أخبار حواء:
«    »

                 

قديم 22-11-1426 هـ, 07:50 مساءً   #1
باشاميل

عضوة نشيطة
 
تاريخ التسجيل: 07-10-1425 هـ
المشاركات: 462


صلصتين للستيك كل وحدة الذ من الثانية ( صور )

السلام عليكم

يوم ما كتبت طريقة الستيك للاخت البحرينية . طلبوا مني بعض البنات طريقة للصلصة اللي تتقدم مع الطبق . واللي ذكرتني اني اكتبهم اختي ابتسامة_عريضة جزاها الله خير

و أشهر صلصتين للستيك و اللي بكتبهم اليوم اهما صلصة الفلفل الأسود و صلصة المشروم

نبتدي باسم الله بصلصة الفلفل الأسود و اللي سويتها اليوم و طلعت عجيبه و الطريقة ماخذتها من موقع أجنبي :

صلصة الفلفل الأسود


المقادير :
* كوب ماء حار
*2 مكعب ماجي الدجاج
* نصف ملعقة صغيرة فلفل أسود بودر
* 2 ملعقة كبيرة صلصة Worcestershire ( مثل اللي بالصورة لكن طبعا استخدمي أي ماركة )

* نصف ملعقة صغيرة ملح الثوم ( موجود بالأسواق باسم garlic salt . و يمكن الاستغناء عنه أو استبداله بثوم مدقوق زين أو ثوم بودر + رشة ملح )
* 2 ملعقة كبيرة صلصة الروست بيف أو الستيك ( انا استخدمت صلصة الستيك )
* نصف كوب ماء بدرجة حرارة الغرفة
* 2 ملعقة كبيرة طحين
* 2 ملعقة كبيرة زبدة
* 1 ملعقة كبيرة فلفل اسود حب ( غير مطحون )
* نصف كوب حليب
* 4 ملعقة كبيرة كريما سائلة ( انا اضفتها و صارت أحلى )

الطريقة :
- على نار هادية أخلطي كل من الماء الحار مع مكعبات الماجي و الفلفل السود البودر و صلصة Worcestershire و ملح الثوم و صلصة الستيك و اخلطي جيدا .
- في وعاء ثاني اخلطي الماء المتبقي ( الفاتر ) مع الطحين جيدا حتى يذوب الطحين
- اضيفي خليط الطحين على الخليط الأول جيدا .. بعدين ضيفي الزبدة و الحليب و استمري بالخلط على حرارة متوسطة إلى أن يغلظ قوام الخليط
- اضيفي الكريما و خليه يقلب على النار شويه بعدين قدميه مع الستيك .. و بالعاااااااافيه


صلصة المشروم



المقادير :
* ربع كوب زبدة
* ربع كيلو مشروم مقطع شرائح ( الطازج الذ بس مافس مشكله لو ما توفر تستخدمون المعلبات أو تخلطون الأثنين مع بعض )
* ملعقة صغيرة صلصة الصويا
* ثلاثة أرباع كوب كريما سائلة
* ملعقة كبيرة خردل دايجون Dijon mustard ( او أي خردل اذا ما توفر)
* رشة بابريكا
* ملعقة كبيرة بقدونس مفروم
* ملح و فلفل حسب الرغبة

الطريقة :
- ذوبي الزبدة و اضيفي المشروم و قلبيه شوي
- اضيفي الصويا و الخردل و الكريما . و خليهم يطبخون على نار هاديه ليما يتكثف الخليط
- ضيفي البابريكا و البقدونس و الملح و الفلفل ..

و عليكم بالعاااافيه يا رب


----
إضاااااااااااااااااااااااااااا افه و آسفه على نسيانها

ممكن تسوين صلصة مشروم بشكل سريع و ينفع للمستعجلات

ممكن تشترين علبه من شوربة المشروم المركزه مثل اللي بهالصورة


و على فكره اهيا ثقيله وااااااااااايد لأنها مركزه . فضيفي لها كمية الماي المناسبه اللي تخليها صلصه ثقيله و سخنيها و قدميها ..
مرات أضيف عليها مشروم طازج .. و مرات اضيف عليها صلصة صويا .. يعني مثل ما تحبين من إضافات
أنا دايما اشتري علبه احتياط و وقت الحاجه استخدمها ..


باشاميل غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 22-11-1426 هـ, 08:03 مساءً   #2
mam_175

عضوة جديدة
 
الصورة الرمزية mam_175
 
تاريخ التسجيل: 08-10-1425 هـ
المشاركات: 21


يعطيج العافية أختي


mam_175 غير متواجد حالياً رد مع اقتباس

قديم 22-11-1426 هـ, 08:13 مساءً   #3
ابتسامة_عريضة

عضوة نشيطة
 
تاريخ التسجيل: 10-03-1426 هـ
المشاركات: 234



ابي امي ابي ابوي ابي زوجي ايش هالحلاوة روووووووحي يالشيخة الله يحرم وجهتش من النار يااااااااااااارب انا بدعيلتش واليوم الجمعة يارب يوفقتش ويحفضتش من كل سوءء
ياررب
اكلاتك مضمونة الف في المائة
حبيبتي انتي ياباشاميل


ابتسامة_عريضة غير متواجد حالياً رد مع اقتباس

قديم 22-11-1426 هـ, 10:24 مساءً   #4
ابتسامة_عريضة

عضوة نشيطة
 
تاريخ التسجيل: 10-03-1426 هـ
المشاركات: 234


حبيبتي باشاميل ممكن تعلميني شلون سويتي ستيك نفسه وطلع معاك طري او نفس لبطريقة مالت الاخت البحرينية
يالننسبة الصلصلة الستيك هادي ضرورية ممكن صورة الله يرضا غليك عشان اوريها الي عندي يجيبوها لي
من اي ماركة ياترى يشبه HP
ممكن تعليميني اي موقع طلعي منه ادري طولت عليك استحمليني لاني طلع معاية كم موقع اجنبي واختتش ثقافتها الماني ابي مترررررررررررررررجم ادا عندك موقع مترجم الحقيني
استحمليني طلاباتي كثيرة الله يعينك مشكووورة حبيبتي على الوصفة


ابتسامة_عريضة غير متواجد حالياً رد مع اقتباس

قديم 22-11-1426 هـ, 10:46 مساءً   #5
كويتية حرة

محررة
 
الصورة الرمزية كويتية حرة
 
تاريخ التسجيل: 17-07-1426 هـ
المشاركات: 1,810


أهليييين بشاميل ...... اليوم منورة صفحة الأطباق الساخنة الصراحة طريقتك بالستيك عجيبة + وصفات الصلصات موثوق بها .... أنا جربت الستيك وايد وايد حلو ولذيذ وما بقى منه شي ، والله يوفقك حبيبتى وأحنا بانتظار أطباقك الشيقة .


أرجوا من كل وحدة ساهمت بموضوعها ولو بكلمة أن تدعوا لي ولأولادي بالحفظ ولا أريد غير ذلك .. من لا يشكر الناس لا يشكر الله ..
كويتية حرة غير متواجد حالياً رد مع اقتباس

قديم 22-11-1426 هـ, 11:41 مساءً   #6
محبة الطبيعة

عضوة نشيطة
 
تاريخ التسجيل: 11-02-1425 هـ
المشاركات: 325


هل جربتي صلصة المشروم بنفسك ؟ واعطيني طريقة الفيليه ومشكوورة مقدما


]~ اللهم صل على محمد و آل محمد [~
محبة الطبيعة غير متواجد حالياً رد مع اقتباس

قديم 22-11-1426 هـ, 11:46 مساءً   #7
باشاميل

عضوة نشيطة
 
تاريخ التسجيل: 07-10-1425 هـ
المشاركات: 462


mam_175 : الله يعافيج يااااارب

ابتسامة_عريضة : هاهاههاها شفيج استنجدتي بالعايله كلها و صرتي حليمه تسلمين على هالدعوات الحلوه و عسى ربي يعطيج أكثر من اللي دعيتيه لي و يبلغج الفردوس الأعلى يا رب

بالنسبه لطريقة الستيك استخدمت نفس طريقة الأخت البحرينيه الله يجازيها كل الخير . و صلصة الستيك ممكن تكون من أي ماركة .. مكتوب عليه steak sauce
و يشبه هالصوره :


بس في مواقع طبخ كثيره عربيه مثل موقع ماجي و نستله حلوين و في موقع الوزان يعرض طبخات منال العالم .. و صدقيني منتدانا حلو .. و الأحلى انك تقرين تجارب البنات اللي تقول لك الطبخه مالحه و الا الصلصه ثقيله .. أو يمدحونها .. فيكون عندج ثقه ان الطبخه مجربه مو كلام مسطر
بس اي شي تبينه تدللي علي و طلبيه و ***** الله ربي يقدرني اساعدج سواء بترجمه أو غيرها .

كويتية حرة : بالأحضان يا الغاليه إي انا اليوم باطه الجربه
يا حيااااتي يهمني راي وحده نفسها حلو بالطبخ مثلج و وصفاتها لا يعلى عليها .. و الحمدلله انه عجبج و عليكم بالف عاااافيه يا رب
و صدقيني سلطتك " سلطة الجرجير مع الشمندر اللذيذة " صارت معتمده عندي بكل عزومه و زواره و الكل يسألني عن الصلصة جزاك الله خير


باشاميل غير متواجد حالياً رد مع اقتباس

قديم 22-11-1426 هـ, 11:55 مساءً   #8
باشاميل

عضوة نشيطة
 
تاريخ التسجيل: 07-10-1425 هـ
المشاركات: 462


محبة الطبيعة :
جربت الخلطه بس ما ضفت البقدونس الا بالتزيين .. و بعد كنت استخدم هالطريقه و اللي تشبه الصلصه بالستيك المشرب بالصلصه اللي قدمته بطبقي اللي بعنوان " طريقتي في عمل الستيك
" بس ما حبيت اكتبه اهني علشان ما تتشابه الصلصات بكل اطباقي و البنات يحسون بالتكرار .. عموما اكتب لج الطريقه هني :

الطريقه الثانيه للصلصه هذي مقاديرها :
- مشروم
- ربع قالب زبدة
- 2 ملعقة كبيرة طحين أبيض
- كوب ماء
- 4 ملاعق كبيرة صلصة الصويا " العادية مو الحلوة الثقيلة "
- مكعب ماجي دجاج أو خضار
- 4 ملاعق كبيرة كريما حمراء
- 2 ملعقة كبيرة زعتر الأوريغانو
- بصل شرايح و ثوم مدقوق

ذوبي الزبده و حمسي فيها البصل و بعده الثوم
ضيفي المشروم و خلطيه شويه
ضيفي الزبده و قلبي .ز بعدين ضيفي كل المقادير .. و خليها على نار هاديه لما تتكثف الكريما .. و عادلي الطعم بالملح

و شرح تطبيقي لطبق أختي البحرينية بتلاقينه على هالرابط :
http://forum.hawaaworld.com/showthre...8&page=1&pp=10

و عليج بالعافيه مقدما


باشاميل غير متواجد حالياً رد مع اقتباس

قديم 23-11-1426 هـ, 12:29 صباحاً   #9
أم شمومة

عضوة فعالة
 
تاريخ التسجيل: 20-06-1425 هـ
المشاركات: 552


مشكوووووووووووووره الله يعطيك الف عافيه


أم شمومة غير متواجد حالياً رد مع اقتباس

قديم 23-11-1426 هـ, 12:43 صباحاً   #10
كويتية حرة

محررة
 
الصورة الرمزية كويتية حرة
 
تاريخ التسجيل: 17-07-1426 هـ
المشاركات: 1,810


يا لله حبوبة ..... ترانا با نتظار وصفاتج المضبوطة والمعتمدة ..... وكثرى من بط الجربات يالغالية علشان ندعي لج دعوات حلوة .... ترى لج معجبيييين وايد وأنا أولهم وجزاك الجنة حبيبتى .


كويتية حرة غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 09:14 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook