amjad_glory

amjad_glory @amjad_glory

عضوة فعالة

تنظيف فرش المكياج + الغسولات + طريقة التنظيف او الغسل

المكياج والعطور

السلام عليكم
كيفكم و كيف الاجازة معكم خلاص بكرة دوامات يووووه :09: على فكرة انا عاطلة :rolleyes:بس عشان قلبي عليكن فقلت اخفف عليكم:icon19::tongue3:>>> احم احم احتفالا بنهاية الاجازة هذا موضوع جديد ههههه;) >>> لئيمة صح:S_45:
يلا خليني ابدأ عشان الموضوع م يكون طويل رغم اني اشك انه راح يكون طويل
اول شئ تنظيف فرش المكياج مرة مهم عشان الفرش مع الاستخدام الكثير من غير تنظيف راح تجمع الجراثيم و البكتيريا عشان كذا اهم شئ تنظفيها او تغسليها وياريت يكون بغسول لفرش المكياج عشان فيه مطهر او في منتج ثاني راح تتفاجؤ منه شوية وراح اكتب عنه المهم انا راح احط الغسولات الي انا جربتها راح احط الصورة و تحت تعليق قصير او قليل و بعدين راح اكتب كيف تغسليهم
يلا نبدأ
1- غسولات من ميك اب فور ايفر ( make up for ever)
A- على شكل بخاخ في منه نوعين


الاثنين هذول على شكل سبراي او بخاخ و بعدين راح اكتب كيف تستخدميهم
B- على شكل سائل يشبه الموية

هذا على شكل سائل و بعدين راح اكتب كيف تستخدمية
2-غسول كلينك (Clinique)

على شكل سبراي او بخاخ
3- غسول من ماك (Mac)

على شكل سائل
4-شامبو جونسون للاطفال يب :biggrin2:

يب زي م قلت في البداية ان في شي راح تتفاجؤ انه ينظف الفرش زي الغسولات المشهورة و الماركة الغاليه
كيف تغسلي الفرش ؟؟؟
اول شئ حضري الاغراض التالية
1-مناديل مطبخ او حمام الله يكرمكم او منشفة نظيفة
2- غسيل الفرش م يكون نفس اليوم الي انتي تبغى تستخدميها
3- حضري كاسة فيها موية دافيه بس هذه الطريقة الثانية في التنظيف
تنظيف الفرش لها ثلاثة طرق و انتي اختاري اللي تبغيها او الي انتي مرتاحه عليها بس في كل الطرق اهم حاجة المناديل او المنشفة النظيفة
الطريقة الاولي:
هي للمثبتات الي تجي على شكل سبراي بخاخ او رش زي الاثنين الاولي من ميك اب فور ايفر و غسول كلينك
و انا احسها متعبة شوية وهي , انك تجيبي كل فرشة لوحدها و تبخي عليها بختين و تمسحي شعر الفرشة بمنديل او المنشفة النظيفة من غير عنف و بأتجاه واحد و انا افضل بأتجاه الاعلى يعني تمسحي على فوق
وبعد م تخلصي من الفرش خليها تنشف على راحتها يعني يوم كامل من غير تحريك و بس
الطريقة الثانية:
هي للغسول الي على شكل سائل زي ماك و اخر واحد من ميك اب فور ايفر و شامبو جونسون
طيب كيف هي الطريقة ؟؟ انك تجيبي الكاسة او طاسة المهم تكون مفطحة هههه فاهمين قصدي وتكون فيها الموية دافية مو قريبة للحارة او للباردة >>>> والله انه لغز صح :eek::confused:
و تحطي من 3 لي 4 ملاعق من الغسول او الشامبو و تحركيها لحد م تمتزج او تطلع رغوة
وبعدين تجيبي الفرشة و تدوريها على شكل دائرة في الكاسة زي الصورة دي


لحد م تتأكدي انها نظفت كل الفرش بالطريقة دي و تقدري تحطيها كلها في الكاسة او الطاسة كل م تخلصي من فرشة تدوري الثانية و بعدين اشطفيها بالموية بأتجاه واحد وانا افضل للاعلى او من تحت لى فوق وبعدين تحطيها على المنشفة النظيفة و تخليها تنشف ليوم واحد من غير تحريك عشان شعر الفرشة م تخرب و بس
الطريقة الثالثة :
هي تقدري تستخدمي فيها الغسول او الشامبو و هي بطريقة القفاز القلافز من سيقما راح تحصليها في سيفورا انا اشتريتها ب 200 ريال
طبعا القلافز دا مرة مريح و انا صرت استخدمه كأنه لعبة لما اغسل فرشي , كيف تستخدميها ؟؟؟ روحي عن المغسلة يب يعني تبغى وقوف المهم و بلي القلافز بالموية عشان لما تحطي الغسول او الشامبو يرغي و سبحان الله والله نقطة و حدة بس من الغسول او الشامبو و تطلع لك رغوة كثيرة يعني مافي اسراف يمكن في اسراف في الموية بس هههه عشان هي راح تكون مفتوحة المهم راح احط الصور بالشرح عشان انا م عرف اشرح ويمكن م تفهمو انا ايش قصدي


شايفة النقط او الدوائر الكبيرة هذي لتنظيف فرش الوجة زي فرشة البلاش و الفاونديشن و الكونسيلر اصلا مكتوب في الجهة هذى انها للوجة مكتوب face
تحركي الفرش بطريقة دائرية و كل مرة تبليها بالموية لحد م تتأكدي انها نظفت


وهذى صورة ثانية و نوع ثاني من القلافز و هذا اللي انا عندي نفس هذا من الجهتين مليان نقط او دوائر اذا ملاحظين النقط او الدوائر كثيره اكثر من القلافز الاول طبعا الدوائر الصغير لفرش العين و هي مكتوب eyes واحسن شئ انك تقدري تاخذي مجموعة من الفرش و تفركيها كمان بطريقة دائرية نف الطريقه الي كتبتها فوق و عى فكرة في القلافز الاول و الثاني ملاحظين في منظقة الاصع انه في خطوط بالعرض كذا !!! هذى انه تعصر لك الفرشة من الموية و لما تشطفي الفرشة وتبغي تتأكدي انها م فيها غسول تعملي الحركة دي طبعا في المنشفة مهمة جدا زي الطريقة الاولي و الثانية ترصي الفرش و هي مبلولة و تخليها تنشف لي حالها من غير تحريك او لعب بشعر الفرشة
كذا خلصت عارفة الموضوع طويل بس هذى ابسط طريقة قلتها عشان افيدكم
اي سؤال او معلومات اضافية اكتبوها في الكومنت تحت
اتمنى الموضوغ م يكون ثقيل عليكم
مع السلامة:icon35::icon35::icon35:
:26: اختكم في الله:26:
8
6K

يلزم عليك تسجيل الدخول أولًا لكتابة تعليق.

تسجيل دخول

رحالة عبر الزمن
رحالة عبر الزمن
ما شاء الله
دائمة تتحفينا بمواضيعك الرائعة
بارك الله فيك امجاد
عطر الحروف2
عطر الحروف2

جزاكِ الله خير و يعطيك العافيه على مواضيعك الرائعه والمفيده
الله يسعدك ويوفقك يارب
amjad_glory
amjad_glory
ما شاء الله دائمة تتحفينا بمواضيعك الرائعة بارك الله فيك امجاد
ما شاء الله دائمة تتحفينا بمواضيعك الرائعة بارك الله فيك امجاد
تسلمي حبيبتي وانتي الاروع
شرفتي💐
amjad_glory
amjad_glory
جزاكِ الله خير و يعطيك العافيه على مواضيعك الرائعه والمفيده الله يسعدك ويوفقك يارب
جزاكِ الله خير و يعطيك العافيه على مواضيعك الرائعه والمفيده الله يسعدك ويوفقك يارب
امين يارب و الله يعافيك ياعسل
نورتي💐
فـــيء
فـــيء
مواضيعك جميلة
بارك الله فيك