طيب ياعمري انتي الفرص قدامك قليله
ومو انتي اللي سعيتي بطلاقهم
ولا تسبقين الاحداث
انتي الان بين خيارين ياما تتراجعين وتقعدين العمر بلا زوج وبلا اطفال اوانك تتزوجين وتجربين حظك عاد اما ملكتيه وحدك او رجع طليقته ماتدرين وش بيصير
فاختاري الخيار اللي يكون اهون

الله يوفقك ويسعدك ويوجّهك لما فيه خير وصلاح لأمور دينك ودنياك..
من رأيي ..كثري استخارة .. وربِّي بييسر أمرك ..
لأني ألاحظ فترة طلاقه قصيرة .. والمفروض تبحثوا عن أسباب الطلاق من أطراف أخرى .. لا تسألوه هو ..
ياليت تسألوا عنه أشخاص قريبين لزوجته السابقة .. لأن عنده 3 أطفال يعني عشرة عمر مو بسيطة ..
ياليت أمك تسأل أمها عن هذا الشخص .. لأني أعرف وحده تطّلقت بنتها من رغبتها وعندها أطفال والزوج من أهل الخير والصلاح ولما اتصلت عليها وحده تسأل عن طليق بنتها .. ذكرته بالخير وقالت ..وهي قسمه ونصيب ..فقط .. مع العلم أن سبب الطلاق أم الزوج كانت شديدة جدا وأثارت مشاكل بينهم ..
أنتم تأكدوا أفضل لك وإن شاء الله بيرزقك ربي كل ما تتمنين .وتأكدي إذا كان هو نصيبك ..ربي بيجمع بينكم ..
الله ييسر أمرك ويسهّل عليك اتخاذ الرأي الصحيح.

اسعدتني ردودكم ياعزيزاتي الله يوفقكم ويسعدكم دنيا واخره احس انكم شجعتوني ورفعتوا معنوياتي كثير وقبل كذا كنت كثير محطمه وضايعه ياربي لك الحمد وبالنسبه للي تقول اسألوا عن اسباب طلاقه يابنات مين نسال مافيه والله واهل زوجته مانعرفهم ابدد حتى ساكنين في مدينه ثانيه وصعب والله وامي رافضه ذا الشي تقول محد بيعترف ان العيب فيه وكل واحد بيحط العيب في الثاني على ان خطيبي والله ماقال فيها شي بلعكس مسكر على موضوع طلاقه منها وبالنسه للي سألت عن الاطفال الولد الكبير راح يكون مع ابوه لانه كبير برابع وفيه بنتين بيكونون مع امهم لانهم صغار وماراح ياخذهم لحتي تتزوج امهم وبينهم اتفاق على كذا وانا والله موضوع الاطفال عادي عندي ومو شاغلني راح اخاف ربي فيهم وخصوصا اني احب الصغار ومافي مشكله من ذا الناحيه واللي تقول انتظري العزوبي والله مااظمن ذا العزوبي يجيني ماجاني غير واحد بس اللي ذكرته في موضوعي والباقيين معددين

والله مدري وش اقولك لكن الله يكتب لك الخير الي يريحك
خمسة شهور قصيرة والرجال بينه وبين زوجتة عشرة ماشاء الله ثلاثة اطفال
يعني عيش وملح 
طيب اسألوا من جهة زوجته وش اسباب الطلاق
اخاف بس يكون مندفع الحين ومتحمس عشان بس لسى طلق ويمكن اهله حرضوه انه يتزوج بسرعة 
ماتدرين وش الظروف

لكن اذا صار وتزوجتيه حطي في بالك انه ممكن يرجع زوجته ام عياله وبرضه حطي في بالك انه كل الناس بيشجعونه انه يرجع ام عياله ويربون عيالهم سوا
خلينا واقعيين يا عزيزتي ترى هذا الواقع محد يرضى يشوف العيال مشتتين بالعكس ممكن يشجعونه على هالفكرة ويرجعها

وممكن انه خلاص طابت الخواطر فعلا ولا عاد يبيها ولا عاد هي تبيه العلم عند الله وحده سبحانه

بنت عمي زيك عمرها بالثلاثين وجاها واحد بينه وبين زوجته مشاكل وصلت للمحاكم وطولة لسان وشئ مو طبيعي وحلف انه معد يبيها لأنها فشلته وطلعت اسراره عند خلق الله كلهم
موقف عمي انه قال للرجال رجع زوجتك ام عيالك لانه عنده 3 اطفال 
وقال خلاااص طاب خاطري ولعد ابيها 
بعدها باسبوع عمي رد عليه بالرفض قال استخرنا ولا ارتحنا

بعدها باربع شهور سمعنا انه رجع زوجته ام عياله وحامل ماشاء الله ورجعوا طبيعيين

عشان كذا يا عزيزتي انا ما أخوفك لأن محد بيدري وش بيصير في المستقبل الا الله وحده عز وجل

في المقابل فيه بنات تزوجوا مطلقين وماشاء الله مرتاحين طليقته الاولى تزوجت وخلفت وهو برضه تزوج وخلف والكل مرتاح

لذلك ياعزيزتي مالك الا الدعاء وانك تستخيرين علام الغيوب انه يقدر لك الشئ الي بيسعدك ويفرحك 

:confused::(