الله يسعد اللي تدخل موضوعي يابنات تعبت تعبت / مكرر

الأسرة والمجتمع

السلام عليكم ورحمة الله وبركاته
كيف حالكم بنات

الله يخليكم ي بنات شوفي موضوعي وساعدوني و ادعولي

اول شي انا متزوجة وعندي بنتين الله يحفظهم الحمدلله حياتي مستقرة عمري 26 ادرس اخر سنة بالجامعة , حياتي راح تزيد سوء بعد العطالة لو ماتغيرت ..

انا انسانة تعبت من شخصيتي حزينة حزينة بشكل ماتتصورون 1-حساسة لابعد حد ازعل من اي كلمة والكلمة هذي كفيلة تخليني افكر شهر ..

امس توفى صاحب زوجي رحمة الله عليه والله يابنات انني دخلت حسابه بتوتر وبكيت عليه وقلبي تقطع وانا مااعرفه اتوقع انني حزنت اكثر من حزن اهله نفسهم ماجاني نوم بالليل وراح اجلس افكر شهر قدام وهو شخص مااعرف عنه غير اسمه وشفت صورته فقط لاغير .. ع طول ادخل حسابات المتوفين واجلس اقرا بتغريداتهم واعذب نفسي ..


2-اخبار الوفاة والحوادث والامراض تأثر في بشكل كبير حتى لو انها بالاخبار لناس مااعرفهم افكر فيهم واشيل همهم ..

جاني في الفترة الاخيرة 3-وسواس في العقيدة والطهارة والعبادات ووسواس الموت ماني قادرة اتغلب عليها ..


اروح السوق ابغى انبسط اجلس اطالع ف الناس اقول هذولا ليش مبسوطين الدنيا اش فيها شي يفرح
:sad:

تعبت يا بنات بطني تقلب علي من التفكير المتواصل جاني قالون عصبي والام بالمعدة بسبب التفكير السلبي ع طول اتخيل اشياء حزينة ماعندي تفاؤل ابدا ابدا ..

4-حنونة بدرجات غبية احزن ع كل الناس اشيل هم كل الناس واحسب لاي احد حساب ..


الله يخليكم ويسعدكم ساعدوني زوجي طفش مني ع طول يجيب لي كتب واشرطة ويحاول يغيرني لكن للاسف ..

اللي بترد رد يزعلني لاترد ادعولي او اعطوني مواقع او اسماء كتب او نصايح او اي شي ف الحياة ..

معليش طولت عليكم سامحوني ومشكورات الله يفرج هم كل وحدة فيكم يارب ويرزقكم الجنة بغير حساب ولاسابق عذاب ..
15
2K

هذا الموضوع مغلق.

ملك ..
ملك ..
ي الله ليييش كذا وربي م في شي يستاهل !!!
والموت حق علينا كلللنا وكلنا لطريق ذا 
مو معقولة وبعدين حاولي تحكمين نفسك اكثر ايش حادك بالله تفتحين حسابات الناس بتويتر وتقرين وتبكين ليييش !!!!
والشيطان حريص ع حزن المؤمن تعوذي منه واقري اذكارك ..غيري تفكيرك انتي متزوجة وربة بيت وراك عيال ومصالح كيف بتربينهم وانتي كذا !
صيري اقوى وتغلبي ع نفسك الحيااة حلوة ويلي خلق الجنة خلقها  .
ميموشاااا
ميموشاااا
الوسواس حله التطنيش مهما وسوس لك الشيطان تعوذي منه ترا كيده ضعيف وهذا كلام ربي سبحانه ومهما وسوس لك في اي عباده او طهاره لاتكررين نفس الشيء ابدا بعني لو شكيتي في وضوئك هل هو كامل او لا لاتعيدينه ابدا انا سمعت الشيخ بأذني يقول هالكلام وحتى لو كان ناقص ربي ماراح يحاسبك
ابدا لاتتجاوبين مع الشيطان

الحساسيه والحنية انا زيك تررا بس مو لدرجة زي وضعك لكن عايشه حياتي

الله ييسر امورك يارب
أوف بس
أوف بس
الله المستعان
حاولي تتقربي من الله
وقوي شخصيتك

حاولي
ولا تقولي كل شي يسيطر عليك
بقايآ حَـنـينْ
بقايآ حَـنـينْ
الشيطان يوسوس لك ويزيدك أكثر

حاولي تشغلين نفسك كثر ماتقدرين

حافظي على الأذكار

شغلي الرقيه في بيتك وشغلي سورة البقره

اقرأي سورة البقره لو مو يومياً على الأقل كل يومين أو كل ثلاث أيام

الله يريح بالك يارب ويشرح صدرك ويبعد عنك الوساوس
أم وداااد
أم وداااد
الله يفرج عليك ويذهب عنك همومك ما اعرف وش أقولك بس الحل بيدك لازم ماتتجاوبي مع الوساوس طنشي وقولي انا سعيدة ليش احزن كرري الحياة حلوة انت غذيتي عقلك الباطن بالسلبيات ولا زم تغيريها باﻹيجابيات ربي يكوون بعونك