سممسممه

سممسممه @smmsmmh_1

محررة برونزية

(في مجتمع النساء ) أصناف النساء واسرار التعامل المثالي معهن

الأسرة والمجتمع



حياكم الله من جديد في موضوعي الثاني وهذا موضوعي الاول للي تبيه
http://forum.hawaaworld.com/showthread.php?t=4225686
وكالعاده قبل ماابدا موضوعي حابه اقولكن الموضوع فيه سعة صدر كبيررررره ف رجاء مانبي حذف ردود
او احد يعلق على رد احد او تنتقد رد وتقتبس ومن هالكلام لان الموضوع للجميع وكل وحده حره في رايها
اتركوا العالم تعبر سواء نقد جارح او سلبي او ايجابي او بناء مايخالف لازم نسمع للجميع
ويامرحبا بكل الردود الموضوع منكم ولكم :)

هالمره نبي ندخل لعالم الحريم عالمنا اللي يصعب علي اسميه العالم الوردي مثل مادايم نسمع
لان هالشي ظلم للون الوردي:01:
وهاللون بنخليه للاطفال لانه لايق عليهم حييييييييل
الحين لو قدامنا طبق فاكهه وخضار اكيد اكيد الطعم مختلف مالح وحامض وحادق وسكري ومعتدل الخ
واكيد اكيد كلهم لذيذين ومطلوبين لكن لكل صنف طريقه في اكله مثلا الليمون ماناكله مثل التفاح
وهكذا فأحنا بناكلهم اثنينهم لكن لكل صنف طريقه فلو قشرنا الليمونه وبدينا نقضمها مثل التفاحه يابنوقف
يابيصعب علينا اكمالها لكن الانسان ذكي بالفطره ةيستخدم ذكائه بكيفه فغريزة الاكل عندنا قويه لذلك
نستخدم ذكائنا في الاكل فنروح نعصرها مثلا ونضيف لها اشياء تحسنها سكر وثلج الخ
او نستخدمها مع اكلات معينه الخ
لكن في الحياه ولانها سريعه والمواقف تحصل غالبا فجأه فيتجاهل الانسان ذكائه او مايهمه ويرتجل في الرد
والتصرف فيندم غالبا على بعض ردات فعله ويقول لوقلت كذا او تصرفت كذا كان افضل
لذلك هنا بتلاقين شرح للذكاء هذا وكيف نحسن استخدام قوله تعالى (ان كيدهن عظيم)
وكيف نقلب الطاوله على بعض قليلات الذوق المتبجحات وكيف تردين على هالاصناف من النساء وتتعاملين معهن بشكل مثالي يخلي السحر ينقلب على الساحر وكل هذا وانتي بمكانك ولاقليتي ادبك ولاخرجتي عن تعاليم دينا الحنيف لان الاسلام هذبنا وادبنا وبنفس الوقت اعطانا العقل والحكمه في الرد والانسان لازم يكون قوي قلب مو جسد لازم ياخذ حقه ومايسكت عنه لابحرب ولابقوة الجسد والايادي لكن بالعقل والذكاء والكيد الايجابي الصحي اللي يخليك مرتاحة القلب ويبعد عنك قهر وجرح وقلة ادب بعض الاوادم
للاسف يابنات اننا احنا مجتمع الحريم مستقعدين لبعض غالبا وطبعا فيه حريم عاقلات رائعات هذول مابركز عليهم
لان ماعندنا مشكله معاهم ولاهم محور كلامنا لذلك الموضوع بيركز على قليلات الذوق اللي لهم عدة اشكال واصناف بتشوفونهن اثناء الموضوع
وللاسف ايضا ان انكار هالصفه بمجتمع الحريم هو جعل الحل مستحيل لان انكار الغلط وجحده يعني عدم الاعتراف بوجوده وهذا يصعب حل المشكله
لذلك لابد ان نعترف ان مجتمع الحريم غالبا عالم اسود حقد وحسد وكره لبعض وعداوه ظاهره بدون سبب احيانا
واعيد واكرر هالصفه لاتعم كل الحريم انما عن فئه معينه بنتكلم عنهم بالتفصيل
خلوني بخبرتي المتواضعه اصنف واقسم هالفئه التعبانه بحيث نفصل طريقة التعامل مع كل صنف بطريقه معينه
تختلف كليا عن غيرها وابي تعرفون شي مهم هالموضوع بكل مافيه من تأليفي انا سمسمه وكل المعلومات اللي فيه
من وجهة نظري انا ومن تقسيمي يعني هالاصناف انا اللي قسمتهن وسميتهن لذلك مابتلاقون مسميات احترافيه
او اسلوب كتابه انا فقط اكتب مابداخلي ومااعرفه وماتعلمته وقرأته وعرفته وفهمته طوال حياتي
الان للاصناف ....
1-المتقمصه لدور الضحيه الممتلئه بالضجيج من داخلها :
هالنوع من الحريم من اول جلسه معها تحسينها مليانه ضجيج من داخلها مع ان مافي شي يدل لكن تحسين هالشي من اول جلسه معاها هالنوع كله افكار سلبيه داخليه وكلام ووسوسه وسوء ظن لكنه يتقمص دور الضحيه احدى حيلها لنشر سمها وحقدها وحسدها
هالنوع عند اقرب مشكله مع طرف اخر سواء هي المخطئه او الاخر فتصرفها دائما باللف والدوران لاتواجه ولاتصرخ
ممكن تنفعل ملامحها ويحمر وجهها وممكن تنزل دموع وكل هالشي لتكمل دور الضحيه لكن ماتصارخ وتضارب ابدا
طيب كيف تتصرف مع الغير لو كنتي جالسه مع هالنوع وحدث بينكم سوء فهم او مشكله لاي سبب سواء كبيره او تافهه
هالنوع تمتلي بالحقد والكره وتذهب الى اقوى شخص في المنزل او اللي له سيطره لو كانت قريبه لك ولو كانت غريبه تذهب الى احدى الحريم القويات اللي لهم مكانه وفرض سيطره فتبدأ في بث سمها لهذا الشخص وملء قلبه عنك وتجعلك اسوء انسانه وممكن تقذفك المهم عندها توصل لهالشخص سيئاتك بطريقه خبيثه ملتويه ماتخليه يشك فيها ابدا
وكل الوقت يشوفها ضحيه وبريئه وانتي سيئه ومجرمه وممكن اصلا المشكله ماتستاهل لكن هالصنف يكون قلبه اسود وحقود واجرامي ولاينسى ومخلي الشيطان مسيطر عليه
للاسف هالصنف اشرس الانواع واخطرها ولازم تتعلمون كيف تتعاملون مع هالنوع والاهم انكم تكشفون هالنوع
يعني لازم يكون عندك درايه وتكونين واعيه وتكتشفين هالصنف عشان تتعاملين معاه صح
مامرت عليكم مواقف واكتشفتي فلان او فلانه قريب او غريب مليانين عليكم وزعلانين او مايكلمونكم بدون سبب
او كرهوكم فجأه وصاروا يشوفونكم اعداء بدون مقدمات واسباب لدرجة انكم مستغربين وتقولين اش قلبهم علينا ومن هالكلام ؟
اكيد اغلبنا مرت عليه هالمواقف وللاسف للاسف انها بسبب هالصنف فهي مفرقه الجماعات وزارعه للعداوت
وممكن توصل للقذف والاعراض
هالصنف نتعامل معاه بطريقه حذره اول شي لازم نتعرف عليه بحيث نقول فلانه من هالصنف وصرنا نعرف
وانا ذكرت معلومات عنها تساعد بالتعرف عليها
طبعا مارح اقولك دافعي عن نفسك عند فلان اللي شوهت صورتك عنده لاسباب اولا لانك ممكن ماتدرين اصلا انه قالب عليك وكرهك او حقد عليك بسببها وانها لها يد لانها اخبث من انك تكتشفين لان الغيب اصلا مايعلمه الا الله فكيف بتعرفين
الا اذا انتي تعرفتي عليها وخابزتها وتعرفين ان لها يد هنا من حقك لو تبين ولو هالشخص غالي ويستاهل عادي وضحيله
اما يكون شخص سيء اصلا فطز فيه وفيها على قولهم اللي يسمع عنك ولايتاكد منك ويصدق فيك بدون مايرجعلك فطز فيه وفي اللي نقله كلام اثنينهم لايهمونك طالما تعرفين نفسك هذي احدى علامات الثقه في النفس والاعتزاز فيها
طيب كيف نتعامل مع هالنوع ونحرقه ونخلي السحر ينقلب على الساحر على قولتهم
هالنوع اساسا قلبه اسود بطبعه ويحسد ولايحب الخير لاحد مهما اظهر لازم تكون حذر منه
فأول ماتصير بينكم مشكله احرقوه النوع بالطناش ولاكأنه موجود ولاتردون حتى لو رد استفزازي اوضحكه
او كلمه جارحه لا ماينفع مع هالنوع لانه اساسا منشغل بالضجيج اللي بداخله هالنوع يكون بداخله شخص ثاني يتكلم ويحيك البلاوي والكوارث اللي بتكون ردة فعله على المشكله اللي هو اساساها او هو السبب فيها
فمارح يلاحظ أي كلمه او ضحكه منك فالافضل الطناش لانه يلاحظ الصمت والطناش فهو صامت خارجيا وصمتك مع صمته يولد تنافر فيبدا ينحرق وياكل في نفسه ورح تلاحظين تغير لون وجهه للاغمق او الاحمر
وممكن تنزل منه دموع ولازم تعرفين انها دموع ردة الفعل للي يصير من تفاعل داخله
مو الدموع اللي نعرفها
يعني اولا الطنااااااش للاخر ولاكأنه موجود ورح تلاحظين بعد هالسالفه احد الاشخاص قالب عليك مثل ماقلت لكم
لان هالنوع جبان مايواجه لكن حقود وكله شر فلا تأمننين لها ابدا مهما صفت عليك ومهما تحسنت علاقتكم خليك دايم سطحيه معها
وحذره لاتعطينها اسرارك ولاخصوصياتك ولا أي شي يخصك ابدا يعني سطحيه للاخر
الان ننتقل للصنف الثاني
2-كثيرة الصراخ ذات الصوت الحاد والعالي اللي يخترق كل طبقات الاذن هههههههه:
هالنوع عند حدوث مشكله معها رح تاخذك انتي والحضور بالصوت فهي تتبع قاعدة خذوهم بالصوت تغلبوهم
هالنوع لاتخافين منها لانها ذات قلب مايعرف الكره والحقد يعني تعاملي معها بردة فعل تشبه ردة فعلها
بس لازم يكون صوتك اعلى من صوتها يعني تقوم تشرشحك قدام الحريم كيف تتصرفين
حتى لو قلبها نظيف لازم ماتسكتين للاهانه
توقفين وتعلين صوتك مثل صوتها او اعلى يعني ماتجي الا بصوت عالي نفس طريقتها
ولاتسكتين خليك مثلها اردحيلها لين تهج وتسكت هذا هو العلاج المناسب لهالنوع
ولاتخافين هالنوع مامنه خوف لانه مجرد جعجعه وصوت حاد لكن لايحقد ولابيكرهك او يشيل عليك
وممكن مع تباعدكم ينتهي الموضوع عندها وتنساه
الصنف الثالث
3-ذات الصوت العالي اللي ماتنسى :
هالنوع تاخذك بالصوت نفس اللي قبلها بس للاسف هذي قلبها حقود وماينسى فلازم تكونين حذره منها
الرد عليها بطريقتين الاولى رفع الصوت مثلها وكسر صوتها ولاتخلينها تغلط عليك لان المؤمن القوي خير من المؤمن الضعيف والثانيه الحذر منها مثل الاولى وتسطحين العلاقه معاها مهما رجعتو حبايب
الصنف الاخير
4-الخبيثه:
ماقدرت الاقي تعبير يوصف هالنوعيه غير هالكلمه فهي خبيثه بكل ماتعنيه الكلمه وتحرض فلانه على فلانه
وتوقع بينهم والسبب غيرتها وحقدها مافي سبب ثاني فهي تغار والغيره عندها جنون
فلو تعرضتي لموقف مع هالخبيثه مالك الا تطنشينها دام الموضوع مايضرك فهي غايتها استفزازك ووضعك في موضع
الطماشه مثل مايقولون فلاتحققين لها مرادها خليك هااااديه مستمره في اللي كنت تسوينه وكأنك ماسمعتي اللي صار
هنا هي بتنحرق وبتولع نارررر وبتحرق نفسها بنفسها
فقط استمري في التطنيش فهي فعلا بنظرك غير موجوده
وكوني حذره منها استمتعي بجلساتك اللي تكونين مضطره فيها لوجودها وعيشي اللحظه بتجاهل تاااااااام لها
وبعد فتره بتلاقينها تبحث عن ضحيه اخرى لانها فشلت في تحطيمك او جعلك مسخره بأستفزازها لك
الان يااخوات بعد قرأتكم للموضوع بتحسون بسلبيه كبيره لكن للاسف هالاصناف موجوده ومضطرين نشوفهم على طول
ممكن تكون اخت او سلفه او اخت زوج او زوجة اخ او حماه فلو ماتعلمنا كيف نتعامل معاهم فللاسف ممكن تشب نار
وتصير مصايب احنا في غنى عنها ولاتنسون ان اول طريق للحل هو الاعتراف فلاعتراف بوجودهن هو اساس كل الحلول
وفي الاخير ابي احط نصايح مختصره لحاجات نواجهه بشكل شبه يومي في حياتنا
فلو واجهتي تلك الانسانه اللي تحب تتشمت فيك او في احد اطفالك او بزوجك او بأي شي يخصك وانتي تنقهرين منها
احب اقولك لاتنقهرين فالشماته ابتلاء وماتضر غير راعيها
اذكر مره كنت جالسه وقالتلي وحده وهي قريبتي من الدرجه الاولى تشمتت ببنتي انها ماتعرف تاكل وتحوس ونسيت انها طفله وطبيعي تحوس واصلا مالها شغل مايخصها وظلت كل ماتشوفني لازم تعلق ان بنتي ماتعرف تاكل وتمادت وصارت تعلق على كلامها انها ماتتكلم وليش كلامها ملخبط ونسيت برضه انها طفله وهالحرمه معروف عن اطفالها الفصاحه من عمر سنه ونص وهم يتكلمون وسنتين ونص فصاحه لكل مخارج الحروف وللاسف طفلها الاخير
اقسم بالله اني مادعيت عليها مع انها كل ماشفتني تعيد نفس كلامها ولاادري اش بقلبها هل هي قاصده او كثيرة كلام فقط
لكن قلت شي واحد حسبي الله ونعم الوكيل لانها غثتني وطفشتني وانا مابي نفسية طفلتي تتعب بسبب ناس جاهله
اللي حصل ان طفلها الاخير جاء طبق الاصل من تصرفات بنتي في الاكل حتى حركه عند بنتي كانت تسويه تمسح بسعابيلها على فمها فجاء ولدها يطبق كل اللي انتقدته في بنتي سبحان الله قسم بالله يوم اشوف ولدها كيف اخذ نسخه من طباع بنتي اني اقول سبحانه واتعجب
وحتى تاخر الكلام واللخبطه نفس بنتي بالضبط
فلاتخافون والاتشيلون هم الشامته خلوها لربها فهو كفيلها ورح تشوفون هالشي الدنيا دواره
نجي للمنتقده وهي تشبه الشامته بس على خفيف هذي كل ماتشوفك تنقدك هذي عاد اقصفي جبهتها برد مسكت
او اشدخلك!!
من اخذ رايك
او ماسألتك
ومن هالردود ونشوفكم بمواضيع اخرى قريبا ان شاءالله واذا عجبكم الموضوع قيموه من فوق عشان يتميز
64
15K

يلزم عليك تسجيل الدخول أولًا لكتابة تعليق.

تسجيل دخول

آم آلجـوري
آم آلجـوري
رفع
أخواني يابعد عيني
جزاك الله خير موضوع جدا رائع ولكن عندي ملاحظه بسيطه لو انك بحثتي في علم النفس وارفقتي بكل شخصيه اسمها العلمي وبعض صفاتها لكان افضل واشمل للموضع
سراب 2012
سراب 2012
ماشاءالله عليك كفيتي ووفيتي ربي يخليك
تسلمي ي قمر ع الموضوع الحلو
هللو كيتي
هللو كيتي
ماشالله عليك ليك نظرة حلوة في الناس

وجزاك الله خيراً
أم القائدين
أم القائدين
احب أضيف أن من عفى وأصلح فأجره على الله

حلو ان الانسان ما يفكر في الانتقام والرد على كل من يسيئ له خاصه المقربين لأن فيه ناس الان بيفهمون غلط وتفكر كل من تنصحها أو تعاتبها أنها خبيثة أو شماته أو أو أو بالعكس فيه ناس قلوبهم نظيفة ويحبون يعطونك ملاحظات علشان تعدلين من تصرفاتك