مربى الحليب(صوص الدولتشى دى ليتش) من مطبخ الشيف مونى بالصور

الحلويات الشرقية والغربية

السلام عليكم ورحمة الله
النهارده جيبالكم مربى الحليب او حلاوة الحليب وهى اصلها ارجنتينى واسمها صوص الدولتشى دى ليتش وليها كزا استخدام كصوص للحلويات وفروستنج وحشو للكيكات والتورتات ونعمل منها ساندويتشات فى فطارنا وعشانا وهى دسمة شوية وشتوية بس مغذية وبتدى طاقة عالية والبديل ليها اننا نكرمل الحليب المكثف اننا نحط علبة الحليب المكثف فى حلة مليانة ميه ونسيبه لمدة 3 ساعات لغاية مايبقى كرامل بس طبعا مربى الحليب اوفر بكتير واحلى
ومكوناتها كالتالى:
كيلو حليب كامل الدسم
2 كوب سكر
فانيليا
الطريقة:
فى كسرولة هنحط الحليب والسكر والحليب يكون بارد وسبق غليانه

ونحطهم على نار هادية مع التقليب كل 10 دقايق وهنلاحظ ان لون الحليب هيتغير وهيميل بالتدريج
للون البنى وطبعا هيقل حجمه هيبقى نص الكمية


ولما يبدأ لونه يتغير هنحطله الفانيليا



ولما يبقى لونه دهبى غامق هنطفى عليه النار

وهنضربه بالخلاط اليدوى عشان يبقى ناعم جدا ومفيهوش اى تكتلات وممكن فى الخلاط العادى


وهيبقى عندنا مربى لونها دهبى وناعمة وطعمها خرافى



والمربى معتمدة على الحليب الدسم وبتبقى احلى مع الحليب اللى بيطلع قشطة فمينفعش بالحليب البودرة او حليب الكراتين مش هتبقى حلوة
وفيه ناس هتقول متعبة نشترى جاهزة احسن بس احب اقولكم هى غير طعم اى مربى بنشتريها جاهزة ده غير ان اللى بنعمله فى البيت احلى واضمن
وبالنسبة لطريقة حفظها هنحفظها فى برطمان معقم ونحطها فى التلاجة ونطلع ناخد منها كل مانحتاج زى اى مربى
جربوها وهتعجبكم ان شاء الله ولا تنسونى من صالح دعائكم
وبالهنا والشفا
15
3K

يلزم عليك تسجيل الدخول أولًا لكتابة تعليق.

تسجيل دخول

رحالة عبر الزمن
رحالة عبر الزمن

ما شاء الله
تسلم الايادي
راقية الفكر
راقية الفكر
أخرج أحمد والنسائي عن أبي طلحة الأنصاري رضي الله عنه قال: أصبح رسول الله يوماً طيب النفس، يُرى في وجهه البشر، قالوا: يا رسول الله، أصبحت اليوم طيب النفس يُرى في وجهك البشر، قال: ((أجل، أتاني آت من ربي عز وجل، فقال من صلى عليك من أمتك صلاة كتب الله له بهاً عشر حسنات، ومحا عنه عشر سيئات، ورفع له عشردرجات)) صحيح الترغيب
اور 22
اور 22
يعطيك العافية
زهو الامل
زهو الامل
تسلم يدك ويعطيك العافية
ان تو
ان تو
تسلللللللللللللللللللللللللللللللم ايدك ي قميلة