السلام عليكم ورحمة الله وبركاته :smheart:
هذا اول موضوع لي كنت متابعتكم بصمت :biggrin2: بعدين تحمست اني احط لكم تجربتي
ان شاءالله تستفيدون منها :26:
اول شي انا انسانه ماكنت اتعدا 53 ولا انزل تحتها ولو تعديت كيلو مو اكثر ..
فاكنت بس اروح واجي على 53 و 54
تخرجت من الثانوي وجت الاجازه الصيفيه وهنا تجيك حفلات التخرج من جهه
وجمعة البنات الي فيها انواع الاكلات هههههه الخراب
منها الشبسات والحلويات والشوكولاتات ? ومالا نهايه وهموم التفكير بالجامعه بجهه..
طبعا اخر الصيف تجيك الصاعقه الاقي نفسي بالميزان 60!
انا قصيره فالسمنه كانت واضحه جدا علي
هذا غير الستريتش ماركس والبلاوي الاخرى انصدمت .. وكانت الجامعه على الابواب..
من هاللحظه قررت اني اتغير وابدا اسويلي نظام
الي شجعني زياده وحده مشهوره كنت احب جسمها
واتابعها دايم هههههههه وهذا اللي خلاني اتحدا نفسي!
وكل ماتابعتها اتحمس اكثر واقول بصير احسن من جسمها ان شاءالله:kiss:
مابي اطول عليكم اكثر اول خطواتي قاطعت الاكلات ذي:
1- المشروبات الغازيه
2- الشيبسات
3- الشوكولاته والحلويات
4- الوجبات السريعه
نزلت 3 كيلو من تركتهم بس!
الخطوة الثانية:
نظامي الغذائي
لازم يتكون من نشويات + بروتين + كالسيوم + فيتامينات طبعا انا كنت مركزة اكثر شي
على الفوائد لان ابي انحف بصحه عشان شعري وبشرتي مايصير فيهم شي
فطوري كان : شريحتين توست بر او نخاله + شريحة جبن لايت +
كوب حليب قليل دسم او المشروب الي تبينه بس السكر بدون او يكون دايت
والافضل ستيفيانا
(تقدرون تخلونها فاصوليا عالفطور او تونا اي شي بس يكون صحي ومو ثقيل)
الغدا : صدر دجاج + نص صامولي بر او خبز + سلطة + عصير برتقال طازج
(نفس الشي تقدرون تغيرون بس انتبهوا الافضل يكون مشوي ابعدوا عن المقالي)
السناك : معمول بر بالتمر مع كوب حليب بارد قليل الدسم
العشا : نفس الفطور او تقدرون تزيدون سلطه + وفاكهه.. ويستحسن يكون بدري
تقدرون تاكلون الي تبونه لكن بشرط مايكون من الاكلات الي قاطعتها المذكوره فوق
ولو اشتهيتوا شوكولاته في الشوكولاته الغامقه الي نسبة الشوكولاته فيها 85 فالميه تلاقونها
فالسوبر ماركت والمحلات الكبيره وتاكلين قطعه بس!
هذي هي:
الماء:
وش اقول وش اخلي كلكم تعرفون فوائد المويه لازم تشربون فاليوم ليترين
وهذا الشي ساعدني كثير .. اللترين يعادل 6 قوارير مويه متوسطه اذا انتم راعين قوارير مويه زيي ههههه
الرياضه:
كنت امشي يوميا نص ساعه فقط وتمارين ..
بفضل الله ماشاءالله نحفت 10 كيلو بثلاث شهور يعني وصلت 50 مو عاد 53 ولا 54
بدون ترهل والسيلوليت خف :icon10: الحمدلله..
انا ماكان يهمني المده قصيره او طويله ..
اكل الي ابيه واسوي رياضه نص ساعه فقط وتمارين خفيفه
الحمدلله نعمه كانت رحله سهله بس يبيلك شوية صبر
وانسي الميزان! لا تفكرين فيه كثير شكليا رح يوضح لك نحفك اكثر من الميزان
هذي تجربتي وممكن ماتكون بذاك الصحه بس الي احاول اوصله لكم ان خلو اكلكم صحي
وسوو لكم نظام صحي بالطريقه الي تحبونها
لا تحرمون نفسكم وكولوا الي تبون بس بكمية معقوله والرياضه
والمويه لا تنسونها والنوم كمان يأثر ابعدوا عن السهر
وان شاءالله تكونون استفدتوا من موضوعي!
وبإذن الله تنحفون بصحه وسلامه:icon18:
الله يعطيك العافيه 🌹