هذا الله يسلمكن نحن طبعا زارعين طماطم وبحكم انه موسم الطماطم فالجميع يطرشلنا طماطم غير اللي زارعينه على اساس انه مافي كيماوي ....والله نخاف من الأمراض الله يعافي الجميع ....فلما فاض الطماطم عن حده وبعد ماوزعنا على الجيران خفنا يخيس فقمت احوس فالانترنت لحد ماوجدت طريقه مخلل للطماطم طبعا وجدت عدة طرق لكن اعجبتني هاي الطريقه وبالفعل طلع روووووووووووووعه والله ماتوقعت يطلع جيه كنت مستغربه طماط ومخلل احسها صعبه اعذروني ترى مالي شغل بالمخلل ولا اعرفله ...فلما ذاقته امي طبعا امي من الاول ماشجعتنا على اساس انه شوبيصير الطماطم ماء مايتحمل لكن لما ذاقته تجننت عليه انا نفسي استغربت فقلت لازم اشارك خواتي اللي فالمنتدى بالطريقه طبعا هي معروفه وسهله بس اللي مو متشجع يتشجع والله الريحه خبال تفتح النفس ....الحين كل وحده ركض على المطبخ وتسوي المخلل
المهم ادري طولت السالفه وهي قصيره
بسم الله بدينا
المقادير:
5 كيلو طماطم
خل غرشه كامله
أربع ونص رؤوس ثوم
ملعقة كبيرة كزبرة ناشفة مطحونة
كوب ملح
نصف كوب فلفل احمر
3 ملاعق كبيرة حبة البركة
ماء
مرطبان زجاج كبير
الطريقة :
نغسل الطماطم ثم نقطع الطماطم إلى أربعة أقسام دون أن نفصلهم عن بعض
نعمل الخلطة ناخذ نصف راس الثوم ونقطعه شرايح والملح والكزبرة والفلفل الأحمر ونضيف لهم الخل حتى يصير عجينه
ثم نحشي الطماطم بالخلطة
وإذا بقى جزء من الخلطه نضيفله الخل حتى نسكبه داخل على الطماطم لما نحطه فالمرطبان
نرص الطماطم فالمرطمان وكل شوي نضيف فصوص الثوم
ولما نملأ المرطبان نسكب فوقه حبة البركة وبعدين نسكب الخل بس انا ماضفتها كلها بقى تقريبا اقل من الربع خفت تطلع وايد حامضه وبعدين ضفت الماء لحد مامتلأ المرطبان
وآخر شئ سكبت زيت الزيتون حتى امتلأت فوهة المرطبان
وتركته فالشمس
وبعد اسبوع صار جاهز وممكن تتركينه اسبوعين اذا تحبينه يكون لين أكثر وبالعافيه
ونقدمه مع الرز
يمممم .. لازم اسويه