سحر جميل

سحر جميل @shr_gmyl

عضوة جديدة

حيـاتي سعيدة لانها خاصة بي فقط $

الأسرة والمجتمع








مساء الخير
كيف حالكم جميلات ؟ هنا موضوع مفيد أقـروا جيدا بوعي ..




***
اليوم راح أتكلم عن موضوع مهم واحس الكل هنا يحتاجه
ممكن تكونوا عارفين المعلومه لكن ماتطبقونها او ماعندكم
العزيمه لذالك لكن هالنقطة لو طبقتوها بحياتكم انا من رأي الشخصي
انها راح تحل مشاكل كثير انتي بغنى عنها يلا نقرا ..


***










الكثير منا يشكي تطفلات الاخرين بشكل او بأخرى
سواء اهل الزوج او الام او الأخت او الأقارب او الأصدقاء
اسرارك لا تشاركي فيها خليك غامضة لا تكوني
كتاب مفتوح للجميع وبأي جلسه انتي مستعدة
تتكلمين وتتكلمين وتشكين وتعترفين و كذا وكذا صار
بعدين راح تتسائلين ليه احس الناس مايحترموني ..؟
يكلموني وقت للحاجة ..؟؟ اشوف تعاملهم غير مع فلانه ..؟
يتوودن لها بشكل غريب وانا اكلمهم واجلس معاهم اكثر منها
ومايسون لي كذا ؟ ليه يستهزون في ويدخلون بكل شي في حياتي؟
ليه يسألون عن ادق التفاصيل ؟ ليه مايتكلمون لي بس يسمعون ؟
ليه وليه وتكثر الأسئلة ..





***


سوال .. ايش النتيجة او الثمرة الي لما تتكلمين عن موقف صار لك مع زوجك ؟
تضمني الي قدامك ماتنقل الكلام ؟
تضمني الي قدامك ماتشوه صورتك عند الناس ؟
طيب تضمني انو بكرا لو حدث خلاف بينكم ماتعايرك وتقولك انتي كلك مشاكل ؟
تضمني بكرا هالانسانه ماتستحوذ على زوجك او تحسد عيالك ؟
طيب وان تكلمتي وقالت لك افعلي كذا ليه هي مستشاره ؟ دكتورة ؟ متخصصه ؟
ممكن رايها ينطبق على زوجها فقط ولما تطبقينه انتي تنهدم حياتك وللأسوء ..
وبكرا انتي تتصالحي مع زوجك وعسل مع بعض لكن الي اسمعوك مراح ينسون
شنو وصفك فيه زوجك شنو قالك زوجك شنو الاهانات ..


وحتى اطفالك لا تتكلمين عنهم بنتي شقيه بنتي كثيره الحركة بنتي وبنتي
الناس بعدها راح يستهينوا باطفالك راح يضربوهم راح يوجهون لهم اهانات
لفضيه وبتشوفي بكرا الكل يتمادى عليهم وبتصير بالاخير شخصيتهم ضعيفه
واذا حبتيهم وقدرتيهم قدام الكل راح يحسو بهالشعور ويبادلونهم نفس الشيء


وحتى الزوج ممكن الي تجلس معك تروح تنقل لاخوها لابوها لزوجها ووممكن
يكونوا على علاقه مع زوجك وراح تتشوه صورته وبيصير تناقل كلام عنه .


الوحدة الي تحب نفسها وتدلعهاوتدلع عيالها واطفالها وتتكلم بدلع وثقه و
اهتمام لا ارادي ينعكس على الي حولها ويهتمون فيها زود وفي اطفالها
ويحبونها والكل يمدحها ويسمع كلامها .. لذا حبي نفسك وقدريها .:kiss2:


و انتي بمجرد تكلمتي بداعي الفضضفه ابي ارتاح وراح تنسين لكن حتى لو بعد 5 سنين
الناس مراح تنسى تعليقك وكلامك السيء على زوجك وعلى اطفالك وعلى نفسك وعلى مملكتك
لذا للكلام تبعات ومشاكل كثيره ممكن ماتصصورين لكن في المستقبل يثبت لك اكثر


من اليوم ورايح مراح احد يتكلم عن نفسه عن مواقفه عن عياله
عن مشاكله عن كل شيء .. احتفضي فيه لنفسك ..
ترا المضار التي تجنيها اكثر من الي راح تستفيدي والمضار بتكون ف المستقبل ..


تبغين استشاره .. في كثير ناس متخصصه ودكاتره وعلماء نفس وزواج مختصين
بهالامور كلميهم واخذي النصيحة الصح منهم الي تفيدك .




***






نقطة ثانية وكلها في محور حياتي واحترامي لذاتي والناس
اذا اتغيرتي وقمتي ماتتكلمين عن نفسك وجاو لك ناس متطفله
وسألوك حملتي .. شنو صار مع زوجك اخر موقف .. عيالك كيف
الحين .. زوجك اذا طلعتي وكذا شنو يقول لك .. زوجك يحبك ..
ومن هالاسئلة الي اشوفها خاصه ..
الرد شنو ..تعلمي فن الرد .. فن الرد ب أدب بدون ماتجرحين الي قدامك
وبدون ماتقللين من نفسك .. ولنفرض ان في جمعه حريم وراح تقبالين
الي راح تسالك افترضي أسئلة من مخك وشنو بتردين عليها
وطبعا لما تكوني مروقة وهادئة راح تطلع واجد اجوبه مقنعه
وراح تستفيدن منها في المواقف الجايه الي ممكن تتعرضين لها
مثال أخير .


- الي تطلبك طلب ومثلا مثقله عليك سواء حماتك اختك
غيرها ؟ تعلمي قولي لا انا مشغولة وبأدب طبعا
معليش حبيبتي لو اقدر من عيوني بس عندي ضرف
وماقدر لو ودي اخدمك من عيوني
- طبعا اذا كانت شخصية ماتستهال وتاخذ ماتعطي وماتخدم
بس اذا تخدمك وكذا لا بالعكس ساعديها وكذا .
ومن باب انك ماتحملين نفسك فوق طاقتك وقدرتك انتي مشغوله
قولي انا مشغوله سواء لاهلك لزوجك لصديقك المجاملات الكثيره
راح تعود عليك بالندم والتعب النفسي والجسدي والعقلي
وصحتك وراحتك أهم واغلى من أي شيء .

لا افراط ولا تفريط


****


بخصوص الأسئلة :
سالتك سوال خصوصي .. عطيها نضره استغراب واسفهيها
وغيري الموضوع بقوم اكلم بقوم اروح دورة المياه ابغى ماء وكذا
- ليش ماسافرتي ؟ ليه ماحملتي ؟ ليه وليه ؟
انا وبو فلان مابعد نفكر ومابعد نقرر ليه الامر يهمك للهدرجة ؟
أي واضح تبين تسافرين وزوجك موراضي ليه شاغله تفكيرك فيني
واحسن حل تقابلين كل سوال بسوال وهالنقطة جدا مفيدة
_ ليش ماحملتي ؟ عساك تحملين انتي ليه اختك ماحملت ؟
ليه مرت اخوك ماحملت وعطيها أسئلة تتأدب ماتسالك مرة ثاني :biggrin:


- سالتك عن حياتك الخاصه .. قولي مو وقته بجد وحياتي خاصه
فيني ماقول لاحد عنها مع ابتسامه مجاملة او يو شنو الطاري
او شنو راح تستفيدين او ممكن بعدين اقولك وتاجلينها بكذا وتتهربين
او تغيرين السالفه بأكملها شخبارك مع زوجك ؟ الا صج شخبارك
انتي مع االخادمة الجديدة عساها كويسة مريحتكم ايوا وكذا
اعملي نفسك مانبهتي او مش مركزة وانتبهي لا تنفعلين بالرد
او تتهجمين او كانك معصبه ومتنرفزة ومتوترة تدربي تتكلمين قدام المرايا وتختلقين
مواقف وتردين عليها مع ابتسامه جميلة يا جميلات وتصبحون على كل الجممممال :kiss2:






**** اذا عندكم اضافه او ملاحضه او تشوفون نقطة خطا
ممكن توضحونها هنا عشان الكل يستفيد ..وأخيرا
استغفر الله العظيم اللهم احفظ لساني عن العالمين واغفر لي يارب العالمين
سبحان الله والحمد لله ولا اله الا الله والله اكبر .. الحمد لله كثيرا على نعمك يارب
لنردد :اسراري خاصة بي فقط .. اسراري خاصه بي فقط .. اسراري خاصة بي فقط
وحياتي سعيدة جدا . حياتي سعيدة جدا لان اسراري خاصة بي فقط :king:
في امان الله جميعا ..
30
9K

يلزم عليك تسجيل الدخول أولًا لكتابة تعليق.

تسجيل دخول

روئ العمير
روئ العمير
موضوع روووعه تسلمين عليه
*مشتاقة الى الجنة*
جزاك الله خير وسلمت اناملك الجميلة
@--@
@--@
موضوعك رائع مررره.... وعيتي الكل عن كثره الحكي و التشكي ....

فعلا ما فيهم خير هالشيئين .....

و ملاحظتي كالتالي



احس ما يصلح تمارسين نفس اللقافه ... بعدين مالك وجه تتشكين من لقافتهآ ....

ممكن تردين بدعآء لاختها او مرت اخوها الي ما حملو ..... قولي الله كريم يرزقنا و يرزق فلانه وفلانه اللهم آمين

""طبعا فلانه و فلانه اختها أو بنت تعز عليهآ مرره"

و بتفهم ان حتى هي عندها امور حساسة و ما تحب احد يجرحها

ممكن السؤال بسؤال ببعض الامور .... لكن مو كلهآ .... ممكن الي تسالك وش تطبخين قولي مدري والله ما فكرت ونتي ؟؟

لكن امور الخصوصيات احذري تسآلين

والا صار عليك حق

والملاحظه الثانيه:


نفكر و نقرر == صيغه مضارع

اتوقع قصدك: ما بعد فكرنا ... او لسا نفكر ... صح ولا انا فاهمه غلط ؟
سحر جميل
سحر جميل
صح كلامك لكن انا نضرت انو اهي مو حاسه على نفسها
لذا ماراح تفهم ان ذا الأسلوب خطا ..؟ اذا مافهمت طيب ؟
كل مرة انا مضظرة ابرر واتكلم لها واشرح ؟
لا مو كل مرة . عشان تفهم وتحس على دمها ونفسها
لان في ناس ثقيله وممكن ماا شفتي ذي النوعية
اسئلتها ماتخلص وفي كل جمعه ممكن تمسكك
وتجلس معك بعيد عشان تعطيك قائمة أسئلة
لذا يمكن منها تحس انك متضايقه ومنها تغير من طبعها
وبتطفش وتحس ان ذا الموضوع يطفش وملل و تغيره
لان اذا هي جربت راح تعرف ولا بدون تجربه كيف بتوصلها
المعلمومه /


والاحلى انك تردين عليها بدعاء كما قلتي وتختصرين عليك
وعليها وتكسبين منها اجر .
دلووووعه و ذووووق
ررررووووعه جزاك الله خير على كل كلمه استفدنا منها😘😘