السلام عليكم و رحمة الله وبركاته صباح الخير اخواتي
ثمرة الأملج احد فيكم سمع عنها؟ هذي صورتها تشبه النبق لكنها على اخضر شفاف
هذي الثمرة يستخرحوا منها زيت الأملا
والهنود يسموها املوكي
استخدامها اولا هي غنية بالفيتامين سي و تناول حبة واحدة فقط منها يكفيكي لها فوائد صحيةغير الشعر كثير دورو عليها
استخدامها للشعر للتقليل مع تموجات الشعر وتقليل النفشة ناس كتير شعورهم ناعمة بس عيبها نفشة و يظهر الشعر كانها مو ناعم بس من تمسكين الشعر تلقينه ناعم بس اللهم انه منفوش ):
والاهم الاهم التساااااااااقط ،
اثاره الجانبية يغمق الشعر ، بالنسبة لي شعري اسود فما فرقت معايا
صدقوني نظرتي للشعر الصحي اتغيرت ،،
زمان كنت اقول ابي شعر طويل و كثيف ويلمع وخالي من التموحات مفرود ومو مقصف هههههه
مع الحياة وتعبها اكتشفت ان طبيعة الشعر تقدري ترجعيها لطبيعة شعرك وانتي صغيرة مو انه شعرك كيرلي وتخلينه مفرود ليس ،
اهم شي ف الشعر ، يلمع لان الشعر اللامع دليل صحته حتى لو مموج وهاجد ومافيه تساقط وخالي من التقصف والاطراف
المقسومة،
طريقة استخدامها،
اذا ماحبيتي زيت املا وريحته ، مع ان ها شوي اتقبله
تاخذين الثمرة نفسها وتهرسيها لين تصير زي الافوكادو المهروس او الموز المهروس،
وتعجنيها بزيت سمسم ،
او انك تاخذيها مجففة وتطحينها ناعم وتضيفيها للحنة لعاشقات الحنة .
انا لقيت المجفف منها عند العطار بس يكون ثقة .وضفتها للحنة صراحة مع 8 استخدام لقيت فرق قرون الاستشعار ههههه الي قدام وتطير زي الشمس المشرقة مع الاستشوار(انا استشور مرة كل شهرين او 3 حسب المناسبات فقط حاولي تعودي نفسك على التقليل منه والي مقبلة على زواج لاتعودي زوجك على الاستشوار وبعدين يستغرب كشتك وانتي مرضانة او تعبانة او مشغولة )
بالنسبة لخلطتها وهي خضراء باقي ماحربت لان مالقيتها، بس ان شاء الله ناوية خلال الاسبوعين هذي اروح الحلقة واوري اي هندي الصورة واسالهم من وين...
وسلامتكم مع تمنياتي القلبية لك بشعر جميل وصحي .:17: