يسعدلي صباحكم حوائيات
أنا عضوه جديده ، لكن كنت ولازلت بينكم دائما اقراء واستفيد لي سنـــــــوات ، وسجلت لان عندي وصفات رائعه ومجربه شخصيا وحبيت أفيدكم زي ما افدتوني
-------------------------------------------------------------------------------------
أبني عانى معاناة شديدة مع الإمساك-أكرمكم الله- وكنت مو مهتمه مره ، توقعت الإمساك شي عادي يصيب الإنسان
لين توفى واحد من معارفنا منه :(
تعرفون كيف؟ يعني تمتلىء الامعاء الغليظة وماحصل لها إخراج ف انفجرت في بطنه :(
-نسأل الله السلامة لنا ولأبنائنا ولجميع المسلمين-
ابني كانت شهيته ضعيفة جدا وتعبني زيادة لأني أعطيه فواكه وخضار ومن هالقبيل ومايتقبلها ماخليت شي مااستخدمتة لعل يخف عنه لكن يوم يومين ويرجع اسواء,, مستوعبين يابنات عطيته ملينات وتحاميل ماخليت عنه شي
لدرجة احيانا ينزل معه دم وتأزمت نفسيا منه,، فوق هذا كان الله يكرمكم يستفرغ بعد الأكل كل يوم تقريبا او اذا بكاء
و شهيه جدا جدا سيئه مستوعبين ممكن يجلس يوم كامل ما ياكل الا لقمه ،
والمستشفى ماعندهم الا هالحلول المؤقته تحاميل وشراب ومدري إيش ..وينسبون الإستفراغ وانعدام الشهيه بسبب الإمساك
لين جدتي (الله يطول بعمرها على طاعته ويسعدها ويجعلها من اللذين يدخلون الجنه من غير حساب ولاسابق عذاب)
انقــــــــــــــذت ابني من خطر الامساك ,يالله لك الحمد حمدا كثير ، بعد علاجها صار الطفل يروح لوحده لدورة المياه
?وأنتوا بكرامه- ويخلص اموره .... بعدما كان يتألم سسساعات ويبكي بشده :(
الاستفراغ اختفاء نهائيا ماشاءالله تبارك الله، الشهيه بدت تنفتح تدريجيا :)
والله اني داااااااااااايم ادعي لجدتي اذا شفت هالتغير الكبير على ولدي ماشاءالله تبارك الله
وجدتي استخدمت الوصفه لاطفال العائله ..ولكل من كانت تعرفه ومحتاج لها..
ومالكم بالطويلة هذي هي الوصفة، فقط أدعوا لها إذا استفدتوا
أولا) مدة العلاج: ثلاث ايام ليست متتالية(يعني يوم ايه ويوم لا).
ثانيا)المقادير:
زيت زيتون << تقريبا كاستين حقت الشاي
خواجوا << تقريبا ملعقه كبيره او اقل
محلب قليــــــــل جدا (بين اصابعك يعني شي لايذكر )
هذا المقدار يكفيك لثلاث ايام بإذن الله
ثالثا)الطريقة:
يسخن الزيت الى ان يبداء بالغليان وعلى طول حطي الخوا جوا لين يتغير لون الزيت ومباشرة طفي علي وحطيه بعلبه زجاج وضعي عليه المحلب ( وزي ماقلت المحلب كمية بسيطه جدا ولذلك انتبهوا) ثم حركيه لين يندمج سوا
طبعا الزيت لابد يكون دافي وقت تدهينك للطفل، يعني اليومين الي بعده لابد تسخنين مقدار ماتحتاجين من الزيت عند تمريخ الطفل...
وبعدها ادهني الطفل من راسه إلى اخمص قدميه وبعنايه شديده، مثلا أدهني شعره ككل ثم الاذان ومن جوا عـ خفيف ومن برا كمان والرقبه والصدر والاباط والبطن والظهر وانزلي شوي شوي بالتدريج لين توصلين لرجوله يعني غطي الطفل من إلى بالزيت( بــــــاستثناء وجهه فقط).. يعني الوجه لاتدهنونه .. ( الدهان مش المسح الخفيف ، بل تكثرين شوي)
وفيه نقطه مهمه وهــــــــــذه اهم شي في العلاج وارجوا الانتباه لها وبدقه:
تعرفون هذا..
عبوه من شوية زيت يعني تقريبا ثلاث نقطات فقــــــــط ثم ادخليه في (مقعدة الطفل )ونقطيه فيها ...
تعليل جدتي لـ هالنقطة: تقول امعاء الطفل تكون يابسه وهالزيت بفضل الله يلينها ويعيد لها حيويتها من جديد:)
ثم بعد ما تنتهي لبسي الطفل ملابس دافية وشرابات وقبعه وغطيه زين ..
اهم شي تسوينه قبل النوم,, لان من شروط نجاح هالعلاج الطفل يتدفى، فــ قبل ينام دهنيه وغطيه كويس ونووم العوافي والشفاء بحول الله، وفي الصباح سبحيه كويس.
- يفضل تحطي تحت الطفل سفره بلاستيك عشان مايحوس عليك وقت الدهان
وغير كذا لسبيه ملابس ماتحتاجينه او قديمه لان زيت الخوا جوا احمر وبيخربها عليك..
( ايضا ي بنات عطتني جدتي الغاليه "عسل طبيعي " قالت كل صباح ع الريق حطي له مع الرضعه الدافيه ملعقة عسل لمدة اسبوووووووع..)
والله العظيم ليومكم هذا وانا ادعي لجدتي فعــــــــــلا علاج سحري وسريع بعد معاناة سسسسنتين واكثر مع الامساك
تخلص منه ابني نهائيا ماشاءالله تبارك الله
وحبيت أكافئ جدتي صراحه بنشر هالطريقه لكل من يحتاجه وتاخذ أجر هالاطفال المساكين:.:.:.:.:.:.:
ودمتم بسعادة وعافيه
والله شكلي بجربها ي اختي معاناه سنين مع الامساك😔
هل تصلح للكبار؟؟