المويه تنحف ماكنت اصدق لين تفجأت بوزني

السلام عليكم ورحمة الله وبركاته 
بنات انا بتكلم عن المويه في كثير يمنعون نفسهم عنها 
على بالهم ان المويه تزيد الوزن وهذا غلط بالعكس تنحف 

انا نحيفه بس نحفت زياده جتني فتره اشرب مويه بالهبل قبل الاكل اكثر شي 
مو عشان انحف لا بالعكس انا اصلاً اتمنى اسمن المهم  لاحظت اني ما اكل شي 
الا واروح الحمام الله يكرمكم قلت مو مقوله بعد كل وجبه على الحمام الله يكرمكم 
وبعدين رحت المستشفى كان عندي مشكله بالدوره ماتنزل زين وزنوني طلع وزني 39 تفاجإت مرررررره وكنت ببكي عمري 22ووزني 39 فشله قالوا لازم تزيدين وزنك وراح تصير الدوره تمام 
لان وزنك وحش اوي على قولة الدكتوره خخخخخخخ

بعدين فكرت وش اللي نحفني كذا قلت اكيد سبب دخولي الحمام كثير الله يكرمكم ماعد بقى شي 
ببطني يتوزع على جسمي المسكين وفكرت وش اللي يخلين ادخل الحمام كثير الله يكرمكم هي المويه

بقولكم شي حتى قبل مادخل الحمام الله يكرمكم اشرب مويه كثير اخلص بسرعه مايتعبني افضي بطني بسهوله هذا الكلام كان في شهر 8 اللي راح وبعدين خففت من شرب المويه وصدق ماعد صرت ادخل اللحمام كثير الله يكرمكم يعني كنت ادخل 3مرات باليوم افضي المخزون خخخخخ 
والحين لا مره وحده ويوم اي ويوم لا معليش قلت قصة حياتي بس عشان تعرفون المويه وش تسوي 
وفعلاً زاد وزني قبل شهر وزنت زد 3 كيلو الحمدلله 
واحيان انسى واشرب كثير وصدق مايبقى شي ببطني بس انا احب المويه ولاحظت انها رطبت بشرتي ماحتاج احط مرطبات على إنا شتاء وجفاف بس الحمدلله مافيني جفاف زي كل شتاء

نسيت اقولكم كنت اشرب مويه على الريق اصحى على طول اشرب كوبين كبار مو دايم بس اغلب الايام اقولكم المويه عشق عندي خخخخخ الحمدلله اني انتبهت قبل انقص زياده واصير طفله خخخخ

اتمنى اني افدتكم لو بشي بسيط حبيت بس توصل الفكره للبنات اللي ضاربين عن المويه هي اللي تساعد على خروج المخزون والله اعلم

عندي صديقه مره نحيفه واشوفها تاكل كثير ماشاءالله بس كان تشرب مويه وقالت لي انها اذا دخلت الحمام الله يكرمكم تدخل بمويه معها تشرب وتفضي خخخخخ عليها حركات تقول يطلع بسهوله ومن زمان انها على هالحركه عاد هذا كلامها انا لا ماقدر ادخل بمويه صعبه بس اشرب قبل ادخل قرورة مويه ابو ريال وهذي قصتي وان شاءالله تنفع مع اللي يبغون ينحفون يارب تنحفون على خير من غير شر.

                                                                                                 
                                             






لا إله إلا انت سبحانك اني كنت من الظالمين                                                          
سبحان الله والحمدلله ولا إله إلا الله والله اكبر
سبحانك اللهم وبحمدك اشهد ان لا إله الا انت استغفرك واتوب إليك