نداء نداء للنحيفات (العصلات) بقولكن تحربتي في زيادة وزني 7 كيلو في شهر واحد

علاج السمنة والنحافة



سلام بنات حابه اطرح لكم تجربتي الشخصيه في زيادة وزني 7 ونصف كيلو في شهر واحد . انا بديت في نظامي في تاريخ 5/16 واليوم التاريخ 6/16 وقبل لا أكتب الموضوع قست وزني بالميزان تخيلوا كان وزني 40 وطولي 154 ووزني معلق مايبي يمشي له خمس سنين من يوم كان عمري 16 إلى الآن انا 21 ولا تحرك ولا شي رغم أني اتغداء واتعشى بس أكلي خفيف لقمتين تكفيني واشبع بسرعه ومعدتي صغيره أما الحين صار 47 وقبل لا ابدأ في نظامي ورحت المستشفى ولا فيني اي مشكله لأن يقولون اللي معها غده مدري اذا نشطه او كسلانه ماتسمن واللي معها أنيميا برضوا يأثر ماتسمن واللي بتبدأ مع نظامي أولا اللي معها غده تعالجها واللي معها أنيميا تأخذ حمض الفوليك أو اوميغا .
أول بدايتي كنت بجرب حبوب صينيه بس خفت وتراجعت عن قراري وبحثت عن خلطات طبيعية بالنت ولقيت عضوه اسمها ليان ربي يسعدها جربت خلطتها اللي هي طبعا انا زدت عليها وسويتها بطريقتي الخاصه . 1 كأس دبس تمر
( المقدار كأس الجبن الطويل) + 1 كأس عسل طبيعي + علبه كامله طحينيه سايله + 3 ملاعق ك حليب نيدو + 3 ملاعق شوكلاته بودره + 4 ملاعق حلبه مطحونه وأفضل اليمنيه + 2 ملعقه كبيره خميره فورية + 2 ملعقه كبيره جوز الهند + كأس مكسرات مطحونه متنوعه+ ملعقتين زيت عافيه تخلطينهم مع بعض لما يتجانس وتصير شبه سايله . وإذا شفتوها جامده مره ضيفو طحينيه سايله شوي أو مويه شوي وحركوا لما تصير شبه سايله وحطوها بالثلاجه وتاكلون منها ملعقه كبيره أربع مرات باليوم .وبعدها اشربي مويه أو عصير أو أي شي واللي ماعندها طحينيه سايله تحط سمسم مطحون . واللي ماعندها عسل طبيعي عادي تقدرين تستغنين عنه لكن الأفضل لنتايج قريبه تحطينه
ونا عن نفسي ماحطيت معها مكسرات لأن ماعندي . لو أني حاطه مكسرات كان شفت نتايج أسرع وسمنت أكثر
2- كل يوم تاخذين باديه وتحطين فيها ملعقه كبيره مليانه حلبه مطحونه واخلطها مع ملعقتين كبار زيت زيتون
وتاكلين منها ملعقه وسط باليوم أربع مرات وبعدها اشربي مويه
3- كنت انقع ملعقتين كبار زبيب اسود في كأس واصب عليه مويه حاره وخليه ينقع 12 ساعه وبعدها أخذ المعلقه وأرص الزبيب وبعدها اشربه
4- كل يوم اسوي لي حليب نيدو مرتين باليوم واللي حابه تحط فيه ملعقه صغيره حلبه مطحونه عادي واللي ماتحب لاتحط.
5- أخذ 7 تمرات وأغمسها بطحينيه سايله واكلها واشرب بعدها كأس لبن كامل الدسم
وبس هذا نظامي الخمس الأشياء ذي كل يوم اسويها وطبعا الغداء والعشاء والفطور لاتستغنين عنهم
واللي شهيتها مسكره تأخذ قبل الفطور والغدا والعشاء بساعه حبوب موسيجور مع مكمل غذائي انشور أو ميكاسفت . ودايم بين الوجبات كلوا . ونا عن نفسي دايم بين الوجبات احب أكل فطاير يا لوزين أو فوشيه أو كورسان

وأهم شي العزيمه يابنات انا عزمت رغم أني اول كسوله بس عزمت وقررت وكل الاشيا اللي سويتها بسيطه ولا تستلمون ولا تقولون ماراح نسمن انا بالبيت دايم يقولون لي يادقاق الزين لاني دقيقه وعصلا وملامحي حلوه بس مخربه عليها العصاقل وبعد ماسويت ه الخلطات وربي كلن يمدحني دايم اروح عند المرايا وشوف نفسي حلويت واشكر ربي واحمده على هالنعمه وأكثر شي برز فيني اردافي والمؤخره بشكل حلو قبل كنت مسطره مافيني معالم انوثه ابدا . وخدودي ماشاء طلعت بشكل واضح قبل كان وجهي مثلث من الضعف والحين صار فيني خدود وصرت أحلى . وجسمي صار حلو الحمد لله .وبكمل على الخلطه لما اوصل ال50 وأتمنى اي وحده تجرب تكتب تجربتها هنيا بالموضوع حتى لو زدتوا كيلو واحد اكتبوه اوكيه لاتنسووووون عشان البنات يتحمسوون لأن كثير بنات يعانون من النحافه ونا حاسه فيكم لاني مجربه هالشي لا ملابس تظبط ولا يطلع شكلتس حلو مهما لبستي أحلى الملابس واتمنى اي وحده تدخل ترفع موضوعي وأي سؤال انا حاضره وبعدها اذا كل وحده وصلت لوزن مثالي ولا حابه تنقص ولا تزيد تدخل على هالرابط

http://shahiya.com/ar/nutrition/form_bmi_adult.aspx?show=1
وتدخل وزنها وطولها وتشوف كم السعرات اللي المحتاجة باليوم بحيث انها ماتزيد ولا تنقص عن الرقم اللي
طلع لها بالحساب عشان تحافظين على وزن مثالي طول عمرس وسامحوني على الاطاله ولاتنسوني من دعواتكم
ادعولي أني مااتخلى عن صلاتي واواظب عليها وربي يرزقني بالزوج الصالح اللي اتمناه ويحقق لي امنياتي
70
31K

يلزم عليك تسجيل الدخول أولًا لكتابة تعليق.

تسجيل دخول

NjoodXD
NjoodXD
حبيبتي الله يجزاك خير على ذكر تجربتك ان شاءالله تفيد البنات انا قريبتي مره تعبت جربت كل شئ ان شاءالله اقولها على تجربتك يعطيك العافيه ويحققلك الي تبينه يارب :26:
أم حُذيفة
أم حُذيفة
حاجتك اليومية هي ٢٤٢٣ سعرة حرارية

جزاكم الله خيرًا
الغنوووعه
الغنوووعه
قولي امين الله يحققلك كل ماتتمنين عاجل غير آجل لو فادت محا انساااك من الدعاء طول عمري انتي نفسي با الزبط الطول والعمر بس وزني 36بجرب وبشوف مع اني يائسه
تغريد حائل
تغريد حائل
أختي الفاضلة:
ما شاء الله
تجربتكِ.. رائعة.. مزهرة
وتستحق أن يُشار إليها ببنان الإعجاب..!
جزاكِ الله خيراً!!
أصآآآآآآله
أصآآآآآآله
جزاك الله خير
والله يرزقك المحافظه عالصلاة والتوفيق بدينك ودنياك ويرزقك الخشوع بصلاتك ..ويرزقك رجلآ صالحآ تتمنينه عاجلآغيرآجل