amjad_glory

amjad_glory @amjad_glory

عضوة فعالة

افضل بي بي كريم استخدمتهم 2 BB cream

المكياج والعطور

السلام عليكم
يعني ما حد سأل عني ولا قال مجود فين ولا شي:lookaroun >>> اسكتي :unsure:
حبيت اكتب عن بي بي كريمات اللي استخدمتهم بعد اخر موضوع كتبت عنه عن البي بي كريم من شهووووووووور >> يب
بس راح اكتب اول شي ايش هو البي بي كريم يمكن كثير ما يعرفو ايش فوائدة او ايش الفرق بين البي بي كريم و الفاونديشن او كريم الاساس
البي بي كريم هو ( اخف من الفاونديشن ينفع للنهار اكثر عشان فيه واقي شمس بس مو كل الكريمات نسبة الواقي فيه قريبة او متاشبهة لا في انواع تكون الوقاية فيها قليل فأستخدمي واقي قبل ما تحطي الكريم هو يغطي الاحمرار و العيوب و يوحد اللون اذا عندك تصبغات و تقدري تستخدمية للمناسبات اذا ما عندك عيوب كثيرة في وجهك وبس )
طبعا انا راح احط كل صورة وتحته وصفة
يلا نبدأ بسم الله
1- بي بي كريم من ديور ( dior hydra like BB cream )

قوامه او ملمسه جيد ويتوزع بسهولة وزنه خفيف رغم انو موجود فيه مرطب , تغطيته متوسطة يغطي الاحمرار و الحبوب و كذا , انا بشرتي دهنية بس في البداية كنت خايفة اني اشترية عشان مكتوب فيه انو موجود فيه مرطب بس بالنسبة لي في البداية عطاني شكل مات بس بعد كم ساعة الدهون او اللمعة صارت تظهر بس بشكل غير مبالغ فيه , انصح الكريم دا لي اللي بشرتها جافة و عادية عشان موجود فيه مرطب للبشرة و فيه وقاية عالية من الشمس .
2- بي بي كريم من لوريال ( L'oreal paris magic skin beautifier bb cream)

هذا البي بي كريم هو زي البلسم او المرطب مع فاونديشن ما تحتاجي تحطي معه اي بودرة عشان هو راح يعطيك شكل مات او مطفي و يمنع الدهون و افضل شي انه يقفل او يصغر المسام و تغطيته من متوسطة لي تغطية كاملة وزنه مو ثقيل يعني غير لزج او دهني ويعطيك شكل طبيعي في البداية راح يكون لونه ابيض و بعدين لما توزعيه لونه راح يصير لون البشرة وله 3 درجات و مكتوب انه ينفع للبشرة الحساسة بس انا ما ادري اذا دا الشي صح او لا .
3- بي بي كريم من كلينيك ( Clinique age defense BB cream )

دا بي بي كريم مرطب مع فاونديشن او كريم اساس راح يعطيك شكل خالي من العيوب و يمنع التجاعيد و الخطوط التعبيرية ينفع لجميع انواع البشرة و خاصة الدهنية زي انا راح يمنع الدهون و اللمعة الوجه لما تحطي المكياج و تغطيته كاملة .
4- بي بي كريم من شماس بوكس ( smashbox camera ready BB cream SPF35 light 0.5oz)

هذا البي بي كريم يغنيك عن الفاونديشن و مره جميل هو خمسة في واحد هو (برايمر - متحكم بالزيوت-كونسيلر- واقي للشمي- بي بي كريم مع نهاية مطفية او تعطيك شكل مات ) تغطيته كاملة مناسب لجميع انواع البشرة و خاصة الدهنية عشان معروفة الدهنية فيها افرازات وتخلي الوجه يلمع فهذا الكريم يمنع اللمعة و يتحكم بالزيوت و يعطيك شكل طبيعي وله خمسة درجات عشان يناسب لون البشرة المناسبة.
5-بي بي كريم من ديور (dior diorskin nude BB cream)

هذا الكريم رائع راح يعطيك شكل خالي من العيوب رغم انو تغطيته متوسطة بس بالنسبة ليا غطي كل شي وزنه خفيف يعني غير لزج او دهني يتوزع بسهولة ويطول عليك بس اذا تبغي نتيجة افضل استخدمي البودرة معه كذا درجة الثبوت تطول .

وبس هذول اللي استخدمتهم دحين انا جالسه اجري بي بي كريم من شانيل و قلت ما راح اكتب عنه لحد ما اتأكد منه , وكنت ابغى اكتب عن بي بي كريم من ميبلين بس هو معروف فقلت مو لازم
كل هالمنتجات ماركة كلينيك - سماش بوكس - ديور ( في وجوه - باريس غاليري- دنهباز ) الاسعار من 100 لحد 200
وباقي المنتجات في سنتربوينت او في صيدلية النهدي راح تحصلو لوريال بس مو في كل الفروع في الفرع اللي دائما فيه كل شي و بنات المدينة في الفرع اللي في سلطانه و الاسعار اقل من 100 ريال وبس
سامحوني اذا طولت عليكم بس حبيت اشرح كل كريم عشان افيدكم
اي سؤوال او استفسار اكتبوه في الكومنت

يلا مع السلامه :icon35::icon35::icon35:

:26: اختكم في الله :26:
28
137K

يلزم عليك تسجيل الدخول أولًا لكتابة تعليق.

تسجيل دخول

ركايز
ركايز
لااله الا الله
مشكوووره ويعطيك العاافيه على المعلوماات الجميله يالغلا
ظـل السحـاب
ظـل السحـاب
شكككرا اختي على المجهود..
لحد احين ما لقيت البي بي كريم المناسب لبشرتي.. خصوصا مع الحمال بشرتي جااافة.
ودي ببي بي كريم يكون مرطب قوي في نفس الوقت..
لو تعرفين فيديني ما عليج امر.
amjad_glory
amjad_glory
لااله الا الله مشكوووره ويعطيك العاافيه على المعلوماات الجميله يالغلا
لااله الا الله مشكوووره ويعطيك العاافيه على المعلوماات الجميله يالغلا
العفو حبيبتي والله يعافيك
شرفتي💐
amjad_glory
amjad_glory
شكككرا اختي على المجهود.. لحد احين ما لقيت البي بي كريم المناسب لبشرتي.. خصوصا مع الحمال بشرتي جااافة. ودي ببي بي كريم يكون مرطب قوي في نفس الوقت.. لو تعرفين فيديني ما عليج امر.
شكككرا اختي على المجهود.. لحد احين ما لقيت البي بي كريم المناسب لبشرتي.. خصوصا مع الحمال بشرتي...
العفو قلبي و جربي كريم ديور اول واحد كتبت عنه موجود فيه مرطب عالي و اذا تبغي بي بي كريم رخيص بس فيه مرطب جربي كريم ريفلون موجود فيه مرطب عالي و ينفع للبشرة الجافة و في بي بي كريمات لوريال
موفقة💐
ظـل السحـاب
ظـل السحـاب
مشكورة حبيبتي