من اعطاها الحق بالرفض

السلام عليكم ورحمة الله وبركاته

كيفكم بنات

المهم اليوم صار معاي فصل رفع ظغطي مره وماني عارفه بأيش افسر هذا التصرف

اليوم رحت اسال عن نظام قفزه
انا من قبل العيد اتصلت على الاشراف وسالتهم عن النظام فالبدايه قالت ماتعرفه
انتظرت كم يوم واتصل مره ثانيه على نفس الرقم قالت تعالي مكتب الاشراف واسالي عن ابله ناديه شوؤن الطالبات هي تفيدك في الموضوع المهم اعطتني امل

اليوم رحت مكتب الاشراف جنوب غرب اسال عن ابله ناديه هذي قالوالي مو موجوده وانها مشغوله مره قلت متى بتجي قالت وش تبغين انتي قلتلها ابغى اسال عن نظام قفزه طبعا ردت باستغرات ايشش قلتلها نظام قفزه التعليمي او الاجتياز وعلى طول عشان ماتقول مااعرف عنه قلتلها النظام له سنتين واعرف بنات في الرياض والشرقيه سجلوا فيه سكتت شوي بعدين قالت ابله ناديه تفيدك فهذا الموضوع ولو تبغيها ضروري روحيلها المكتب الرئيسي اللي هو الرئاسه في شارع السبعين واسالي عنها هناك
المهم طلعت من عندهم ونروح على شارع السبعين واسال عن ابله ناديه اعطوني رقم وقالوا اطلعي الدور الرابع اخذ الرقم واطلع وكلي امل في ابله ناديه هذي اللي الموضوع عندها هي بس
المهم وصلت الدنيا كانت زحمه عشان تسجيل السوريات المهم سالت عن ابله ناديه اشرولي على الغرفه اللي هي فيها وكانت فيه وحده على الباب قلتلها ابغى ابله ناديه قالت كم رقمك قلتلها 17 قالت انتظري لسى الدور على رقم 9 فرحت الرقم قريب وقفت على جنب واسمع البنات متى بيمشي الدور وكذا فضول سالت وحده وش السالغه قالت هم كذا ابله جوه وكل الابلات سرتهم ماشيه الا ابله ناديه من يوم مابدى الدوام وحنا موجودين الكلام هذا كان الساعه 9 المهم من 9 لين 11 والسستم تبع ابله ناديه خربان بعد ما طفشت قمت وسالت الابله اللي على الباب وقلتلها انا ابي استفسر عن نظام بس لو تخليني ادخل قالت وش سؤالك قلتلها عن نظام قفزه وكل الكلام طبعا قالت هذا الموضوع عند ابله ناديه بس لازم تنتظري في الدور المهم من هنا من هناك مافي مارضت تدخلني وارجع انتظر لين الساعه 12 وربع جاء رقمي اخيرا لان الاغلبيه طفشت وروحوا

طبعا هنا الصفعه
دخلت ابله ناديه نعم السلام عليكم ورحمة الله وبركاته قالت هلا قلت ابي اسال عن نظام قفزه قالت ايشش قلتلها نظام قفزه او الاجتياز شككوني فنفسي صراحه صرت استحي اقول الكلمه يمكن عيب:huh:

المهم التفتت ناحية الابلات اللي معاها وقالتلهم منتظره من الصبح عشان ايش جايه تسالني عن نظام قفزه بطريقة استهزاء مستفزه
قلتلها لو سمحتي النظام موجود والرياض والشرقيه وقبل ماكمل كلامي قالت انا عارفه عن النظام ياماما
قلتلها طيب
قاطعتنا ابله قدامها وقالتلها يابنت الحلال هذي يمكن فوق العشرين بنت جايه تسال عن النظام صاروا الناس عارفينه قفزيهم ياشيخه
طلت ناحيتي مره ثانيه بنظرة سخريه وقالت انا ياماما الاجتياز عندي تاخذيه حبه حبه
قلتلها بس النظام موجود قالت مو عندي
قلتلها يابنت الحلال انا جايه وكلي امل ومتعشمه فيك قالت اقولك مافي قفز يا ماما
قلتلها وانا معصبه خلاص يعني مافي في جده قالت لا مافي قلتلها ابدا ابدا طلت فيه وقالت ابدا ابدا قلتلها ماشي وطلعت
طيب لو النظام موجود من الحكومه من اعطاها الحق انها ترفض لو عندها اعتراض تووجهه للوزاره صح ولا لا

انتم وش رايكم باللي صار ماله غير تفسييرين يا حسد يا تبغاه لناس وناس
صراحه مقهوره وودي اشتكي عليها بس صوتي وحده ينفع ولا في الاخير ما انول غير البهذله والتعب انا عندي الظغط ومن وقت ماصار الكلام وهو مو راضي ينزل بس مااقول غير حسبي الله ونعم الوكيل
ان شاء الله تجي وحده تحسد عليها وظيفتها وتنزل فرااشه يارب ;)استغفر الله بس يارب
اختي تضحك علي يوم قلت كذا من القهر والله
واسوني يابنات الله يخليكم