صار اللي ماابيه يصير نفسيتي تدمرت

بنات تذكروني بموضوع اللي ماله يومين اللي ماقرته تشوفه بملفي مافيني ارجع اكتب احداث

تخيلو ثاني على كلامه الصبح يوديني اهلي ويوم شفته ماصحاني ومداوم فرحت قلت عدى الموضوع ودقيت عليه وهو بالدوام قلت متى يخلص دوامك قال ليش قلت عشان تجي تلاقي الغدا جاهز قال لاغدا ولازفت اجي الاقي اغراضك جاهزه قلت اسمع ترى انا ماغلطت وكل اللي سويته علشاني وعلشانك وعلشان ولدنا وسوي اللي تبيه

جهزت كل اغراضي وجا طلعها للسياره ورجع فلت له طلقني الحين علشان كل واحد يعرف مصيره قال مو انتي اللي تطلبي الطلاق انا اللي بطلق وبكره تجيك ورقتك وطلعت ورماني انا وولده عند اهلي


تدرون بنفجر ليش لاني خبله لاني سنتين ونص صبرت عليه وعلى بلاويه وخيانته لي وسترت عليه وسامحته وتعبت نفسي عايشه شك بشك وحياتي معه قلق مو عارفه كيف ارضيه اخر شي نهايتي معه كذا وابسط زله حصلها علي رماني كذا استغنى عني كذا وحتى ماتعب نفسه يسمعني

يقول ادري مافي زيك واخلاقك ومحافظه على صلاتك وباره بوالديك بس خلاص خلي اللي شجعك ينفعك يقصد اختي قلت لاتجيب شرفي بشعره ماسويت شي يمس شرفي قال ادري وعارف


توقعت امس يجيب ورقتي ماجابها بشوف اليوم يجيبها ولالا كلمته ع الواتس وارسلت له دعاوي من قهري وقلت انت وافقت على تجارتي من الصين من اول وانت اللي بنفسك وديتني للبنك اطلع فيزا وكنت مبسوط ع الفلوس اللي تجيني والسالفه تجاره مو شرط اسئل اللي يكلمني انت رجال ولاحرمه دام الغرض معروف شغل وبس

اكتب واشوف ظهوره مايرد علي

تدرون انفجرت بكى قبل شوي ليش اولا لاني مظلومه ثانيا صح ماابي طلاق حتى لو ايش مايهون علي ولدي مشتت ماهو زي اطفال الناس بين ام وام وبعدين اذا طلقني كيف بطلع للدنيا كسرني اعدم ثقتي بنفسي وبعدين طلقني على سبب كذا

واذا فرضا قلت خيره واهلي واخواني يقولو يجيك اللي احسن منه ولدي لو ابعد عنه اموت
شسوي

كيف اتعايش مع الطلاق

ولا اذا ماطلق كيف ارجعه له وهو ظلمني وكذب على لساني لاخوي وهم ماصدقوه


يارب رحمتك بس