الى كل انثى مهمومه (غيري من نفسكـ وتشوفي السعاده)

بسم الله الرحمن الرحيمــــ.............
السلام عليكم ورحمة الله وبركاته..
الى كل انثى اعتراها الهم والغم اليكـ تجربتي واشهد الله انها مو واقعي ومن تجاربي (والله على مااقول شهيد)
تفاجأت بفضل وكرمة ان دعواتي اصبحت تستجاب والله العليم العظيم اني مادعوت الله في اغلب المستحيلات الا استجابها لي وفي بعض وان بعض صديقاتي يقولون انتي دعواتك مستجااابه
وانا لا اخفيكم اني لست صوامه ولا قوامه ولكن ساخبركم بالاسرار والله الذي لااله الاهو اني لم اخبر غيركم واسال الله الاخلاص...
1..عفوووووووت عن كل البشر(في البدايه صحيح كان المشوار صعب ولكن احسست بشيء في داخلي لا يعلمه الا الله..ورب الكعبه اني احس بسعااااده من زمان كنت ابحث عنها) لاتقولين الا فلانه ظلمتني وفلانه تغار مني والله اني انظلمت بتهمه من انسانه كانت غاليه على قلبي وكنت احبها بس لاجل الله سبحانه فاسال الله ان يعفو عنها وان يحللها وترى كلنا ننصدم في الناس والناس كلها تغيرت بس سامحيهم علشان ربك
2..تصدقي ولو بالقليل احيانا لو ارجع من الكشك في الجامعه وفي جيبي لو5ريال اعطي الشغالات اللي بالجامعه واقول يارب علشانك انت وصديقاتي لما يتكلمون في المكافات يحسدونني اني احمدالله ان مكافاتي تتبارك(قولو ماشاء الله)وينصدمون بس هذا هو سر البركه ولله الحمد وكمان انا تلركه الغش لاجل حتى لواتوظف بعين مايكون مالي حرام وحتى تستجاب دعواتي
3..حجابك...ثم حجابك ثم حجابك بنات لاتقولون استايلات وكذاب كلنا بنات نحب نكشخ ونحب نتجمل بس شيء حرااام لا لاجل الله ماركه تعجبني باخذ منها وباكشخ على الاستايل اللي يعجبني بس في حدود الحلال واغير لوكي بس يغضب الله لا والعبايات الحين حدث ولا حرج كانها جلابيات وفساتين
4..انتبهوا ثم انتبهو من صور العرض (ذنوب غيرك على حسابك)تكفينا ذنوبنا يابنات خلاص حتى لو جزء من يد بنت او شعرها احنا بنات عادي بس ترى تفتن الشباب والذنب يجري عليك وفي حسابك
5..غضي بصرك ثم غضي بصرك ثم غضي بصرك..لاتقولون مانقدر انا والله كنت ممن يتابع قناة بدايه ولكن بعدماسمعت تفسير اية (وقل للمؤمنت يغضضن من ابصرهن ويحفضن فروجهن)
وسمعت في تفسيرها انك اذا غضيت بصرك عن النظر في الرجال ان الله يعطيك حلاوة في قلبك وسعاده تتلذذين بها طول عمرك..
6..مكالمات الشباب وعلى هالطاري انا كنت مع قروب صديقاتي وكل وحده منهم عندها خوي واسالو اي طالبة جامعه كيف مجتمع الجامعه والله المستعان وكنت دائما في حرب مع صديقاتي ولما اقول للوحده منهم ترى يلعب عليك وهو كذاب ولافيه اي رجل بيكون صادق ترد وتقول اصابعك ماهي سوا صح والمطلوب..قالت يعني الرجال ماهم سوا والكااااااارثه انهم من اقاربهم اللي ولد عمتها واللي ولد خالها واللي ولد عمها واللي ولد خالتها والمشكله لما يقول لها غني لي **والثاني لما تخانقت معاه منزل صور الانستقرام كلها عن اسمها ويترضاها بشكل ويدق عليها ويسوي نفسه يبكي ولو تسمعونه تصدقونه بس والله اني ماصدقته ابدااا ابدل والله الذي شق البحر لموسى انهم تزوجو الاولاد كلهم وسحبو على طويلات العمر وانا صراحه ماعاد اقدرت اقول شيء يوم جاني الخبر لاني خفت ازيد عليهم مواجعهم وتعبت نفسياتهم بشكل غير طبيعي واللي نزل معدلها واللي صارت تتمنى الموت ...لاننا احنا البنات مشاعرنا عاطفيه اذا حبينا وفينا بس الولد يطالع للبنت اللي تكلم مو وفيه الا زباااااااااااااااااااااله اسفه على الاسلوب بس والله ان الواقع...
7..الرد عن اعراض البشر لما احد يجي يغتاب عندكـ حااااااااااولي قدر الامكان انه مايكمل ولاعاد يغتاب وبكذا يرد الله عن وجهك النار يوم القيامه..وترى الغيبه كبيره من كبائر الذنوب ..
8...من اهم شيء في حياااتي غير لي الحيااه تماما قراءة القران لو ايتين يوميا ولو وجه واحد من القران والله اني اذا مليت من مذاكرة مادة خاصه المواد العلميه واحس ماعاد قدرت افهم شيء واقوم اقرأ لو ورقه وحده اني ارجع واذاكرها ولا كانها الماده اللي قبل شوي وعملت هذا الشيء في كل موادي وان الله بفضله وبكرمه وليس باجتهادي فتح علي .وماتوقعت اني راح اخذ فيها المعدل اللي اخذته(قولو ماشاء الله)...
9..اذا اغلقت الدنيا في وجهك فالزمي الاستغفار ثم الزمي الاستغفار ثم الزمي الاستغفارقال صل الله عليه وسلم:(من لزم الاستغفار جعل الله له من كل هم فرجا ومن كل ضيق مخرجا ورزقه من حيث لايحتسب)
10.لباسك ثم لباسك ثم لباسك...اكشخي والبسي واهتمي في لوكك بس في الحلال وترى في قبرك لوحدك يعني لامصممه ولاالمغنيه اللي ماخذه موديلها ولاصديقاتك اللي اعجبهم ولكنك لوحدددددك فانتبهي لنفسك
واخيرا اسال الله الواحد الاحد الفرد الصمد الذي لم يلد ولم يولد ان يحقق لكم جميع ماتتمنونه وان يلبسكن الرضاء والسعاده وان يجعل لكن من كل ضيق مخرجا ومن كل هم فرجا
لاتنسوني من دعواااتكم اختكم .......ومحبتكم..راجية رضا الرحمن
دعوة المسلم لاخيه المسلم في ظهر الغيب مستجابه