غيور يوسف

غيور يوسف @ghyor_yosf

كبيرة محررات

أبشركم أنا حامل وبعد عند الدكتور بندر العبدالكريم لك حمدا الشاكرين الذاكرين

تأخر الحمل







السلام عليكم ورحمة الله وبركاته
مسائكم وصباحكم خير وبركه
أولاً شي اعتذر من انقطاعي عنكم ويعلم الله اني فقدت الكثير منكم وأشكر من سال عني بالقروبات
وعلى الخاص ياعساني ما افقدكم😘
ثانياً حلومه ابشرك اخذت بنتي أميره وصارت أميره على العالم كله ربي يصلحه
ثالثاً بديت المراجعة مع شيخ مدة 3شهور متواصل طبعا بالسر لان قال السر افضل عشان يثبت الحمل اول الرقيا أتضايق وأحس بضيق نفس مو طبيعي والرقيه 7ايام متواصلة من كل شهر وانتم تعرفون ماتنزل الدوره الا بأدوية وكان عندي تكيس مبايض وهرمون حليب
وزوجي تعرفون علته بعد المهم نزلت الدوره بعد الرقيا بخمس ايام يابنات والله اني خفت قطع مو دم
والله اني ابكي اقول ليت الي ما خلاه يرقيني على بالي رحمي تقطع
واكلمه قال شر طالع بس استمري على الزيت دهان والماء اغتسل واشرب كل مغرب و فجر
واستمرت علي 17يوم لين نشف وجهي استغفر الله كرت الدنيا
وفقت وجا الشهر الي بعده واستمرت بس 7 ونفس الي قبله قطع ودم اسود وريحه يابنات عفن تقرف
والي بعده اخف وأحس اني خفيفه حتى الم الظهر راح يارب لك الحمد
وقال لي نصيحه قبل اي عمليه أرقي نفسك
خصوصنا اني كنت احمل واسقط وعقبه توقفت وسويت الحقن عندالدكتور بندر وكان حمل فاشل
واعده عنده وبدا معي بالتحفيز وأبر التحضيرية 17 يوم ومع التحوير
والحمد الله وبعدها اشاعه وقال بطانة الرحم ممتازة نبتدئ التنشيط وخلصته ويسر الله لي وسويت
سحب وكعادت دكتوري الفاضل اول ما دخلت الغرفه كان يذكرن بالله ويعطينا آمال لا حدود له والله كاني اشوف ضنايا وتعرفوني انا صنم ما غير دموع وعلى الصامت ويوم الترجيع بعد ما قصر قال كرري معي آيات ويارب في ميزان حسناته والله اني ما حسيته الا اخ بيض الله وجهه
كان عدد الاجنه الملقحة 7 بدرجات مختلفه ورجع لي 3 وعسى الله يكت الخير
وحللت وطلعت نتيجة الحمل الحمل ممتازة طبعا تحليل هرموني(دم )
ملاحظاتي
اول شي قبل اي عمليه نسويها لازم الرقيه بعد الاتكال على الله تعالى ثم الصدقه يابنات الصدقه
وصلاة آخر الليل والله يا شفت له نفع وعسى الله لا يحرمنا الأجر
ثانيا تكلفت العمليه كامله مع الادويه 15 تقريبا
ثالث يقولون لبسهم تغير استر من قبل انا ما جربته
المنسقات ما زلت أعاني منهن والكثير من زميلاتي كنت بشكي للدكتور بندر بس خفت من رد الفعل
مستانسه لقيتك يا نوف وفرح ومها
اسال الله بمنه وكرمه ان يرزق كل محروم ذريه صالحه وان يسر امر كل معسر ويارب اشوف تباشير الخير منكم
واخص سعوديه ذوق وملاذ واحلام بنفسجية ولا يهون البنات لان هذول اكثر شي اعرفهم
بأمان الله مع اخبار حلوه غيور يوسف
73
46K

يلزم عليك تسجيل الدخول أولًا لكتابة تعليق.

تسجيل دخول

غيور يوسف
غيور يوسف
دعواتكم لي بتمام الحمل وثباته والمعذرة مستعجلة وانا اكتب كله من نوف الله يحفظه
mrs-hawaa
mrs-hawaa
الله يتمم لك ويقر عينك بشوفة جنينك
هناك بعيدا ...
هناك بعيدا ...
الف مبروك والله يتمم لك حملك وتقر عينك بشوفته سليم معافى
طير الفرح غرد
طير الفرح غرد
الف مبروك اختي الله يتمم لك على خيرر

اختي وين الراقي بجده

نصيحه لاتقولين لاحد من اقاربك

والله يسر امورك
احساسي انا 11
احساسي انا 11
الف مبروووك ربي يتمم حملك وولادتك