احتررررررت وحار فيك امري

السلام عليكم ورحمة الله

كل عام والجميع بالف خير ويارب هالسنه تكون سنة خير علينا جميعا
ويحقق لكل وحده اللي تتمناه

ببدا معاكم بسالفتي وياليت الاقي الحل عندكم لاني تعبت منها
احس نفسي في زي الدوامه ومتخبطططه ع الاخر ماني عارفه اخذ قرار

زوجي طيب جدااااا وابن حلال حبوب ومزوحي واسلوبو كله مزح واستهبال
مشكلتي معاه مافي اي رومانسيه ومااحسه حنون معايا مااحسه يخاف عليا ويهتم فيا
يابنات ان مرضت مااحس بخوفه بس يقول تبغي المستشفى لاقلت لا خرج وخلاني او يقومني اخلص شغل البيت او اخلصلو امورو

يابنات من كم يوم روحنا للمستشفى وكنت مرررره خايفه لدرجة اني صرت ارجف ويدي قلبت صفففففرا اقولو شووف كيف يدي ومرره خايفه كنت استنا منه ع الاقل يمسكني يهديني والله ولااااشي ولاكلمه
الا معصب يقول روحي شوفي متى بندخل ع الدكتور
اااه ياقلبي بس وقتها

مااسمع كلام رومنسي او كلام حب مااحس بالامان معاه

ماعشت معاه فترة شهر عسل ولافترة ملكه كللللللها جفاااااف في جفااااف
اشوف المتزوجات حولي يسترجعو مع ازواجهم ايام الملكه او شهر العسل انا مافي شي يستاهل افتكرو
كل شي روتيني ممل
يابنات مسكة اليد يستخسرها فيني
الهديه عمرو مااهداني غير مره وحده ايام الملكه رغم اني داااايما اهاديه في كل المناسبات اقول عل وعسى يحس ويفهم
عملتلو مناسبات خاصه وسويتلو كل شي ممكن تتخيلوه مااافي احساس ابدااا
صارحته قالي انا احبك ومااصبر عنك بس انا كذا ماعرف
لدرجة اني صرت اشك انه مايحبني اللي يحب ع الاقل يحاول يرضيني
اذا هذا كلوو واحنا مالنا كم سنه اجل بعدين ايش يصير
احس نفسي عايشه مع واحد عمره 50 سنه
كل همه النوم والاكل والعلاقه الخاصه
حتى الاخيره صارت ملل بالنسبه ليا لانه مافيها اي تجديد رغم اني طلبت بس مايرضا
اموره الماديه الحمدلله جدا ميسره وماانكر انه كريم معايا في الفلوس بس اطلب منه نسافر نروح نغير جو اي مكاااان لو داخلي مايرضا
مليحب يخرج مايحب الكافيهات مايحب المطاعم حتى جلسة ع البحر مايحب

لارحنا مكان يبغاني انا اهرج واتكلم واسال وهوا لا نفسي احس بانوثتي يناس
نفسي احس اني مدلله عند زوجي

ايش اسوووي بالله مع ادمي زي كدا
بالله عليكم قبل ماتجيني اي وحده وتقولي تافهه تحط نفسها مكاني
واعذروني اذا كان كلامي ملخبط