مشكلتها معورتن قلبي هالحرمه

صباح الخير ياخوياتي وش لونكن عسانكن بخير

بدخل بالموضوع دوغري البارحه كتبته ومدري وين طار ودورته مالقيته
وانشغلت عقبن
المهم هذي وحده بنت حلال وماشالله عليا مزيونه وراعية بيت المهم
يوم العشى كانت عندي
قالتي ابيتس بموضوع قلت سمي قالت بس اجيتس بكرا اكلمتس
المهم انا لي وقت عنها وحسيت انها منقبنه بين الحريم وهي جالسه
ويوم كلمتني فهمة
هي سالفتها رجالها من 5 اسنين اعرس عليا واخذ بنت عمه غصبن عنه طلبن امه
كرهن بالحرمه هي وياها مهن على اطياب المهم يوم العرس حرمته كانت والده
وبس درت بالعرس طبعا تفاجات كل شي من تحت لتحت قومي يالحرمه
وهي بنفاس هجي لاهلجتس وخلي كل البزران عند امه والعروس وعندة راسها غير يطلقها ولى ما ارجع وعقب حول سنه طلق العروس عقب ماجابت ولد وارجعي يحرمته
والعروس ارجعت لاهلها ولدها معها
الحين الزبده اكتشفت من كم يوم انه رادن العلاقه مع طليقته من الوات ساب والصور ومتغير عليا
رجلها صايرن اقشر واجتهة وهددة ونكر وروحي ودقي على طليقته
وقالت لها ارجعله ارجعله مانيب تاركته لتس صحيح بقولكن ترا اعرسة طليقته عقبه
وهجت عن معرسها تقول ماتبغاه غصبن عن اهلها
والحين الحرمه مشططه وشابتن ضو
تقول اخذ رسايلها وبلاويها واشوفهن اخوانا واهلها ولى اذبحها واذبحه
شوفن ترا الحرمه عصبيه وقويه وتحب رجلها بجنووون
وهذيتس متفتحه ومزيونه وتعرف تجيب الرجال يعني ناويتن لهم وتبي طليقها لانه ماشالله
مزيون وراعي حلال ومنصب ومقتدر وابو وليدها وتبيه
بس المشكله كلها من اساسها العجوز لانه الرجال ماكان باله يعرس
ويحب حرمته لكن امه احلفة عليه انها ماراح ترضى عليه اذا ما اعرس
وترا الحرمه الواحد يقول الحق لاتقول اكيد شر على العجوز
لا العجوز شرها على الكل ماتحب احد مبسوط موذيه وتحب كلمتها تمشي
الحين تقولن وش انصحها به
سمي يمي