"النفاس و الدورة يا دمار يا عمار" >> نظام فيافي بإعدادي الخاص!

مرحبا..
أنا دوبني مخلصة نفاس من أسبوعين،و الحمدلله أموري تمام.. و قبل ولادتي بفترة قصيرة انكبيت على مذاكرة الملزمة اللي منتشرة هالأيام عن نظام فيافي و دخلت المنتدى و قريت الاستفسارات و التوضيحات اللي كتبتها الأخت باتونيا
و لأنني أعشق الاهتمام و النظافة و الترتيب و التنظيم و التصنيف و جدولة المهام و الوقت، رتبت النظام و تخلصت من الأوراق و الملزمة و الاستفسارات المبعثرة هنا و هناك..
طبعا أضفت بعض الأشياء اللي أنا راح استفيد منها و اللي أخذتها من بعض الأخوات في المنتدى..وأضفت أشياء خاصة مني أنا..فحطيت الخلاصة بطريقتي الخاصة وبأسلوب اهتمامي الخاص بنفسي في الدورة و النفاس للبنات اللي محتاجينه في المنتدى لأني استفدت كثيييييييير هنا فحبيت أفيدكم..
وعذرا لأي استفسار أنا ما أقدر أجاوب عنه..لأن هالنظام من فيافي الله يجزيها خير..و أنا أول مرة أجربه و مرتاحة مرة منه و السبب الرئيسي هو

1- انتي تسوينه بنفسك و مقاديره معروفة و واضحة (يعني بإمكانك تستفسرين عن فائدة عشبة معينة لو ما اقتنعتي فيها)
2- إذا تركتي هالنظام ما راااااااااااااااااح يضرك

و اللي يبغى يجربه كله أو بعضه..هو حر للي يرتاح له..
و الأشياء اللي كثر الجدل فيها (التحاميل، الرشاد، العنزروت) أنا ما أقدر أعلق عليها إلا بشي واحد وهو إن الوحدة يا تستخدمها بالشكل اللي يريحها يعني مثلا التحاميل تستخدمها بس في أخر 20 يوم من النفاس كل يومين مرة مثل أختي سوت هالشكل..يا تبطل منها و ترتاح..زي الرشاد..أنا أخذته بس 3 أيام أخر النفاس..

و اللي يسب في هالنظام..أعتقد انه مو كل الناس تكون استجابتها نفس الشي للي ياكلونه..و يمكن النظام ما تم الالتزام فيه صح..خاصة الممنوعات و هي اللي تخرب التعب و الاجتهاد في المحافظة
و يمكن بعض الناس ما راح يلاقون الفايدة إلا بعد فترة (كذا دورة...)
و كثير اشتكوا من رطوبات و سوائل و غيرها..فأنا اعتقد ان شغل هالنظام هو تنظيف الرحم ..يمكن بعض البنات يحتاج رحمهم لفترة طويلة على بال ما ينظف فتختفي هالأعراض عندهم بعدين..و يمكن بعضهم رحمها نظيف من الأول فما تواجه هالمشاكل..و غيرها تجيها التهابات من مصادر ثانية!!

عموما شغله كثير في البداية (التنظيف و الطحن...) ، لكن لما يجي وقت أكله فعادي أحس..
الكميات تكفيك للنفاس و لأكثر من 4 دورات و هذا أحسن عشان ما تتعبين و تخلطين من جديد إلا بعد فترة 6 شهور - سنة
و الأشياء اللي ما حطيت عليها كمية فحطيها كميات متساوية.
وعذرا، أرجو عدم سؤالي عن جزء الحالات الخاصة و علاجها لأنه مالي خبرة فيها بس نقلتها من كلام فيافي..بس اللي أعرفه إن كثير جربوها و تعالجوا!!
وجزء العناية بالبشرة..من عندي..عشان السواد و تغير البشرة و هو مش بس للنفاس و انما دايما بيكون أفضل للبشرة و المنتدى مليان أفكار كثيرة.
ومشاركاتي أنا قليلة ممكن تلاقون فيها شرح لبعض الأشياء اللي موجودة في الملف...
الملف صغير – مضغوط حجمه 31 ك ب..8 صفحات

أرجو من الجميع الاستفادة..و دعواتكم...