على طاري الفرحه رمضان قرب...تعالوا نسولف عن يومك من أول ماتسمعين إعلان حلول الشهر....

المنزل والديكور

السلام عليكن ورحمة الله وبركاته


كيف حالكن أخواتي جميعاً....


أنا إنسانه مهووسه بشهر الخير رمضان ❤❤.....أحب طاريه....وأعشق المواضيع اللي فيها طاري رمضان❤❤...إنتن مثلي.....أكيد...ومن مايحب شهر الرحمه والمغفره والروحانيه....❤❤❤


يارب ياكرم تبلغنا رمضان انا ومن احب وجميع المسلمين ونحن بصحه وعافيه .....


أولا موضوعي بنتكلم فيه عن وش تسوين من أول ماتسمعين خبر رؤية هلال شهر رمضان المبارك🌙....


ماشاء الله تبارك الله...اللهم بارك....>>تخاف من الحسد والعين.....لايكثر...

بالنسبه لي أنا أكون منظفه البيت والمطبخ وكل شي استعدادا لسماع الخبر...


بمجرد ما اسمع الخبر ❤❤❤🌙🌙



اقوم اولع فحم ❤❤....وعلى بال مايولع أكوي ثوب زوجي وشماغه....

في هالوقت أتصل على الوالده والوالد واخواني ابارك لهم بالشهر وارسل رسايل مباركه....



بعدها أروح للفحم وأبخر البيت بعوده...وأبخر زوجي واعطره ويروح المسجد يصلي العشاء والتراويح....


في هالأثنا أجيب ولدي وبنتي وأبارك لهم بالشهر الفضيل واخذ الفوانيس واوزعها ع الطاولات واولعها انا وياهم ❤❤


وبعدها اخذهم وعلى الحمام تكرمون وشور مستعجل عشان الحق الصلاه وما أأخرها...


أحممهم والبسهم واعطرهم واعطيهم اي شي يلعبون فيه...


اروح للتلفزيون واحط قناة السعوديه على الحرم وارفع الصوت....هنا تكمن روحانية رمضان...بصلاة التراويح...ارفعوا الصوت ...


بعدها اروح انا اتحمم...واجهز نفسي للصلاه واصلي العشاء والتراويح ...واقرأ ماتيسر من القران لاننا دخلنا رمضان يعني نبدا في قراءة القران لغرض ختمه....



اذا خلصت الصلاه اجهز شاهي او قهوه وانتظر زوجي يرجع ونتقهوى ونستمتع بالاجواء الرمضانيه ....


ع الساعه 1 اقوم اشوف وش بسوي سحور واسوي المتيسر وكل شي نعمه ياربي لك الحمد...


لاتسحرنا وخلصنا انيم اولادي...واخلص اشغالي واقرأ ماتيسر وأصلي الفجر وانام....


ويبدأ يومي الرمضاني الاول من اذان الظهر...


نصيحه يابنات لاتضيعون رمضان بالنوم نصيحه من اخت تتمنى لكم كل الخير....تراه شهر في السنه...استغلوه بتكثيف العباده...نصحى من بدري عشان نحس بالجوع....هذا غرض رمضان....


والحمد لله رب العالمين ...



طولت عليكم بس أنا ما أمل من سوالف رمضان....


يالله أشوف يومكم ...أنتظركم حبيباتي....










108
42K

يلزم عليك تسجيل الدخول أولًا لكتابة تعليق.

تسجيل دخول

لحن السعادة 2030
لحن السعادة 2030
الله يسعد قلبك

والله كل رمضان مختلف عن الثاني حسب الظروف الحاصلة .. لكن اجمالا فيه راحة وسعادة وطمأنينة

طبعا كل سنة احاول اخلص اغراض العيد قبل رمضان بس ما يصير ..

باذن الله هالسنة انتهى من البيت والاولاد وكل شيء قبل نص شعبان

وبعد ناوية اجيب وحدة تساعدني بالتنظيف برمضان حتى استفيد من الوقت اكثر شيء
**عــــهـــد**
**عــــهـــد**
الله يسعد قلبك والله كل رمضان مختلف عن الثاني حسب الظروف الحاصلة .. لكن اجمالا فيه راحة وسعادة وطمأنينة طبعا كل سنة احاول اخلص اغراض العيد قبل رمضان بس ما يصير .. باذن الله هالسنة انتهى من البيت والاولاد وكل شيء قبل نص شعبان وبعد ناوية اجيب وحدة تساعدني بالتنظيف برمضان حتى استفيد من الوقت اكثر شيء
الله يسعد قلبك والله كل رمضان مختلف عن الثاني حسب الظروف الحاصلة .. لكن اجمالا فيه راحة...
ايه وربي انه راحه نفسيه بشكل فضيع....

والصراحه انا من العام قررت اصير اخلص اغراض العيد قبل رمضان... والله شي جمييييييل.... يكفيك انك ماتطلعي في رمضان السوق الا للاشياء الضروريه....


يعطيك الف عاااااافيه.....
wqwqt
wqwqt
يوه ذكرتين برمضان العام رووووووعه
تخيلي خلصت مقاضي رمضان والعيد في شهر 8 والله حسيت بطعم رمضان والعيد
يارب يبلغنا رمضان انا وزوجي وولدي وجميع المسلمين والمسلمات يارب
احساس مجروح22
احساس مجروح22
wqwqt wqwqt :
يوه ذكرتين برمضان العام رووووووعه تخيلي خلصت مقاضي رمضان والعيد في شهر 8 والله حسيت بطعم رمضان والعيد يارب يبلغنا رمضان انا وزوجي وولدي وجميع المسلمين والمسلمات يارب
يوه ذكرتين برمضان العام رووووووعه تخيلي خلصت مقاضي رمضان والعيد في شهر 8 والله حسيت بطعم رمضان...
الله يجعل قدومة خير علينا وتوفيق من ربي
وانشراح وجلاء لهمومنا
انا احب التفنن بالتقضي والطبخ له ومايخلص الا زايدة كم كيلو ههههههه
ساكون للامل حكايه
يعطيك العافيه عالموضوع الجميل رمضان اجواءه غييييير
الله يبلغنا اياه على خير
العام كنا عاملين قروب استعداد لرمضان وفعلا تحمست
واستفدنا من تجارب البنات
والسنه ذي رجعنا لقروب الاستعداد نضيف يومياتنا واستعدادنا
التنظيف للبيت يبدأ بشهر 7 لأن 8 اختبارات
شهر 8 تحضري اللي ناقصك وتجددي بهاراتك نص 8 ببدا افرزن مفرزنات تساعدني وكشنه
برمضان أحب أحد لو يوم اسوي فطور اللي حولي يشاركوونا فطور نا
نرسل فطور للمسجد اذا فيه إفطار صائم لو شي بسيط
والله يبلغنا اياه لافاقدين ولا مفقودين