السلام عليكم ورحمة الله
رئيسي في الشغل الله يهديه سبب لي أزمة !!
احنا عندنا نظام إن مسموح للموظف يطلع إجازة حج مرة في عمره واهية مختلفة عن الإجازة السنوية..
أنا هالسنة خذت إجازة سنوية مدة شهر
ومع بداية رمضان قدمت لرئيسي طلب إجازة حج
واستدعاني وشرشحني قال ما يصير توج ماخذة إجازة (وكانت شهر 3 مب توها!! )
ولازم تخبرينا قبل بسنة!!
وأنا شدراني قبل سنة إن باحج السنة الجاية هاذي في علم الغيب!!
المهم أنا مأخرة وايد أشيا في حياتي وأولها الحمل علشان أحج هالسنة!
لأن مابي يكون عندي أكثر من يهال لما أحج وأخليهم عند أحد وأغربلهم معاهم.
أحين أقدر أروح خفيفة عندي ولد واحد بس الله يحفظه.
ومستحيرة وموكلة أمري لله وقاعدة أسوي إجراءات الحجز مع الحملة!
وكل شي ولله الحمد ميسر ومسهل ما عدا رئيسي واقف جدامي مادري شفيه!!
يقول إذا بتطلعين إجازة بينخصم من السنوية!!
وين حقي في إجازة الحج؟؟ وبأي حق يمنعني عنها؟؟
والله سبب لي هم وغم الله يهديه مب حااابة أحج وشايلة في قلبي عليه وقاعدة أدعي الله يهديه.
انتو شتشورون علي؟؟
أرجوكم ركزو في المشكلة ولحد يقول لي شلون رئيسج رجال :15:
يلزم عليك تسجيل الدخول أولًا لكتابة تعليق.
الله يعينك. صلي ركعتين وادعي في السجود اللهم اكفني ماأهمني او شر ماأهمني والله يفرجها عليك ًيسهل لك الخير
الصفحة الأخيرة
عطيتيهم خير خلاص هذا اللي عليك خل يخصموو من المال ادي فرضك وربي يعوضك
تدرين زوجي حجز للحجز يقول لي اذا م عطوني اجازه باخدها بدون راتب واذا م رضيو بقول لهم افصلوني
م عندي مشكله انا ابغى اكمل اخر فروضي واستعد للموت في اي لحظه
والحمد لله