صدف الوادي

صدف الوادي @sdf_aloady

محررة برونزية

الحمدلله بنتي نطقت وتعلمت اشياء جديده

الأمومة والطفل

السلام عليكم ورحمة الله


حالة بنتي
بنتي طبيعيه بس هي من الاطفال الي تاثرو بطيور الجنه وقنوات الاناشيد
اهملتها كثير وكانت اغلب وقتها عند التلفزيون
لما كان عمرها 7 شهور نطقت اول كلمة بابا
وبعدها لاحظت
لما اروح لناس وتشوف طيور الجنه تعجبها وتنبسسط
وللاسف بحثت وطلعتها لها
وصارت اغلب وقتها عليها
عندها امسااك
ماتحب اكلات كثير فقط كم نوع
تتكلم لغه مو مفهومه
ماعاد نطقت كبرت بنتي وصار عمرها سنتين تمشي ماتنظر ولا تلتفت لاحد طلعت لها سمات توحد
وعلى الحاله ذي الين كملت 3 سنوات
وقتها بحثت واقتنعت ان القنوات هي السبب وطبعا بديت اول خطوة طلعت لها براعم وقناة الجزيره للاطفال ومنعت الاناشيد الا ناادر
تعلمت منهم كلمة مرحبا ووداعا والى اللقاء فقط
وبعد كذا قرات لتجارب الاخوات هنا مع اطفالهم وانه لازم نتكلم مع الطفل كثير وبدات بالحليب والمويه كل ما تاشر اقولها حليب طيب مويه طيب بس اسبوعين وصارت تطلب حبيب وبويه ههههه بس مااستمريت انطقها مثلها لا اتكلم عادي والحمدلله الحين تعرف تنطقهم صح
المهم لاحظت تطورها وتحسنها مو سريع
لما صار عمرها 3 ونص
فتحت اليوتيوب بطاقات تعليميه وجلستها عندي وكل ماينطقون كلمه اشر على الصورة وانطق وراهم بنتي عجبتها وقلدتني على طوول ماتصدقون فرحتي صح ماكانت واضحه الكلمات بس محاوله ومن اول مره شي حلو وتفائلت
كررتها عليها بعد اسبوع تقريبا بنتي ماشاء الله حفظت الكلمات وياحياتي تجي تسمع عندي حفظتهم بالترتيب وهي عارفه اني افرح واشجعها وتجي تعيدهم عندي وهي مبسووطه يعني مو بس انا اتمنى تتكلم حتى بنتي
وقتها فهمت ليه لما نتجمع تتكلم كلام مو مفهوم وترفع صوتها حياتي كانت تحاول بس هي مو فاهمه بسبب اهمااالي
واستمريت كل ما تحفظ مقطع افتح جديد وكل ما اشوف شي هي حفظته من النت اشر عليه واذكرها وهي تفررح وصارت كل ماتشوف شي بالمطبخ او العابها تاشر وتنطق الاسم وتطالعني تنتظر اشجعها
الحين عمرها 4 سنوات
يعني خلال نص سنه تعلمت الالوان وادوات الطعام والاكلات والمواصلات والحيوانات واعضاء الجسم
بس باقي ماتكون جمله
والحمدلله تطلب الاكلات والاشياء الي تحبها
تستجيب لبعض الاوامر بس مو مره لانها عنيده
نجي للامساك الحين لي شهر على خلطه عالجت الامساك واحس تحسنت بشكل اسرع الحمدلله
كيلو عسل سدر منزوع الشمع +40 جرام غذا الملكات +20 جرام حبه البركه مطحونه >>الخلطه مكوناتها اكثر بس هذي اهمها والي تبيها كامله تكتب في قوقل خلطة ابو التوحدي ماشاء الله ولده تحسن عليها كيف الاطفال الطبيعيين بس عندهم سمات بسبب الاهمال
تخلط الخلطه بملعقه خشب وتاخذ يوميا ملعقه 1 صغيره على الريق
بنتي مو اي شي تتقبله
اعطيتها في البدايه بالقوه
والحين هي تطلب وتقول عسل الحمدلله>>كنت ماحب اعطيها شي بالقوه بس هالمره انا مضطره لان الامساك خطيير ومزمن معها وهو ياثر على الطفل نفسيا
بنتي تشافت من الامساك الي له سنه تعاني منه
وماشاء الله انفتحت شهيتها قبل اكلها محدود الحين تاكل اشياء ماكانت تاكلها الحمدلله

انتظروني انزل لكم مقاطع الي استفادت منها بنتي
اخواتي لا تنسوني وبنتي من دعواتكم
45
10K

يلزم عليك تسجيل الدخول أولًا لكتابة تعليق.

تسجيل دخول

3loosh1986
3loosh1986
ماشاءالله عليكي صح تعبتي بس بفايدة

يعطيكي العافية
صدف الوادي
صدف الوادي
هذا كان اول مقطع لا تنسون اول ماينطق الطفل شجعييه وسلمي عليه
وبشروني لاتنسون






http://www.youtube.com/watch?v=oTvFdOiHuCM&list=UUDWOGpEYzQVkVxLcO1Zy8cw
Mishael1987
Mishael1987
مشاءالله تبارك الله الله يحفظها لك ويعطيك العافيه ويزيدك قوه
كارميللو
كارميللو
الله يرزقك برها وربي يبارك فيها وينبتها نباتا حسنا
ماشاء الله تبارك الله الله يبشرك بالخير يارب
صدف الوادي
صدف الوادي
ماشاءالله عليكي صح تعبتي بس بفايدة يعطيكي العافية
ماشاءالله عليكي صح تعبتي بس بفايدة يعطيكي العافية
لله يعافيك
والله ماتعبت كلها اشياء سهله والحمدلله مااحتجت تكرار كثير وشفت نتائج

صدقوني ياخوات اهتمام بسيط وراح تتعجبون وتدعون لي