Aشاي اخضر بسكرA @ashay_akhdr_bskra
عضوة مميزة
جَمالك له دور بشخصيتك مع اسرتك ومُحيطك,بطلي كَسل واهتمي(3)
صَباح الاجواء الفَيروزية المنعشة ..
كَيف هي احوالكن ياجَميلآت ؟
هالموضوع الثَالث من سِلسة الجمآل سواء بالشَكل او بالروح ..
هاي هي المواضيع السابقة ..
جَمالك له دور بشخصيتك مع اسرتك ومُحيطك,بطلي كَسل واهتمي(1)
جَمالك له دور بشخصيتك مع اسرتك ومُحيطك,بطلي كَسل واهتمي(2)
كيف نَشاطكم بعد هالموضوعَين ؟ فيه تطورات ومُحفزات ودوافع خَليتوها نُصب اعيونكُن؟
اتمنى فيه ..
لأن الاسآس خَلق روتين لكل وحّده ( هالروتين لابد يكون صِحي مُريح مايحرمك من اللذاذه بحيآتك ) لأن الحِرمآن مصيره يعوفك بدنيتك ، المُبالغة بكل شي مِش خطوة زينه ، الوسَطية درب سلس لكل شخص .
ليش البَعض يفهم اني انادي للإسرَاف ! او شرآء مالا يفيد ! انا كَلامي مَنطقي او على الاقل احاول اكون مَنطقيه مع الكل .. مااعطي حُلول سريعه تودي بدهيَه دون اعرف الـ
Background يعني الخَلفية لكل وحده بما يخص ضَالتها..
بنات كَانوا يرسلون لي ع الخَاص عن احسن حل للهالات السوداء ومُصرين اعطيهم الزبده سريع سريع يبون كلمة تأكيد ان الكاربوكسي اوكيه ! تَعجبت منهم .. باين مايبون التَعب .. عندهم عادي يَحقنون ابر بس اهم شي اهتمام روتيني لا !
سألتهم تشربون ماء على الاقل لتر باليوم ؟!
قالوا ابداً ، ومستنكرين الامر بعد .. !
خبرتهم ممكن ٧٠٪ من سوء الهالات يخف بعد شهر ونص على الاقل من المداومه على شرب الماء ( شُرب الماء بذكاء يعني ٥٠٠ مل وطبعاً البطن تمتلي ويأتي التبول ومره اخرى ماء وتبول وهكذا ) هالاسلوب سليم ( المُبالغه بشرب قوارير ماء بدون تبول غلط ) ..
الغريب ماتحمسوا وانا اقولهم هالشي السهل (الظاهر مُدمنات كافين وغازيات ، مايعترفون بالماء) !
صَراحه الكسل او الاحّباط من رُوتين الاهتمام مَرض جديد طابين فيه البنآت ..
انا هِنا اعتبر نَفسي عَمِيلة مُخلصه لعيادة تهتم بالبَشرة والشَعر وصحة الجسم ، ولما استفسر لغيري عند اخصائيين الجلد او الشعر، يضحكون الدكاتره لما اقولهم ابي حَل جذري للمُشكله الفلانيه .. يقولون مافيه شي حَل جذري .. قالولي فيه نتيجة فوريه مثل الفلر وغيره من تعبئه .. اما بما يَخص العِلاج فالأمر يبيله طُولة بال او على الاقل شوية صبر ..
عموماً
الجَمال قوانيه كثيره ، مُتفاوت ، دمه ثقيل لان شُروطه حسب منظمة السَطحيه بالعالم ، صعبه ومُحبطه لأغلب البنآت .. لكن مين قال لابد نكون حلوين حسب رأي البشر ؟ من قَال لازم الروج الفَلاني او الماركه الفلانيه او لون الشعر الخربُوطي هو الي بيجملنا ؟!!!:huh:
الامر اعمَق ويحتاج قَناعة اكثر من كذا ، بيني وبينكم الجَمال والحصول عليه يبيله ذَكاء ، الذكاء يحتوي على عنصرين مهمين ..
الأول : العَمل من ناحية اكل صِحي ، رياضه.
الثاني: قناعة وتَشمل اقتناع بالنفس وخلقة الله السليمه ، وذكاء اقتصادي مادي حَتى مانرمي فلوسنا وراء هَوس الجمال ..
المداومه على كل شَي بسيط افضل من عدم المداومه على امر مُعقد .. احنا بدُنيا متقلبه فخلونا نمشيها بسَلاسه دون عُقد وسطحية بالتفكير ..
الروح تَحتاج غذاء ، الخَوف من الله والحرص على رضاه امر يُنمي الراحه بروحك وشخصيتك ، ايضاً الرضا عن ذاتك وشَكلك بيريحك كثير بهالدنيا ، لا تحاولين تكونين غيرك .. سوي الي يعجبك وبس مهما كان دامه مايضر احد ومايغضب الله ..
القناعه دائماً اقول انها كَنز ، القناعه هِبه والي يكتسبها مَحظوظ و يطالع بنظرات الشفقه لكل شخص سَاخط بأي امر من امور الحَياة ..
كل وحده لابد تشوف مايناسبها تجاه اي امر من امُور الحياه وتاخذه ، لاتسوي شي مو لها ، لا تنشغل بشي مايهمها ، ( لا تتمردين على راحتك وحَقيقتك اذا كنتي انسانه طيبه ورائعه اصلاً ) هالشي بيهد حيلك بالنهاية ..
في مُواقف مُضحكه تصير بالحياه بخصوص الشكل والسطحيه بشكل عام ..
اتذكر وحَده من احدى زَميلات الدراسه ايام الدوام تسألني وش روجك ووش نَوع البلاشر وغيره وغيره .. من طَبعي اعلم ومااخبي فايده عن احد ، فكنت اعلمها .. بعد فتره اكتشفت انها تحش فيني عند صَديقاتها المقربات اني اخبي الفايده ومااعلمها بدرجات الوان الميك اب الي استخدمه الصَحيحه ( بظنها ابي اتميز وماابي افيد احد ، ودليلها انها جربتها عليها وطلعت الالوان غير) اتذكر ان الامر يخص ارواج MAC لووول :icon32: .. الَمسكينه كانت تحط الالوان عليها وماتطلع عليها مثلي لان لون بشرتها ( الاندر تون ) غير عني تماماً ..
ماأبي اقول علي احلى او احاول ابين بطريقه مبهمه لكم اني احلى وتستشفون هالشي من كلامي .. << لأنها حركات بنآت قديمه :S_45:
مَغزى كَلامي لانحاول نسوي امور ونتخيل وجه فلانه او شعر فلانه ! لا نشتري مَلابس طريقة تفصيلها كنها لميقن فوكس او نَانسي ونقول يوووه احبطني المقاس !! :rolleyes:
دائماً نختار الي يناسب شكلنا ، بَشرتنا ، والأهم ذوقنا .
ماعلينا بالمُوضه ، لانخاف من رأي الناس عن مَلابسنا المُكرره او شِنطنا الي مَهي ماركة !
لابد ذكَاء واقتناع ..
البَنات الي يدفعون ٧٠٠ ريال على تقليد ماركة ، انا مش ضدههم اذا يبون شنطه الكواليتي تبعها زين ، لكن ضِدهم لما يبونها عشان الناس تقول اووو فلانه معاها شنطه ماركة مَعناتها ذوق وفاهمه !!
حِلو اشتري شنطه حسب ميزانيني حتى لو بـ ٢٠ ريال دامها عَاجبتني وتؤدي الغرض ، او اقتصد وماابذر حتى اجمع لشنطه على مَزاجي ..
الأمر قَناعه والقناعه ذكَاء ، فيه ناس قَناعاتهم هبله مَهي لمصلحتهم ، عشان كذا اقول القناعه بذكاء مُهمه .
ملاحظه/
ومُستقبلاً اي شي احطه ببوست بانستقرام هو حُريه شخصية ، من حقي تماماً دامي مااضر احد .. مَرات ممكن اسرد فوائد جَمه للي يُقدر.. ومَرات فوائد بالنسبه لي فقط .. ومَرات يومياتي .. لأني مهما كُنت سخيفه ، سَطحيه، او ماعندي سَالفه .. فـ هالشي يخصني وانا حُره .. كلمة حره تُسبب جلطه للكثير لوووول .. :S_45:
بس لازم نتعود عليها ونتقبل اطباع بَعض او نَرحل بهدوء اذا ماعَجبنا شي..
مُوفقين ..
45
8K
يلزم عليك تسجيل الدخول أولًا لكتابة تعليق.
فيروروشيه
•
ياسلام عليك
حلو الكلام
انا مهمله نفسي مرره حتى دايما اتشجع واشتري كريمات لليدين وللوجه واخر شي احطها منظر لمن تنتهي صلاحيتها
انا مهمله نفسي مرره حتى دايما اتشجع واشتري كريمات لليدين وللوجه واخر شي احطها منظر لمن تنتهي صلاحيتها
.*. آمووورهـ .*. :حلو الكلام انا مهمله نفسي مرره حتى دايما اتشجع واشتري كريمات لليدين وللوجه واخر شي احطها منظر لمن تنتهي صلاحيتهاحلو الكلام انا مهمله نفسي مرره حتى دايما اتشجع واشتري كريمات لليدين وللوجه واخر شي احطها منظر...
انتى بس قولي انا احب نفسي وحطي لك كريم على رف المطبخ بس تخلصي شغل حطي منه ضروري اعتبريه جزء من الشغل
وكريم قريب منك وقت النوم لاتنامين حتى ترطبين يدينك جسمك مع التكرار ماراح تتركينه
وكريم قريب منك وقت النوم لاتنامين حتى ترطبين يدينك جسمك مع التكرار ماراح تتركينه
زائرة
•
كلام يكتب بماء الذهب
الصفحة الأخيرة