طريقتي في الحمام المغربي و نتائج مذهله

العناية بالبشرة

بسم الله الرحمن الرحيم

السلام عليكم و رحمة الله و بركاته

ما راح اطوّل عليكم لكن حبيت ألبي رغبة بعض الأخوات بعالم حواء لانهم طلبوني طريقة الحمام المغربي اللي مواظبه عليها مره اسبوعيا

و طبعا ما يحتاج أقول لكم فوائد حمامات البخار خصوصا الحمام المغربي من استرخاء و راحة عظيمة للجسم للعظام و العضلات و ينظف جسمك من السموم و العرق و يقشر بشرتك بعمق عكس مقشرات السوق التجارية تقشر سطحيا فقط

انصح كل بنت تصير شاطره نشيطة و تترك الكسل و تواظب على الحمام المغربي و تخليه روتين اسبوعي لها طول العمر و تستغني عن باقي مقشرات الجسم لان الحمام كافي و شافي صراحه ..

بإذن الله من مواظبتك له و بالطريقة الصحيحة راح يصير جسمك نظيف نضر موحد ناعم صافي يلمع لمعه صحية باختصار بإذن الله راح يعطيك perfect skin
لانه يجدد بشرتك و يزيل الجلد الميت منها يقولون ان الجلد الميت يتكون كل 15 يوم و عشان كذا يفضّل تواظبين عليه كل 15 يوم لكن شخصيا أرتحت عليه كل أسبوع ومقدر استغني عنه

بسم الله نبدأ

الأدوات والطريقة :

- خيمة الساونا " اشتريتها عشان الجهاز تبع البخار اللي معها و ادخله بالحمام ما حبيت الخيمة لكن في بنات حبوها يعني كل وحدة واللي ترتاح عليه " ، البخار ضروري جدا جدا جدا وهو الأساس بالحمام المغربي و اي حمام ثاني لانه يفتح مساماتك و ينشط دورتك الدموية و يخليك تسترخين بالكامل و ممكن يعالج مشاكل ثانية في الجهاز التنفسي فوائده صراحه لا تعد ولا تحصى وكل ما تعرقتي اكثر كان افضل ..

- اعشاب عطرية " بابونج ، خزامى ، ورد ، الخ... " تحطينها بجهاز البخار عشان يعطي انتعاش إضافي و ريحة تجنن و تهدي نفسيتك و تجدد طاقتك الإيجابية ، نسيت اقولكم اللي تخاف تستخدم جهاز البخار او ما عندها تعبي البانيو بمويا حاره و تحط الأعشاب داخل البانيو و تسكر الباب والشبابيك عشان يسخن الحمام او تجيب قدر فيه موية مغليه و الأعشاب العطرية وسطها وتحطه بالحمام يغلي وتسكر الدرايش والباب وهكذا .. المهم الحمام يسخن ويتملى كويس بخار ساخن

- صابون مغربي اسود " معروف قوامه لزج زي الفازلين لونه اسود او بني غامق و احيانا اخضر غامق ريحته عادية جدا ريحة زيت زيتون ، اتمنى تحصلون على الأصلي " ، وظيفته يرطب الجلد الميت و يلينه عشان ينزل بسرعه بوقت التلييف بالليفة المغربية

- حناء " الحناء العادية ما غيرها حقة الشعر بس تتاكدين انها اصليه ونقيه مو مخلوطه بشيء ثاني " الحناء مطهره للجسم و تعطي تنظيف زيادة و ملاحظه لما أحط حناء يطلع جلد ميت اكثر من لما أحط الصابون لوحده و عشان كذا اعتمدت الحناء

- عصير ليمون فريش يعني نقول ملعقتين عصير ليمون فريش طبعا ، الليمون حمض فاكهة و مقشر طبيعي يساعد بقوه على تفكك الجلد الميت

- الليفة المغربية ، ضروري تكون الأصلية وتجي خشنة وضروري تنقعينها بمويا حاره نصف ساعة قبل تستعملينها ولا راح تجرح جلدك فورا لانه لين وحساس جدا من البخار والحرارة ، و طبعا دورها أساسي وهي السنفرة لأننا راح ندعك الجسم فيها و بتشيل كل الجلد الميت

- الطين المغربي او " الغاسول " بالدارجة المغربية ، طين معدني يستخرج من جبال أطلس في المغرب و في منه عدة انواع لكن أمانة ما استخدمت غير الغاسول او الطين البني وموجود عند كل عطار ، وظيفته يهدئ البشرة بعد الفرك والقسوة اللي جتها و ينظف المسام بلطف وينعشها و الأهم راحة عظيمة لما تطلين جسمك كله بالطين تحسين براحة كبيرة سبحان الله

- مقطر الورد او ماء الورد و يفضّل يكون طبيعي 100٪ مو مغشوش ، راح نستخدمه مرتين بالحمام المغربي مره في خلط القناع مع الطين و زيت الأركان و مره اخر شيء بعد ما ننتهي من الحمام راح تبللين جسمك فيه قبل ترطبينه بالزيت مرا منعش

- زيت الأركان المغربي و ضرورررري يكون الأصلي يعني معصور على البارد ونقي خالص و جودته عاليه ، ممكن تشترونه من النت فيه تاجرات يبيعونه هنا او تشترونه من أمازون و الأصلي دايما يجي غالي بس يستاهل ، طبعا شهادتي فيه مجروحه ترطيب تغذيه تنعيم نضاره لمعه خصوصا لو استعملتيه على بشرة نظيفة جدا بعد الحمام المغربي تتشربه البشرة اكثر و تبان فوائده

- زيوت أساسية اللي حابته الزيت الاساسي للورد ، جيرانيوم ، خزامى ، ايلانك ايلانك ، جزر الخ .. و انصحكم تشتروها من أمازون او من محلات نيلز يارد ، طبعا تبقى شيء مكمل مو اساسي :mex:

- بخور .. اللي تحبون بخور عود ولا بخور لبان كلها ريحتها جنان بس اهم شيء تكون طبيعية 100٪ لان العود الصناعي اللي يستعملونه بالبخور مضر جدا جدا :024: .. برضو مو أساسي بس ما فيها شيء يعطي ريحة حلوة و انتعاش اكثر تحسين نفسك حمامة طائره و لانك نظيفة جدا وقتها الريحة تعلق فيك يوم كامل


* الطريقة :

- ادخلي بوسط البخار و استرخي بالكامل انسي كل عالمك الخارجي و استنشقي البخار خصوصا لو حاطه لافندر او خزامى مع المويه انتعاش و راحة مو طبيعية من 20 دقيقة ل 30 دقيقة مو اقل ولا اكثر عشان يمديك تاخذي فوايد البخار صح

- بعدها تكوني خالطه صابون مغربي مع حناء وعصير ليمون ادهني جسمك فيهم كامل من رقبتك لرجلينك و خليهم 15 دقيقة يعني ربع ساعة وتقدرين تخليهم 20 دقيقة " استغلي هالوقت ودلكي جسمك بالصابون عشان تنشطين الدورة الدموية و يتغلغل الصابون زين داخل جلدك < اهم شيء كلمة يتغلغل :biggrinlo "، بعدها اشطفي جسمك زين بمويا حاره لا تخلين ولا نتفة صابون

- و بعدها جيبي ليفتك تكون رطبه طبعا ومعصوره و ابدأي فرك " طريقة الفرك هي المهمة و الأساس تكون بشكل دائري بعكس اتجاه عقارب الساعة و مع ضغط على الجلد يعني زي المساج كانك تدلكين جسمك فيها والأماكن الحساسة زي البطن والصدر بشويش " ، بعد ما تتاكدين انك طلعتي كل الجلد الميت من جسمك وجلدك خلاص نظف من قلب اشطفي جسمك بمويه دافيه

- بعدها ممكن تستخدمين اي قناع حابته لجسمك لان المسامات متفتحه والبشرة نظيفة جدا وتتشرب كويس اي شيء تدهنينه فيها او ممكن تكتفين لهذا الحد و تتشطفين كويس بمويا بارده وتطلعين لكن انا استخدم قناع الطين مع موية ورد و ملعقتين زيت أركان يغذي بشرتي وفعلا خلطتهم كلهم و طليت كل جسمي بالماسك ممكن تضيفين اي شيء حابته بس انا اكتفي بهالمكونات ، أخليه 15 دقيقة ل 20 دقيقة و اشطفه زين بمويا بارده < في بنات يبدلون ماء الورد بمنقوع البابونج او منقوع الخزامى كل وحدة واللي حابته وكلها مفيدة طبعا

- بعدها خلاص بعد ما تشطفت بمويه بارده كويس اطلع من الحمام وفورا جففي جسمك بالمنشفة عشان ما يدخلك هواء هالحركه انا احب أسويها اكون حاطه موية الورد بالثلاجة ويكون بارد ابخ على كل جسمي موية ورد بارد وهو مبلل بموية الورد أدلك جسمي بزيت اللوز او الأركان اي زيت حابته بس يكون زيت نباتي طبيعي ابتعدي عن زيوت جونسون المعدنية الكيماوية بليز لان بشرتك نظيفة جدا وقتها وتتشرب كل شيء تحطينه عليها ، و تقدرين تذوبين مع الزيت كم قطره من زيوت أساسية مثل ما ذكرت بالبداية رائعة للبشرة ، شيكو على موضوع الغالية احلام بنفسجية عن الزيوت الاساسية وراح تفهمون المبدأ

- خلاص البسي ملابسك و بخري نفسك و صدقيني راح تحسين نفسك فراشة ودك تطيرين :mex:

هالخطوات أسويها مره كل أسبوع و مخصصه يوم الجمعة لها بعد الفطور بساعة ابدا أسوي الحمام المغربي لان مو زين تسوينه و انتي شبعانه ولا وانتي جوعانة لازم يكون بطنك مرتاح وبعد الحمام اشربي شاهي اخضر بالنعناع تقدرين تضيفين ورد و إكليل جبل مع الشاهي ولا كاسة عصير برتقال فريش يعني ضروري تعوضين المويا اللي فقدتيها بحمام البخار

ملاحظة ؛ كنت ناسخه صور عشان ألصقها هنا بس ما قدرت و ما اعرف انزل صور اللي تعرف ياليت تعلمني عشان اغني الموضوع ، و ادري فاشله بالشرح بس جد اتمنى فهمتوا و اي سوْال انا حاضره :36:

بالتوفيق
64
87K

يلزم عليك تسجيل الدخول أولًا لكتابة تعليق.

تسجيل دخول

تيلاتابيز
تيلاتابيز
جزاك الله خير
حابه اضيف عن وقت الصابون في الجسم كل ما كان اكثر كل ماصار مفعوله اقوى وهذا السر
الطين مفيد جدا للبشره يبيضها ويشدها كمان ممكن تلاقونه في البودي شوب او ممكن عند التاجرات الثقة
سراب 2012
سراب 2012
الله الله حسيت بالاسترخاء والريحه الحلوه من موضوعك
تسلمين ي قمر
Classic Dream
Classic Dream
نوّرتوا حبيباتي ،
حوووور@@
حوووور@@
الله الله ياعيني عليك من امس انتظر موضعك حسيت بروقاااان وحمستيني اعمل حمام مغربي 


انا كنت اسوي حمام مغربي بس تركته لان ماشفت نتيجه له كان فقط ينزل جلد ميت من جوانب البطن اما باقي جسمي ماينزل شي وانقهر رغم اني جربت اكثر من طريقه   
شؤق الحفر
شؤق الحفر
.




اهلين وسهلين
حلوه طريقتك


بس منين جبتي خيمه الساونا
وهي الي لونها ازرق واحمر ؟




و يعطيك العافيه