اولا انتي لسى عروس واعتقد انه طبيعي اللى تمرين فيه مع الخجل ولكن اذا حسيتي انه تعدى المعقول الافضل لك الذهاب لطبيبه متخصصه اما عدم خروج افرازات فهذا يختلف من واحده الى اخري وخاصه ايام الزواج الاولى ولكن اذا كانت الافرازات كثيرة جدا فهذا اللى موطبيعي

سؤال: بالنسبة للحبة الحلوة كيف شكلها الي اشتريتها من عند العطار مثل الفلفل الآسود بس كبيرة
وفي موقع الاعشاب شفت صورتها غير

حبه الحلوه هي الشمر واذا تبين تعرفينها زين اشري شابورة تسالي(السعوديه) وراح تلقينها لونها اخضر وطعمها فيه لذعه وحلو ولها نكهه طيبه.

سؤال: بغيت اسالك الحريم لما يخلصون من الولاده يتعطرون علشان مايضررون ايش رايك مايضر الارحام

هلا وغلا فيك الحريم بالعادة اذا يروحون يولدون يتعطرون عشان يأخذون حمايه من الشمم ولكن انا انصح انك اذا بغيتي تولدين ماتكثرين العطور يعني بس ريحه بسيطه عند انفك لانك ممكن يكشف عليك اطباء لاسمح الله (كعمليه او غيرة) ايضا ممكن تضرين غيرك من الحريم اللي ماتعطرو.

سؤال: بخصوص العنبرية ايش مكوناتها الله لايهينك ابيك تردين علي لاني شريتها من عند العطار و اسمه الكوثر بالعنبرية و المكسرات وهذا يقول زين لتسمين الوجه وانا خايفة يكون فيها حلبة ويخرب الواحدة

والله ما اعرف العنبريه


سؤال: عندي كم سؤال انا يوم جبت بنتي من ستة شهور الى الان لم تنزل علي الدورة مع العلم اني ارضع طبيعي فما السبب
الثاني اني وانا في النفاس استخدمت شي من عند العطار عشبه اندونوسية اسمها السوبر يقول انها للمهبل وو...
اذا تعرفيها ايش رايك فيها
الثالث بنتي عمرها ست شهور ووزنها ضعيف ابي شي يخليها تسمن وتزين صحتها

اذا الدورة لم تنزل معك وانتي ترضعين فأنتي من نوعية النساء الواتي لاتنزل معهن الدورة اثناء الرضاع يعني طبيعي لاتخافين واذا تبغين تتأكدين روحي لطبيبة نساء وراح تقولك المبايض عندك غير شغاله عشان الرضاع اما العشبه الاندنيسيه فأنا ما انصح بأستخدام اي شيء لم يجرب على الاقل لمدة مائه عام ونحن لانعلم نفعها من ضررها.
اما بنتك عشان تزين صحتها عليك بالمحلب اطحني 100غرام محلب + سكر نبات واعطيها باليوم ملعقه
ايضا موممكن تتصورين فأدة العلاج التالي يزين الحال ويعطي قوة وعلى قولة عجزنا الاولات يطلع المرض من الظفور وهو (م.ص رشاد+ علبة زبادي) كل يوم وبتشوفين الفرق .

سؤال: الوصفة اللي قلتيها ممكن اعطيها بنتي عمرها ست شهور

ايصلح لبنتك اعطيها منه

سؤال: بغيت اسالك 100غم محلب كم تطلع؟؟ انا عندى محلب بس مو عارفة هالمية شكثر تطلع ملعقة او فنجان او كم يا ترى. وفاجاتينى بالعلاج اللى قلتى عنه( رشاد وروب) لاول مرة فى حياتى اسمع عنه. ينعطى للكل كبير وصغير؟؟ وعلى الريق والا عادى باى وقت

تقريبا بالقياس 12 م.ك. المحلب والسكر لاتكثرين بس اللي يحليه.. اما الرشاد ممتاز وخاصه لحالات الاسهال بعد للاطفال ويصلح للكبار والصغار

سؤال: بالنسبه للتحاميل سويت مجموعه كثيره وحطيتها بالفريزر من شهر بعد مانشفت يصلح استعملها الحين ولا خلاص ما تصلح؟

ممكن انك تستخدميها الحين عادي ماتخرب وبعدين مو لازم تحطينه بالفريزر لان تعريضه للتجفيف تحت الشمس مع العسل الطبيعي يمنع خربانه

سؤال: ودي اخذ رايك بهالكبو اللي صار لي كم يوم استخدمه (خواجوا،مرة،كمون،فلفل الهوا) مشكلتي ان امي تقول لي لا تتبخرين بالمرة(عشانهاتصفق) وش رايك؟؟؟؟؟
بعدين وش احسن وقت اتبخر به(انا بصراحة اتبخر في غير الدورة يصلح والا لازم تكون علي؟؟؟)..

الكبو حلو استخدميه والافضل وقت الدورة عند النوم المرة تبخري فيها مخلوطه مع ادويه اخري مثل ماسبق وقلت ولاتكثرينها كأنها معمول لا بس شوي ولعلمك ماتضر ابد لاتخافين

سؤال: مشكلتي والتي اعاني منها منذ فتره ولكن وللاسف مشكلتي الاكبر اني لااستطيع
التداوي بهذه الاعشاب
طبعا بتساليني لماذا ؟ ؟ وجوابي بحد ذاته مشكلتي التي اقاسي منها الامرين وهي اني في فترة النفاس علي بنتيني ال2 ينتشر بجسمي حساسيه غريبه وكنت يوميا استعمل ابر ضد الهرش ومراهم وزيت مقري فيه فاحيانا تختفي ولاكان في شئ واحيانا تزيد علي المهم علشان مااطول عليك منعتني الطبيبه من استخدام الاعشاب والملح والمرة وكل شي بالرغم انه لم يتضح من التحاليل الشامله أي شئ بل على العكس طلعت جميعها ولله الحمد سليمه والغريب اني بعدها اتعافى ولكن بعد فوات وقت الاهتمام بنفسى وانا الان وانتي بكرامه علي الدوره
واستخدمت التحاميل الي قلتي انتي عنها وللاسف رجعت الحساسيه من جديد وكنت قد تركتها قبل 7 اشهر من اخر نفاس لي علي بنتي الثانيه . .... برايك يالغاليه هــــــل ممكن الاعشاب وخاصة المره تسبب الحساسيه؟ ؟ ؟ وايضا ابنتي الاولى تظهر فيها نفس الاعراض وعمرها 3 سنوات..واذا كانت تسبب الحساسيه فما الحل بالخراب الي هومشكلتى الاولي....... اسعفيني بالحل

والله مشكله ولكن انا انصحك انك تحاولي تجربي بكل نوع لوحدة يعني مثلا تجربي الحلب اذا سبب
لك نفس المشكله تحذفينه ثم الكمون ثم الرشاد يعني الحين هي تعرف ان المرة تتعبها خلاص تتجنبيها مع اني اول مرة اسمع انه احد يتضرر من الادويه الشعبيه (الحساسيه) لكن عليك بالرقيه الشرعيه

سؤال: أول مره أسمع عن تمارين الكيجل كيف أسويها؟؟

تمارين الكيجل مو صعبه وسبق اني قلت ان النساء الاولات كانو يسوونها اذا طلعوا من النفاس عشان يتأكدون هم تمام ولا لا وراح اشرحها في وقت اخر ان شاء الله

سؤال: الله يعافيك ويفرج لك كل كربه اشرحيها لي الحين لااني والده قبل شهر وابي ارجع لبيت زروجي بعد اربع ايام وابي اسويهاواشوف اناتمام او لا؟

حاولي تحبسين نفسك عن البول(الله يكرمكم) لحد ماتوصلين حدك يعني ماتقدرين تتحملين بعدين اثناء التبول حاولي تمسكين نفسك يعني تمنعين حدوثه وتسوينها وراء بعض يعني تمسكين نفسك وبعدين تتركينها اذا قدرتي تمنعين نزول البول اثناء المسك فأنتي تمام ولكن اذا كان فيه تسريب لا , هذي الطريقه للمبتدئه بعدين اذا ظبطتيها تقدرين تسوين الانقباض في اي وقت حتى لو كنتي مو حشرانه وهي ممتازة للتضويق(تمارين للمهبل) ارجو اني وضحت واسترو ما واجهتو


تمارين كيجل


فى البدايه كانت هذه التمرينات التى وصفها الدكتور ارنولد كيجل استشارى امراض النساء والولاده لعلاج النساء اللاتى يعانين من سلس الحذق( هروب بضع قطرات من البول اثناء اى حذق او عطس او ضحك..) وخاصه بعد الولاده وكان الغرض الاساسى تقوية عضلة التحكم بالبول وبعد مده من التطبيق اخبرته العديد من النساء اللاتى يتابعن هذا البرنامج انهن اصبحن يمارسن ويتمتعن بالجنس بشكل افضل من ذى قبل وبشكل ملحوظ ولما تحرى هذه الملحوظه وجد ان اكثر من 70% منهن قد لاحظ ان الاداء الجنسى لهن تحسن جدا وذلك من حيث الوصول للنشوه والاثاره والاندماج وبعد نشر هذه التمارين وجد ان نفس التأثير لوحظ لدى الرجال! وتبين ان هذه التمرينات تزيد من تحسن الدوره الدمويه فى الحوض وان تقوية العضله المتحكمه بالبول يساعد الرجل على تأخير القذف بشكل واضح كما انه يحسن من الانتصاب فى حالات الضعف البسيطه لدى البعض وان مجموعة العضلات التى تقوى بهذه التمرينات هى نفسها مجموعة العضلات التى تنقبض اثناء النشوه لدى الرجال والنساء على حد سواء ومن هنا بطل العجب


وصف التمارين


تخيل نفسك تتبول واثناء التبول اردت فجأه ان توقف تيار البول( دون ان تستعمل يديك) انك تعصر العضله تقبضها هذه العضله تتحكم بخروج البول . هذه العضلات التى اعطيت لها الامر بالانقباض هى المقصوده بهذا التمرين : هناك عدة طرق لاداء ذلك سنختار اثنان منها الطريقه الاولى: الضغط(كأنك توقف البول) والارتخاء بسرعه من 10-20 مره متتاليه ثم راحه لمدة دقيقتين ثم ادائها مره ثانيه ثم راحه نفس المده السابقه ثم ادائها مره ثالثه ثم اداء كل ذلك 3 مرات فى اليوم لمدة 3 اسابيع على الاقل, الطريقه الثانيه: افضل وذلك بالضغط(كأنك توقف البول) وتستمر فى ذلك وانت تعد حتى 10 ثم الارتخاء نفس المده ثم الضغط نفس المده وتكرار ذلك 3 مرات وتكرار كل ذلك 3 مرات باليوم لمدة 3 اسابيع على الاقل وينتظر ظهور نتائج ايجابيه خلال اسبوعين من بداية التمرينات


سؤال: لقد طبقت الادويه في فترة الدورة والحمد لله والشكر له ثم لكي .. لكن سؤالي .. هل تظهر رائحة الادويه عند الجـ....!!!!
لقد سمعت ان هناك حديث عن عائشة تحث امراة عند الانتهاء من الدورة بان تتتبع اثر الدم بالطيب ... كيف ذلك ..؟

ريحة الادويه ماتطلع اذا كانت المدة طويله بس التحميلات اذا قبل بليله تبين بس انتي وشطارتك عشان تروح وعلى كل حال هي ريحه موقويه يمكن انتي بس تلاحظينها
اما الحديث السابق ياليت نسأل عنه رووما وتشرحه لنا لاني حتى انا مو عارفه شرحه.

سؤال: حبيت أسأل عن تساقط الشعر. أنا حامل بالشهر الثالث وشعري يتساقط بكثثثثره. قلت يمكن عندي فقر دم كالعاده . رحت للطبيبه وقالتلي انه ماعندي والحمدلله لاني اخذ حبوب حديد.وودي الله يعافيك أسال عن الادويه اللي تكلمتي عنها وش اللي يصلح منها للحامل؟وش رايك بالحبه السوداء لان معدتي دايم تغثني.

والله ما اقدر اوصف لك اي دواء شعبي وانتي حامل لان هذه الفترة متعبه واخاف انه بعض الادويه تسبب لك شيء مو زين

سؤال: ابي اسالك عن ولدي الصغير عمره 3شهور ونص واحس انه داخله بردلانه اذا سواها الله يكرمك يكون شبه سائل ولونه اخضر سامحيني بس والله مضيق صدري واذكر امي تقول هذا علامة انه داخله برد ومعه كحه خفيفه واحس ان عنده بلغم واحيانا اذا صاح اسمع له صوت زي الشخير من خشمه ومعه بعد زكام ماادري وش اسوي ليه هل المره تنفع والا الرشاد والا امرخه بزيت دافي والا وش الحل ؟؟؟

بنتك شكلها فعلا متعرضه للبرد ولكن هل مع التخريج زي الصمغ ولزوجات اذا كذا فهذا برد داخلها عن طريق رضعه بارده لانه تخريجها لونه اخضر مو ابيض العلاج اعطيها شوي عنزروت .م.ص. وخففيها في الصباح والمساء ورضعيها كمون مع سكر نبات وخلي الرضعه دافيه وادهني بطنها بزيت زيتون دافي مرتين في اليوم صبح ومساء وكتري عليها الملابس اذا انتم في مكان بارد او تنامون عند مكيف
اما الكحه فخذي كوب علك مر +لتر ماء وحطيهم في الثلاجه واعطيها ملعقة كبيرة مرتين بس بعد ماتدفينه شوي وخليه عندك في الثلاجه لك ولبنتك ولزوجك كلكم اذا تعبتو من غير شر عليكم اشربو منه

سؤال: انا جربت الادوية لكن السفوف على الريق والعصر فضيع طعمه وما ينبلع بسهوله وانا اخذ ملعقة واحدة متوسطه لأني اشعر بعدها بغثيان من طعمه المر وبعد منقوع العنزروت و---- مر فضيع لم استطيع شربه يمكن لأن المره ذابت فيه وطلعت طعم مر
اما التحاميل استخدمتها وانا اصلا كان عندي التهابات من اول فأحسست بحرقة رهيبه لكن ما كان في وقت اجهز التحاميل عشان تنشف رحت وخليتها في الفريزر عشان تجمد واستخدمت وحدة امس واليوم لم استخدم فشو رايش اكمل
والارطا اغتسل منه مره في اليوم والا كل ما ادخل الحمام ( الله يعزكم )
المره جابتلي واحده من السعوديه لونه احمر وفيه شفافيه شوي وقالت ان لما يكون اسود يكون قديم وله ريحه وطعم مر جدا
التمر مع الرشاد عادي لكن اي كميه مو مشكلة اذا شوي

التحاميل افضل شيء تستخدمينها دافيه يعني لاتستخدمينها مباشرة من الفريزر والا كانك ماسويتي شيء اما الارطا مرة في اليوم تكفي لاتكثرين وباقي اليوم مناديل التمر مع الرشاد كلي رغبتك اما الادويه اغصبي نفسك عليها لازم حتى لو طعمها مر تخيلي انا اذا شربتها احس ان كل شعره في جسمي توقف بس مو مهم اهم شي الصحه واسأل مجرب

سؤال: بغيت اخبرج عن اللي صار معاي بعد ما طبقت البرنامج لمدة أربعين يوم وفي نص الأربعين يوم جتني الدورة الشهريةوللعلم تره أول مرة تجيني من عقب ما ولدت (ولدي ألحين عمره سنة ونص ) بس أنا ما أنضبطت على البرنامج عدل عدل
المهم ان الأفرازات خفت بشكل ملحوظ فيه شوي بس مو كثر قبل والهوا بعد خف بشكل كبير المهم أني كنت أنتظر الدورة الشهرية تجيني مرة ثانية علشان أنظبط على البرنامج بس المشكلة أنها تأخرت ألحين أسبوعين
والحين أفكر أني أعيد البرنامج مرة ثانية لمدة أربعين يوم اشرايج

مايضر اذا بتعيدين النظام اهم شيء النتايج وانتي لاحظتي الفرق بس انتظري الدورة وطبيعي تلخبط معك الدورة اذا انتي ترضعين وماتستخدمين مانع واهم سيء تجنبي الجوع وعليك بالتمرة والرشاد

سؤال: فيه وحده من صديقاتي بتسافر لمدينه حائل وبتسكن فيها وتسال اذا كان فيه حرمه او مكان متخصص بالطب العربي تقدر تروح عنده...... او اي محافظه موجوده في حائل مثل /// جبه/// بقعاء/// الخطه/// اذا كنتي تعرفين فلا تبخلي علي
هناك الكثير من النساء المعالجات في حائل ولكن من الصعب اني اعطيك أي اسم لخوفي ان اسبب لهن ضرر وانتي عارفه الانترنت ولكن انا واثقه انها اذا سكنت في حائل فهناك كثير من نساء نفس المنطقه الشاطرت واذا سألت سوف يساعدنها ولكن سوف اعطيك بعض الاسماء التي نحسبها ثقه والله حسيبها (ام فهد) امرأة سمراء بحي السلام )ام بندر) شمريه بحي صديان الغربي (ام عمر) رشيدية بحي صديان الشرقي

سؤال: انا ماعندي عنزروت وانا في الغربه وش ممكن استخدم بداله؟ وزيت الزيتون وش رايك لو احط معه فلفل اسود او زنجبيل ؟؟؟؟؟؟
والسؤال الاخير علك المر هل هو اللبان اللي يباع بالكيلو ويجي كسر صغيره ولونه يميل للاصفر ؟؟؟؟؟؟؟

ادهنيها بزيت زيتون وزنجبيل بس لاتكثرين.. العنزروت مهمه ولا اعرف شيء يغني عنها
العلك المر مثل ماوصفتيه ولكن طعنه مر جدا ماينبلع من مرارته وهواللي يطلع البلغم

سؤال: أعاني من لخبطة الدورة من سنين وذلك لأنني لم أستخدم أي لهومات للدورة أو للنفاس.. هل النظام الغذائي وكذلك الأدوية التي ذكرتيها تصلح لي وأنا قد عملت خمس عمليات قيصرية ، وكذلك أنا أعاني من إفرازات كثيرة والدورة تستمر معي من 13 الى 14 يوم ولكن الأربعة الأيام الأولى يكون فيها دم عادي وبعدين تبدأ تخف يومين ثم تنقطع يومين ثم ينزل دم أسود لمدة يوم ونصف ثم ينقطع يوم ثم ينزل شيء لونه بني فاتح لمدة يوم وشوي ثم شيء اصفر ثم الطهارة وهكذا ثم بعد 15 يوم تأتي مرة أخرى 00
عزيزتي اذا ممكن تساعديني وتقولين لي اذا خلطتك تصلح لي وتخفف من أيام الدورة أي تقصرها وأنا راضية بما كتب لي ربي والحمد لله والشكر على كل حال ولكن قلت يمكن هذا مرض وسأبذل السبب كي أشفى منه باذن الله وأنا أنقهر اذا طولت معي في رمضان لأنها تقطعني عن الصلاة والصيام وأنا محتاجة لكل دقيقة في هذا الشهر الفضيل كي أعبد الله فيها 00
وكذلك أبسألك عن الملح الفارسي شكله مثل ملح الليمون ألا تعتقدين أنه حار على تلك المنطقة وهل جربتيه بنفسك يعني ما فيه مضاعفات وخصوصا زي ما قلت لك بخصوص العملية ما فيه خطورة

النظام الغذائي والادويه يصلح للعمليات القيصريه وانا جبت بقيصري واستخدمته وكل صديقاتي اللواتي انجبن بعمليات يستخدمن تقريبا نفس النظام مع الادويه وتوكلي على الله ولاتخافين ويعلم الله الذي لااله الا هو اني ما وضعت الا النظام اللي مفيد جدا ولا يضر طمع بدعواتكن ولعله من اسباب رضى الله عني
اما تأخر الدورة والتقطع هذا بسبب انك ماتنظفين زين من الدورة غير اكيد عندك لخبطه بالهرمونات ولكن سوي النظام واهم شيء راح اقولك على حاجه سويها قبل كل شيء اولا اول 3 ايام من الدورة اطحني (شبه سوداء+فنجان حلب) واخذي ملعقه صغيره على الريق مع كوب حليب وانا موضحه هذي الوصفه من قبل بأحد الردود مع الكميه وبنفس الوقت خذي الادويه السابقه وكثري المرة مع منقوعة العنزروت وان شاء الله اذا ما نظفتي بعد 9ايام فإنك باذن الله ستنظفين وتتعدل في الدورة القادمه ولا تيأسين استمري وراح تلاحظين ان الافرازات قلت اما الملح الفارسي لا يأختي مو زي ملح الحمض يختلف
وانا جربته ولكن اذا عندك التهابات لاتستخدمينه لحاله لازم معه المرة والمحلب وكوني على ثقه كل اللي حطيتها هي ادويتي انا وخواتي وخالاتي ونحن نستخدمها من قرون يعني طب متوارث.

سؤال: بالنسبة للسفوف في الايام الأخيرة من الدورة بس على الريق والا العصر مره ثانية (لا تقولين العصر بعد ) ماعليه على الاقل احسن من السفوف الاولاني ومنقوعة العنزروت لم اشربها وبصراحه لم استطيع ابدا مع اني اضفت لها السكر وشاي الاعشاب احطله سكر
ما عليه بعد ابي اسأل انا دورتي في العادة خمس اوست ايام ولكن هذه المرة اول ثلاث ايام نزل الله يعزش دم غزير وبعدين خف بسرعة لو اغتسلت اكمل باقي الايام على الادوية للايام الاخيرةللدورةمع العلم ان اليوم اول يوممن ايام الدورة الاخيرة مع العلم ان اول ما ياتني الدورة كان العصر وما حسبت هذا اليوم لأن كان شي بسيط يعني بديت ثاني يوم على انه اليوم الاول

السفوف لازم مرتين مرة الصبح ومرة العصر لازم عشان كل شيء يكون تمام اما منقوعة العنزروت ضروريه وحاولي تخففيها اذا ما تتحملين طعمها بس السكر معاها يشينها زياده كأنك تحطين مع الرز سكر اما شاي الاعشاب حليه بعسل طبيعي افضل اذا دورتك تغير وقته قل فهذا شيء زين يعني بدت تنظف وتتعدل واصبري لحد ما تتأكدين من مدتها الجديده بعد كذا ابدأي بتقسيمها الي نصفين متساويين واهم شيء احسبيها من اول يوم تنزل يعني على طول اذا نزلت ابدأي بالعلاج خذي شاي اعشاب وسفوف ومنقوعه عشان احسن لك.

سؤال: أنا خفت أستعمل أعشاب لأني ما أعرفهاوعن طريق ألأنترنت >>>>تخوف
الله يجزاك خير(طمنيني )أنا ليش خايفه ...لأن جسمي ضعيف هل ألأعشاب مالها تاثيرعلي ..لأن وزني 45 وقررت أستعملها لأن ألدورة متعبتي حيل ألألأم قبل ماتجي ولما تجي جسمي كله تعبان وظهري ماأحس فيه وبعدها بأسبوع تبدأ ألأفرازات،،وعلى فكرة أختي التوأم تعاني هي ألأخرى من الأفرازت..أعزك الله...

بالنسبه للالام استخدمي(مرة+حبة سمراء مع عسل) اول ماتنزل الدورة وراح تلاحظين ان الالم يخف لانه يمكن عندك سدد ولاتخافين توكلي على الله وكل الادويه الموجوده ان اخذتيها نفعتك وان تركتيها ماضرتك بأذن الله وامشي على النظام وانتي بتلاحظين الفرق وبتدعين لي.

سؤال: بالنسبة للآعشاب الي ذكرتيها انا جمعتها الشهر الي راح ولما جيت استخدمها هذا الشهر
لقيت فيها سوس ودود ابيض ماني عارفة كيف انظفها من الدود ارميها ولا ايش اسوي فيها
وانت فين تحفظيها في الدولاب ولا في الثلاجة

والله انا في منطقه باردة حتي بالصيف عشان كذا متتلف ادويتي ولا عمري حطيتها في الثلاجه الا منقوعة العنزروت اما المناطق الاخرى اللي فيها رطوبه الافضل حفظ الادويه في الثلاجه واذا السوس لعب فيها وانتي ماطحنتيها اذا ماعندك بديل غسليها واستخدميها اما اذا تقدرين تجيبين بديل كبيها.

عندي بعض الاسئلة ....
الاول : هل تغني ادويتك التي كتبتها عن مايسمى بالمردود اوالحوائج التي تصنعها المداويات والتي تتكون في بعض الاحيان من خمسين او ستين عشبه كما يقولون , سمعت ان هذا المردود الجاهز لابد منه لانه يعمل على تضويق المراة وعودتها كما كانت قبل الولاده ,, هل اتوكل على الله واشتري هذا المردود ام ان ماكتبتيه كاف ؟؟؟
هل الارطا له اسم ثاني ؟ ومافائدته ؟
بالنسبة للمحلب سمعت انه يشم الا يضر اذا وضع في التحاميل ..وهل يمكن ان استغني عنه ؟؟؟
بالنسبة للتحاميل ممكن اسويها واحفظها لمدة شهر او شهرين يعني ماتخرب ؟؟؟
ارجوك الرد سريعا لاني في بداية نفاسي واريد ان الحق نفسي ,,

انا ما ادري اذا انتي متعودة على هذا المردود ودايم تستخدمينه وما شفتي منه الا كل خير عادي استخدميه ولكن انا دايم انصح انه الوحده ماتأخذ شيء ماتعرف مكوناته واحسن شيء الوحدة هي تسوي علاجها بنفسها الارطا معروف ولكن ممكن تستخدمين بدله (العرن) بس مو زي الارطا وفايدته مطهر للجروح ويشد هذيك المناطق ويمنع تعفنها لانها تكون منطقه متضرره من الماء... اما المحلب ابدا ابدا مايجيب الشمم وبكيفك اذا تبين تستغنين عنه لانه ماراح يضرك بالعكس ينفع وله دور كبير بالتنشيف من الافرازات اما التحاميل ممكن تحفظينها لمدة عامين او ثلاثه ما تخرب وخاصه اذا عاجنتها بعسل طبيعي وانا الحين عندي تحاميل لهم اربع سنوات ماتغيرو كانهم امس مسويات

سؤال: ممكن توصفين لي شكل العنزروت

العنزروت شكله زي الاحجار الصفيرة جدا ولونها بين الاحمر والبيج او الحليبي وهي لزجه عند وضعها في الماء وطعمه مر.

سؤال: هل تعرفين الكرعم .. وصفته جارتنا نعمله زي التحميلة ووضعة في شاش وربطها وادخالها ..وبعد ساعة اخرجها اكرمك الله ..
وهل اكل الكيوي يسبب المويات فعندما وصفتة جارتنا على انة يزيد في نسبة الدم اكلت منة بكثرة لمدة يومين علما ان الدورة لم تاتي ..استمرت عندي المويات لمة اسبوع ولم تكن مويات عادية

الكرعم هل شكله زي المكسرات خفيف الوزن مختلف الاحجام لونه زي الفستق اذا هو فنحن نسميه(الكرمع) وينبت في شجر الاثل وهو شجر معمر ينبت قريب من المزارع ويستخدم(الكرمع) لتلوين الملابس في السابق وعندما كنا اطفال نجمعه ونبيع العلبه(الشوربا) بـ 5 ريال وهذا قبل 20 سنه ولكن في حياتي كلها اول مرة اسمع انه يستخدم كتحميلات لانه مجرد ملون ولذلك ما انصح باستخدامه.

سؤال: انا متزوجه من سنه وشوى وماعندى اطفال سويت تجربتين اطفال انابيب وقدر الله لها الفشل الحمد لله اليوم بس اخذت نتيجة التجربه الثانيه .. المهم الأدويه اللي استخدمها خلال فتره اطفال الأنابيب كثيره واحسها سببت لي مويه كثيره وصارمعي هواء خفيف وانا جالسه احس فيه بعد يومين راح تجيني الدوره ان شاء الله ياليت تدليني وش اسوي علشان اعرف

استخدمي نظام الدورة وحافظي عليه اكثر من شهر وهل الضعف اللي يحتاج الى انبيب معك ام مع الزوج على كل حال ياليت تجربين الحلب وبار النخل والعسل وسبق اني ذكرته

سؤال: انا متزوجه من سنه ونصف وما حملت عندي ضعف مبايض وهرمون الحليب مرتفع ما اعرف شوه الحل وانا اتعالج من 6 شهور تقريبا وما اعرف احد في بوظبي يدلني على وحده تعالج طب عربي وكيف اعرف اذا عندي انقلاب في الرحم او ميلان

المشكلات اللى عندك تكفي(ضعف مبايض+ارتفاع هرمون الحليب)
اكيد الطبيبه اللي تشرف على حالتك واصفه لك(الكلوميد) اذا كذا استمري على علاجه ولكن انصحك انك تجعلين الحلب هو رفيقك الدائم اذا تبين الحمل اشربيه كالشاي+وخذيه كسفوف وان شاء الله يكون حمل.

سؤال: بالنسبة للمر اللي عندي لونه مايل للأحمراو البني الغامق وقيل لي انه لونه اسود لما يكون قديم وطعمه مر جدا اما الشكل اللي عرضتوه شفته عند العطار لكن كيف يتم طحنه كأنه حجر
وما عليه على عندي بعد سؤال لاحضت اجود بقع بيضاء حول المهبل وبين الشفر--(سامحوني ) وعلى ما اظن انها فطريات فكيف التخلص منها وهل الصابون مضر في هذه الحاله وهل عدم التنشيف بعد التغسيل يسبب هذه الفطريات

فعلا المرة والصبرة اذا كانو قديمات اصبح لونهم اسود
اما اللي تقولين الافضل تعرضين نفسك على طبيبة نساء وولادة وهي تحدد العلاج بالمضادات وانصحك بتنشيف المنطقه بعد كل غسل

سؤال: أني أقوم بعمل التمارين التي ذكرتيها(للبول)الله يعزك بس بين فتره وفتره والحمدلله كل شي تمام,بس أحس بعض الأحيان بأفرازات-تقدرين أتقولين مره كل شهرين إلى ثلاث شهور,فهل هذا طبيعي مع أني زرت الطبيبه وأكدت أنه طبيعي.بس انا مو مرتاحه لأن بدأت هذه الحاله معي بعد الولاده الأخيره يعني قبل سنه وسبع شهور.فما رأيك أنت؟؟؟؟
**أستعملت شيئ يسمى(الملحه)عندنا في البحرين,وعوعباره عن الملح الفارسي مع بعض الأدويه الشعبيه وتتحمل بها السيده في فترة النفاس والحيض للتنظيف,وأناأستعملته في النفاس ومازلت أستخدمه في فترة الحيض. فهل سمعتي عنه وما رأيك فيه؟؟؟؟

الافرازات زي ماقلتي طبيعي بس مو تتعدى المعقول يعني يوميا اما اذا كانت هذي اول ولاده فطبيعي بتحسين باختلاف شوي بس مع الوقت والاهتمام بنفسك كلشيء يكون طبيعي
اما الملحه الفارسيه ماتضر ولكن انتبهي لاتكون (شبه) لانهم بعض الاحيان يغشون

سؤال: اللي ماتطهر من الاربعين بسرعه يعني خلص الاربعين وهي ماطهرت هل هذا يعني انها مااهتمت بنفسها كويس؟؟
ايش ممكن تاخدحتى يتوقف الاثر البسيط اللي الوحده تشوف مابين فتره وفتره بعد انتهاء الاربعين (خاصه اذا كانت الدوره جت في نهايه الاربعين)؟؟

زي ماقلتي عدم الاهتمام يسبب عدم النظافه بسرعه

سؤال: انا استخدمت الاعشاب والكبو الدوره اللي فاتت .. بس ماحسيت أي تغيير أبداً .. يمكن لأني ماستمريت عليها تمام وكانت الدوره من قبل ماتبدا ومن قبل استخدم العلاج ..
وانا احس بألم زي البرق بالطول على الجانب الايمن والايسر واحياناً من النص من داخل وهذا الألم كان يجيني .. بس المره هذي أكثر واقوى .. عندي إفرازات مستمره .. وأحياناً زي فقاعة الهوا الصغيره تخرج من الأمام ..وينتفخ بطني وتبدء آلام الدوره من قبل الدوره بأسبوعين ثلاثه .. أصير كني حامل .. وإذا نزلت تكون قليييله .. أحياناً أحس اني تماااااام ..وأحياناً كلمة خربانه قليل .. من كثر الافرازات ..
التغير الوحيد اللي لاحظته .. المويه اللي نزلت بعد استخدام التحميله .. كانت كثيره .. مع إني ما حطيتها الا مره واحده .. آخر يوم ..مادري وش الحل .. وهل يكفي استخدام العلاج وقت الدوره بس ..
لأن رمضان على الأبواب الله يبلغناه وإياكم .. وصعبه أفطر على السفوف

الالم اللي زي البرق اذا ماني غلطانه فانتي داخلك هواء على برد واذا الدورة ماتنزل الا قليل وزي التراب فعندك بعد سدد وكذلك التحميلات اذا لقت مويه كثيره بتسحبها لهذا السبب تلاقين معك مويات كثيرة ولذلك انصحك انك تسوين النظام وقت الدورة وبعد رمضان (وبعد ماتقضين الايام اللي عليك) اتبعي
النظام لمدة اربعين يوم واذا نزلت الدورة اثناء النظام اقلبيه على نظام الدورة وبعد ماتخلص الدورة ارجعي وكملي على نظامك السابق وان شاء الله بتشوفين الفرق ولكن اهم شيء ماتيأسين وغير كذا يمكن يبيلك فترة مع الاستمرار على النظام لحد ماترجعين زي اول يعني ممكن اكثر من دورة وافضل شيء للوحدة اذا كان سبب خرابها بعد نفاس ماتتعدل
الا بعد نفاس ثاني وتستخدم النظام السابق(وهذي معلومه اكيدة)

سؤال: ممكن اكل كاكاو لاني امووووووت عليه ؟؟
ثانيا ممكن استغني عن العنزوروت لاني دخت مالقيته ؟؟
هل ممكن استخدم غسول قشر الرمان لانهم امدحوه لي ؟؟

حبيبتي كولي كاكاو على راحتك اما العنزروت مهمه حاولي تدورين عليها
اما قشر الرمان انا شخصيا ماعمري جربته وعشان كذا ما اقدر اقولك هو زين
ولا لا يمكن اذا احد مجربه ونفع معه زين بس والله ماادري

سؤال: -1 هل لا بد من استخدام الحلبة في الدورة وليس في النفاس(اليست الحلبة لتقوية الظهر فقط واعطاء قوة جسمية للوالدة)فهل لي ان استغني عنهالان صراحة ريحتها بتنفر زوجي مني والناس بعد
-2 لقد قلتي ان الحلبة تعمل على تطرية الرحم فهل اذا كملت المدة اربعين يوم لا تعمل على تطرية الرحم في هذه الفترة وانا طاهرةاي ليست في وقت الدورة
-3 انا دورتي ما تنزل من اول يوم تنزل يوم ثالث وفي اليومين الاوله تكون سوداء وكأن معها تراب ثم بعدذلك تنزل الدورة وتأتيني الام الدورة وتكون دورة طبيعيةأي حمراء فما السبب في ذلك.
-4كم كمية التمر الذي يؤكل في الصباح
-5 يصلح اني اسوي الكبو ثم اتحمم بعده بساعة (علشان ريحته قاتلة)

الحلب يستخدم في الدورة والنفاس وزي مافهمت انك ممكن تنفسين عند زوجك وخايفه من الريحه لاتخافين مع النظافه ومزيلات العرق النوعيه الممتازة او الطبيعيه بتروح المشكله خاصه اذا حرصتي على تنظيف منطقة الابطين كل يوم وكذلك لبستي ملابس كامله نظيفه كل يوم واذا كانت ملابسك مبخرة (بعود اصلي) مو معمول لان العود ياسبحان الله مايشم كل ماجلستي.. وكل ماقمتي متطلع منك الا ريحة العود . كذلك الحلب ماتستخدمينه الا في الايام الاولى من النفاس او الدورة يعني مو كل الاربعين , اما ان الدورة زي التراب فعندك سدد استخدمي(الحبه السوداء +المرة)في عسل طبيعي بتنزلها وانا شرحت الطريقه قبل , اما التمر كلي على حسب رغبتك وازين شيء التمرة مع الرشاد وهى بعد سبق اني قلت طريقتها . اما الكبو لازم تسوينه قبل النومه وتنامين عليه ولاراح ينفع اذا تروشتي بالعكس تضرين نفسك وزوجك اذا يحبك اذا شرحتيله الوضع انك في فترة نفاس او دورة ولازم تسوين كذا وانه اذا ماسويتي العلاج بتضرين نفسك اكيد بيتفهم وممكن انك تعتزلينه في النوم بس هذي الفترة.

سؤال: انا توي طلعت الاربعين وعلطول اشتركت في نادي رياضي مع نظام رجيم فهل هذا يااثر على

الرياضه ماتضر بس مو العنيفه اما اذا كنتي والدة بعمليه ياليت تصبرين على الاقل اربعة اشهر

سؤال: شريت كل الاشياء ماعدا الارطا لقيته مطحون ناعم لونه ترابي فاتح فهل ينفع ؟؟؟
ايضا الحزاه لم اجدها فهل هي ضرورية ومافائدتها ؟ هل لها اسم ثاني ,,

الوصف السابق للارطاء اذا كانت مطحونه واستخدميها وان شاء الله بتنفع اما الحزاة مفيده وتشد اللحم ولكن اذا ما لقيتيها ميخالف وللاسف ما اعرف لها اسم

سؤال: ولادتي بعد شهرين وجمعت الاعشاب ولكن لم اجد (الارطاء -الحزاة- جنبة البر- فلفلة الهواء ولا عود الهواء ) هل هناك بدائل ام ان هذه هامه ونافعة اكثر من غيرها
ايضا اختي ماذا عن الكلى هل ستتاثر من هذه الاعشاب وهل الاعشاب ثقيلة على الكبد ؟؟وهل ستؤثر في الرضاعة يعني هل ستنتقل بالحليب للمولود ؟
كما فهمت لايوجد بخور للعشرين اليوم الاولى فهل هذا صحيح ؟

ممكن تستغنين عن الارطاء بعرن بس تريه مو زي الارطا ممكن تستغنين عن الحزاة مع انها مفيدة ممكن تستغنين عن جنبة البر ولكن فلفل الهواء وعود الهواء ضروريان, اما الكلى والكبد باذن الله مايتأثرون بهذه الاعشاب
وبالنسبه للرضاعه لاتخافين رضعي ولدك وخليه يتعود على هذى النكهات وان شاء الله ماراح تضره بالعكس يمكن تزين صحته اكثر, اما البخور(الكبو) مايعمل في الايام الاولى يعمل في الايام الاخيرة العنبره اذا كنتي تقصدين اللي تستخرج من كبد الحوت فكنا اول نستخدمها لوجع الرأس وكنوع من المنشطات للجسم ترفع الطاقه وتقوي الجسم على التحمل ولاامراض القلب ممتازة وتفتح السرايين من الكلسترول ولعلمك الاصليه لونها رمادي وريحتها مو زينه ابد واللي كبر حبة الحمص تسوي 300 ريال والحين من الصعب تلقين الاصليه الا عند ناس تثقين فيهم وهي ممتازة لكل شيء تقريبا اما زيادة الوزن
ماادري هي تنفع ولا لا لكن فيه عدة اسباب تمنع الوزن ممكن (خشه او دود) واذا عرف السبب بطل العجب ان شاء الله .

سؤال: انا عندي من بعد ماولدت قبل سنتين الم اثناء الجماع وايضا التهابات دايم اعالج منها وترجع وكم مره اروح يقولون انه عندي بداية قرحه وايضا عندي حكه تجيني دايم مع العلم اني احس اني مو خربانه عاديه , مع اني مااستخدم اي مانع للحمل بس ماحملة وكانوا يقولون الاطباء بسبب ارتفاع هرمون الحليب والان الحمد لله تعدل ولاكن ماحصل حمل اعتقد عندي ضعف

اذا الالم اثناء الجماع مستمر معك الى الحين مع الالتهابات حتى لو ماتحسين بالخراب فهذا من علاماته والخراب مو خراب المهبل زي ماسبق وقلت الخراب يكون بالارحام ومضارة تكون على المرأة من المضايقات الي يسببها غير بعض الحالات يكون فيها خمول عام ارجع واقول يمكن عندك ميلان لجهة الالم اللي تحسين فيه ولذلك تأخر عندك الحمل عشان كذا انصحك تكشفين عن امرأة (طبيبة عرب)
بس لاتقولين لها انا عندي ميلان شوفي هي وش تقولك ولاتكتفين براي واحد اهم شيء مرأة ثقه لان الميلان علاجه (دق المخبنه) وهي طريقه سهله بس صعب اني اشرحها.
سؤال: يطلعلي سوائل والحين في الفترة الاخيرة خروج هواء يعني اختربت وكيف ارجع مثل الاول واشلون اختي اعرف اني صرت زينه وكم المدة
وهل الملح الفارسي هو نفسه الملح الخشن

بما انك تعانين من خروج هواء فهذا لوحدة علامه على خراب شديد ياليت تستخدمين النظام في دورتك القادمه وبعد رمضان طبقي اربعين يوم وبصرامه لاتتهاونين او تلخبطين والملح الفارسي يختلف عن الجراش مع انهم يأدون نفس الغرض.

سؤال: في هذه الايام اشكو من خروج ماء بكثرة الله يكرمك واشعر بالم في ظهري وبالذات في منطقة اخر الظهر وغير انني اعاني من خروج هواء في الايام العاديه وحتى ايام الدوره
ولي معناه مع الدوره الله يكرمك ففي البدايه تكون عاديه ومن رابع يوم يبداء السائل البني ويكون بكثره في البدايه
وبعدها تاتي افرازات لونها بني فاتح وتاخد ايام تصل الى سابع يوم او ثامن يوم تقريباوهي على هذه الحال ولكن في هذه الايام يخف وضعهاتدريجيامن ناحية اللون والكميه وقالت لي إحدى الاخوات بانها حيض ولكن تشكين من فقر دم مما يجعلها تاتي هكذا وللمعلوميه انني اشعر بإن هناك شي متحجر وكان هناك حيض باقي لم ينزل
وغير اني انا من النوع التي تشكو من خروج السوائل والهواء حتى في الايام غير الدورة ولا اعرف كيف اتصرف وياريت توضحين لي خصوصا اني وجدت مشقه في اكمال قرائتي للموضوع لاني لا استطيع الجلوس كثيرا على الجهاز فياريت تعطيني وصف العلاج وجزاك الله خير وللمعلوميه انني لم اتزوج بعد

والله مشكله انتي تعانين من خراب شديد جدا جدا جدا مع انك بنت واكيد انك من النوع الي ماتهتم بنفسها ابد وهذي مو غلطتك بس لان البنات بشكل عام ما يهتمون بكلام امهاتهم ولا يطيعونهم وقت الدورة ولكن الحمدلله انه مشكلتك لها حل لان خرابك ناتج من عدم اهتمامك بالدورة مو عدم اهتمام نفاس ولكن لازم تنتبهين معي الحين كل دورة تجيك تمتنعين عن الممنوعات وتاكلين موتسوين رجيم وتأخذين الاعشاب السابقه كلها مو تقولين حلب وريحته لا انت بنت مو متزوجه تخافين ان زوجك يشم هالريحه وباقي الناس لايهمونك اهم شيء صحتك لانه ممكن هذا الخراب يسبب لك عقم في المستقبل (الله لايقوله) ولاتعتقدين اني قاسيه معك الا والله خوف عليك كانك اخت او بنت لي وممكن انك تسوين النظام اذا ودك لمدة اربعين يوم ميخالف وخروج السوائل البنيه هو دليل على عدم اهتمامك بنفسك وانك ماتطهرين بسرعه ولو كان عندك فقر دم لكان الدم معك زي الماء ولونه برتقالي .
ولاتستخدمين التحميلات ممنوعه عنك لانك بنت.

سؤال: شاهي الاعشاب ممكن اشربه في غير اوقات الدوره اوالغسول بعد اقدر استخدمه في غير ايام الدوره انتي ذكرتي اكل ممنوع هل هو ممنوع وقت الدوره بس والاجميع الاوقات مثل الليمون وبالنسبه للمشروبات الغازيه هل هي ممنوعه بعد في غير ايام الدوره انا من الوصف اللي وصفتيه والردود اللي قريتها باين اني خربانه يعني يبغالي اربعين يوم بس ودي اسئلا لازم اربعين يوم لان دورتي بعد اسبوعين يعني بيقطع علي رمضان الله يشرفه

ممكن تستخدمين شاي الاعشاب في كل وقت اما الغسول الافضل بس ايام الدورة اما الممنوعات وقت الدورة بس او النفاس وايضا اذا بتسوين النظام مدة اربعين يوم كحجبه.

سؤال: هل تعرفي زيت الافندر وزيت اكليل الجبل هل هو للشعر ام ماذا وهل فعلا المحلب للالتهابات

زيت الافندر ما اعرفه اما اكليل الجبل (العبيثران) نبات عطري وينبت في القيعان ولا ادري اذا كا يستخلص منه زيت اما المحلب فهو ممتاز لسحب السوائل خارج الجسم .

سؤال: اذا المراة نفاس لا ينبغي لها استعمال العطر لانها قد تصاب بالشمم على حد قولك يعني اللي افهمته انه يشبه حمى النفاس ارجو التوضيح قصدك بالشمم يعني اذا المراة حائض او نفاس اذا شمت العطر يصيبها هذا المرض
هل عندك هالخبرة من واقع تعاملك مع جدتك ام انك دارسة له عذرا اذا كان تدخل في خصوصياتك

الشمم يصيب من بعض انواع الطيب ولذلك اهم شيء تجنب جميع العطور خاصه الريحان المسك وهذا من واقع عشته مع كثير من النساء وانا يامحكيتك تعرضت بعد نفاسي لحمى شديده وانفتح جرح العمليه ولا يعرفون السبب ولكن عرفت انه شمم وكان ريحان المهم تعبت وانا من مستشفى لمستشفى لمدة اربع سنوات وفي احد المرات ذهبت لواحدة من نساء طب العرب وما ان مسكت بطني حتى سالتني هل تعرضت لشمم ريحان لرابع او خامس يوم من ولادتي والحمدلله تعالجت لمدة 3 شهور وشفيت اما الطب فانا لست بطبيبه ولكن عندي معلومات من جدتي وجدت امي وكلهن طبيبات وحاولت ان اجمع المفيد وفيه معلومات اخذتهن عنهن والحمدلله اكثر صديقاتي الواتي اعطيتهن النصائح او اكتشفت علاتهن شفين وبعضهن رزقن بالاطفال بعد عقم زاد عن 7 سنوات ولكن هذا كله من الله والنيه الصادقه

سؤال: بغيت اسالك عن التحاميل كيف انشفها بالرغم من اني حاولت انشفها بتعريضها للهواء الا انه العسل ذاب ولا قدرت انشفها ياليت تقولين طريقة تنشيفها لاني انا احطها في الفريزر ؟؟؟؟؟
الملح اللي بالتحاميل ملح عادي خشن اللي كيسته بيضاء أو ملح حجري ؟

اكيد انتي لما تسوين التحميلات تزيدين نسبة العسل وبعدين لازم يكون عندك شوي مويه بس عشان تقدرين تتحكمين بتكويرهم وعشان المرة تلزق وغريبه انتي متأكدة ان العسل طبيعي اما الملح ممكن ملح خشن مثل اللي وصفتي او ملح فارسي بس مدري وش تقصدين بالملح الحجري حاولي مرة ثانيه وقليلي العسل وعرضيها للهواء

سؤال: العسل طبيعي بس انا اعجن فيه الين تصير قاسيه بحيث اقدر اكورها اما الملح الحجري هذا يباع بالكيلو . بس حبيبتي الملح الفارسي هذا مااعرفه !!!


الملح اذا هو الملح اللي بالاكياس(ملح القصيم) عادي استخدميه

سؤال: سؤالي هو أنني سمعت محاضرة مسجلة في شريط وبعد نهايتها كان بعدها مقطع لرجل - يبدو أنه خبير في الأعشاب-وكان مما قاله : أن بعض النساء لاتهتم بنفسها بعد الولادة فينفر منها الزوج ,وأن هناك أعشاب مهمة للمرأة وقال: أن هناك مادة عند العطارين تسما(خواجوا) إذا تبخرت بها المرأة فإنها تشد وتجفف وتعود المرأة كالبكر؟
فهل كلامه عن الخواجوا صحيح؟وهل يمكن أن نتبخر به لوحده بدون بقية خلطة الكبو؟وإذاكان ممكنا فكم المدة المطلوبة ؟

فعلا صدق هذا الرجل ولكن الجهل عندنا يالنساء بعض الاحيان يجعلنا نعيش في حيرة ولاندري مسبب المشكلات الحقيقيه في حياتنا الزوجيه والخوا جوا ممتاز لكل شيء ونحن نستخدمه كاكبو وممكن تطبخينه مع زيت زيتون وشوي بصله كمدلك للبطن وممكن يخلط مع شوي ارطاء وملح للجروح او القروح
وممكن مع محلب للثه وله عدة استخدامات

سؤال: صار يجيني من فترة تسع شهور تقريبا كدرة قبل الدورة ..لمدة ثلاث أيام وهي مضايقتني مرة
لأن ماعمري جاني زي كذا .. دايم تجيني الدورة بدون اي كدرة ناس قالو يمكن المبايض فيها شي!!!!!!!!

الكدرة اللي تجيك لونها بني غامق مع بني لزج او لونها برتقالي وكأنها زلال بيض اذا لونها بني (فاحتمال عندك سدد على نسبه خراب) اما اذا كانت اللزوجه لونها برتقالي فانك ايضا عندك شوي خراب مع فقر دم . ياليت تحددين أي نوع من الكدرة.

سؤال: الكدرة بني .. بس مو لزجة .. ياليت تقول لي وش العلاج ودورتي قريييييييييبة مرررررررة ياليت تستعجلين الله يخليك
اذا لون الكدرة بني زي ما قلتلك عندك سدد استخدمي ( المرة + الحبه السوداء) وسبق اني ذكرت طريقتها اما المرة والملح والمحلب اذا قصدك للتحاميل اطحنيهم ناعم

سؤال: لقد ذكرتي سابقا علاج البواسير ... السؤال .. هل تطحن المرة والملح وهل يطبخن على النار .. الرجاء اذكري الطريقة باالتفصيل
سؤال ثاني ..هل تعرفين المقرونة عند العطار فية وحدة تخلطها مع المحلب وتذكرها انها نافعة للنفساء والحائض ..ما رايك فيها ..وهل العصائر والكاكاو تضر النفساء والحائض؟

بالنسبة لعلاج البواسير اخلطي الشحم مع الملح الناعم والمرة المطحونه وبعدين اذيبيهم على النار وحركي لحد مايذوب الملح والمرة وبعد كذا اتركيهم لحد مايبرد ثم دخليه بالثلاجه (الفريز) ثم طلعيهم وشكليهم على الحجم المطلوب .
اما المقرونه نعم اعرفها ولكن ما ادري من ايش تتكون وهي ممتازة لبعض النساء وضارة للبعض الاخر فبعض النساء تسبب لهم التهابات شديده وبعضهم تناسبهم مرة وهي نوع اصلي ويصل سعر الاصلي منها(وزن 30 غرام 300 ريال) اما غير الاصليه بعشرين ريال وماتنفع , وتاخذ الاصليه وتخلط مع شوي
مرة ومحلب وتوضع ربع ملعقه صغيرة على فنجان قهوه بكر وتشرب على الريق. اما العصائر على حسب النوع والافضل تجنبه واكل الفواكه طازجه لان بعض العصائر حامض ولزج وبارد ولذلك الافضل تجنبه اما الكاكاو لا مايضر كلي منه قدر رغبتك عادي ولكن احسن شيء التمر خاصه هذي الفترة

سؤال: بغيت اسال التحاميل ايش اسوي بالمره والمحلب اطحنها بعدين المحلب اللى جاني دوائر بيج صغيره مادري هو ولا لا؟؟

بالنسبه للتحاميل اطحني المرة والمحلب والمحلب زي ماوصفتيه كان تغلفه قشرة خفيفه لونها بيج وطعمه مر بس مو كريه لا باس فيه

سؤال: اختي انا صار لي عشرة أيام من عملت عملية فتق في السر والحين عضلات بطني كثير تألمني مع ان الدكتورة أعطتني حزام لشد العضلات الا انني اعاني من الألم، ياريت تكونين تعرفين وصفة اعشاب أو زيوت اقدر استخدمها لتخفيف الألم أكون جدا شاكرة لك.


اذا الجرح لونه احمر وتحسينه منشد وينبض بعض الاحيان فهذا شمم والاطباء يسمونه التهاب بشكل عام افضل شي تتكبين كبو الشمم وانا اعتقد اني ذكرت من قبل مقاديرة ولكن اهم شي تزيدين المرة والحلتيته الرطبه وتخليها قريب من منطقة العمليه وتتكبين مرتين في اليوم عند المغرب وعند النوم وبعد العمليات بشكل عام خاصه اللي بالبطن دايم نحس ان العضلات شاده وانك لو ضحكتي بتنفتح وهذا طبيعي بس كثري من المشي والحركه.

سؤال: انا عملت نظام الدورة اول يوم عادي لكن ثاني يوم جاتني الام في الظهر الام الدورة العادية فهل هذا عادي؟ علما ان الدورة دائما تجيني بدون الام ومااحس بها ابدا


بالنسبله للالم اذا كنتي مو متعودة انه يجيك الم وقت الدورة وخاصه اليوم الثاني فيمكن اول كانت الدورة ماتطلع زين بس مع الادويه والاهتمام اصبح يطلع الدم الفاسد وكدليل على كلامي اذا بطلع منك قطع سوداء وبعدها ترتاحين فهذا هو السبب الدواء طلعها ياليت تخبريني اذا كذا صار معك
سؤال: -1 التحاميل قلتي نستعملها كل أيام الدورة لأنها تنشف وتنظف بسرعة طيب ليش ما نستعملها بعد الثلاثة الأيام الأولى علشان نخلي الدم ينزل من نفسة في البداية بعدين نستعمل التحاميل علشان تنظف الباقي لأنه صعب وضعها مع وجود الدم 0
-2 أنا كل ولاداتي عمليات وأحس دائما بألام أسفل بطني وأسفل ظهري حتى في غير أيام الدورة والأطباء قالوا لي إن هذا طبيعي لأن الرحم مع العمليات القيصرية يصير فيه تلاصقات وتخليه يميل ويسحب معه العضلات في منطقة الحوض ولهذا يسبب آلام وأنا محتارة مدري وش أسوي 0
-3 أثناء الدورة مع إستعمال الخلطات اللي قلتي عنها أكيد بيطلع في الجسم عامة ريحة الحلبة وما ينفع في هالحالة الا الاستحمام اليومي وإنتي قلتي ممنوع يكفي فقط تنظيف المنطقة العليا من الجسم ومع ذلك بتطلع الريحة علشان كذا لازم نتطيب طيب وش رأيك ماهو المسموح به من أنواع الطيب اللي ممكن استخدامه بدون ما يسبب شمم وما رأيك في العود ودهن العود 0
-4 هل هناك ضرر من غسل الشعر كل ثلاثة أيام مثلا علشان ريحة الحلبة تروح 0
-5 أنتي قلتي إن المحلب مايستخدم الا في آ خر أيام الدورة ، انتي قصدك المحلب اللي مع التحاميل او المحلب اللي مع الخلطة اللي على الريق ، مع ان منقوع العنزروت فيه محلب وهذا المنقوع يستخدم من أول يوم في الدورة كما ذكرت وهو ينشف أنا تلخبطت معليش اعذريني أبغى أعرف المقادير والوقت صح علشان استفيد منك يالغالية الله يصبرك علينا 0
-6 كنت أبغى أسألك عن شكل عودالهوا يشبه الموزاليابس بس أطول شوي ومستقيم هل هذا شكله أم العطار غلطان 0

1. نعم اختي ممكن تستعمليها من الثلاث الايام الاخيرة على راحتك بس انا افضل استخدامها من اول يوم لانها ان شاء الله لها منفعه من ناحية انها تنضف وتطهر وتسحب الالتهابات .
2. اكيد الاطباء مجتهدون لكن كثير مسوين عمليات ولا يشكون من هذه المشاكل احساسك ان ارحامك نازله قدام والم في اسفل الظهر مع احساس بايام الدورة الاولي انه ارحامك زي العيش اللي بينكب يعني رخوه هذا دليل على التهابات واذا فيه سؤال معاها خراب والعمليات متسبب كل هذا بس انصحك تشربين مغلي ( جنبة البر)
3.افضل انواع الطيب العود القماري وتبخرين فيه ملابسك وشعرك وان شاء الله ما يضرك ابد
4. وانتبهي تكثرين تغسيل شعرك (الرأس) مو زين يجيه المويه كثير لايصير عندك (خوا راس) وهذا يسبب خراب للارحام مع صداع مستمر للراس وشديد .
5. انا قصدي المحلب اللي مع السفوف او لحاله او مع المنقوعه يعني تكثرين منه
بعدالايام الاولي (يعني في الايام الاخيرة) وتستخدمينه في الايام الاولى بس مع العنزروت والتحاميل ويكون قليل. يعني تقديرا اذا حطيتيه مع المنقوعه في الايام الاخيرة اذا تبين تزيدينه على
المقدار اللي تبين ما يضر ولكن الايام الاولى تتقيدين بالمقدار القليل.
6. لا ياختي عود الهواء لونه اسود ومفرغ وبطول الاصبع تقريبا.

سؤال: الممنوعات اللي قصدك امتنع عنها هذي اللي ذكرتيها في البدايه من الموكولات والجوع الشديد الخ.... هل هذا ماتقصدينه ؟؟
وبالنسبة للالم الذي معي في الظهر وخروج الماء هل هذا ايضا ناتج عن حالتي وعدم الاهتمام مثل ماذكرتي ؟؟ وهل يدخل علاجه في نفس النظام ام له علاج اخر ؟

الماكولات (المشروبات الغازيه والبوارد ايس كريم والحوامض والخضار اللي تحوي لزوجه مثل الدباء (القرع) الملوخية الباميه البصل الاخضر الكيوي الانناس المنجه البطيخ والجح ) كل هذولي
اما الالم اسفل الظهر هل هو متوزع على الجنبين اذا كذا فهو من شدة الاتهابات اما اذا كان متركز بنفس الفقرات فيمكن خلع

سؤال: سمعت انة استخدام الحبة السمراء مغلية بلماء يشفى من الالتهابات النسائية(يعني تغتسل فية) فمارأيك
ذكرت احدى الاخوات ان الرشاد يستخدم على الريق لوحدة في اول ثلاث يام بالدورة ينضف الرحم ويبعد الالم كمان هي ذكرت انها استخدمتة والحمدلله هي طيبة
والدورة انتضمت عندها هل داوم علية ام ان كثرتة يضر

الحبه السمراء ممتازة جدا ويكفيناقول الرسول عليه افضل الصلاة والتسليم في مامعناه انها علاج لكل شيء الا الموت وانا اضعها مع السفوف زي ماسبق ومع شاي الاعشاب السابق فلذلك سواء غليتيها لوحدها او مع اعشاب اخري فهي ممتازة.. اما الرشاد على الريق ما انصح فيه الايام الاولي لانه ينشف على خراب الايام الاولي مع التمر وبعدين الايام الاخير مع التمر وتضيفينه للسفوف

سؤال: أني لم احمل منذ فتره طويله وعندي قبل طفلان وقد عالجت ولم يحدث حمل
بالنسبه للحمل صعبه اني اقولك أي شيء ولكن اذا انتي جايبه بعمليه فروحي وسوي منظار

تأكدي لايكون عندك التصاق (لاسمح الله) وان ما اقول كذا عشان اخوفك لكن الحرص زين والمعرفه احسن من الحيرة والجهل اما اذا كانت ولادتك طبيعي ولا تشكين من احد الاعراض اللي وصفت زي الميلان او ضعف مبايض وكذلك زوجك سليم مافيه ضعف فانا انصحك بالحلب+ جنبة البر.

سؤال: أنا بعد الزواج حملت بسرعة والحمد لله لكني بعدها تأخرت لمدة سبع سنوات وما أحد من الأطباء عرف السبب وبعدها جبت الثاني وأحمد الله وحده ولي الآن خمس سنوات وما عرفت العلة بعد حتى المدهنات ما عرفو السبب مع إن دورتي منتظمه إن تأخرت تأخرت يومين
المشكلة عندي تبدأ قبل الدورة بأسبوع أو عشرة أيام تكثر الإفرازات (والقريب فيها السنة إنها ثقيلة كأنها دهن) وخروج الهواء لا وأحس بعد كأن الرحم مفتوح حتى كأن الهواء يدخل وانتفاخ بسيط في البطن وآلام في الجنبين وما عرفت الحل

اعراضك اعراض خراب ولكن في الخراب اللي مافيه ميلان ممكن تحملين الا اذا كانت ( ام الحقاء) وهي نوعان مذكرة وتسبب عقم ومؤنثه وهي اللي تبهذل عشان كذا لون الافرازات هذي فيه زي السلوك دم او لون بني وم راحه اذا طلعت هذي الافرازات اذا كذا ممكن تكون اللي قلت ولكن لها علاجين العلاج الاول استخدمي (جنبة البر ) وبكثرة اما اذا ما خفت روحي لمرأ طب عرب شاطرة واكوي عندها ويكون موضع الكي في نهاية البطن واتصاله مع العانه على عظمتي الحوض .ياليت توصفينها لي اوضح.

سؤال: اختي حطت التحاميل في الدورة وتقول حسيت ان دخلني هواء وانا ما قد حسيت به وتتوقع ان الهواء دخل مع التحميلة لأنها كانت فاتحة رجليها علشان تدخلها (وش رأيك)
أنا حطيت مع اللهوم حق فك الريق الايام الاولة بالغلط بدل الحبة الحلوة شمر فهل اضيف اليه فنجال حبة حلوة والشمر ما يخالف..

المفروض ان الوحده اذا حطت التحميلات تحطهم وهي جالسه على قدميها فاهمتني, اما الحبه الحلوة مي اليانسون انتبهي تخلطين بينهم ولكن زي ماعرفت من البنات انها نفسها الشمر

سؤال: انا ولدت بتوأم منذو 9 اشهر بعمليه قيصريه والحمد لله والان مشكلتي مع الدوره وهي انها تقدم وتاخر على كيفها وتجيني لمدت 4الى5 ايام ثم تنقطع من3 الى 4 ايام ثم تعود مره ثانيه وتجلس من3 الى 2 يوم مع هذا ان من احس انها بتجي اشعر بالم في المستقيمو الجنب الايمن من البطن واكرمك الله لا استطيع التبرز حتى يزول الالم لان فتحت الشرج تكون مقفوله تماما واصلا اي ضغط على منطقت العصعص تكون مؤلمه جدا وانا كل الذي اعرفه ان عندي شرخ فهل كل هذا منه

الظاهر ومن الاوصاف اللي ذكرتي انه اللي معك برد شديد وتذكري يمكن ايام نفاسك تعرضتي لبر شديد او ايام الدورة وهو اللي حايس عليك الدورة وكذلك يأثر ويزيد وجعه مع الشرخ وخاصه انه بعد اعراضك انه الشرخ عندك مشتم (شمم) يمكن متعرضه لطيب من النوع الردي او ريحان او انك توقفين على المبخرة وفيها معمول وهذا يأثر على الشرخ مع البرد والعلاج كالتالي اولا عشان تتنظم الدورة حاولي تطبيق النظام وركزي على كبو الشمم ايضا استخدمي التحميلات حقات الشرخ مع انك اذا جتك الحاله اللي
ماتقدرين تتبر..... خذي قربه فيها مويه دافيه واجلسي عليها بتحسين بعدها براحه وهذا دليل على البرد والشمم

سؤال: سويت منظار مرتين ولم يكن عندى التصاقات الحمد الله لاكن عندى ضعف أو انعدام في التبويض تقريباً والدوره تتأخر بالأربعه أشهر. وقد عالجت باكلوميد و الإبر ولم تنفع بشىء وعندى موعد بعد اشهر لاعمل طفل أنابيب ولاكنى استعمل الاعشاب منذ أربعه أشهر تقريباً بينهن استراحات واريد ن اخذ رأيك في هذه الوصفات بالأعشاب للحمل ويأخذن من شهر إلى أربعين يوم وهن
كأس من العسل+ كأس خل التفاح+ 7 فصوص ثوم يضرب في الخلاط ويأخذ م ك كل يوم مع الحليب
فنجان حلبه+فنجان حب رشاد+ فنجان حبه سوداء تطحن وتعجن بالعسل الأصلي ويأخذ م ك كل يوم
فنجان حبه سوداء+ فنجان سمسم + فنجان صنوبر تطحن وتعجن بالعسل الأصلي ويأخذ م ك كل يوم أختى فيافى لا أعرف ما معنى جنبة البرأو ماهيه شكلها.


الوصفات اللي ذكراتي ماعمري جربتهم ولكن العسل مفيد والثوم ولكن خل التفاح ما اعرف والله
اما الحلب مع الحبه السمراء ممتاز ولكن الرشاد وقفيه اول الحمل اما الحبه السمراء والسمسم والصنوبر ما اعرف اذا كان لها فايده ولا لا
اما جنبة البر تنبت في البر وتنشر اورقها بشكل مستعرض وفيها اشواك ولونها اخضر باهت.

سؤال: بغيت اسالك من خلال خبرتك ماشاء الله ربي يحرسك
فيه شي يضيق المنطقه ؟؟؟؟؟؟؟
انا قريت في المنتديات عن الشبه والعفص لكن الشبه اللي اعرف عنها انها تشد وترخي والعفص انت محذره منها .
وقريت عن قشر الرمان يضيق بعد وبصراحه فيه اشياء كثيره قريتها وسمعت عنها لكن خفت وقلت ماعندي غير اخت فيافي هي اللي بتدلني على الصواب .
فياليت اختي اذا عندك شي يضيق تفيديني وتوضحين لي الطريقه وكيفية استخدامه ؟؟؟؟؟

اذا تبين شيء يضيق هو الاهتمام بالنفس وقت الدورة او النفاس اما الشبه والعفص هم الخراب وانتبهي تستخدمينهم انتي او أي واحدة من خواتك لانهم تشدون اول الوقت بعدين يخربون الوحدة خراب شديد
اما قشر الرمان ان شاء الله مايضر

سؤال: الإفرازات اللي معي لونها أبيض ناصع يتغير لونها مع الدوره بلون الدوره البني الفاتح أول وبعدين تنزل الدوره عادي
وبالنسبة للمدهنة ماأعرف وحدة متميزة كل اللي رحت لهم يقولون معك انقلاب ونزول وبعد ما تدهني وتقول صار زين وبتحملين ولا يصير حمل
وبعدين أنا سويت طفل أنابيب وكانت حجم البويضات و نسبة تلقيحها ممتازة والدكتور قال إن نسبة الحمل كبير لكن مع ذلك ما صار حمل


الحمدلله اذا الافرازات زي ما وصفتي فهي مجرد التهابات شديد ممكن تعالجينه باستخدام النظام وقت الدورة مع اخذ علاج من طبيبه اخصائية نساء وولادة


سؤال: 1- سمعت ان بعض النساء يربطن على بطونهن بعد الولاده بشرشف لأنه يقوي عضلات البطن ويشد الرحم وهو يختلف عن الحزام الطبي لأنه على حسب مقولتهن انه يسبب ارتخاء الرحم,فما رأيك فيه .
2 -هل التمر مع الرشاد والسمن ينفع الحامل من بداية الحمل حتى الولاده وهل سمن البقر مثل سمن الماعز في الفائده .
3-اتمنى ان تضعي برنامج للحامل منذ الشهر الأول حتى تتمتع بولاده ميسره بٌٌإذن الله من حيث الغذااء والإهتمام بالأرحام .

سبحان الله ربط البطن بقماش يشد عضلاته ويمنع كبرة وخاصه فترة النفاس ولكن المشد الطبي ينزل الارحام عشان كذا الافضل الربط العادي التمر والرشاد ماينفع للحامل لانه مو زين للحامل الرشاد اما السمن فالافضل للحامل تتجنبه لانه ماينفعها كثير بس يمتنها ولا ينفع الطفل.. اما السمن فافضل شيء سمن الغنم الطبيعي.
اما برنامج للحامل فوالله انا ما استخدم برنامج معين اكل الحبوب اللي يصرفي الطبيب (فيفول) مع حبوب الكالسيوم واكل اللي احب بس اتجنب الاشياء اللي تسمن ولا تنفع مع انه وحامي صعب بالمرة ولا احب أي شيء.

سؤال: سوالي عن الرشاد ابغى طريقته بالضبط لانك مره تقولين انه في البدايه ومره تقولين
انه ما ينصح به في البدايه لانه ينشف وهل اذا خلط بالعسل بدل التمر يفي بالغرض ارجو التوضيح00000

اختي ارشاد انا في الايام الاولي اكتفي بوضعه بس مع التمرة
ولكن في الايام الاخيرة اضيفه مع السفوف يعني اكله مع التمرة + السفوف
اللي تبي تستخدم رشاد وقت الحمل
الرشاد خطر على الحامل يسبب سقوط الحمل وهذا كلام جدتي الله يخليها ويشفيها ارجو اني وضحت.

سؤال: انا صراحة استخدمت بعض الاشياء مثل الارطا و الملح كغسول و امتنعت عن المحظورات و استخدمت الكبو بس و الحمدالله حسيت ان الافرازات خفت ولاحظت ان الهوا وزي ماقالت الدكتورة انه اذا ماكان كثير معناه و اسمحولي على حسب طريقة الجماع و انتي ايش رايك في هالكلام

لا اختي الهواء يكون موجود بسبب الخرب وممكن يدخل زيادة مع الجماع لان الوحده تكون متوسعه بسببه .

سؤال: عن التحاميل لتضييق المهبل ... التحاميل هذي من مكوناتها المحلب ياترى لو وضعنا المحلب في هذه التحاميل و وضع في تلك المنطقة ما يسبب شيء ؟ أخاف يسبب انسداد أو شيء لاقدر الله
خاصة إنه مش مثل المرة أو الملح يعني ما يذوب مثلهم ؟؟

الى الاخت الي تسأل عن المحلب لاتخافين لان اذا لاحظتي المحلب راح يطلع مع الافرازات ولا يسبب سدد ولا شيء وهو مجرب من زمان واكثر من مرأة مجربته فلا تخافين ابد واذا انتي متخوفه احذفيه من التحميلات بس مرة وملح ,

سؤال: 1 - أنا كنت اشتكي من خروج هواء خاصة بعد الجماع ولا زال بس قل شوي بعد ما استخدمت برنامجك بس طبعاً مش بحذافيره .. يعني بعض الأكل ماقدرت امتنع عنه .. مثل البيبسي والليمون .. و كمانة بعض الأعشاب ما لقيتها مثل الحزاة و فلفل الهواء و الحلتيتة و هدب الأثل فهل يمكن الاستغناء عنها ؟
أما الأرطا و الشيح و العنزورات لقيتها بس في العشرين الأخيرة .. ( حالياً أنا في العشرين الأخيرة مع العلم إني مش نفاس و بنتي عمرها حالياً أربع اشهر ونصف وكنت استخدم في نفاسي العفص وقشر الرمان .. و ولدت بعملية قيصرية أولادي الاثنين البنت و الولد )
2-أختي ابغاكي
تتأكدين من وصفي لبعض الأعشاب غير اللي فوق صورتها
النونخة هي مثل اليانسون ؟
الحبة الحلوة .. أنا في الأول حطيت قهوة مثل الأخت اللي فوق لكني بعد ما نبهتني زوجة أخوي إنه حبة حلوة مش قهوة رحت اشتريتها من العطار وعطاني مثل الفلفل الأسود بس كبير و طعمه مفلفل وسفيتهم وخلصت فهل يصلح ؟
الخوا جوا كأنها جذوع شجر محروقة بس لونها موف ؟
قشر البصل عاطاني العطار بصل ناشف لونه ابيض على ذهبي ومقطع أنصاف حلقات ..
ثالثاً أختي بغيت اسئلك عن أبني يزعبل على طول لدرجة إني أغير له المريلة اربع إلى خمس مرات في اليوم وما أخرج من بيتي إلا و أنا ملبسته مريلة لإنه يبهدل لي الملابس بالتفالين و التلال هذا اللي مش راضي ينقطع
مع العلم إن هذي الحالة صابته من يوم قرصته حاجة مش عارفة وش هي بس وهو عمره ست شهور رحت اشوف بيت جديد علشان حانقل فيه و حطيت شرشفة على باب غرفة في البيت وأنا خارجة أخذت الشرشف ولفيته به وعلى طول صاح ومارضي يسكت من العصر لحد الساعة اربع الفجر وروشته أكثر من مرة وماسكت كل ما أحطه في الموية يصيح زيادة وبعديت شفت القرصة في جانب فخذه ومأخذه حيز كبير من جنبه ... وكان صياحة بشكل هستيري مع اخراج تفالين من فمه مع إنه عمره ما عملها ..
وبعد كده خفت القرصة لكن مازال التفالين ينزل من فمه ( الزعابيل ) امي تقول قرصته حاجة مش كويسة يمكن وسمها سبب له هذي الزعابيل وجارتنا تقول يمكن قارصه عقرب صغير لإن العقرب الصغير لما تحطي المقروص منه في ماء تحرقة القرصة كثير
وسألت الدكتور قال لي يمكن ديدان في بطنه أو طفح في فمه ... بس أنا عملت له تحليل براز ماطلع فيه شيء ....ياريت ياأختي تفيديني أكون لكِ شاكرة

ممكن تستغنين عن الحزاة اذا مالقيتيها اما (فلفل الهواء والحلتيته وهدب الاثل) هذولي مع الكبو اذا ما تبين تسوينهم فممكن تحذفينهم.
اما العفص لا تستخدمينه والله العظيم يخرب يخرب يخرب
اما الارطا ممتاز وقشر الرمان الحريم اللي يستخدمونه يمدحونه ولكن انا ما عمري
استخدمته, النونخه زي ما وصفتي وكذلك الخوا جوا اما الحبه الحلوة فهي الشمر
اما قشر البصل لا مو هو اذا عندكم بالبيت بصل خذي قشرته اليابسه وهي اللي انا اقصد , اما بالنسبه لبنك اللي يسعبل يمكن انه تبي تطلعله اسنان عشان كذا يسعبل وفعلا اختي قرصة العقرب تسبب عطش شديد بس ما ادري اذا كانت تأثر بالنسبه لخروج اللعاب.

سؤال: انا متزوجه من 2وللحين ماحملت والحمدلله ... والدوره معي مو منتظمه اصلا من قبل الزواج وانا اعترف اني مهمله جدا قبل الزواج وهذا سبب مشاكلي...المهم والسبب هو هرمون الحليب زايد وانا الحين موقادره اتخلص منه وش العلاج للحليب اللي بالصدر مع انه لايخرج اي افرازات منه ابدا ...وطبعاضعف المبايض ... ورحت لمره شعبيه وكشفت على وقالت مدري بالظبط لكن معي ارتفاع بالرحم وقالت عندك غازات مليانه ارحامك غازات ... وعطتني علاج وتحاميل لكن احس مازال موجود معي غازات ... وقالت تعالي امرخك ثلاث مرات او اكثر ... وش العلاج للغازات وياليت تنصحيني بحرمه شاطره اروح امرخ عندها ... وش فايده التمريخ للحمل وللي تبي تحمل مثلي...


اما الضعف ولتعديل الهرمونات عليك بالحلب مطحون ومغلي وكذلك الحبه السمراء والعسل وبار النخل اما غازات الارحام هو وجود هواء لذلك استخدمي النظام وقت الدورة واهتمي شو ويمكن بأذن الله يحدث حمل.

سؤال: هل خروج اللصوت معناة خراب ممكن توضحين علمابانة لا توجد سوائل زايده طبيعية

نعم اختي اذا طلع هواء دليل على الخراب حتى لو ما كان معك سوائل والهواء من اشد انواع الخراب.

سؤال: 1_وش فايدة السمن مع التمر والرشاد لاىني في ولادتي السابقة اكل بين الوجبات تمر ورشاد وحبة سودا وسمن اكلها بكثرة والحمد لله طلعت من الاربعين مضبوطة بس المشكلة ان السمن طلع حبوب في وجهي مو شوي والحبة السودا احطها ولاى استغني عنها مع التمر والرشاد استخدمتها يمكن عشرة ايام فقط بالرشاد اما باقي الايام بدون رشاد لاىن امي تقولي ان الرشاد ينظف الاىرحام بس كثرتة مو زينة ترخي الارحام صحيح هي ترخى؟؟
2_وشي الحبة السمراء ؟؟
3_التحاميل بعد ما اسويها احفضها في الفريزر ولا الثلاجة ولا برى؟؟
4_الطبيب الشعبي اللي تقولين عنة الصمعاني ومرتة هم في الرياض وين مكانهم
5_انتي قلتي ان 100جرام من المحلب مع سكرنبات تسمن الاطفال بس وشلون اعطية ولدي مع الحليب ولا مع موية ولا اطبخة مع العلم ان ولدي عمرة تسع شهور وفية لة اخوان ثنين لو تشوفينهم تقولين جايين من افريقيا كل من شافهم يقول حرام عليكم وكلو عيالكم مع انهم ماشاء الله عليهم اكلهم معتدل وسويت لهم تحليل عن الدود بس مافيهم دود واذا عندك طريقة او خلطة تسمنهم الله يعطيك العافية اكتبها لى مع العلم ان اعمارهم 6 سنين و 4 سنين وفكرت اعطيهم العنبر لانهم يقولون انة يسمن

لا ياختي الرشاد ممتاز لتنظيف الارحام ولا يسبب رخاوة ابد ابد ولكن عدم استخدامه صح ينظف ولكن على خراب وافضل طريقه لااستخدامه ذكرتها من .
اما الحبه السمراء هي الحبه السوداء
اما التحاميل اذا سويتيها احفضيها في برطمتن زجاج وخليها برا بس على شرط تكون ناشفه مافيها رطوبه عشان ماتعفن يعني لا تحطينه في الفريز او الثلاجه واذا انتي مصممه على الثلاجه طلعيها قبل الاستخدام بيوم عشان متستخدمينها باردة
اما الصمعاني فهو ساكن في حي المروج بالرياض.
اما بالنسبه لابنك حطي المحلب والسكر مع زبادي او ملعقه صغيرة منه مع ملعقه كبيرة ماء عشلن يقدر يبلعها اما عيالك الاخرين جربي معاهم العنزروت وكذلك الرشاد +الزبادي.

سؤال: انا عندي هواء يطلع بعد الجماع لا كن ماعندي لزوجه بل عندي نشوفه زائده ابي اعرف اشو هذا الحلب والقهوه اشنوعها محمصه

اما الاخت اللي تسأل عن اهواء فعندها خراب حتى لو كانت ناشفه.. اما الحلب يكون غير محموس ولا اعرف ماذا تقصد بقولها قهوه هل تقصد ( قشر القهوة ) واللي اضيفه لشاي الاعشاب

سؤال: هل هناك شيء يجعل ذالك المكان حار لان هذا الشيء يهم الازواج ؟؟


اما شيء يجعل ذلك المكان حار الفلفل الاسود والقرنفل تشربه وتأكله


سؤال: بنتى لسى بالغة من ثلاث شهور تقريبا الدور الاولى جت لونها بنى وخفيفة جلست تسعة ايام بعدين بثلاث اسابيع نزلت الدورة الثانية بغزارة وجلست عشرة ايام بعد بشهر صار ينزل معاها بعد كل خمس ايام حاجة بنية بعد ماكملت شةرين نزلت الدورة وكانت خفيفة وبنية جلست ستة ايام بعد خمسة ايام رجع نزل معاها ها البنى انا بصراحة خايفة على البنت مادرى ايش اللى فيها طمنينى **** يطمن قلبك

بعض البنات اول ماتنزل معاهم الدورة كذا تحوسهم ولا تخافين ولكن حافضي عليها من الحين عشان تكون دورتها منتظمه ومضبوطه واتبعي معاها النظام السابق بس طبعا بدون التحميلات واهم شيء ركزي عليها بالفطور قبل لاتروح للمدرسه واكدي عليه تتجنب الببسي او الكولا البارد واذا تقدرين انتي
تسوينلها فسحه مع عصير كوكتيل افضل وطبعا اهم شيء ماتجوع واذا تبهذلت بالوجع اعطيها(حبه سمراء مع مرة مخلوطين مع عسل) وانا سبق وذكرت الطريقه .

سؤال: عندي افرازات سوائل عند الجماع تكون بعض الاحيان كثيره واحيانا متوسطه وبعد الجماع في نفس اليوم او من البكره تنزل سوائل مني مره او مرتين في ذاك اليوم بس يعني بعد الجماع بس 00 هل هذا يدل علي اني خربانه ؟ ومن فتره كان معي هواء لكن ولله الحمد ما عاد جاني الهواء توقف

اذا معك هواء وتوقف فاكيد انتي اعتنيتي باحد دوراتك وعشان كذا ضبطت اما الافرازات اتبعي النظام وما اقدر اقولك انك خربانه او لا لان الوحدة بعد الجماع بيوم اكيد بتطلع افرازات (الزوج) فاهمتني خاصه اذا اجلتي الغسل عن الجنابه الى بكرا لان ياسبحان الله الغسل عن الجنابه يطرد كل هذه الزوائد


سؤال: انا الان فترة عوار صار لي اسبوع بس من يومين نزل وكان من قبل معي التهابات واحس بلل حبيبتي شنهو العلاج

اذا عوارك طاح اتبعي النظام السابق وبحرص شديد اما اذا ماطاح استخدمي الكمون سواء مغلي او مطحون اذا الطفل ميت بيطيح واذا حي بيرتفع

سؤال: الي جربت ذي الاشياء تقولي وش استخدم اقل شي لاني ماقدر استخدم اي شي يطلع ريحه لاني مضطره اخالط الناس ,,,, اتمنى تردون علي باسرع وقت لانها الحين جايتني الدوره وودي اجرب

جميع الادويه السابقه مالها ريحه الا الحلب. وهو ضروري استخدامه والنظافه تشيل ريحته مع البخور بعود اصلي لملابسك والعطر العادي ومزيلات العرق وتغسيل منطقة الابط يومين.

سؤال: لازلت لم اجد الارطا مالبديل ان لم اجد نهائيا.
وجدت العنزروت لكن بصراحة بعد مارجعت بالبيت حسيته اشيا مخلوطه مع بعض
فيه اشكال غريبه زي العلك اللبان لكن شفافه وفيه قشور فاتحه ايضا فيه حى يشبه المره واشكال اخرى ايضا (فهل هذا هو العنروزت ) لاني متخوفه من شكله اخاف يكون البياع غير امين معي وانتبه لجهلي بالاعشاب فاعطاني شي اخر ؟؟
بالنسبة للتحاميل.. عملت الخلطة محلب وملح خشن ومره (طحنتها )وعجنتها بالعسل لكن صارت راخيه وكل ما اعملها واصفها بالصحن ترجع تسيح وتتمدد بالصحن مالحل ؟؟

اذا مالقيتي ارطا ممكن عرن او اكتفي بملح وماء
العنزروت اذا ماني غلطانه انه البنات حاطين صورتها في نفس الموضوع اما التحميلات يمكن انك تكثرين العسل عشان كذا اصبح صعب عليك التحكم فيها قللي كمية العسل وحطي عندك شوي مويه عشان تبللين يديك وانتي تعجنين وتكورين فهمتيني

سؤال: مثلا وانا اسير على الجدول الللى ذكرتيه وماشيه عليه وصار حمل ممكن اواصل عادي يعني هادي العشاب ماتاثر على الحمل

اذا حصل حمل ان شاء الله وقفي جمع الادويه الشعبيه وخاصه التحميلات اما التمرة مع الدقيق ممتازة وطريقتك حلوة مع حليب اعمليها ولكن الفلفل حطي فلفل اسود حق الطعام العادي وممكن تسوين النظام في رمضان عادي

سؤال: انا حامل هذا اول حمل لي انا الان بالشهر الثامن و زوجي ملاحظ ان المنطقة اوسع من اول مع اني ما احس بالشي هذا فما ادري هل هي من كثرت الافرازت مع انه ما عندي افرازات كثير وهل الشي هذا طبيعي ؟ واذا ما كان طبيعي وش الحل في نظرها ؟ وهل الحامل تقدر تستخدم اي شي لتضييق المنطقة بشرط انه ما يضرها ولا يضر الجنين يعني مثل غسول معين ؟ و اخيرا هل بعد الولادة رح يتغير الوضع الى الافضل ام الى الاسوء؟

اما الافرازات فهي بالغالب تزيد مع الحامل وممكن هي اللي تحسسك انك متوسعه (اسفه على التعبير) وللاسف مع الحمل ماتقدرين تسوين شيء ولكن بعد الولادة اهتمي بنفسك وطبقي النظام وانتي ان شاء الله بترجعين زي اول ويمكن احسن وتصدقين انه زوجت خالي كان زوجها دايم يقولها

انتي بعد ماولدتي صرتي احسن من يومك بنت مع انها سوت عملية توسيع والسبب انها اهتمت بنفسها زين
سؤال: انا قريت باحد المنتديات ان الرشاد ماغيره يطحن ويخلط مع الحنا ويوضع على الشعر وانه زين للشعر بس وحده قالت انها حطتها على شعرها وحار ماادري خفت احط الرشاد مع الحنا ويحرق فروة راسي واصلع وحنا مو ناقصين صلع فياريت حبيبتي تفيديني

ابعطيك معلومه الشعر أي شيء جديد يستنكرة ويطيح عليه يعني مثلا حتى الحناء اذا الشعر مو متعود عليها بيطيح منها ولكن الرشاد لا ولا ولا لاتحطينه على شعرك يمكن يطيحه لانه حار جدا
ولكن خذي هالخلطه وجربيها(زيت خروع اصلي مقدار كوب+ لب الصبار ورقه وحدة) واتركيهم لمدة يتفاعلون مع بعض وبعدين ادهني شعرك فيهم ومن بكر حنيه وهكذا.


سؤال: أنا اخر دوره لي نزلت خفيفه ثم خفت اكثر كأنها أنقطعت ثم نزلت عادي وكانت مدتها 12يوم الأن فيني الدوره اليوم خامس (الأثنين)وشكلها بتطول وش أسوى عشان تنزل مره وحده وماتطول والأن رمضان جاي الله يبلغناه وأخاف تتكرر المشكله علما باني تاركة الحبوب من سنه وهذي أول مره تجي الدوره بهذا الشكل أرجو انك تساعديني من الأعشاب اللي عندي حاليا وهي حبه سودا,رشاد ,دارسين ,مسمار,زنجبيل,فلفل أسود,كمون,عسل

ما اقدر اوعدك بشيء لان تنظيم الدورة يعتمد على نفس المرأه بعضهم يكون عدم انتظامها من الاهمال والبعض الاخر بسبب الضعف او مرض بالارحام ولكن انصحك تهتمين بدورتك وبالنسبه للادويه اللي عندك زينه يعني ممكن تسوين سفوف من(الحبه السوداء+الكمون+الدارسين+شوي قرنفل +شوي فلفل اسود) وشاي اعشاب من( الحبه السوداء والدارسين والزنجبيل والكمون والعسل) والرشاد اضيفيه للتمر وبعدين الايام الاخيرة لللسفوف السابق


سروبة غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر



قديم 07-05-1427 هـ, 03:25 صباحاً   #2
**(( شوق ))**

عضوة فعالة
 
الصورة الرمزية **(( شوق ))**
 
تاريخ التسجيل: 16-01-1427 هـ
المشاركات: 718


مشششششششششششششششششكوره
من زمان وأنا أدور على هذا النظام مع الأسئله


يا فتنـــة العاشـــق ترانـــي دخيلك ... من نظرتك من جمـــرتك من ثناياك
حسنك فضح كل الحسن في سبيلك ... مثل الزهر يفضح تجاعيد الأشواك
**(( شوق ))** غير متواجد حالياً رد مع اقتباس

قديم 07-05-1427 هـ, 10:03 صباحاً   #3
أغليك يانجدالحبيبة

عضوة جديدة
 
تاريخ التسجيل: 19-03-1427 هـ
المشاركات: 82


جزاك الله خير والله إني حافظه الموضوع لكن ما قدرت ألخصه وأحفظه وأنتي جزاك الله خير وفرتي علي .....الله يستر عليك دنيا وأخره ويرزقك ما تمنين....امين يارب..


وليا تباهو بالمنازل والأوطان....................لي ديرة سيد المخاليق منها
أغليك يانجدالحبيبة غير متواجد حالياً رد مع اقتباس

قديم 07-05-1427 هـ, 01:57 مساءً   #4
alzenh

عضوة نشيطة
 
الصورة الرمزية alzenh
 
تاريخ التسجيل: 13-12-1426 هـ
المشاركات: 467


جزاك الله خير





alzenh غير متواجد حالياً رد مع اقتباس

قديم 08-05-1427 هـ, 07:56 مساءً   #5
لمياء44

عضوة جديدة
 
تاريخ التسجيل: 16-03-1424 هـ
المشاركات: 9


مرحبا اخواتي
اختي الصغيره لم تتزوج بعد وتعاني من التهابات متكررة بس بدون ألم وتعاني من خروج هواء من المنطقة ما الحل في حالتها
وجزاكم الله خير


لمياء44 غير متواجد حالياً رد مع اقتباس

قديم 09-05-1427 هـ, 02:38 صباحاً   #6
سروبة

عضوة جديدة
 
الصورة الرمزية سروبة
 
تاريخ التسجيل: 01-02-1426 هـ
المشاركات: 92


شكرا لكم اخواتي
نزلت الموضوع بدافع فيد واستفيد
اختي لمياء44
انصحك انك تعرضي اختك على دكتورة لأنها
مومتزوجة لا تستخدمي لها شيء يخربها


سروبة غير متواجد حالياً رد مع اقتباس

قديم 03-09-1427 هـ, 09:00 مساءً   #7
ام الرور

عضوة
 
تاريخ التسجيل: 08-08-1427 هـ
المشاركات: 197


جزاك الله خير


ام الرور غير متواجد حالياً رد مع اقتباس

قديم 04-09-1427 هـ, 02:14 صباحاً   #8
المرحـه

كبيرة محررات
 
الصورة الرمزية المرحـه
 
تاريخ التسجيل: 23-09-1425 هـ
المشاركات: 9,484


الله يجزاك خير ويوفقك دنيا واخره


انتقل الاسم لاختي

باااااي
المرحـه غير متواجد حالياً رد مع اقتباس

قديم 04-09-1427 هـ, 12:46 مساءً   #9
قوافل النور

محررة
 
الصورة الرمزية قوافل النور
 
تاريخ التسجيل: 24-02-1425 هـ
المشاركات: 1,033


جزاك الله خيرررررررررررررررررررررررررررر


ربي إشرح لي صدري ويسر لي أمري وأحلل عقدة من لساني يفقهوا قولي
قوافل النور غير متواجد حالياً رد مع اقتباس

قديم 23-04-1428 هـ, 02:32 صباحاً   #10
ام رغدة

محررة ذهبية
 
الصورة الرمزية ام رغدة
 
تاريخ التسجيل: 02-02-1423 هـ
المشاركات: 4,561


انا سامعة عنة كثير بس هو مضمون ...








ام رغدة غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 02:03 .


تابعونا على Facebook
تابعونا على Twitter