في حركه بس اتوقع مو مقصوده 
اللي تقولك حياك الله وتمشي وراك بمسافه 
طيب وين باب المجلس من وين اروح 😳
جد والله ترا ممكن ادرعم بغرفة النوم والا غرفة احد الافراد 
وتصير كوارث 😁😂
ليت المضيفه تمشي قدام الضيفه وترحب 

ملاحظاتك بمحلها
خااااصة اللي ماتلقين احد باستقبالك

اما اللي ما احبه
اللي اول ما اجي القاها حاطة القهوة والشاي وبسرعة تحطهم وكل شوي تقول اصب لك شاي
طيب ماخلصت قهوة ياربي
 و وراهن فورا تجيب العصير او الفواكه او اللي عندها كل هذا خلال ربع ساعة

وبعدين نقعد باقي الزيارة مصفطين 
كانه هم وتبي تخلص منه




ياختي شوي شوي
الناس مهي جاية للاكل والشرب
خلي القهوة تاخذ وقتها


وفترة شوي بعده الشاي
و بعدين اذا فيه شي على مهلك



وشي ثاني بعد ما احب اللي تلزم تلزيم قووووي على الاكل وهذا العيب موجود بأمي الله يعافيها
احيانا احس الحرمة تبي تستفرغ من كثر ما حشت فيها
دايم تحرجنا مع الضيوف بس مافيه فايدة

مره رحت لبيت قريبتي انا وام زوجي واستقبلونا بناتها كبار وحده منهن متزوجه ..كانت ضيافتهم جاهزه وكل شي مرتب ومستعدين لنا بس بناتها جلسوا شوي واخذوا ترامس القهوه وراحوا يتقهوون هي واختها في المجلس الثاني عند التلفزيون وخلونا وانا الي قعدت اصب القهوه واضيف ..ويوم جاء المغرب طلعوا للسوق 😒😒
واضطرينا نتعشى عندهم مع انه ماكنا ناوين بس الحرمه حلفت علينا وجواالبنات من السوق ونادوا على الشغاله تودي عشاهم فوق😐😐

بصرراحه كرررررهت نففسي بهذيك الزياره مهب لهدرجه 😦😦الناس ماعاد تبي احد يطب بيتها 
حتى خالتي تضايقت 

والشي الثاني ينرفزني الي كل شوي تقوم ..مره تقوم لعيالها ومره تروح للمطبخ ومره تجيب ملاعق ...احس راح الوقت وانا ماشفتها ولا سولفت معاها

احب لما ازور احد يستقبلني عند الباب ويكون كل شي جاهز عشان ماتغيب عني كثير وتخصص غرفه من الغرف تكون فيها الالعاب الاطفال يلهون فيها عيالنا واحنا ناخذ راحتنا 

ماشاءالله عليكم تعزمون وتضيفون انا بصراحه مااعرف اعزم ولا اضيف من يوم تزوجت ماحد دخل بيتي الا اهلي طبعا واخت زوجي .. نفسي اتعلم كيف تعزمون الناس وترحبون فيهم وتقهونهن احس صعبه صح ؟؟

معك في كل النقاط و خصوصا كوكتيل العزايم

عزايمي المفضلة باختصار

ناس قليلة وحبوبه + ضيافة بسيطه + وجيه بشوشة