كيكة الفدج بصوص الفدج من مطبخ الشيف مونى بالصور

الحلويات الشرقية والغربية



السلام عليكم ورحمة الله
مكونات كيكة الفدج:
كوبين وتلتين دقيق
ملعقة كبيرة بيكنج بودر
ربع كوب كاكاو خام
كوب الا ربع سكر
تلت كوب سكر بنى
3 بيضات كبار
فانيليا
نصف كوب ساور كريم(كريمة حامضة)
كوب الا ربع زبدة طرية
نصف كوب زيت
كوب وتلت مياه باردة
مكونات صوص الفدج:
كوب فريش كريم
ملعقة كبيرة زبدة طرية
نصف كوب سكر بنى
2 ملعقة كبيرة عسل جلوكوز
فانيليا
ربع كيلو شوكولاته مقطعة
وللتزيين:
فراولة
شوكولاته دارك وابيض ذائبين
(او حسب الرغبة)
الطريقة:
فى اناء هنحط الدقيق والبيكنج بودر والكاكاو الخام والسكر الابيض والبنى

ونخلطهم وفى اناء تانى هنحط البيض والفانيليا والساور كريم

ونضربهم بالمضرب الكهربائى

وفى اناء تالت هنحط الزبدة والزيت والمياه الباردة

ونضربهم

ونضيفهم لخليط الدقيق والمواد الجافة

ونضربهم

ونضيفلهم خليط البيض والكريمة

ونضربهم كويس لغاية ماتمتزج المكونات

ونحط الخليط فى صينية مدهونة مقاس 26

خبزتها فى فرن حرارته هادية وطلعتها لما استوت وطبعا كل واحد فرنه غير التانى

دخلتها التلاجة ساعتين تبرد وقسمتها نصفين

تاااااااااااااااااااابعونى
مكملة المشاركة الجاية
10
3K

يلزم عليك تسجيل الدخول أولًا لكتابة تعليق.

تسجيل دخول

الشيف مونى
الشيف مونى
عدنا كما وعدنا
هنعمل صوص الفدج
فى كسرولة هحط الفريش كريم والسكر البنى

وعسل الجلوكوز

والزبدة

ونقلبه ونسيبه يغلى على النار

وبمجرد مايغلى نطفى النار ونضيفله الشوكولاته المقطعة والفانيليا

ونقلب لغاية مالشوكولاته تدوب وهيبقى الصوص ناعم وبيلمع

ونحط جزء منه على الكيكة بعد ماقسمناها

ونحط الصوص يجمد فى التلاجة شوية عشان هنغلف بيه الكيكة من برة




والفراولة للتزيين هحط عليها شوكولاته دارك سايحة واعمل عليها خطوط بالشوكولاته البيضاء

هى الكيكة مكوناتها كتير لكن تستحق التجربة عشان طعمها متميز والمكونات هنا مينفعش نستبدلها بمكونات بديلة ماعدا عسل الجلوكوز ممكن نستبدله بعسل نحل وبالنسبة للساور كريم هو متوفر جدا فى اى سوبر ماركت في قسم الكريمات زى كريمة الطبخ والحلويات
وده شكل الكيكة النهائى









وبالهنا والشفا
عشق الشوكولاته
عشق الشوكولاته
يم يم شكلها يشهي ماشاء الله


تسلم الايادي حبيبتي
في القلب دكراهم
في القلب دكراهم
ما شاء الله عليكي يا موني اتوقع ينفع تبيعين شغلك لان شكله يفتح النفس
om naser_64
om naser_64
montreal-canada
montreal-canada
تسلم يدك شكلها لزيزة