دخل علينا شر ببيتنا وطلع

ماراح اطول بالسالفه جتنا وحده من قرايبنا وزوجها عقيم يعني للحين ماتخلف ويعلم الله كنا ندعيلها بالذريه بس ربي ماكتب... اهي فهمت امي غلط تفكر امي تعايرها وامي تفهمها انها والله ماقصدت اللي اهي فهمته وتتمنى لها الخير واشرت علينا نحنا بناتها ودعت انه نمر باللي اهي تمر فيه قصدها مانجيب ذريه لو تزوجنا ونحن لسى ماتزوجنا يعني فوق اننا متأخرات على الزواج وماتزوجنا تدعي علينا بعد لو تزوجنا مانخلف..!
ادري كل شي بأمر الله وكلامها لايودي ولايجيب دامها ظالمتنا بس والله جرحتنا كثير بهالكلمه وامي تاثرت ونفسيتها عالصفر
لانها سبق دعت انه مانتزوج والحين مانخلف..طيب حتى لو افترضنا غلطو عليك شدخلنا مالنا ذنب تسمعينا هالدعاوي الي تسم البدن فوق همنا تزيدنا هم يعني لو كانت ساعة استجابه شو بتستفيد لو تقبل دعائها ليش هالشر مره مانتزوج ومره مانخلف واهي والله تغلط علينا ومانقولها شي ..