شلونكم يا بنات شخباركم طولنا عليكم بس رجعنا واليوم بنشرح لكم طريقة عمل قبعه ولادي وآشوف الشباب هالايام هابين فيها هبه الطريقه سهله بس محتاجه شوية تركيز في النهاية لان بنستخدم اربع ابر للتنقيص . بعرض لكم الصور بعدين الشرح
انشاءالله تعجبكم
الطريقة:
في بداية العمل بنستخدم الابره الدائريه (سلك في الوسط) مثل الصوره مقاس 16 أنش
عدد الغرز يعتمد على سمك الصوف (اذا كان الصوف رفيع نعمل 112 غرزه أو اذا كان الصوف سميك نعمل 88 غرزه) (في الصور العلويه استخدمت 88 غرزه) نبدأ العمل دائري
السطر الاول (في بداية السطر الاول حطي مشبك او علامه تحديدن فيها بداية السطر او نهايته) او شتغلي السطر الاول كله بالمقلوب ابتدي من العلامه ونتهي عند العلامه
السطر الثاني عدل
السطر الثالث مقلوب
السطر الرابع عدل
من السطر الخامس نبدأ نشتغل غرزتين عدل او غرزتين مقلوب (نبدأ بالغرزتين العدل او ينتهي السطر بالغرزتين المقلوب نستمر في العمل بنفس الطريقة الى ان يصبح طول القطعه 17 انش.
بعدين نقوم بتقسيم عدد الغرز على 3 ونوزع الغرز على ثلاث ابر ونشتغل بالابره الرابعه
طريقة التنقيص:
الدور الاول :نشتغل 6 غرز (الغرزه عدل نشتغلها عدل والمقلوب نشتغلها مقلوب) او نشتغل الغرزه رقم 7 و 8 مع بعض بالمقلوب (استمري بنفس الطريقه الى ان تصلي الى العلامه يعني نهاية السطر)
الدور الثاني : نشتغل 5غرز و الغرزه رقم 6 او 7 نشتغلها مع بعض بالعدل (يعني في التنقيص اذا صادفك غرزه عدل او غرزه مقلوب اشتغليها بالعدل)
الدور الثالث : نشتغل 4 غرز والغرزه رقم 5 او 6 مع بعض
الدور الرابع : نشتغل 3 غرز والغرزه رقم 4 او 5 مع بعض
الدور الخامس : نشتغل غرزتين والغرزه رقم 3 او 4 مع بعض
الدور السادس : نشتغل غرزه والغرزه 2 او 3 مع بعض
الدور السابع : كل غرزتين مع بعض
الدور الثامن : كل غرزتين مع بعض
في النهاية الغرز الباقيه قطعي خيط الصوف استخدمي ابره خاصه بالصوف او خذي الغرز المتبقيه مره وحده او ختميها .
انتهى الشرح انشاءالله يكون الشرح واضح والطريقه تره سهله مو صعبه.
او سلامتكم
تحياتي لكم جميع من اختكم أعاصيرررررررررررررر
