مطلقة ومبتلشة بنفسي

السلام عليكم خواتي
انا من سنوات تعبانه من تعب ملازمني يستمر شهور ويخف وأحيانا يختفي من بداية الدوامات رجع بشكل مو طبيعي الم فضيع بجنبي الأيمن صدري وظهري ورجليني ويديني سبق حللت قالو مافي مشكلة عندك ومن ذا الكلام
مشكلتي الاساسية ابي احد يوديني لمستشفى وطبيبة شاطرة واسناني تعبانة ابي أشيل واركب
حتى لو احتاج شغلة من السوق تتعب نفسيتي تفكير من يوديني اذا وداني احد من اخواني يلحقني المذلة واطلب هم دايم محد يتجاوب معي واذا بغيت اجيب سواق يرفضون الفكرة ويعطوني تلميح. انه بيلصقون فيني ويأخذونه مني 
في كل مرة اتعب أتغيب عن دوامي بدون عذر تخيلوا لاعلاج ولا راحة السنة اللي راحت وحدة من صديقاتي تترجاني أغيب وارتاح وكنت ارفض باخر السنة رجع لي الألم بزيادة وكنت مجبرة أغيب وانا تعبانة نفسيا من غيابي وجابت لي اجازة ثلاث ايام هي المشكلة رجع لي الألم من اسبوعين وهي تغيرت علي وبدت تهاوشني بالوتس وتخانق اني متغيرة عليها وما ارد ع اتصالاتها وتكلمني وتسمعني كلام ماله طعمه وتقول لي نسيتي افضالي عليك ولما اشكي لها حالي تقول وش دخل المرض ومسولياتك بردودك علي علما اني ارد عليها لكن تنرفزني بكثرة هواشها علي اني اتعمد ما ارد اذا كلمتني الله يهديها خربت اللي بيننا بسوء الظن ومع ذلك مابخاطري عليها شيء ولاراح أنسى وقفاتها معي واعتبرها مو مسؤولة عني بشيء وبرضوا ماودي اضغط عليها بكلام لانه عندها ظروف صعبة 
المهم اهلي وزميلاتي اذا قلت لهم اني تعبانه محد يصدقني ويعتبرونه وسواس مني
وانا اللحين تعبانه من اول الدوامات ومالي حيلة مارحت لمستشفى وما ادري وش اسوي بالضبط نفسي اسوي تحاليل كاملة مالقيت من يوديني شوروا علي انا بقرية بعيدة مافيها مستشفيات واليوم غائبة عن دوامي للمرة الثانية وماعندي عذر مدري وش اسوي ملحوظة اخوي اللي ساكن فوقنا تهجمني قبل فترة من دون سبب يطالبني ادفع ايجار علشاني ساكنة بالبيت اللي بينه وبين اخوي ولا اطلع برا واتهمني بعرضي وشرفي وانا من بعدها نفسيتي تغيرت جدا ومتألمة وكل شيء يبكيني خصوصا عمره ماتكلم علي اول مرة 
انا اتمنى لي بيت وزوج يهتم فيني ويناظر شؤوني دون ما احتاج لاحد من اهلي ولا غيرهم ماتتخيلون قد ايش قاعدة اتكلم ويَا نفسي. وكيف أفكر أعالج نفسي ولا اروح مشاويره