تجربتي بنزول 3 كيلو بشهر اسالو وراح اجاوبكم

السلام عليكم ورحمه الله
المهم بنات بخش الموضوع عطول انا عضوه قديمه ولي مشاركات بنفس يوزري ذا
وكثير يعرفو معاناتنا مع امي الله يرحمها ووفاتها بالاخير
طبعاً قعدت معاها بالمستشفى سنتين انا واخواتي نتاوب ومع الفاست فود وقله الحركه
وصل وزني لل60 وكان بفتره 45 مره متنت وكانت مشكلتي كررش ومره كنت محل سخريه يعني
وقررت قبل شهر انه اوقف كل هالشي طبعاً قبل كانت لي محاولات ووصلته لل56
طبعا بما انتي مبتدئه سويت تمارين جيليان 30 يوم
3 ليفلات كل ليفل 10 ايام
وماسويت رجيم عدلت نظامي الغذائي وواكلي وعدلته
قطعت الرز والخبز الابيض والمكرونه واستبدلتها بسمرا وكميه قليله 3-2 توست باليوم كفايه
كثرت فواكهه وخضروات وتونه بالماء والملح والزبادي واللبن قطعت الغازيات والحلا بكل انواعه
ولك وجبهه فري تسويها كل 7-10 ايام
نظمت نومي وصرت افطر واتغدى واتعشى وانام بدري
النوم اهم شي والاكل بعده الرياضه بس 30٪
وخلال شهر من 56 الى 53 الحمدالله جداً راضيه عن النزول البطيء
ومبين علي بالملابس اكثر ماشاءالله واهم شي انه ماتستخدمون هذي الرجيمات دشتي الخ الخ بالذات ذا وربي انه اخس رجيم ويععدم
الجسم يحتاج كل شي
الحرمان اكبر اكبر اكبر غلططططط ❌❌❌❌❌


اي سؤال انا حاضره ##دعواتكم لامي بالرحمه والمغفره##