.:حلم واتحقق لي بمجرد سماع وقراءة القرآن في ثلاثة ايام:. لاتفوتكم القصة :.

نزهة المتفائلين



السلام عليكم ورحمة الله وبركاته
طبعا انا احب اتابع القسم اللي احتاجه
وانا بصراحة مرة محتاجه هذا القسم
لااني كنت قمه في اليأس والتعاسه

بصراحة بصراحة راح اكون صريحة وياكم والله
اني صار لي قريب السنتين ..
ماكان في احد يتقدم لي بعد طلاقي
وانا عاديه متوسطة الجمال عاديه مره
عاديه ومقبوله من كل النواحي
وفرصي مره قليله في الزواج
بس يسالون عني واذا درو اني مطلقه يهونون
عالعموم .. ماانكر جاني احباط
واكتىاب ووحده وهم وكل شي
كنت ياىسه ومتأكده بعد اقول انا عاديه
مافي احد يبي وحده مطلقه الا اذا عندها مؤهل قوي
زي الجمال والشهادات وغيرها
وجلست اضيع وقتي في سماع الاغاني
والمسرحيات والمسلسلات والبرامج الفكاهيه والالعاب وغيرها
وصلاتي كانت سريعه ومتأخره
ومااركز فيها
وماكنت افتح القرآن .. كنت استغفر الله
زي ماقلت لكم يائسه ..

كنت اقول ابي اتزوج ياليت
يمر علي موقف حلو زي وحده تأشر علي تبيني لولدها
اوتخطبني له حتى لو ماصار نصيب ابي يتقدمون بس
ابي احس بالامل
اهم شي اترك اليأس
ابي اعرف اذا كنت بتزوج ولا لا
ابي اي شي يخليني اتمسك بالامل
والصبر وعدم اليأس


فجأه .. قريت قصص عن الرزق .. كم مطلقه وربي عوضها خصوصا
اذا انظلمت

والاسباب قيام الليل والقران واشياء كثيره
حسيت باليأس كمان


قلت اعرف اني ماراح التزم

طيب انا ذكرت في احد المواضيع ان عندي اعراض
غريبه وحاجات اغلب الردود اثبتت ان معي مس لا محاله

ووصوني على ... الرقيه الشرعيه

راح ادعي لهم والله من كل قلبي
خصوصا الاخت لؤلؤة جمان

ساعدتني كثير

انا خلاص نويت .. بنية تقرب من الله ..


يشاء وبقدرته التي وسعت كل شيء
ان يوسع علي باب الرحمة والمغفره
والرزق والامل والزوج الصالح

انا قلت لكم ابي اترك اليأس وتمنيت بس شيي

يحسسني بالامل على الاقل او يثبت لي اني بتزوج اذا ربي شاء


ضبطت صلاتي .. وصرت اركز فيها واهتم بالكلام اللي اقوله وافهمه
وكنت اتامل في الكلمات اللي اقولها بالصلاة
واصلي في مكان هادئ واحس بشي مختلف وربي


وقطعت الاغاني
وصرت اسمع للقراء الشيخ عبد الرحمن السديس وماهر المعقيلي
القرآن والرقية

وتأملت برضو في الايات
حسيت اني محتاااااااااااجه اسمع اكثر

حسيت ان القرآن عالم ثاني

واستفدت فيه امور ثانيه كنت احاول افهمها من اشخاص

من جد نيتي اني اتقرب من ربي واعالج نفسي
من الامراض النفسيه والروحيه

حسيت بالملل بالبدايه .. لكن اعتدت على هذا الشي من ثالث يوم اللي صارت فيه القصه العجيبه ..


اللي نويت فيه اني التزم وبنية التقرب لله

وصرت اقرأ القرآن وقت الفراغ
واحاول اعود نفسي على هالشي

قسمااااا بالله ثالث يوم اقسم برب الجلاله

رحت المسجد .. كان تجي حرمه وصلينا في نفس الصف
بعد ماجلسنا
على طول سألتي .. يابنتي انتي عندك عيال ؟
قلت لها لا ... قالت طيب متزوجه انتي ؟ قلت لها سابقا
قالت اجل مطلقه ..
قلت لها اي ..
قالت لي ماادري ليه عندي احساس انك انتي اللي رفضتيه
قلت لها اي معك حق .. انا اللي
رفضت .. قالت لي عن بنتها كانت مطلقه من زوجها اللي اكتشفت ان معه اعصاب .. امراض نفسيه
وقالت لي كيف كان يعذبها ..
وعندها منه عيال .. وبعد تزوجت في اسرع وقت واخذت واحد
ماحلمت فيه طول عمرها .. ويموت بعيالها
ودخلهم حتى المدارس الخاصه على حسابه ويشتري لهم هدايا
تقول لو ابوهم ماسوى كذا
لاان برضو عيالها كانو متعذبين

قالت لي اتصوري زوجها ماكان يصلي !
ويسمع اغاني !!!!
وبنتي ماتسمع ولا تقبل تعيش مع واحد كذا

حسيت ان سمااع الاغاني عندهم شي مره

وهم مره مره ملتزمين


هذا سبب توفيق بنتها

والمفاجأه ... قالت لي انا عندي ولد
احسه مناسب لك
على طول بالمساجد
قالت لي عمره ماعرف بنت
مقضي وقته بالعباده والدوام

بس اكبر منك بتسع سنين .. يعني عمره اثنين وثلاثين

انا خفت قلت ليه اثنين وثلاثين ماتزوج لسه

قالت ولدي حب يتزوج بداية الثلاثين يكون متخرج وموظف
ومكون نفسه عالاخر ..


طبعا انا ماعرفت كيف ارد عليها بس حسيت اني
ظالمه نفسي كيف عندي كنز ولاهيه عنه
اللي هو قرآننا لااوالحين اللي صار الحرمه راحت
ونست تاخذ رقمي و
هي قالت تبيه ونست تاخذه
بسسسس مره تفاءلت وحسيت اني طايره

وجاتني رهبه ماادري كيف
احس من جد قتلت اليأس وخلتني متفاءله
بس من جد جاني خوف كذا من قدرة الله
قسما باالله شي مو طبيعي

اسمحو لي انا قلت هالكلام بسبب الأحداث التي حصلت معي
هذا شيء معروف بس ممكن تعتبر منه وحده وتستفيد

انا مو متأسفه انها مااخذت رقمي بس الموقف كفايه
وهي تمشي تقول ربي يوفقكم ونفرح فيكم
انتي وولدي

انا مره عجبني الموقف ومن جد خلاني اتفاءل
والتزم

ادعو لي ..
32
6K

يلزم عليك تسجيل الدخول أولًا لكتابة تعليق.

تسجيل دخول

alat_ala7
alat_ala7
سبحان الله هاي إشارة من الله تستمري على التزامك الجديد
رپي اغفرلي
رپي اغفرلي
ماشاءالله الله يثبتك ويرزقك
عليك توكلت 1
عليك توكلت 1
سبحان الله يريد لك الخير مسبب الاسباب

يا مقلب القلوب ثبت قلوبنا على دينك

اسأل الله لكِ الثبات ويرزقك الزوج الصالح والذرية الصالحة
~لون السحاب
~لون السحاب
سبحان الله من جد موقف حلو ويبعث على الامل

انا عندي ياس زيك مررا ايش اسوي
ززووزز
ززووزز
سبحان الله من جد موقف حلو ويبعث على الامل انا عندي ياس زيك مررا ايش اسوي
سبحان الله من جد موقف حلو ويبعث على الامل انا عندي ياس زيك مررا ايش اسوي
حسسيت بقشعريره من قصتك سبحان الله يمكن الله مرسلها لك عشان تقطع يأسك اللي كنتي عايشه فيه يعني الله استجاب دعاك سبحان الله سبحان من يرزق من يشاء بغير حساب من حيث لا يحتسب
انا مره سبحان الله كنت محبببببطه من حياتي الكئيبه ماحد يمدني بريال وحافز دبل كبدي يأست منه مااهلني رفعت يديني لربي وقلت اللهم ارزقني من حيث لا احتسب اليوم الثاني على طول ارسل لي حافز انتي مؤهله